رواية بلوتي القمر الفصل العاشر 10 بقلم لؤلؤه محمد
رواية بلوتي القمر الجزء العاشر
رواية بلوتي القمر البارت العاشر
رواية بلوتي القمر الحلقة العاشرة
ممكن افهم بقى بأي صفه حضرتك تطردها
أحمد/ هي هناء عيطت جامد ؟
ملك/ 😳😳 هو ده كل اللي لفت نظرك في كلامي ده كله
أحمد/ ملك مش بهزر هي هناء عيطت جامد بجد يعني زمانها زعلانه مني ومتضايقه ؟
ملك/ بخبث وتضييق عين وانت مالك مهتم أوي كده
أحمد بلغبطه / لا مهتم ولا حاجه هي حره وبعدين غلطت وخدت جزاءها وولا كلمه تانيه في الموضوع ده انا هدخل أغير وانتي جهزي الأكل يلا ودخل بسرعه قبل ماترد
ملك/ أقطع دراعي لو مكنتش بتحبها 🙂
بقلم أمل محمد(لؤلؤه)
دخل اوضته وفضل قاعد شويه بيفكر في هناء / هو انا قسيت عليها كده ليه عندها ملك هي ليها زيي بالظبط في الشركه انا ايه اللي ضايقني لما شوفت ابتسامة مصطفى ليها أكيد بنت عمي وليا حق اغير عليها برضه وقام غير وطلع عشان ياكل لقى باباه ومامته رجعوا من بره / ايه يا بابا مستنتش ليه كنت جيت معاكم سلمت على ولاد عمي عبده
باباه/ ملك قالت إنها كانت عاوزه تسلم على بتول هي وهناء وكمان حسام هيروح يسلم على شعيب وقصي فقولت تروحوا مع بعض بقى يلا نتعشا بقى وندخل ننام عشان خلاص بنام على نفسي وقاموا اتعشوا ودخلوا ناموا
تاني يوم ملك بتكلم هناء في الفون/ ايه يانؤه هنروح بعد المغرب بإذن الله انا وانتي وحسام وأحمد
هناء/ ماشي يالوكه تمام سلام بقى دلوقتي عشان هروح أصلي الجمعه في المسجد
ملك/ ايه ده ومن امتى وانتي بتصلي الجمعه في المسجد ما انتي طول عمرك بتقولي صلاة النساء أفضل في المنزل
هناء بلغبطه/ هاااه ماهو يعني حابه أقرب من ربنا اكتر سلام يلا سلام وقفلت من غير ماتسمع رد ملك وخرجت وهي لابسه دريس اسود وخمار وكوتش وشنطه بيچ / يلا ياحسحس
حسام/ يلا ايه
هناء/ مش انت هتصلي الجمعه في مسجد عمر ابن الخطاب
حسام/ ايوه
هناء / طب يلا هروح أصلي معاك الجمعه
حسام/ تمام يلا وراحوا المسجد وبدأت هناء تنتبه للصوت كويس جدا وكانت فرحانه اوي انها سامعاه وهو بيخطب وصوت الإمام الجميل اللي خطف قلبها وفضلت تستمعله بانتباه كويس جدا وهو بيتكلم عن الصلاه وفضلها وعن حكم تاركها وهي كانت بس مركزه في جمال الصوت اللي فتنها من غير حتى ماتعرف صاحب الصوت ده خلصت الصلاه وقامت هناء بسرعه عشان تشوف الإمام وخرجت وهي بتجري بسرعه وفجأه خبطت في حد وقعت / ااااااه يانفوخي يانا ياما مش تفتح يا اخ والا انت ماشي تخبط في خلق الله
الشخص/ يا أنسه حضرتك اللي كنتي بتجري
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلوتي القمر)
