رواية تعافيت بك الفصل الثالث 3 بقلم أيات عاطف
رواية تعافيت بك الجزء الثالث
رواية تعافيت بك البارت الثالث
رواية تعافيت بك الحلقة الثالثة
-وحشتيني ي بنت الغاليه..!
ببص ع مصدر الصوت لقيتهاا خالتوا..!
خالتوا الي بقالي سنين ما شوفتهاش و معرفش عنهاا حاجه..!
لانهاا كانت مسافره مع جوزهاا الخليج و كناا بنتكلم كل فتره تتطمن علياا لحد ما جه فتره و بطلت تسأل علياا خالص وانقطعت اخبارهاا..!
بس اناا بجد مش مصدقه انهاا ظهرت تاني.،بجد هي كانت واحشاني اووي..!
فوقت من تفكيري ع صوتهاا وهي بتتكلم باشتياق..
-وحشتيني ي فيروز،وحشتيني ي حبيبتي..!
اناا بحب_وانتي كمان ي خالتوا وحشتيني اووي،بس كده ي خالتوا هونت عليكي ما تسأليش كل الفتره دي..!
اتكلمت بحزن بان في عيونهاا-حقك علياا ي فيرو ي حبيبتي تعالي نطلع بس البيت واناا هحكيلك ع كل حاجه..!
قولتلها ماشي و طلعناا البيت سواا واول ما دخلت من باب البيت ابتسمت و قالتلي..
-البيت لسه زي ماهو ما اتغيرش..!
ابتسمت_بصراحه اناا ما حبتش اني اغير حاجه فيه لأنه بيفكرني ب بابا و ماما و بعدين هو كده احلي..!
-ماشي ي حبيبتي..
_تعالي بقاا ي خالتوا اماا اوريكي اوضتك،غيري هدومك و عبال ما تخلصي اكون اناا حضرت الغدا ناكل سواا..!
دخلت خالتوا الاوضه الي هتقعد فيهاا واناا دخلت اوضتي غيرت هدومي و مسحت الميكب بتاعي و دخلت عشان اسأل خالتوا هتاكل ايه ع الغدا..
_خالتوا تحبي تاكلي ايه ع الغداا..؟!
لقيتهاا فضلت بصالي كتير و ابتسمت و قالت..
-هي دي فيروز الي اعرفهاا ..،فيروز الجميلة مش الي مستخبيه تحت قناع الميكب..!
ابتسمت بحزن_مش كل الناس زيك ي خالتوا.،يعني انتي ممكن تكوني شايفاني بنظره مختلفه لأنك زيي و عندك بهاق واناا اصلا ورثاه عنك..!
-بس انا مش بقول كده عشان أنتي عندك بهاق زيي ي فيروز اناا بقول كده لأنك جميلة فعلاا و تتحبي، لأنك جميلة قلبآ قبل ما تكوني جميلة شكلا..!
خلصت كلام واناا جريت عليهاا و حضنتهاا،قد ايه بجد كان واحشني حضنهاا لأنها بتفكرني ب ماما.،و لأني برضوا بقالي سنين ما جربتش الشعور ده..!
قومت من حضنهاا و بوست ايديهاا و قومت عشان احضرلنا الغدا..
اتغديناا اناا وهي وخلصناا أكل وهي قالتلي انهاا هتدخل ترتاح شويه،واناا فضلت قاعده ع موبايلي شويه..
وانا قاعده لقيت موبايلي بيرن، فببص لقيته خالد الي بيرن فكرت ارد عليه بس بعد كده قولت اني مش هرد عليه..!
قفلت الخط ف وشه ف فضل يرن لحد ما زهقت روحت قافله الفون خالص..،كان الجو ليل شويه ف قومت عملتلي آيس كوفي و دخلت البلكونه و شغلت اغنيه ل عبد الحليم حافظ و قعدت سرحت معاهاا..
“و في عز الأمان ضااع مني الأماان”..
بجد الاغنيه دي بتيجي ع الجرح اوي..،واناا قاعده سرحانه لقيت خالتوا شدت كرسي وجت قعدت جمبي و قالت..
-ايه ي فيرو سرحانه في ايه كده..؟!
اتنهدت بتعب_سرحانه في حياتي ي خالتوا..، اه قوليلي ي خالتوا انتي هتقعدي معايا علي طول ولا هتسافري تاني…؟!
-لا ي حبيبتي اناا هفضل معاكي هناا مش هسافر تاني.،لأني بصراحه مش هقدر اقعد في السعوديه هناك لوحدي بعد موت جوزي..،و عمر هيصفي حساباتو هناك وينزل يستقر هناا هو كمان..!
اتكلمت بحزن_اناا آسفه ي خالتوا اني فكرتك بموت عمو حسن..!
-لا ي حبيبتي ولا يهمك..!
-قوليلي انتي بقاا اخبارك ايه،مفيش حد في حياتك..؟!
ضحكت بسخريه_لا مفيش ي خالتوا..،كان في بس كان مشروع خطوبه فاشل كده و سيبناا بعض..!
-ليه بتقولي كده ي حبيبتي،سبتوا بعض ليه..؟!
كنت لسه هقولهاا انه سابني عشان عرف ان عندي كانسر بس سكت و ما رضتش اقولهاا عشان ما تقلقش علياا..!
_مفيش ي خالتوا مش شبه بعض بس عشان كده ما كملناش..!
ابتسمت بحب-ان شاء الله ربناا هيعوضك بالي يستاهلك و يصونك ي حبيبت خالتو…!
ابتسمت ليهاا و جيت عشان افتح موبايلي لقيت مسدجات كتير من خالد،لقيته باعت فويس ف جيت اسمعه و كان محتواه..
“فيروز اناا واقف تحت بيتك ولو ما نزلتيش ي فيروز عشان نتكلم اناا هطلعلك البيت”…!
ببص من البلكونه لقيت فعلا عربيته واقفه تحت..،اتحججت لخالتوا اني هنزل اجيب اي حاجه و دخلت غيرت هدومي و حطيت ميكب و نزلت…
كان واقف ساند ع العربيه بتاعته، ف اتكلمت..
انا بجمود_عايز ايه ي خالد…؟!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تعافيت بك)
