رواية تراتيل الهوى الفصل السادس 6 بقلم ديانا ماريا

رواية تراتيل الهوى الجزء السادس

رواية تراتيل الهوى البارت السادس

رواية تراتيل الهوى الحلقة السادسة

الجزء السادس
عقدت سميحة حاجبيها بذهول: راحت مع واحد؟ راحت فين؟!!
أومأت الممرضة بمعنى أنها لا تعلم وذهبت بينما وقفت سميحة محتارة ماذا تفعل وأين يمكن أن تكون ذهبت سروة.
وضعت يدها على رأسها التي بدأت تؤلمها من شدة الأحداث التي تمر بها دون توقف، لم تجد حل غير أن تبحث عنها في المستشفى ربما ذهبت لمكان قريب مع ذلك المجهول التي قالت عنه الممرضة.
***********
لم يبقى أمام تاج غير أن يحمل حقيبته ويتجه للمطار حاول أثناء ذلك الوقت أن يتواصل مع روفان ولكنها لم ترد ثم أُغلق هاتفها، أخذ حقيبته واتجه بسيارته لمنزلها حتى يخبرها وجها لوجه قبل أن يسافر.
هبط بسرعة من سيارته وصعد لشقتها، حين رن الجرس لثالث مرة فتحت له روفان الباب.
قال تاج بعصبية: إيه يا روفان كل ده كنتِ فين؟ بحاول أتصل عليكِ من الصبح علشان أقولك خبر مهم.
ردت روفان بانزعاج: مالك يا تاج داخل عليا بزعيق؟
أنت عارف أنا كنت خارجة مع صحباتي ولما بخرج أعمل شوبينج بنسى نفسي الموبايل فصل مني ولسة راجعة البيت.
رفع تاج حاجبه ورد بنبرة غاضبة: وقبل ما يفصل شحن مشوفتيش عدد المكالمات اللي حاولت أتصل عليكِ فيها؟ مفكرتيش أني ممكن أقلق؟
زفرت روفان بملل قبل أن ترد: إيه يا تاج؟ كنت عايز إيه طيب؟
لم يعجب تاج نبرتها ولكنه رد ببرود: أنا مسافر مصر دلوقتي.
فغرت روفان فمها بدهشة: إيه! مصر دلوقتي! ليه؟
رد بجدية: خالي تعبان وفي المستشفى وماما محتجاني جنبها لازم أنزل بسرعة.
أومأت روفان برأسها ثم قالت بضيق: طيب والإجراءات النهائية للدكتوراه؟ هتعمل فيها إيه؟
أجاب تاج بصرامة: مش مهم الإجراءات دي حاجات بسيطة مش محتاجة وجودي المهم أني أرجع دلوقتي.
نظرت له بحزن: كنت تقولي كنت هنزل معاك لكن المشكلة أني اكتشفت أني باسبوري فيه مشكلة ومحتاج يتجدد من السفارة وده هياخد وقت.
دهش تاج لأنها لم تخبره بالأمر لكن لم يُعلق ثم حاول الابتسام لها: مش مهم، أنا هسبقك على مصر دي مسألة وقت مش أكتر.
ودعها وذهب في طريقه حتى يلحق بطائرته في وقتها.
*****************
احتارت سميحة ولم تعرف ماذا تفعل وحين تعبت من البحث عن سروة دون فائدة جلست على كرسي في ممر المستشفى تفكر بقلق وخوف عن مكان ذهابها، حاولت الإتصال على هاتفها ثم تذكرت أن سروة نسيت هاتفها في المنزل.
أسندت رأسها على يدها وهى تهمس بقلق: يا ترى روحتي فين يا بنتي إحنا ناقصين مصايب!
سمعت خطوات أقدام تقترب منها وشخص يقف أمامها.
قالت سروة بنبرة مبحوحة: عمتو.
رفعت سميحة نظراتها لها ونهضت بسرعة، قالت قلقة من مظهر سروة المتعب وعيونها الحمراء كأنها كانت تبكي بشدة: سروة أنتِ كنتِ فين؟
ظهر الارتباك على سروة: ك..كنت مع صاحبتي هى جت المستشفى لما عرفت أنه بابا تعبان تطمن عليه ومشيت.
عقدت سميحة حاجبيها باستغراب: صاحبتك مين؟ الممرضة قالتلي أنك مشيتي مع واحد.
شحب وجه سروة وقالت بتوتر: ها… واحد مين يا عمتو ده أخو صاحبتي كان… كان بس بيناديني علشان اكلمها لأنها استنيت برة المستشفى.
ثم تابعت بارتباك حين رأت نظرات سميحة المشككة: هى كانت تعبانة شوية مقدرتش تطلع و…وكمان هى بتكره المستشفيات أوي ومعدتها بتقلب منها علشان كدة أنا نزلت لها.
رغم إحساس سميحة بعدم صدق ما تقوله سروة وأنها بداخلها غير مقتنعة بما سمعته منها إلا أنها صمتت وقَبِلت تفسيرها للوقت الحالي فهناك ماهو أهم وحين يأتي الوقت المناسب سوف تعرف الحقيقة منها.
ذهبوا حتى يستريحوا قليلا في الاستراحة ثم يعودوا للاطمئنان على وضع نصير الصحي.
بعد مرور بعض الوقت رن هاتف سميحة فأجابت بلهفة: تاج، إيه يا حبيبي؟
قال تاج على عجل: أنتوا في أنهي مستشفى يا ماما؟
رددت سميحة ببلاهة: أنهي مستشفى إزاي يعني؟
زفر تاج بنفاذ صبر: المستشفى اللي فيها خالي أنا في التاكسي دلوقتي وعايز أعرف علشان اجي، أنا وصلت مصر من شوية.
ردت سميحة بصدمة: وصلت مصر! بالسرعة دي!
قال تاج بنبرة جدية: أيوا يا ماما أنا خدت أول طيارة زي ما قولتلك، فين مكان المستشفى؟
أملت عليه عنوان المستشفى سريعا قبل أن تنهض بحماس لعودته، يتملكها الشوق لأن تراه بعد غياب طويل.
نظرت لسروة الشاردة أمامها كأنها ليست معها في هذه الغرفة أو العالم كله وتنهدت بحزن.
وصل تاج بعد قليل وصعد إليهم، استقبلته سميحة بفرحة
كبيرة وقد ألقت بنفسها في أحضانه، وعانقها تاج بشوق مماثل.
طفرت الدموع من عيون سميحة وقالت بنبرة باكية مملوءة بالحنان: وحشتني أوي يا تاج كل تاج بعيد عن حضني وعيني.
رد تاج بتأثر: وأنتِ كمان وحشتيني أوي يا ماما، أنا رجعت خلاص.
ظلا فترة على هذه الحال قبل أن تبتعد عنه وهى تمسح دموعها وتنظر له نظرات مليئة بالفخر: أنا فخورة بيك وبكل اللي وصلت له يا تاج، بقيت دكتور تاج الدين.
أبتسم لها بحب قبل أن يقول بتساؤل: أمال سروة فين ياماما؟
توترت والدته من سيرة سروة واصطنعت ابتسامة: جوا في الأوضة قاعدة ترتاح شوية تعالى سلم عليها.
دلفت غرفة الإستراحة ليتجمدا مكانهما مما رأوه أمامهم.
كانت سروة ممددة على الأرض فاقدة للوعي والدم يشكل بركة صغيرة تحتها.
صرخت عمتها بجزع : سروة!