رواية بنت الملك ثروان الفصل العاشر 10 بقلم نورهان ثروت

رواية بنت الملك ثروان الجزء العاشر

رواية بنت الملك ثروان البارت العاشر

رواية بنت الملك ثروان الحلقة العاشرة

يجلس الملك ثروان علي الفراش وهو ينظر بحب لتلك الملامح وقال هو بيلعب في شعرها :أمتي هتفوقي انا حساس اني هموت من غيرك يلا بقي فوقي كفايه نوم بقالك كتير اووووي نايمه وحشني عيونك وكلامك وهزارك معايا يا يارا كفايه اني خسرت واحده فيكم مش هقدر اخسرك بصي انا هخرج دلوقتي عشان عندي شغل اول ما هرجع هجي اقاعد معاكي يارب لما ارجع تكوني كويسه وتفوقي من الغيبوبة دي
خرج الملك ثروان من الغرفه وهو حزين علي كل شئ يحدث لهم هو وابنته وزوجته
تنهد الملك ثروان بحزن وقال بهمس :روفان توصل للغرفه واكيد كل حاجه هتتغير
……………………………
واقفت روفان ونبراسئيل أمام الغابه السوداء روفان نظرت حوالها وقالت لها بخوف وفضول:هو ازاي مفيش فيها أي نور كد بص الضلمه مسيطر علي المكان مع اننا الصبح
نظر لها نبراسئيل بهدوء وقال:عشان كد اسمها الغابه السوداء عايز اقولك أنها غابه خطيره جدااا ولازم ناخد بالنا كويس واول ما ندخل عايزك متبعديش عني نهايي
اؤمات له روفان بتفهم وقالت :تعرف أن أول مره اعرف ان في حاجه اسمها كد في عالم البشر ولا حتي اعرف احنا في انهي دوله لان متاكده أن الغابه دي مش في مصر
اؤما نبراسئيل تاكيد على حديثها وقال بهدوء:دي حقيقه الغابه دي مش في مصر احنا في غرب ألمانيا
نظرت له روفان وقالت بتساؤل:امممممم تعرف أن كان نفسي اروح المانيا جدااا بس المهم هي ليه مفيش فيها نور
ابتسم نبراسئيل بهدوء وقال :عارف ان كان نفسك تيجي المانيا وتروحي كوريا وكم دوله تانيه المهم هي كد لان في اشجار كتير جدااا دا بيخلي الشمس متدخلش في الغابه وبيكون الظلام مسيطر علي المكان اكتر من كد بليل بمعني لو انتي قادره تشوفي حاجه دلوقتي بليل مستحيل تشوفي اي حاجه
نظرت له روفان بصدمه وقالت : هو هيبقي في سواد اكتر من كد طب يلا بقي ندخل نشوف هنعمل اي بسرعه قبل ما الليل يجي
نبراسئيل :حاضر يلا ادخلي
ابتسمت روفان وقالت بمرح مزيف:اه ياخبيث انت خايف عشان كد بتقولي انا اللي ادخل الاول عشان لو في مصيبه يبقي طريق السلامه ياروفان لا ياسطا اتفضل ادخل انت
ابتسم نبراسئيل وقال بجديه مزيفه :لا ابدا انتي الاول عشان اي مصيبه أو حيوان يجي في وشك انتي
نظرت لها روفان بخوف وقالت:نبراس هو في حيوانات هنا
نظر لها نبراسئيل بستغراب وقال:اي نبراس دي واكيد في حيوانات انتي في غابه وكمان من أخطر الغابات دا طبيعي يكون في حيوانات هنا شبهك كد
نظرت له روفان بتركيز وقالت بشر :تقصد اي بي شبهي يابن هتان
نبراسئيل :اقصد انك حيوانه يا ريري
روفان بغضب :اهو انت اللي ستين حيوان يارخم واي ياخويا الاسم دا ريري
ابتسم نبراسئيل وقال بستفزاز:انا مش اخوكي وغير كد بدلعك يا ريري مش انتي بتقوليلي نبراس
نظرت له روفان وقالت بضيق:احنا فين من كد يابن هتان ماشي اصبر عليا
نبراسئيل:هو اي اللي كل شويه ابن هتان ابن هتان هي شتيمه
روفان :ملكش
قطع حديث روفان صوت طائر يقف علي كتف نبراسئيل وقال
ببغاء : انتم هتفضلوا تتخانقوا الليل قرب يجي
نظرت له روفان بصدمه وخوف:اي دا طلع منين دا وهو ازاي بيتكلم كد عادي
ابتسم نبراسئيل وقال :نسيت اعرفك معلش بقي دا سيد الببغاء بتاعي اكتر طائر بحبه وهو بيتكلم عادي مش بيقلد بس وخدي بالك لو سيد حبك هيحب يهزار معاكي
روفان :لا يحبني ولا أحبه يلا بينا نمشي عشان نخلص من اليوم دا
نبراسئيل :يلا سيد انت عارف هتعمل اي
روفان بفضول :عندي فضول والله معلش يااخ سيد هو انت اسمك نبراسئيل وكل الاسماء اللي موجود في العالم عندك غريبه ليه سميت الببغاء سيد
نبراسئيل: عشان أنا أساسا جبت الببغاء دا من عالم البشر اول مره روحت فيها لعالم دا وحبيت يكون لي اسم من اسماء البشر
نظرت روفان حوالها بصدمه وقالت: نبراسئيل الببغاء اختفاء
رتب نبراسئيل على كتفها وقال:هو بيظهر لحظه و بيختفي علي طول مش بيطول وخصوص لو في عالم البشر ويلا كفايه كلام خلينا ندخل
روفان :ياعم مااحنا دخلنا اهو هنروح فين بظبط
نظر نبراسئيل حواله بتركيز ثم نظر لخريطه وقال :الخريطه فيها سهم بيشاور للممر اللي هناك دا
نظرت روفان للممر بخوف وقالت: نبراسئيل شكل الممر يخوف بلاش ما تيجي نرجع ياعم انا مش عارفه اي حاجه ومش عايزه اعرف نهائي خلينا نمشي
ابتسم نبراسئيل بسخريه وقال :اومال فين اللي مش بتخاف وقلبها ميته ما تنجزي يابت
روفان بشجاعه مزيفه : هي بقت كد تمام اووووي علي فكره انا مش خايفه حتي بص انا همشي الاول
ابتسم نبراسئيل وقال بتحدي :خلاص خدي الخريطه وامشي يلا انا هرجع لعالم بتاعي
نظرت له روفان بصدمه وقالت :هي بقت كد غور يلا انا همشي مش محتاجه ليك علي فكره
ابتعد نبراسئيل عنها وقال بصوت مرتفعه:تمام سلام
نظرت له روفان بصدمه وقالت بهمس:نهار ازرق هو هيمشي بجد اي اللي انا عملتوا دا المكان مرعب انا ناقصه
نظرت روفان للمكان بخوف تسير ببطئ شديد إلي أن شعرت أن الأرض تتحرك
نظرت روفان لارض بصدمه:الأرض بتتحرك يانهار ازرق نبراسئيل نبراسئيل بالله عليك تعال انا خايفه
ركضت روفان بخوف شديد وهي تنظر وراءها بخوف تحاول ان لا تسقط واقفت عندما سمعت صوت نبراسئيل يقول :ياجبانه تعالي
ركضت روفان وعانقته بقوه وقالت ببكاء : الأرض بتتحرك والله انا حسيت بيها خلينا نمشي من هنا انا خايفه
رتب نبراسئيل على كتفها وقال :بس بس بتعيطي ليه مفيش حاجه خلاص متخافيش انا هنا مش همشي
نظرت له روفان بخوف وقالت ببكاء :بجد مش هتمشي انا خايفه متسبنيش
ابتسم نبراسئيل بهدوء :ليا شروط عشان افضل هنا
ابتعدت روفان عنه بخجل وقالت وهي تنظر لارض :شروط اي
نبراسئيل :واحد اسمي سي نبراسئيل اتنين
نظرت له روفان بستغرب وقالت :اصبر بس اي سي نبراسئيل دي هو بعد دي في كلام تاني
ابتسم نبراسئيل وقال بجديه :مش عجبك امشي
تنهدت روفان بغيظ وقالت :لا طبعا عجبني اتفضل كمل يانبراسئيل
نبراسئيل:اسمي سي نبراسئيل تاني شرط طول الطريق تفضلي ساكته مش عايز اسمع ليكي صوت فاهمه
نظرت له روفان بعيظ وقالت:حاضر هتنيل اسكت المهم يلا نمشي من زفت الممر دا
نبراسئيل بهدوء: يلا وخدي بالك لان الطريق دا في اكتر من ثعبان وكل واحد فيهم بيكون اخطر من التاني غير الحيوانات التانيه
نظرت له روفان بصدمه:نهار ابيض روح يشيخ ربنا يطمنك زي ما طمنت قلبي
تسير روفان بجانب نبراسئيل وهي تنظر في كل مكان بخوف شديد إلي أن شعرت بشئ يسير علي اقدامها نظرت بخوف لاسفل شعرت بالدغه ثعبان روفان بالم وصريخ: نبراسئيل الحقني التعبان
نظر لها نبراسئيل بقلق وقال:في أي انتي كويسه
نظرت روفان لاقدامها وقالت بالم وبكاء:ثعبان لدغني
نظر نبراسئيل لاسفل وقال وهو يحاول يطمئنها: بس متخافيش اهدي حاولي تاخدي نفسك متخافيش الثعبان مات بعد ما لدغك
جلست روفان على الارض وهي تمسك اقدامها بالم وقالت :الحقني انا هموت صح في وجع شديد في رجلي
نبراسئيل وهو بيحرك أيده علي مكان اللدغه:كد السم خرج من جسمك بس هيكون في اثر اللي هو تعب وكل دا وممكن رجلك تورم فا تعالي نروح نقاعد في مكان بعيد عن هنا لحد ما تحسي بتحسن
حاولت روفان تنهض اكثر من مره لكنها لا تستطيع نظرت لنبراسئيل وقالت :مش قادره اتحرك انا حسه بوجع شديد جداا
امسك نبراسئيل يدها وقال : طبيعي تحسي بوجع دا انا بس طردت السم من جسمك لكن الوجع والتعب هيفضل موجود اسندي عليا
نظرت له روفان بتعب:فضلت تقولي خلي بالك خلي بالك في حيوانات وزفت لحد ما دا حصل ليه متلدغكش انت
نظر له نبراسئيل بضيق وقال بسخريه :يمكن سبحان الله يعني عشان أنا اصلا جن
نظرت له روفان بتفكير:تصدق صح طب سيبك من كل دا احنا هنروح فين
نظر نبراسئيل امامه بتركيز وقال:انا شايف كوخ هناك اهو هنروح نقاعد هناك لحد ما تكوني احسن
بعد مرور ربع ساعه تجلس روفان بتعب وهي تنظر لكل ركن في الكوخ قالت بعدم وعي و ببكاء: مش تسيبني انا مليش غيرك لا عشان خاطري ابعدو عنها لا لا سبوني
نظر له نبراسئيل بخوف :انتي كويسه في أي اهدي اهدي انا معاكي مفيش حاجه مش هسيبك اهدي روفان
نظرت له روفان برعب وقالت بهلوسه:لا لا ابعدو عنها طب خدوني معاها مش هقدر اعيش من غيرها متسبنيش هموت من غيرك
بعد تلك الكلمات بدأت روفان تفقد الواعي كانت لا تسمع شئ الا صوت نبراسئيل وهو ينادي باسمها
…………………………….
عند الملك رئبال كان يقف أمام النافذة وهو يفكر في تصرفات الملكه هتان
اقتربت الملكه هتان من الملك :ممكن اعرف مالك انت لسه مديق من اللي حصل تحت
نظر لها الملك رئبال بهدوء:هو طبيعي اللي انتي عملتي تحت من وقت ما عرفتي أن نبراسئيل بيحب البنت دي وانتي بتتصرفي تصرفات غريبه
نظرت له الملكه هتان وقالت بكرهه:لان انا مبحبش البت دي وكان هيكون افضل لو حب اماتا لأنها فيها كل الصفات الي تخليها ملكه علي المملكه مش واحده احنا اصلا منعرفش هي اي أنس ولا جن ولا ساحره ولا اي بظبط غير أنها اصلا متعرفش اي حاجه عن العالم بتاعنا
نظر لها الملك رئبال بصدمه وقال:انتي فاكره أن كلامك دا صح انتي ازاي اصلا بتفكري كد انتي عارفه كويس أن روفان اكيد هتكون ليها قوه كبيره يمكن يكون عندها قدرات اكتر من اماتا ولا انتي اصلا عايزه اماتا اللي تكون الملكه عشان اصلا اماتا متعرفش حاجه عن المملكه ولا هتعرف تتصرف مع نبراسئيل عشان كد انتي هتفضلي تحكمي المملكه حتي واماتا موجوده.
نظرت له الملكه هتان ببرود :اه عايزه كد لان انا عملت المستحيل عشان اكون الملكه تيجي روفان تاخد المملكه ونبراسئيل من غير اي تعب ليه بقي
فتح الملك رئبال الباب وقال : انتي بجد مش طبيعيه اي التفكير دا من أمتي وانتي بتفكري كد اقولك انا هسيب المكان كله ليكي يا ملكه خلي المملكه تنفعك
ثم اغلق الباب بقوه نظرت الملكه هتان لباب ثم قالت بهمس :برده أنا مش هسيب روفان تكون الملكه هعمل المستحيل عشان اخليها تبعد عن هنا
غادرت الملكه هتان الغرفه وهي لا تعرف أن يوجد شخص سمع حديثها مع الملك وقرار أنه …..