رواية تلميذ الشيطان الفصل التاسع عشر 19 بقلم منة محمد

رواية تلميذ الشيطان الجزء التاسع عشر

رواية تلميذ الشيطان البارت التاسع عشر

رواية تلميذ الشيطان الحلقة التاسعة عشر

ياسين بص لامه: ماما اقدملك اروي الي سرقت قلبي واحتلت عقلي
عفاف هزت له بس دماغها بدون كلمه
ياسين تابع كلامه : اروي دي امي الي بحبها وبمـ وت فيها
اروي بتوتر وخوف: هقوم اجيب عصير
ياسين ميل ع بوسي بمزح: يظهر عمتك مكسوفه
بوسي رفعت كتافها بضحكه: معرفش
ياسين قفل وشه بطريقه مضحكه: متعرفيش
اروي طلعت حطت الصنيه وأأعدت متوتره
ياسين: عارفه يا ماما الحلوه دي خلت ابنك يعاني قد ايه كام مره اترجتها لحد ما حنت ع قلبي بعد ما اخيرا اتأكدت من حبي في النهايه ,وده يكفي بالنسبه لي
عفاف ساكته وبينها وبين نفسها….يعني من كل بنات العالم ابنها ميحبش الا دي
ياسين بصلها بتعجب وقال: هو انتي ليه ساكته كده قولي حاجه
عفاف بصوت هادي غريب: عايز اتكلم مع اروي ع انفراد
ياسين ضم حواجبه: ع انفراد
اروي قامت: اتفضلي
عفاف دخلت وأأعدت: عامله ايه
اروي: بخير
عفاف: الخير ده احنا مبقناش نعيش الا عكسه
اروي: انتي تعرفي نص الحقيقه بس
عفاف: انا عارفه كل الي حصل الجاني في حقك قاعد قدامي يبكي ليل مع نهار
اروي: ده مش هيوفي حقي والي حصل فيا
عفاف:معاكي حق بعد ما اعترف ع كل الي عمله معاكي مبقاش قادر يعيش من غير الندم والحسره والدموع ع كل ذنب عمله فيكي وده مخفش عنه العبئ ابدا
اروي : ده ذنب المظلوم يا هانم
عفاف: كونك قولتيلي يا هانم ده يحسسني انك مش هتتجوزي ياسين
اروي كرمشت وشها بستياء: ياسين الي طلع اخو الشيطان
عفاف اتنهدت: سبحان الله الدنيا دي غريبه , اخين يحبوا نفس البنت
اروي بحده وغضب: واحد بس التاني ميعرفش لو معني صغير للحب
عفاف: يابنتي اتعلم الدرس واتكـ سر واعترف بكل حاجه قدامي وندمان كتير ومكسوف من الي عمله
اروي بسخريه: حس قبل كده بالندم والخجل وبسبب كسوفه اتنازلت عن امور كتير
عفاف: بس هو بجد اتغير ودفع التمن غالي اوي فضل يعاني ويدور عليكي كتير عشان يتأسفلك يا اروي
اروي مسحت دمعة فرت من عينيها : لو فضل يعاني طول حياتة مش هسامحه ابدا ,قوليله كده انا سبت حقي ع الله
عفاف بدموع: وربنا سمع دعاكي عليه ،اقولك ايه لساني مش قادر , اقولك ان كرامتنا وشرفنا اتمرمغوا في الارض ،واخته اتعمل فيها نفس ما اتعمل فيكي
اروي: هاتي من الاخر وقولي انتي عايزه ايه
عفاف بتوسل ورجاء : انا مقدرش اطلب منك الا طلب واحد, انك تسيبي ياسين
اروي: انتي ليكي حق الرفض ،ليه مترفضيش بنفسك
عفاف: انا امه يابنتي مقدرش احطم قلبه ولا ممكن اوافق لاني مقدرش اخد سعاده ابني عشان اديها لـ ابني التاني ،كل الامور في ايدك دلوقت ممكن تساعديني بحق الله انقذي بيتي من الخراب
اروي: ما تروحي تقولي لياسين اخوه الكبير كان بيعمل ايه في البنات ،قوليله ازاي دمر حياتي
عفاف: ازاي اقوله ازاي هشام اخد عقاب قاسي وشديد , اروي ارحميني وزي ما خرجتي من حياه هشام اخرجي من حياه ياسين ،ارجوكي يا بنتي مستعده اوطي ابوس رجلك انا عارفه مليش معزه عندك بس مستعده اعمل اي حاجه حلفتك برحمه امك ارحمي ام يائسه ضعيفه قدامك وانقذي بيتي
اروي: حاضر الي انتي عايزه هو الي هيحصل
عفاف: شكرا ده كرم كبير منك ومتقوليش لياسين اي حاجه انا حلفتك برحمه امك
اروي سلمت عليها وعفاف شكرتها كتير
ياسين بصوت عالي من بره:ماما لسه مطولين بتعملوا ايه كل ده مش فاهم
عفاف وقفت: يله نطلع
اروي مسحت دموعها وعدلت من شكلها وطلعت وراها
ياسين بستفهام: ايه الي حصل؟
عفاف :ولا حاجه
ياسين بأجمل ابتسامه :ها ايه رآيك في اروي
عفاف بختصار: طيبه
ياسين: كنت عارف انها هتعجبك وبقول بما انك هنا ايه رايى ما نحدد ماد الفرح
اروي: انا لازم اخد رآي اخويا لازم يديني الموافقه
عفاف: عندك حق يا اروي لازم ناخد رآي الكبار اكيد
ياسين بهدوء: تمام زي ما تقوله , مفيش عندي اي اعتراض , خدي وقتك
عفاف قامت: اروي اهتمي بنفسك
…………….قصص منه محمد كاتب…………….
في بيت ياسين
ياسين قعد جنبها: قوليلي بصراحه ايه رآيك في اروي
عفاف: بنت طيبه
ياسين كشر: طيبه بس
عفاف: اقولك ايه غير كده
ياسين :ماما ليه البخل في انك تمدحيها اكتر من كده
عفاف: تمام ياحبيبي البنت عجبتني وانا حبيتها مبسوط
ياسين ضحك: ثانكيو بس انتي لازم تشكريني
عفاف بصتله: ع ايه
ياسين: حلتلك مشكله كبيرة
عفاف بصتله بخوف: مشكله ايه؟
ياين: سهلت عليكي البحث عن عروسه, بس بزمتك كنتي هتلاقي بنت بريئه وجميله زي اروي تبقي مراه ابنك بس مقولتليش انتي وهي اتكلمتوا في ايه
عفاف: مش في حاجه معينه كلام عام , انا عايزه امشي
ياسين: ع فين
عفاف: لبيتي يعني هيكون ع فين!
ياسن: ليه يا ماما انتي حتي مأكلتيش لحد دلوقت , خليكي معايا البلد هتعجبك
عفاف هزت دماغها برفض: لاء يابني عايزه ارجع البيت , هشام سافر اسكندريه وانا مشفتهوش من يومين , وعايزه اشوفه
ياسين اتعدل بزعل: اه يعني السبب هو ابنك الكبير , وانا ولا بمثل ليكي اي حاجه , اخويا هو اغلي واحد عندك
عفاف: شايف امك وحشه اوي كده
ياسين بتكشيره وشوية عصبية : اعملك ايه لو كنتي فعلا مهتمه بيا كنتي تفضلي معايا يومين
عفاف: انت عارف يا ياسين هشام هو نقطه ضعفي وطول ما هو بعيد عن عيني بيفضل قلبي واجعني لو غاب عني لحظه وده مش معناه اني مش بحبك الام بتحب كل ولادها حب واحد هو بس الموضوع ان فيه عيل منهم يبقي اغلي شويه وقريب لـ امه
ياسين بتفهم: انا عارف انك بتحبيه وعايزك تعرفي اني مش زعلان ده اخويا هجهز اوصلك
عفاف: لاء انا هسوق بنفسي خليك
ياسين: تمام كلي الاول وبعدين اتحركي
……………………..قصص منه محمد كاتب………………..
في العربيه
عفاف سرحت: يالله ايه الامتحان الصعب ده اعمل ايه من ناحيه ابني الكبير الي هيتجنن ويقابل اروي ويعتذرلها ويقولها عن حبه ليها……..ومن ناحيه تانيه ابني الصغير الي عايز يتجوزها بعد ما حبها هو كمان…..اقول ايه لهشام لما يسألأني عن عروسه اخوه ..يارب محدش يقدر يساعدني من المحنه دي غيرك معنديش الشجاعه اقول لياسين الحقيقه ولا عندي القدرة اقول لهشام
اثناء شرودها تلفونها رن ردت عليه من البلوتوث: ايوه ياهشام
هشام :ها خلصتي مقابله مع مراه ابنك
عفاف: ايوه
هشام :وايه رآيك فيها
عفاف: طيبه طمني عاملت ايه وانت فين دلوقت
هشام: انا تمام ولسه واصل البيت حالا
عفاف: عملت ايه في اسكندريه اتوفقت
هشام: الحمد لله تمت وطلع ع خير
عفاف: ماشي يابني انا هقفل دلوقت ولما ارجع عايزه اتكلم معاك في امر مهم متنمش استناني
هشام بتعجب :هو انتي راجعه دلوقت
عفاف: ايوه انا سايقه ع الطريق
هشام بعصبيه: وليه مقولتليش ابعتلك السواق , واصلا ليه راجعه دلوقت ،وايه الداعي تسوقي بالليل كنتي استني للصبح
عفاف: يابني مكنتش عايزه افضل هناك
هشام بقلق: ليه فيه حاجه حصلت ضايقتك
عفاف: لاء مفيش كل الامر اني عايزه اشوفك , وبعدين انا الي معلماكم السواقه ولا نسيت
هشام بضحكه: لاء فاكر, وان شاء الله توصلي بالسلامه وبكل خير انا مستنيكي
عفاف: مع السلامه يابني
هشام: مع الف سلامه يا امي
لكن للاسف عفاف رجعت شردت تاني في الموقف الصعب الي ربنا اراد يحطها فيه وفجأه بدون سابق انذار العربيه خرجت عن مسارها واتقلبت كذا مره