رواية بعت نفسي الفصل الرابع والسبعون 74 بقلم نسرين
رواية بعت نفسي الجزء الرابع والسبعون
رواية بعت نفسي البارت الرابع والسبعون
رواية بعت نفسي الحلقة الرابعة والسبعون
**مليكه طيب يلا ننزل عيب نقعد هنا لوحدنا
*أدهم نعم بتهزري
*مليكه لا والله
*أدهم أنت شكلك لسه مش مستوعبه إنك لسه مراتي
*مليكه معلش أصلي بقالي 10 سنين عايشه وحدي
أنا نازلة تحت
*ادهم ممكن أشوف شقتك؟؟
*مليكه آه طبعا
ونزلوا تحت في شقتها كان أكرم وياسين وفارس وعبد الرحمن بهزرو
رنت الجرس، وفتح لها عبد الرحمن
*أدهم سلام عليكم
*عبد الرحمن وعليكم السلام
دخلت مليكه سلمت عليهم
*يوسف يا ملوكه اعملي ليا فنجان قهوة من ايديكي الحلوين أصلي دماغي حاتفرتك
*مليكه سلامه دماغك من عينا
وراحت المطبخ كانت سها قاعدة
**ياسين طمني حصل ايه؟
*أدهم الحمد لله طلبت مني اديها وقت علشان تكلم أولاد
**ياسين الموضوع دا مش لازم يطول كثير
وبعدين أنا آسف كنت عايز أسألك علي حاجة
**أدهم اتفضل
*ياسين أنت دلوقتي راجل متجوز وضع مليكه إيه بالنسبة ليك؟
والعمل إيه مع الولاد
قبل ماتجوبني لازم تعرف أن مليكه روحها في ولادها لدرجة بنامو في حضنها كل ليلة هما معندهمش أوضة وحدهم زي ما انت شايف الحال على قدو، وانا عايز اطمن عليها
أنا آسف لو بدخل بالموضوع
*أدهم خود راحتك أنا عارف إنك خايف علي مليكه، وعايز أشكرك على حمايتك ليها ولي أولادي
مليكه رسميا مراتي قبل بنت عمتي
*أكرم يعني أنت حاتعترف بي الجواز، وكمان بي أولاد أنت رجل أعمال معروف وأكيد إخبارك حاتبقا في الصحافة وخاصة أنك على افتتاح شركة جديدة
وحاتعمل إيه مع جدك؟
*أدهم جدي ليه حساب تاني معايا
الأول اطمن علي مليكه وولادي
الكل عارف إن كنت متجوز فاكر الحفلة اللي اتصورت فيها مع مليكة
يعني مش حاجه جديدة واعترف بها قدام العالم كله هي وأولادي
هنا مليكه كانت بتسمع الكلام،
وكانت شايله صينية القهوة
دخلت عندهم
*مليكه اتفضلو القهوة
**ياسين تعالي يا مليكه اقعدي تسمعي جوزك بقول ايه
مليكه بصت ليه بي استغراب علي كلمة جوزك
*ياسين بتبص عليا بي استغراب ليه؟؟؟ أنت من يوم ما جيتي هنا وانت بتعاملينا وبتعاملي الناس أنك متجوزه في كل تصرفاتك
الفرق أنك كنتي بتقولي إنو مات لناس في الحارة
أداتهم القهوة وقعدت جنب ياسين
*ياسين كمل يا أدهم بيه
*أدهم أرجوك بلاش بيه دي خليها أدهم
**ياسين ماشي
*أدهم زي ما قلت أنا معنديش مشكلة دا حقهم عليا
*يوسف يعني اللي فهمت أنت عايز تعيش مع مراتك وأولادك؟؟
*أدهم آه طبعا
*أكرم فين؟؟؟
*أدهم المكان اللي تحبو مليكه يا القصر يا شقتنا القديمة يا شقتها اللي نسيتها وعبد الرحمن عارف العنوان ومعاه المفتاح
*يوسف لحضه شقت أية ؟؟
**ادهم زمان جبت ليهم شقه، وكتبتها بي اسم مليكه، وكانت أمها الله يرحمها عايشة فيها مع أخوات مليكه
*يوسف صح الكلام دا عبد الرحمن؟
*عبد الرحمن ايوه بس مليكه كانت رافضة نروح الشقة ولا نتصرف بها قالت ليا مش بتاعتنا
*أدهم مليكه ما اخدتش أي حاجة لا هدوم ولا دهب، رغم كان عندها حاجات غالية الماز جبتهم ليها ومعاها مفتاح الشقة وحتى الفلوس كانت في الخزنة
اختفت من غير أي حاجة
**مليكة بعصبية ماكنتش عايزة منكم حاجة خالص ومش حسامح نفسي أني بعت السنسله اللي جدك جابهالي هديه بس كنت بولد ومش معايا فلوس فا بعتها، وقبل ما أسافر أكرم و حوده ادوني فلوس
*أكرم استني هي الورقة اللي اداهلك حودة ماروحتيش العنوان اللي فيها ليه أنا كنت كاتب عنوان عمت شريف تقعدي عندها
*عبد الرحمن احنا وصلنا المحطة وركبنا القطار ونزلنا القاهرة
وسرقوا مننا الشنطة بي الفلوس والورقة كانت جوه
*مليكه أنا ما فتحتس الورقة خالص
**أدهم انت كان ممكن تروحي الشقة والبواب يفتح ليكي الباب
*مليكه بعصبية و بصوت عالي نعم علشان تقتلني ساعتها وبعدين أنا قولتلك اللي حصل
*ياسين صوتك ما يعلاش وسط الرجالة يا مليكة
**مليكه آسفة يا آبيه
**ياسين دلوقتي هو عايز تعيشي معاه و مع أولاد قالت إيه؟؟
**مليكه لا
*، ادهم يعني إيه لا؟
*مليكه اول ما تسجل أولاد بي اسمك طلقني
*أدهم الكلمة دي كا أنها صفعه علي وشو
أطلقك؟؟؟
**مليكه هو أنت مفكر بعد كل اللي عملته فيا حارجع أعيش معاك عادي ليه معنديش كرامة
لا ولادك حايفضلو بينا
*أدهم كفاية إنك حرمتيني منهم كمان مش عايزانا نتجمع تاني؟!!!
*مليكه مش حا نفضل نتكلم في الموضوع دا كثير
عن إذنك يا آبيه حانزل اشوف ولادي تحت،
وطلعت
*أكرم اهدا عليها طبيعي دي ردة فعلها
*أدهم بس أنا مش حاسيب ولادي بعيد عني لازم أعوضهم كل حاجه
وبعدين لازم تفكر في مستقبل بتاعهم
هما بروحو مدرسة؟
**عبد الرحمن ايوه
*أدهم مدرسة خاصة اسمها إيه؟
**ياسين خاصة إيه لا طبعا بيروحو مدرسة حكومية
هي لو دفعت إيجار اللي عليها، وصرفت عليهم يبقا كثر خيرها الحال على القد
*أدهم وأنا مايرضنيش ولادي يعيشوا في الحرمان وأبوهم ممكن يشتري ليهم مدرسة كلها،
ولازم يعيشوا في نفس مستوى أختهم علشان ربنا مايحاسيبنيش كفاية اللي حصل أرجوكم ساعدوني
*ياسين مش عارف اقولك إيه المصيبة أني أبويا وأمي حالتهم وحشة أوي أتعود عليها
*عبد الرحمن وأنا وأختي
سها من امبارح بتعيط
*أكرم أنا سارة كلمنا سها
معلش دي سنة الحياة مليكه ضحت كثير علشانكم جا الوقت تعيش لنفسها ولا انت شايف إيه؟؟
**عبد الرحمن آه طبعا عندك حق
*أدهم هي بس توافق مليكه اتغيرت أوي
*، اكرم أنا قولتلك مليكه مش هي العيلة اللي اتجوزتها زمان
*أدهم اعمل إيه ؟
**ياسين الصبر
*أكرم بقولكم يا جماعة أنا عازمكم كلكم بي المناسبة الحلوة على العشاء عندي في الشقة
**ياسين أنت عارف احنا كم واحد؟؟
*أكرم يا سيدي اللمة الحلوة ماتتعوضش
*ياسين بص بقا جيب بقا حللك و اطباقك وسلطاتك كلها هنا نطلع نتعشا على السطح
*أكرم زي ما انتو عايزين حابقا اتصل بي مراتي أقولها
بص يا أدهم مليكه لازم تقتنع بكلامك وانا شايف أحسن حل خدها لي عم مدبولي و ودادا وداد مش نقلتهم القاهرة ؟
**أدهم آه
**فارس وانا كمان شايف كده
*ادهم، وحتوافق تطلع معايا
*ياسين أنا حاكلمها وحاجي معاكم
*يوسف يا جماعة إنتو ناسين حاجه مهمه الحارة حانقولهم إيه وخاصة أوسطا حسن دا قاعد قدام مدخل العمارة
**أدهم مين دا؟
*يوسف دا يا سيدي بموت في حاجة اسمها مليكه بحبها وبينده عليها بي أبله كل سنة بيخطبها من أبويا دا طلق مراتو بس علشان اتكلمت وحش علي مليكه في الحارة قدام الناس، وطلب أيديها الشهادة الله مليكة عمرها ما أداتلو وش
زي ما قال ياسين هي تتعامل مع الناس على أنها متجوزه
أدهم وشو بقا أحمر
**أكرم أسألك السؤال اللي سالتو ليك من 10 سنين بس المرة دي قدام الناس دي كلها
بتحب مليكه؟؟
*ادهم أتنهد ايوه بحبها، واتعذبت أوي في بعدها، ومش قادر أعيش مع مراتي كامليا بي توقف مليكه قدام عيني
مليكه ليها افضال عليا كثير دي خلتني اعرف هو ايه حب وايه ست كويسه في حياه راجل
*ياسين يبقى على بركة الله دافع على حبك وعلى ولادك
*أكرم وكامليا؟؟
*أدهم أنت عارف كامليا بي النسبة ليا أية بنت عمتي وام بنتي أكيد مش حاظلمها
بس مين الاوسطا دا وازاي بتجرأ يطلب أيديها ؟
**يوسف هي جات على دا بس دول خطابها كثير البنت لسه صغيرة دا حتى شكلها مش مدي سنها
فاكر في فرحي يا سين كنت حاتموت واحد بس علشان كان بحوم عليها
*ياسين كفاية يا يوسف
احنا نقول إن جوزها كان فاقد الذاكرة وكان عايش بره مصر وأهلو فكروه ميت علشان كل واحد يسكت احنا في حارة شعبية الكلام فيها كثير
*أدهم ولازم يعرفوا أنها لسه مراتي
بعد ساعة
اقنع ياسين إنها تروح مع أدهم مشوار،
وقال ليها أنو حايروح معاهم
وهما نازلين ياسين غمز ادهم
لأنهم اتفقوا أنها تركب معاه في العربية وحدهم وهو يحصلهم بعربيتو
سبقهم ياسين في السلم
وأدهم ومليكة نازلين براحة
اول ما وصلوا المدخل مسك أيديها وجرها عندو وطلعوا قدام الناس
*أوسطا حسن سلام عليكم
مين دا يا أبله مليكه؟
يادوب حاتتكلم
*أدهم أنا جوزها أدهم الشرقاوي
*أوسطا حسن ازاي، وجوزها ميت أنت اتجوزتي تاني؟؟
*أدهم لا دي مراتي أم ولادي خالد وخلود
أنت اللي مين وبتسأل ليه؟!؟
*ياسين روحو انتو اركبوا أنا حافهمو واحصلكم
الناس بتبص وستات فاتحه بوؤها عربية بي حراسه وراجل شيك جدا
فتح لها الباب قدام
*مليكه عيب حاركب ورا هنا مكان ياسين
*أدهم اركبي يا مليكة
ركبت
وهو كمان ركب بعد مقال لسواق يمشي
*أوسطا حسن هي دي فزورة ؟؟
**ياسين هو كان فاقد الذاكرة وكان بره مصر هي قصة طويلة بس الحمد لله هو دلوقتي رجع بلدو و مراتو و ولادو
معلش يا حسن عارف إنك بتحبها بس كل شيء قسمه و نصيب
*مليكه احنا رايحين فين؟
*أدهم اصبري يا مليكة و حاتعرفي كل حاجه
*مليكه أدهم بيه أنا خايفه آوى
**ادهم بعصبية بلاش بيه دي ارجوكي وخايفه من إيه أنا مش خاطفك ياسين، ورانا بي العربية
هنا سكتت مليكه
وصلو الشارع أدهم ركن العربية
وكمان ياسين وصل
وطلعوا فوق
كان عم مدبولي مستنيهم
كانو ساكنين اول دور
رن الجرس
فتح عم مدبولي
*عم مدبولي يا أهلا وسهلا
*مليكه عم مدبولي
*عم مدبولي أيوه يا بنتي ازيك عملت الدنيا فيكي إيه ؟؟
د
**مليكه طحنتني علشان غلبانة
دخلوا جوه،
وكانت دادا وداد قاعدة
على كرسي
بعد السلامات
رجع تاني عن مدبولي يحكي القصة كلها اللي حصل وياسين ومليكه بيسمعو وهما مصدومين
**وداد بعد ما مشيتي أدهم بيه وقف العلاج وكان حايتجنن عليكي وتعب جدا جدا
*عم مدبولي أنا قولت الحقيقة
وكمان الراجل اللي رباكي ما بعد ما ولدتي
*مليكه مين دا؟
*عم مدبولي الراجل اللي قابلك في المحطة
هنا مليكه بصت لي ياسين اللي ماقدرش يبص ليها
********
ايه رأيكم في كلام ادهم عند مليكه ؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بعت نفسي)
