رواية بلد احلامي الفصل التاسع 9 بقلم جنا ابراهيم

رواية بلد احلامي البارت التاسع

رواية بلد احلامي الجزء التاسع

رواية بلد احلامي الحلقة التاسعة

*حكايه مجهول*
«لينا»
بس انا معتقدش ان جين ممكن يبقا قاتل..اتخضيت لما لقيت حد حط ايده علي كتفي لفيت بخضه….
جين:
-في اي شفتي عفريت
قولتله:
-ياريت…انت اي الي ممشيك ورايا
جين قالي بملل:
-بصي امشي ورايا وخلاص ومتكلميش عشان لو اتكلمتي هتباتي في الشارع بجد
قررت اني امشي معاه وخلاص بعد ما فكرت اني فعلا ممكن ابات في الشارع
جين لف ومشي وانا مشيت وراه
وانا ساكته….كما توقعت رجعنا بيتو تاني
جين قالي:
-بصي انتي هتباتي في اوضه الضيوف ومش عايز اسمع صوتك ولا احس بوجدك في البيت تمام لحد منشوف هترجعي ازاي…وخدي الفلوس دي وانا كلمتلك سوهي هتبقا تاخدك بكره وتروحو تشترو هدوم بدل ما انتي بالبجامه كده
جين سبني ودخل اوضته…وانا دخلت اوضه الضيوف…وكنت تعبانه ف نمت
*في مصر*
«جنه»
روحت البيت بعد ما قلت لوالده لين ان لين هتبات عندي الاسبوع دا عشان هتسافر خلاص ومش هشوفها… ومع اني كنت مقدمه معاها علي المنحه بس مجاليش اتصال لحد دلوقتي ف توقعت كده اني متقبلتش….كان نفسي اتقبل واسافر معاها بس يلا مفيش نصيب…قعدت علي السرير وفكرت في كل الاحداث الي حصلت في الكام يوم دول
*علي الجانب الآخر في كوريا الجنوبيه*
«مجهول»
كنت قاعد وانا بضحك وظاهر قدامي شاشه وبتعرض عليا كل الاحداث الي حصلت من كام يوم….يمكن خطتي فشلت بس هستخدم الي حصل بالغلط لصالحي…رميت لعنه علي جلده الكتاب و عشان احط التطش بتاعي رميت لعنه علي غلاف الهدايا بس الي حصل بعد كده فاجأني واكتشفت بعد كده ان اللعنه الي رميتها علي غلاف الهدايا عكست كل اللعنه…وكلو بسبب الراجل الي اتفقت معاه انو هيبيع الحجات دي ل جيمين..لأن الراجل دا غير في لعنه الغلاف من غير ما يقولي وانا مكنتش عرفت دا غير بعد ما البنت ظهرت ل جين….وبالتالي اللعنه الي اتعكست غيرت اللعنه الي علي جلده الكتاب….بس بما ان الي حصل.. حصل خلاص قررت اني استغل البنت الي ظهرت من خلال الكتاب… هدفي كان اني اقتل جين بعد الي عمله ف اختي….من الرغم اني كنت شفيت غليلي قبل كده…كنت متوقع انو ينتحر بعد ما كسرته وخليته يعيش في اكتئاب لمده سنه…. بس الي حصل كان عكس كده…لأنه رجع وقف علي رجليه وبقا كاتب روايات مشهور…..وكلو بسببي انا…احداث الروايه الي هو كتبها…كلها حصلت بسببي انا…انا الي عملت الاحداث دي عشان يموت بقهره بس بدل كده بقا شخص مشهور والي روايته انتشرت ف وقت قصير جدا….عرفت انو بيحب زميلته في الجامعه وبيكتبلها كتاب مخصوص…. قررت استخدم الي بيكتبه ل صالحي ورميت علي جلده الكتاب الي جيمين جبها لعنه تخلي كل حاجه بيكتبها في الكتاب حقيقي…..ولأني عارف وكنت متأكد انو الكتاب الي هيكتبو هيبقا عباره عن حد هيعيش مأساه كبيره مليانه بمشاكل وجرايم قتل كتيره لحد ما تيجي بنت تنورله حياته وتبقا هي مصدر السعاده ليه….. وطبعا انا الي زرعت الفكره في دماغه….من الرغم ان اللعنه كانت عباره ان كل حاجه هيكتبها في الكتاب هتحصل معاه في الواقع بس اي شئ مكتوب في الكتاب هيسعده مش هيحصل في الواقع….بس للأسف اللعنه اتعكست والجزء السعيد الي كان في الكتاب هو الي هيبقا واقعي… وفعلا كانت ظهرت البنت الي هتغير حياته بس انا هستغلها وهخليها فعلا تغير حياته بس للأسوء
«لينا»
صحيت مخضوضه…..لأني حلمت ان جين بيقتلني بالمسدس الي معاه…فوقت ونفضت الافكار من دماغي… طلعت من الاوضه عشان اجيب ميه وبصيت علي اوضه جين وانا بفكر يمكن الحلم دا اشاره انو فعلا قاتل ولا انا حلمت كده من كتر التفكير في الموضوع…قاطع تفكيري جين وهو طالع من الاوضه
جين:
-صباح الخير
قولتله:
-صباح النور
جين قالي وهو بيبص في تليفونه:
-الساعه تلاته هتطلعي تروحي مع سوهي عشان تجيبي هدوم وانا فهمتها انك قريبتي وانك اتسرقتي ب شنطه هدومك بكل حاجه عشان كده معندكيش حاجه تلبسيها تمام…..خدي بالك ومتغلطيش في الكلام ولا تجيبي سيره الكتاب قدامها تمام
جين سابني ودخل المطبخ من قبل ما رد عليه…مهتمتش وخدت تليفونه الي سابه علي الترابيزه ودخلت اوضتي….فتحت التليفون واتصلت علي جنه كذا مره بس مردتش خمنت ان هي تقريبا لسه نايمه…. طلعت من الاوضه وانا بنادي علي جين وبقوله:
-انا عايزه تليفون وخط
جين بصلي وحسيت انو مش طايقني وسابني ودخل اوضته وطلع وهو معاه فلوس وقالي وهو بيديني الفلوس:
-خدي الفلوس اهي وبزياده واشتريلك تليفون وياريت تدوري علي شغل مش هصرف عليكي انا
قولتله وانا باخد الفلوس:
-تمام ان شاء الله
«جين»
مش عارف هنفضل كده لحد امتي عقلي لحد دلوقتي مش قادر يستوعب ان كل دا حصل من كتاب…سبت لين بعد ما اديتها الفلوس وخدت تليفوني ونزلت من البيت وخدت تاكسي عشان اروح ل جيمين…وصلت وخبطت علي الباب بس الي فتحلي مكنش جيمين…
*في مصر*
«جنه»
كنت قاعده بشرب شاي وبتفرج علي التلفزيون بس القناه اتغيرت والقنوات بقت بتتغير لوحدها وظهر قدامي مشهد ل لين بتمشي في الشارع بالبجامه وبتكلم نفسها بعدين في حد جه وراها وحط ايده علي كتفها واتكلم معاها بس مكنش في صوت ظاهر وفجأه القناه رجعت تاني….مفروض اني اتوقع اي حاجه تحصل…بس الي ظهر مع لين دا مين ممكن يكون جين…وليه اصلا ظهرلي المشهد دا؟؟