رواية بريشيا الفصل الرابع 4 بقلم إسراء
رواية بريشيا الجزء الرابع
رواية بريشيا البارت الرابع
رواية بريشيا الحلقة الرابعة
طلعت من الحمام بس اتفاجأت بأنه واقف قدامها ملحقتش تتكلم لانه كان اسرع منها وحط ايده ع بوقها و دخل بيها الحمام وقفله وراه كويس
قالها بخبث وهو لسه حاطت ايده ع بوقها والايد التانية في وسطها : مفاجأة حلوة صح ؟ قرب منها اكتر وقالها في ودنها بشهوة : اي رايك وانتي في حضني ، بتوحشيني اوي شال ايديه من ع بوقها فقالته بصوت عالي: ابعد ي حيوان ي قذر والا والله العظيم
قاطعها ببوسة فزقته جامد بكل قوتها فمقدرش يوازن نفسه واتزحلق في بلاط الحمام ووقع ع دماغه
كانت هتطلع بس لاقته مش بيتحرك
افتكرته بيمثل فهزته برجلها وايديها ماسكه الباب عشان لو قام تلحق نفسها بس متحركش ولكن لقت دم كتير جدا ناحية راسه
نزلت علي ركبيها وهي بتحاول تفوقه : حيدر قوم ، انا مكنتش اقصد
مفيش اي استجابة منه ، حاولت توقف الدم لكنها فشلت
قامت بتعيط هي مش عارفة تتصرف تهرب وتسيبه وكدا تبقي قاتلة دا مهما كان انسان وهتتحاسب عليه حتي لو ايه ذنوبه ، طب تهرب وتسييه ، ما هو ممكن يكون عايش وكدا هتتسبب في موته ، البيت فاضي ومفيش حد ومش عارفة اهلها هيجوا امتي ، خلاص هي هتتصل بالاسعاف وتمشي
اتصلت فعلا بالاسعاف ونزلت بسرعه من البيت ، تجري هي مش عارفة هتروح فين ولكنها مكملة عايزة تهرب ، قلبها بيقولها كملي ابعدي مش مهم اللي هيحصل بعد كدا
تعبت من الجري وقفت تاخد نفسها بتبص حواليها بس مش عارفة هي فين هي كانت بتجري وخلاص
°•°•°•°•°•°•°•°•°•°•°•°•°•°•°•°•°•°•°•°•°•°•°
●في بيت ركان●
اخت ركان نايمه علي السرير بتبدأ تفتح عينيها براحه ، بتبص حواليها وعرفت انها في اوضتها ودا طمنها شوية ، حاولت تتحرك بس الوجع كان كبير جدا مع تقل جسمها حاولت تحرك ايديها ورفعتها وبصت لقت انه متعلقلها كانيولا ، عدت ثواني بتستوعب اي اللي حصل ، واخيرا افتكرت هي كانت مع حبيبها الخاين اللي اتخانقوا سوا وقرر انه ينفصل عنها بعد ما عطته كل ما تملك ، ضحت كتير عشانه وفي الاخر رماها لشوية كلاب خلصوا عليها دموعها نزلت وهي بتفتكر ، واي منظرها دلوقتي بعد ما اخوها اكيد عرف وهتقوله ايه دا كان بيثق فيها اكتر من نفسه
قاطع حبل افكارها صوت الممرضة : حببتي انتي صحيتي حمدالله على سلامتك
الممرضة مش لاقية منها اي استجابة فسألتها بهدوء : انتي كويسة ؟ محتاجه اي حاجه……طب خلاص متعيطيش اهدي كله انتهي خلاص وانتي دلوقتي في امان
ردت : اطلعي برا
الممرضة بتردد : بس…
زعقت فيها : انتي مبتفهميش قولتلك اطلعي برا
الممرضة سابتها وطلعت عشان حالتها متسوءش بس اتصلت بالدكتور وشرحتله الوضع
°•°•°•°•°•°•°•°•°•°•°•°•°•°•°•°•°•°•°•°•°•°•°
● عند ميليسا ●
واقفة تايهه هي مش عارفة هي فين بلوزتها فيها دم كتير وايديها برده دا غير الناس بتبصلها نظرات مش كويسة
افتكرت تهديد ركان ليها ودا خلاها مرعوبة اكتر
راجل عجوز وهو بيفرش اكياس المناديل علي الارض : محتاجه مساعده ي بنتي ؟
ميليسا بصتله لقيته غلبان : هو المكان دا اسمه اي
الراجل : دا……….. عايزة تروحي فين ي بنتي
ميليسا بتمسح دموعها : اموت
الراجل بصلها وحس انها غلبانه وطيبة فرش كرتونه علي الارض جنب المناديل والشيبسي اللي فراشهم عشان يبيع وقالها : اجعدي ريحي حالك واهدي وعطاها كوباية ماية
شربت وحطت الكوباية جنبها : شكرا
الراجل : خدي مناديل امسحي دموعك
ميليسا بحزن : لا ي عمو شكرا والله مش معايا فلوس
الراجل : لع انا مبجولكيش كدا عشان الفلوس ي بنتي ، انتي في سن عيالي واكيد مش هستغلك
ميليسا خدت المناديل وبدأت تمسح دموعها
الراجل : جوليلي عاد ايه اللي وصلك لكدا حاولتي تنتحري لي
ميليسا : انا محاولتش انتحر
الراجل : امال الدم دا اي ولا دا مش دم عاد
ميليسا : لا دم بس….
الراجل : خلاص اهدي مفيش داعي للخوف انا كنت حابب اساعدك
ميليسا سكتت وبصت في الارض بحيرة وخوف ورعب
الراجل حس بيها وقعد جنبها : شوفتي يبنتي الراجل الغلبان اللي قاعد جنبك دا
بصتله ميليسا بإستغراب
كمل هو : عاش طول حياته الدنيا تلطش فيه يمين وشمال ، ومن خبرتي طول السنين دي اقولك انك تتوكلي ع ربك ، عمره ما يضيعك ابدا كدا كدا الموت جاي متستعجليش بس الذكي اللي يستغل حياته دي ويحاول يكفر ذنوبه او يزود حساناته وابعدي عن الشر ي بنتي وقربي من ربنا وادعيله هو السند الوحيد
بصت ميليسا علي العربيات اللي ماشية قدامها وهي قاعده ع الرصيف وبعدين فكرت هي قاعدة في الشارع زي الغلابة كانت ديما تبص للناس دي بشفقة كبيرة وازاي قادرين يستحملوا دا بس اكتشفت انه القاعدة هنا راحه كبيرة عن مشاكل الناس او هنا لانه حست الراجل دا ابوها وحاميها من اي شر ، هي عاشت طول عمرها بدون سند اول مرة حد ينصحها طول حياتها بتحاول تدور ع الصح وتبعد عن الغلط والشر بس مش لاقية اللي ينصحها او يوجهها لدا
حست انه الراجل عنده خبرة وحكيم وقالتله :هقولك بصراحه انا واقعه في مشكلة كبيرة هو كان في حد بيتهجم عليا وانا زقيته فوقع ع الارض واتخبطت وحاولت افوقه مردش عليا اتصلت بالاسعاف وهربت خوفت اروح السجن وانا مليش حد في الدنيا دي ولا حد يجبلي محامي وهو الحد دا حقير مش بعيد يتبلى عليا
الراجل بحكمه : اولا ي بنتي كدا انتي مش لوحدك انتي معاكي ربنا وهو مش ظالم فتأكدي انك طالما بريئة مش هتتعاقبي رينا هيبعتلك اللي ينقذك من حيث لا تحتسبي ي بنتي ، روحي للشرطة واحكيلهم اللي حصل وربنا واقف جنبك
ميليسا بخوف : طب افرض قبضوا عليا اعمل اي
الراجل : مستحيل ي بنتي طالما معملتيش دا بقصد ودا دفاع عن النفس روحي وسيبيها ع ربنا
°•°•°•°•°•°•°•°•°•°•°•°•°•°•°•°•°•°•°•°•°•°•°
●في غرفة اخت راكان ●
وهي بتفتكر حبيبها ليه اتنرفز عليها
هي : حبيبي عملالك مفاجأة
هو بيحضنها وبيبوسها : مفاجأة اي ي حببتي
هي بفرحه : انا حامل
هو بصدمه : نعم ياختي
هي : مالك ي حبيبي في اي انا كنت فاكراك هتفرح ، ما انت كنت عايز تتأكد اني بخلف عشان نتجوز وانه مامتك مش هتوافق غير بكدا و قولتلي انه اول ما احمل هتتقدم ونتجوز
هو بيزقها وبعدين بيشيل السجارة من بوقه وبيحطها في الطفاية اللي ع الترابيزة جنبه : قومي ي واطية البسي هدومك اما نشوف اخرتها معاكي
هي بصدمه : انت اتجننت انت بتكلمني كدا ازاي انت شارب صح
هو بيقوم بسرعه من ع السرير وبيلبس هدومه وبيفكر ازاي حملت وهو بيشربها بنفسه حبوب منع الحمل
هي : رد ي حبيبي مالك انت شارب مش مشكلة هسيبك تاخد دوش وتفوقلي عشان انت خضتني اصلا
هو لم هدومها من ع الارض وعطهالها : خلال دقيقتين تكوني جاهزة
غصبها انها تروح المستشفي وتعمل اجهاض
وبعدها بأسبوع راحتله البيت
هي بدموع : لي عملت فيا كدا حرام عليك
هو : انتي اتجننتي يبت ولا اتهبلتي في مخك ، امال فكراني هتجوز بنت**** ماشية ع حل شعرها
هي ضربته بالقلم : والله لوريك واسمع كمان قدامك يومين لو متجوزتنيش فيهم هقول لركان اخويا ع كل حاجه وشوف بقي هو هيتصرف ازاي
هو : بقولك اي انا مبتهددتش وانتي عارفة كدا كويس ، انا هعمل معاكي معروف هجوزك واحد يلم فضحتك دي ومش هيفتح بوقه لكن تهدي*د وبتاع انتي كدا بترمي نفسك في النا*ر
هي : دا انت طلعت ز*بالة انا ازاي صدقت واحد زيك ح*يوان بيلعب بالبنات ، انت فاكرني هخاف منك دا انا هجيب اجلك
هو : انتي مش ناوية تسكتي بقي طب شوفي ي حلوة اللي هيحصلك
نرجع للواقع
الممرضة : الو ي دكتور مفيش حد في البيت والبنت بتترعش وجسمها بيعرق وسخنه جدا ومش عارفة اتصرف
الدكتور : خلاص انا جاي حالا بس متسبهاش لوحدها
الممرضة : حاضر
°•°•°•°•°•°•°•°•°•°•°•°•°•°•°•°•°•°•°•°•°•°•°
ميليسا واقفة قدام مخفر الشرطه تقدم رجل وتأخر رجل هي رايحه لسببين الاول عشان حيدر والتاني عشان ركان………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريشيا)
