رواية العوض الفصل الأول 1 بقلم شروق حسام
رواية العوض الجزء الأول
رواية العوض البارت الأول
رواية العوض الحلقة الأولى
_”انا مش عايزة اتجوز”
_”يابنتي ده عريس مناسب ليكي ومهندس وأدب واخلاق وسمعته كويسة”
_”بس يا ماما انا مش عايزة اتجوز دلوقتي أنا عايزة اكمل الماجستير واشتغل وابني مستقبلي”
سعاد بنفاذ صبر “يابنتي ابوكي برا لو دخل هيطين عيشيتنا هي خطوبة ولو ماارتحتيش سيبيه المهم اجهزي بسرعة عشان العريس وأهله برا عشان يشوفوكي”
دخل عليهم ايمن وهو بيقول بحدة ” فيه ايه كل ده عشان الأستاذة تجهز”
روان بسرعة ” مفيش حاجة يابابا انا بجهز اهو وخارجة”
أيمن بصرامة “دقيقتين والاقيكي برا”
روان بدعاء “يارب صبرني”
…………..
_”أهلا أهلا بعروستنا الحلوة تعالي يا حبيبتي اقعدي جنبي”
رحت قعدت جنبها وام عريس الغفلة عمالة تتكلم كتير
_”بسم الله ما شاء الله زي القمر”
_”تسلمي يا طنط”
_”طنط ايه يا حبيبتي قولي لي يا ماما انتي هتكوني مرات ابني”
_”ان شاء الله”
مره واحده بابا قال “نسيب العرسان بقى يتكلموا مع بعض شويه”
_”احم ازيك”
_”بخير الحمد لله”
_”انا علي 30 مهندس معماري ماليش في الدنيا غير امي واخويا وبابا الله يرحمه مات من سنتين”
روان بصوت واطي “الله يرحمه”
_”يا رب عندي شقه صغيره على قدها في بيت العيله لو قبلتيني هتنوريها وتنوري حياتي”
_”مش مهم تعرفيني عن نفسك انا عارف كل حاجه عنك من عمي”
روان في نفسها ” مغرور هم كده كل المهندسين”
_”بس أنا مش …..”
قطعه كلامها دخول ايمن وهو بيقول “نقرا الفاتحه يا عرسان ولا ايه”
حسيت في كلامه بالتهديد ليا اللي هو هتوافقي يعني هتوافقي
لسه هتكلم وهرفض لقيت عريس الغفله رد “على بركه الله يا عمي نقرا الفاتحه ونتفق على الخطوبه”
شويه وقراوا الفاتحه وانا كنت حاسه ان انا متكتفه مش عارفه اعمل ايه لو رفضت بابا هيبهدلني وهيموتني ضرب ولو قبلت مش عارفه مصيري هيبقى ايه كنت قلت لهم قبلها اني هصلي استخاره الاول اتريقوا عليا
……………
بعد كام يوم فضل يكلمني فيهم وانا اساسا مش عايزه اكلمه ولا طايقاه بالذات بعد اخر موقف حصل ما بينا
_”علي انا مش محجبه فعشان لو طلبت مني اتحجب بعدين مش هقدر الموضوع مش سهل محتاج وقت عشان اتعود فاديني وقتي ما تضغطش عليا”
_”خدي الوقت اللي انت عايزاه براحتك انا مش هجبرك على حاجه انتي مش عايزاها”
بس لقيته بعدها بيومين بيكلمني وبيقول لي لازما تتحجبي وزعق لي بطريقه صعبة وانا اصلا مش عارفاه كويس ما بقلناش شهرين عشان يتحكم فيا كل التحكمات دي ويتعصب عليا
دايما بحس ان في حد قاعد جنبه وبيكرر هو كلامه ولما اجي اساله بينفي كل ده
قبل خطوبتنا بثلاث ايام ابو و ام مرات اخوه الكبير ماتوا عشان كده قلت له ناجل الخطوبه بس امه رفضت
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية العوض)
