رواية بعت نفسي الفصل السادس والخمسون 56 بقلم نسرين

رواية بعت نفسي الجزء السادس والخمسون

رواية بعت نفسي البارت السادس والخمسون

رواية بعت نفسي الحلقة السادسة والخمسون

في ليله يابني جا اكرم ومليكة ودخلو عندنا البيت اللي كنا عايشين فيه في القصر
وأكرم حكالي ان مليكه حامل وانهم مش عايزين يقولو ليك حاجه لحد ماتسافر وتعمل العمليه
ومش لازم حد في القصر يعرف شويه
وجا الدكتور شريف
وكانو بيتكلمو علي ان الدوا اتغير يعني العلبه هي هي بس اللي جوه لا
الدوا دا كان خطر عليك يعني هدفهم عمرك ما تمشي علي رجليك تاني
الصراحه طول القعده ومليكة خايفه حد يشوفها او تصحي وماتكونش جنبك
و اتصلو كدا بدكتور تاني اللي كان متابع معاك و كتب ليهم علي نوع دوا وحقن تاخدوهم علشان مفعول الدوا المزور يروح ودا كانت بتعملو مليكه من غير ما حد يحس وهي كانت يا ولداه تعبانه من الوحم بس كانت بتستقوا بيك وتقول اعمل اي حاجه علشان ادهم
الست عصمت لما عرفت ان العمليه اتحددت اتجننت
وكانت بتوز البنات اللي بيشتغلو في المطبخ يحطو لمليكه حاجه في الأكل
لحد ما اليوم اللي تعبت فيه
وبقت الست مليكه هي اللي بتدخل تطبخ
كل دا وانا و وداد بنحاول نحميها من شر الست عصمت
اليله دي
وداد شافت الشغاله زينب حطت حاجه في الأكل
وخاصه طبق اكرم
وانتو علي السفره شوفتو بيتاوب
طلعت عندو الجناح و وصاني علي مليكه لو حصل اي حاجه
و بصراحه علي طول بيوصيني كا انو كان حاسس انو حايصل ليها حاجه
سيبتو وهو نام
وزي كل ليله بعمل جوله في القصر علي الفجر لاقيت الست عصمت واقفه في بهو القصر كا انها بتخطط حاجه
فضلت واقف ورا الستاره
لحد ما شوفت 2 رجاله شايلين الست مليكه وطالعين بيها فوق علي اوضه اكرم ليه هي 10 دقائق لاقيت كل نور القصر نور و صوت صريخ ملا القصر والكل صحي
وطبعا نزلت عندك صحيتك وطلعت فوق مع حوده لما ساعدك
وكلنا شوفنا المنضر اللي الست عصمت كانت بتخطط ليه ايام وليالي واي حد حايقول دي خيانه مافيش شك
انت يابني ربنا كان في عونك اللحضه دي
بس ماكنتش عايز تسمع حاجه والست مليكه كانت منهاره عياط وخايفه وخاصه لما اخدت السلاح من الحارس اللي الست عصمت غمزت ليه علشان يطلعو وانت تشوفو هي كانت عايزه تخلص منكم كلكم انت تقتل مليكه بكده مافيش وريث شرعي وتقتل اكرم وانت تدخل السجن وجدك يسحب منك كل الاملاك
بس ربنا كبير
ساعتها اكرم بصلي اني اتصرف وخاصه لما خبا مليكه ورا ضهرو
وابتدا يتكلم معاك ويستفزك
سحبت مليكه ونزلتها البدرون و وداد جابت ليها لبس وكلمنا سواق تاكسي من طرف حوده اخد مليكه
بس رجالتك بي اوامر من الست عصمت شوهو سمعتها في الحاره
ما الست عصمت قبل ما تنادي علي اللي في القصر عملت ليهم صور
والرجاله طلعوها وادوها لي ام مليكه وفضلو يقولو انها خانتك و انكم عايشين في الحرام مع بت كان اسمها شروق
لاني شوفتها جات عندها كدا مره القصر
الست ام مليكه ماقدرتش تستحمل ماتت وصل حوده و حاول ينقد الموقف بس اللي حصل حصل ناس الحاره خافو علي سمعت بناتهم وطردو مليكه و اخواتها
الشهاده الله حوده طلع راجل فضل معاها لحد ما دفنت امها و وصلها محطه القطار وقالها اختفي واداها فلوس ورقم تليفونو
بس هي ماتصلتش
ادي الحكايه كلها
**ادهم ليه ماجيتش تفهمني ليه سكت ؟؟
**عم مدبولي خفت يا بني علي نفسي وعلي ابني هي كانت بتبص ليا بشر
وكل ماكنت بدخل عندك اتكلم معاك تطردني روحت لرحيم باشا وقولتلو بس هو مصدقنيش
هي نفس الثمثليه بتعملها وبتصدق معاها
نفس السيناريو عملتو علي امك وابو اكرم بس الفرق ان ابوك كان واثق في امك وفي اخوه
بس القدر ليه حكمتو نفس اليوم اللي سابو القصر هو نفس اليوم اللي الكل مات
**ادهم قصدك ان عصمت ليها يد في موتهم ؟؟
**عم مدبولي ما اقدرش اقول حاجه مش عارف عنها حاجه بس الست دي شيطان بيتمشا علي الارض
**ادهم بس ليه سيبت القصر ؟!؟!
**عم مدبولي ما الست عصمت ابتدت تخلص منا واحد واحد ابتدت بي حراس و بحوده اللي كل مايروح الحاره يسأل علي مليكه تطلع ليه شروق دي و تبتدي تتكلم وحش عليها بي توصيه من الست عصمت لحد ما في يوم فار الدم عندو وقام ضربها علقه موت عدمها العافيه وهي طبعا ما صدقت راحت بلغت عليه اخد 6 شهور سجن وطلع ورجع بلدو وحلف ميت يامين مايشتغلش في
القصر تاني
لما سافرت انت ألمانيا مع جدك
في يوم جا راجل بيسأل عليك
روحت كلمتو وقالي انو عاوزك ضروري
قولتلو انك مسافر بس الست عصمت لمحتو و جات تجري تسأل
وسمعت تراتيش كلام ان الست مليكه ولدت ومحتاجبن عقد الجواز يكون موثق علشان يسجلو المولود والست عصمت فضلت تشتم فيه وهددتو انها تجيب ليه البوليس لو ما مشيش
و الراجل فضل يترجا فيها كان حايبوس رجليها وقالها بس تسجل البيبي وبعد كده مالكمش دعوه بي مليكه
ابني كان لسه متخرج في الزراعه وجبتو يشتغل في الجنينه وسمع الكلام واتعصب وراح لست عصمت اتشاكل وياها
الراجل خاف علي نفسو و مشي
**ادهم استني يعني مليكه ولدت ؟؟
**عم مدبولي اه بس الست عصمت خلت شروق تقول ان مليكه نزلت اللي في بطنها
الراجل جا وقال انها ولدت وهي قالت ليه انو مش ابنك علشان ولا موخده انك عاجز وماينفعش تخلف منك
ابني ماقدرش يسكت علي الضلم وعمل معايا مشاكل علشان اتكلم ويقولي انت حاتروح النار علشان سكت علي الحق
بس انا كنت عارف الست عصمت كويس
وفعلا لفقت تهمه لي ابني انو سرق ليها مجوهرات بتاعتها
وسرق فلوس من الخزنه
ودخل السجن ضلم 5 سنين راحت من عمرو من ساعتها وداد اتشلت وهي طردتنا من القصر
ابني قعد 5 السنين
في السجن وراح مستقبلو بس علشان عايز يقول كلمه الحق لا ماسكتتش دي كانت عايزه تخلص مني انا و وداد علشان عمرنا مانفتح الموضوع بعتت رجاله لبيتنا في البلد دخلو علينا وهددونا لولا رجاله البلد كانو قتلونا وجيت هنا بس هي عرفت اني خلاص بقيت خايف منها وخاصه اني ابني طلع من السجن
وخفت تعمل فيه حاجه
طول السنين دي وانا ضميري بيوجعني بس ربنا عالم انو مش بي ايدي وكنت بدعي ربنا علي طول اقابلك وقولك الحقيقه كلها
وكمان لما كل حاجه حصلت هي رجعت تديك الدوا علشان تفضل عاجز وانا بلغت الدكتور شريف بكده وبعد شهور الدكتور شريف اقنع جدك تسافر تكمل علاج بره
هي دي الحكايه كلها
ادهم كان مصدوم ومش عارف يتكلم
**فارس لا حول ولا قوه الا بالله العلي العظيم طب ليه كل دا ؟؟
**وداد يابني غل الستات وحش اوي وهي اتجننت لما امها سابتها بنت 15 سنه وسافرت وبعد سنه جدك رحيم اتجوز جدتكم بعديها بقت تسافر لي امها اليونان وترجع مليانه شر بس رحيم باشا مكانش شايف دا وهي اللي لازم تفضل سيده القصر
**عم مدبولي ام ست عصمت كانت كمان صعبه وكل اللي يهمها الفلوس بس جدك كان واقف ليها علي كل حاجه لحد ماهربت وجدك اتعقد بس جدتكم كانت البلسم اللي بداوي كل الجروح مليكه فكرتني بجدتك انت يابني وشك نور وضحكتك نورت القصر لما كنت مع مليكه وانا متاكد انك اتجوزت كامليا دلوقتي وهي ماتفرقش حاجه عن امها
**وداد كانت بتعاملني وحش رغم انا اللي ربيتها وهي في اللفه
** عن مدبولي دور يابني علي مليكه ورجعها ليك الله اعلم عملت فيها الايام والسنين ايه وهي غلبانه
اتاخرت اوي يا بني علي انك تعرف الحقيقه لو ليك بنت ولا ولد منها عمرو ما حيسامحك لانك ضعيت حق أمو وضيعت حقو في الدنيا لما ما سجلتش الجواز بيها رسمي حايتكتب علي اسم مين؟ الراجل اللي كان جا كان بعيط ويقول حرام حق اليتيمه يروح كلامو لسه برن في وذاني
**ادهم ماعرفتوش اسم الراجل ؟؟
**عم مدبولي الراجل كان بي بص عليا وهو شايفني قليل الحيله بس سمعتو لما قال اسمو محمد مغاوري
بس شكلو مش من اسكندريه لانو قال هو جاي سفر
**ادهم انا مش حاسيبكم هنا حتسافرو معايا واشوف ليكم بيت انتو علي مسؤليتي
**عم مدبولي لا يابني احنا هنا مهمتنا خلصت
**فارس لا انتو قولتو الحقيقه اللي فضلت مستخبيه 10 سنين اكرم حايرجع مصر الاسبوع اللي جاي واكيد حايكون مبسوط لو شافكم
****************************