رواية بعد الفراق الفصل التاسع 9 بقلم نور عصام
رواية بعد الفراق الجزء التاسع
رواية بعد الفراق البارت التاسع
رواية بعد الفراق الحلقة التاسعة
ديما. شافت ماجد انصدمت ورجعت لورا وعقلها مش قادر يستوعب هو فعلا ولا لأ
سلمي. بعد دخلو سيف وراها قالت اسفه يا فندم حضرتك عارف سيف ضد الابواب المغلقه وميصدق باب يتفتح
زين. هههههه خلاص وروحي انتي وفعلا خرجت
ماجد. بصله وابتسم ومال عليه وشاله والغريب ان الولد سكت
زين. غريبه
ماجد. ايه هي
زين. ان سيف معيطش معاك دا مستحيل يروح لاي حد مش عرفه وعلطول يعمل دوشه ومولد لو حد قرب منه وهوميعرفوش
ماجد. هههههه ومال عليه وحضنه وشم ريحته وقال الله ايه الريحه الحلوه دي وباسه كذا مره ورا بعض
زين. تعرف انو يشبهك شويه
ماجد. بصله وسكت
برا عند ديما
سلمي. مالك يابنتي فيكي ايه
ديما. مش بترد
سلمي. ديما مالك انتي تعبانه ولا ايه
ديما. هاا ابدا
سلمي. اومال عامله كدا ليه وشك مخطوف كدا وكانك شوفتي عفريت ليه دا كله
ديما. ابدا وبعدين قالت هو مين اللي جوا دا
سلمي. مش عرفه وزين اتصل عليها وقالها تدخل ديما وعبدالرحمن قالت حاضر يا فندم
عبد الرحمن. وصل
سلمي. كويس يا استاذ عبدالرحمن جيت ف وقت
عبدالرحمن. خير بس
سلمي. استاذ زين عاوزك انته وديما ضروري
عبدالرحمن. طيب يلا
ديما. معلش يا استاذ عبدالرحمن اتفضل انته وانا دقيقتين وجايه وراك وفعلا دخل بقلم نور عصام
سلمي. رايحه فين
ديما. هشوف مدام سميره دقيقه وجايه وجريت من قدامها
سلمي. مدام سميره ليييه
ديما. راحت عند سميره وقالت ازيك يا مدام سميره
سميره. ببتسامه اهلا ديما عامله ايه وسيف
ديما. الحمد لله بس كنت عاوزه منك خدمه
سميره. أاموري يا حبيبتي
ديما. نقابك
سميره. ايه
ديما. النقاب بتاعك عاوزه شويه كدا واوعي ترفضي
سميره. مش فاهمه وبصتلها قوي
ديما. معلش اقلعي بس النقباب شويه وحطي طرف الطرحه بتاعتك علي وشك خمس دقائق بس صدقيني مش هتأخر
سميره. يابنتي اهدي ليه دا كله
ديما. بتقرب منها علشان تقلعهولها
سميره. يابت اوعي انتي اتجننتي
ديما. باستها وقالت علشان خاطري
سميره. طيب اهدي انا معايا واحد تاني ف شنطتي دايما بشيله علشان وقت استراحه الغدا وكدا لو حصل حاجه يبقي معايا واحد نضيف
ديما. باستها وقالت حبيبتي يا سوسو يلا هاتيه
سميره. خدي بس انا عاوزه افهم
ديما. اخدته وقالت بعدين بعدين وجريت من قدامها ولبسته وهي ماشيه علي طرحتها
سلمي. اول ما شافتها شهقت وقالت ديما بس ايه يا اما اللي عملاه ف نفسك دا
ديما. بعدين بعدين
سلمي. طيب يلا علشان استاذ زين اتصل تاني وبصتلها ومستغربه الي هي عملاه ف نفسها
ديما. عدلت نفسها وبمرح قالت حوه كدا
سلمي. حوه اه ياختي حوه قوي كمان
ديما. طيب تعالي خدي سيف واخدت نفس وخبطت عالباب ودخلت الكل بصلها
زين. ايوا مين حضرتك
ديما. بتحاول تغير صوتها وقالت السلام عليكم
زين. شك ف صوتها وبعدين قالها دي
ديما. لحقته وقالت دينا انا دينا يااستاذ زين
زين. ف نفسه ايه اللي هي عملاه دا وامته دا حصل انا شايفها الصبح كانت كويسه ومخدش باله من نطقها ف اسمها
عبدالرحمن. بصلها وقال ف نفسه انا لسه شايفها من خمس دقايق كانت بطبعتها
ديما. حست انهم عاوزين يفهمو وقبل تتكلم
زين. قالها امته دا
ديما. ايييه ربنا هداني
ماجد. دقات قلبه سريعه وبيحاول يسمع صوتها كويس بس هي بتحاول تغيره وهو مش قادر يركز وبقا مش فاهم حاجه ولا قادر يبوصلها بسبب النقاب
زين. ربنا هداكي كدا فجأه
ديما. امر الله بقا يا استاذ زين الهدايه ملهاش وقت وقالت سلمي خدي سيف
سلمي. اخدت الولد وطلعت وهي هتتجنن
زين. قالت دي ديما مديرة الحسابات
ماجد. ديما وبعدين قال ف نفس لا لا هي اول مادخلت قالت دينا بس انا علشان متلخبط سمعت غلط وبعدين قال اهلا وسهلا
زين. قال استاذ ماجد الشربيني المالك الجديد للشركه
ديما. ايييه
عبدالرحمن. بصله وسكت
ماجد وزين. استغربو ردها
ديما. احم وحاولت تهدي علشان محدش يشك فيها وخصوصا ماجد وبعدين قالت بس ازاي مالك الشركه وحضرتك
زين. للاسف انا متطر اسافر برا واستاذ ماجد اعز صديق عندي وخلاص اشتري الشركه وعاوزكم بس تقعدو معاه علشان يعرف كل حاجه عن الشركه
ديما. استاذ زين حضرتك ممكن تسافر وتاخد وقتك والشركه تفضل زي ما هي و
زين. قاطعها وقال عارف ياديما احنا هنا كلنا اخوات وبنخاف علي الشركه ومصلحتها وانا لو سببت الشركه ف ايدكم هرجع القيها احسن من الاول بس للاسف انا ناوي استقر برا
ديما. اتنهدت وسكتت
عبدالرحمن. تمام يافندم اللي تشوفه حضرتك
زين. نبدأ بقا
وبعد فتره طويله من الشغل مع بعض
زين. قال تمام كدا انا هروح مع استاذ ماجد واستاذ عبدالرحمن الشهر العقاري ونتمم كل حاجه ومن بكرا باذن الله استاذ ماجد هو المدير وصاحب الشركه الجديد
عبدالرحمن. ينورنا طبعا
ديما. بصتله وسكتت
زين. ديما بكرا باذن الله تجمعي الموظفين كلهم ويتعرفو علي المدير الجديد وبكدا انا انتهت مهمتي واشوف وشكم بخير
ديما. وانت بخير استاذ زين
زين. كنتي ومازلتي نعمة الاخت ياديما
ديما. وحضرتك يا استاذ زين وبزعل قالت ربنا يجمعنا علي خير
زين. امين يارب وقال يلا بينا وكمان اشوف سيف قبل امشي وفعلا خرجو وشال سيف وحضنه بقوه وباسه وقالها خلي بالك منه وقال ل ماجد دا اهم واحد ف الشركه اوعي تقفل بابك ف وشه دا هو الروح الحلوه اللي ف الشركه كلها
ماجد. ابتسم ومسك ايد سيف وباسها وخرجو
سلمي. ايه يابت اللي حصل وايه اللي انتي عملاه ف نفسك دا
ديما. قربت من سيف علشان تشيله بعد عنها وخاف
سلمي. اقلعي الزفت اللي انتي لبساه دا الواد خاف منك
ديما. قلعته وحملت ابنها اللي كان بالفعل خايف منها وطبطبت عليه ومسحت علي شعره والخوف بقا جواها ومش عرفه تعمل ايه ف اللي جاي بقلم نور عصام
سلمي. ديما انتي كويسه
ديما. ربنا كريم
سلمي. ونعم بالله بس فهميني مالك كدا
ديما. ولا حاجه وبعدين قالت استاذ زين باع الشركه
سلمي. ايييه
ديما. ايوا والضيف اللي كان معاه دا هو المالك الجديد وانتي من بكرا الصبح اجمعي الموظفين كلهم علشان يتعرفو عليه
سلمي. خساره استاذ زين يلا ربنا يستر بقا ويطلع المدير الجديد كويس زيه
ديما. اتنهدت
سلمي. قوليلي بقا ايه حكاية النقاب دا
ديما. فكرت اتنقب
سلمي. شكلك اتجننتي
ديما. ليه يعني
سلمي. طيب فكري ف ابنك اللي كان مرعوب لما شافك
ديما. خليها عالله وبعدين قالت يلا بقا نمشي احنا اتأخرنا
سلمي. يلا هاتي سيف اشيله عنك شكلك تعبان
ديما. لا ابدا ومشيو وبس وصلت البيت كانت هتتجنن وقالت يالله طيب ازاي بقا هقدر اكمل معاه دا اكيد هيعرفني من صوتي اللي لحاول اغيره دا او حتي لو بص ف عنيا انا لازم اتصرف قبل يكشفني وضمت ابنها لحضنها وقالت لازم اسيب الشغل دا
وتاني يوم ف الشركه
ديما. صباح الخير ياعم ماهر
ماهر. موظف الامن صباح الخير ياست البنات ومسك ايد سيف وباسها وقال صباح الورد علي عيونك ياقمر
ديما. تسلم ياراجل ياطيب
ماهر. تعالي ياسيف العب معايا شويه
ديما. معلش يا عم ماهر هيزهئك
ماهر. انا عاوزه اهو نلعب مع بعض شويه و نتسلي والله بيفكرني بابن بنتي ربنا يحفظهم يارب
ديما. امين يارب وبعدين قالت لابنها تقعد مع جدو ماهر شويه بس متروحش بعيد ومتتعبش جدو
ماهر. ملكيش دعوه انتي واخد الولد ولان الولد عرفهم كلهم بيلعب معم ومش بيخاف منهم
ديما. طلعت واتقابلت ف مدام سميره
سميره. ايه دا انتي ليه مش لبسه النقاب زي امبارح
ديما. صباح الفل وبعدين قالت انا هحاول البسه ولو قدرت اتحمله خلاص هكمل انا من زمان بفكر اني البسه وبمرح قالت بس طبعا انا مضيعش فلوسي علي حاجه مش مضمونه
سميره. ههههههه
ديما. طبعا اومال اروح اشتري وف الاخر ملبسش يرضيكي كدا
سميره. بخيله
ديما. انااا
سميره. لا انا يابت
ديما. كل واحد ادري بنفسه بقا وضحكو هما الاتنين
وبعد بعض الوقت
ماجد. وصل الشركه وشاف سيف مع ماهر بيلاعبه
ماهر. قام وقف وقال نورت الشركه يافندم
ماجد. متشكر وبص ل سيف وقاله ممكن اخده
ماهر. كنت حابب نلعب مع بعض شويه
ماجد. بصله وقال هو بصراحه الواحد ميشبعش منه ومال عليه واخده وقاله متقلقش انا هطلعه ل مامته ودقائق وطلع
سلمي. بتعملي ايه ياديما
ديما. هلبس النقاب
سلمي. يابت اعقلي بقا وبلاش هبلك دا
ديما. اسكتي انتي ملكيش دعوه وقالت المدير اكيد زمانه جاي شوفي هيقولك ايه واجمعي الموظفين
سلمي. وانتي هتقابليه كدا
ديما. منا قابلته امبارح كدا وبعدين اسكتي شويه انا داخله مكتبي ولو ف حاجه ناديني ومشيت
ماجد. دخل وقال صباح الخير
سلمي. صباح النور يا فندم انا سلمي سكرتيرة حضرتك
ماجد. اهلا بيكي ربع ساعه واجمعي الموظفين
سلمي. تمام يافندم وبعدين قالت تعالي ياسيف
ماجد. لا خليه
سلمي. بس يافندم
ماجد. مفيش مشكله واخده ودخل مكتبه
سلمي. اووووه موز جامد وباين عليه ذوق جدا
ديما. من وراها قالت هو مين دا يابت
سلمي. بشهقه وخضه قالت منك لله هتموتيني
ديما. هههههه احسن علشان تحرمي تعاكسي حد
سلمي. بلا نيله هي اللي معاها واحد زي اكرم جوزي تبص لحد تاني دا خلاني اقول حقي برقبتي وكرهني ف كل الرجاله
ديما. معلش بكرا ربنا يهديه
سلمي. يارب وبعدين قالت يلا اجهزي علشان شوية كدا والمدير حابب يشوف الكل ويتعرف بيهم
ديما. اخدت نفس بصوت عالي وقالت انا هسيب الشغل
سلمي. انتي اتجننتي ليه كدا انتي هنا وضعك كويس وشغلك بردو كويس ومحدش مزعلك ف حاجه
ديما. مش مرتاحه
سلمي. هنهزر بقا ولا زين وحشك ومش قادره تقعدي هنا من غيره ما كان قدامك ويتمني كلمه منك
ديما. اخرصي يا سلمي علشان انتي عرفه انو كلامك مش صح اسكتي بقا احسنلك
سلمي. ههههه طيب قولي ليه عاوزه تسيبي الشغل
ديما. قولتلك مش مرتاحه وهشوف شغل تاني
سلمي. ديما انتي كدا هتخسري كتير ومش انتي لوحدك ابنك كمان اهو شايفه الكل بيحبه وبيخده منك ويلاعبوه ومحدش بيقدر يتكلم زين بيه نفسه كان بيشيله عنك وبيحبه جدا وكان متفهم وضعك وعارف ان مفيش حد تسيبي ابنك عنده وعمره معترض علي دا بقلم نور عصام مع ان لو واحد تاني غيرو كان رفض وجود ابنك وخصوصا بالشكل دا احنا هنا مش ف حضانه احنا ف شركه ولازم تهتمي بشغلك وكمان متعطليش الموظفين بابنك اللي معطل الكل فعلا بشقاوته ولعبه مع الكل
ديما. بصتلها
سلمي. وكمان انا شايفه استاذ ماجد ميتخيرش عن استاذ زين وحب ابنك من اول لحظه شافه فيها وبكدا انتي وابنك وضعكم ف الشركه زي ما هو والراجل متقبل دا ولحد دلوقتي مقالش حاجه لا وكمان داخل من شويه وشايل ابنك
ديما. ايييه ابني تحت مع عم ماهر وكنت هنزل اجيبه او هو يطلعه زي ما بيعمل
سلمي. استاذ ماجد وهو طالع شافه معاه وجابه وانا جيت اخده منه رفض وحسيته فرحان بيه شكله وهو شايله ومهتم بيه كان اب وشايل ابنه ف اهدي كدا واعقلي وفكري ف مصلحتك انتي وابنك علشان متندميش
وبعد شويه اتجمعو الموظفين كلهم واتعرفو علي المدير الجديد
ماجد. كانت عيونه مركزه مع ديما ومتلخبط ومش قادر يحدد اللي هو فيه دا ايه وبعد ما انتهو من التعارف والترحيب بالمدير والمالك الجديد ماجد قال مدام دينا اتفضلي ف مكتبي عاوزك
ديما. ف نفسها ياربي
سلمي. خبطتها ف كتفها وقالت فوقي كدا مالك وادخلي للمدير
ديما. بزهقئ قالت طيييب
سلمي. يلا الراجل دخل من بدري
ديما. خبطت ودخلت وقالت تحت امرك يا فندم
ماجد. قالها كنت عاوز ملف بكل حسابات الشركه
ديما. حاضر يا فندم وبعدين قالت تعالي يا سيف
ماجد. ليه خليه معايا
ديما. علشان ميعطلش حضرتك واخدت ابنها قبل يرد وخرجت
ماجد. يارب هتجنن صوتها يشبه صوت ديما ريحتها عيونها اللي بتتهرب مني وقلبي اللي هينفجر من كتر دقاته ف وجودها
وبعد مرور شهر
ديما. جوا المكتب تلبس النقاب وتحاول قدر الامكان تبعد عن ماجد حتي ابنها بتحاول متخليهوش يروح عنده
سلمي. ديما هاتي سيف معايا انا نازله اجيب اكل
ديما. يابنتي هتشليه علي قلبك طالعه نازله
سلمي. ملكيش دعوه انتي واخدته ونزلت وبعد شويه رجعت ومعها الاكل وحاجات ل سيف وقعدو اكلو
ديما. تسلمي ياقمر
سلمي. بالف هنا وبعدين قالت والله يابت يا ديما انا مستغربه تصرفك ف النقاب اللي بتلبسيه بمزاجك دا
ديما. ملكيش دعوه انتي
رواية بعد الفراق بقلم نور عصام
سلمي. في واحده تلبس نقبات ساعات العمل بس وبعدين تقلعه وتمشي عادي كدا نفسي افهم دماغك دي فيها ايه
ديما. فيها فيل
سلمي. هههههه ربنا يهدي يلا هقوم اروح علي مكتبي زمان استاذ ماجد راجع
ديما. اوك وانا هخلص الشغل اللي ورايا دا علشان عاوزه امشي بدري اشتري لبس ل سيف
سلمي. ماشي
ديما. بعد خروجها قعدت مع نفسها تفكر ازاي تبعد عن ماجد رجعت لورا وسندت ضهرها عالكرسي وقالت يارب خليك معايا انته عارف اني اتظلمت قوي وطبعا رافعه النقاب
سلمي. كانت بتجري ورا سيف
ماجد. دخل وسيف خبط ف رجله ابتسم وحمله وقال اهلا بالبطل اللي مجري الشركه كلها وراه من شقاوته
سلمي. اسفه يافندم
ماجد. ولا يهمك وباس سيف من ايده وبص لقي مكتب ديما مفتوح ورافعه ونقابها من علي وشها قرب خطوتين وانصدم ….
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية بعد الفراق)
