رواية بريئه غيرت حياتي الفصل السادس 6 بقلم مارينا عبود
رواية بريئه غيرت حياتي الجزء السادس
رواية بريئه غيرت حياتي البارت السادس
رواية بريئه غيرت حياتي الحلقة السادسة
– انا اخدت قرار انه نازلى وريان يتجوزوا فى نهاية الأسبوع ده
نازلى وريان بصوله بصدمه وريان جرى حضنه
– احبك يا جدى
ريان بص لنازلى بانتصار وهو بيرقص حواجبه
نازلى ابتسمت بخبث:
– وانا موافقه يا جدى
ريان اتصدم من ردها وبصلها بشك لانه كان متوقع انها هترفض وهتعمل مشكله معاه
الجد ابتسم وبص لمرات ابنه :
– خدى نازلى على اوضتى الضيوف يا وفاء
ابتسمت:
– عيونى يا عمى اتفضلى يا بنتى
وفاء اخدت نازلى وطلعت فوق وريان قرب ووقف قدام جده وهو بيبصله بشك :
– جدى هى نازلى مقلتلكش اى حاجه؟
منير بصله بخبث:
– لا يا ولدى هى قالت إنها بتحبك وانها هتتجوزك بارداتها
ريان بصله بحيره وطلع اوضته ومنير ابتسم بخبث وقعد على الكرسى بتاعه:
– الظاهر انه جت اللى هتعلمك الأدب يا حفيدى
ريان دخل الحمام وغير هدومه وطلع لقه نازلى بتبصله بغضب ابتسم وقرب وقف قدامها
– بصراحه مكنتش اعرف انه الجميل بيحبنى
– بحبككك؟!
قعد قدامها على الكرسى وبصلها بهدوء:
– قوليلى الحقيقه أنتِ ناويه على ايه؟
اتعصبِت:
– قصدك ايه؟
ريان بصله بنظرات شك:
– جدى قلى انه حضرتكِ قولتيله انكِ بتحبينى وانكِ عاوزه تتجوزينى بكامل ارادتكِ ليه مقولتيش الحقيقه بالرغم انكِ لو قولتى لجدى الحقيقه وقتها كان مستحيل هيوافق على جوازنا وكان هيعاقبنى على موضوع خطفكِ
نازلى لنفسها:
– بس انا قولت لجده الحقيقه كلها ايه خلاه يكذب على حفيده ويقول كده شكلها كده العيله ديه كلها مجانين وهيجننونى معاهم بس إللى متاكده منه انه جدو ابو عيون زرقاء ده وراه حاجه
ريان استغرب سكوتها وقام وقف قدامها:
– بتفكرى فى اييييه ؟
نازلى بغيظ:
– ميخصكش واه انا وافقت اتجوزك بس مش علشان خاطر عيونك بس علشان أعلمك الأدب من اول وجديد
ابتسم بأعجاب:
– يا واد يا جامد أنت تعجبينى وانا موافق بس لعلمكِ انه جدى بنفسه حاول كتيرر يغيرنى ومعرفشى هتعرفى أنتِ يا اوزعه
بصتله بخبث:
– ماشى يا مغرور لما نشوف اخرتها معاك بس انا واثقه انه هيجى يوم وتشكرنى انى غيرتك
ضحك وقعد قدامها:
– واثقه اوووى من نفسكِ وديه اكتر حاجه عجبتنى فيكِ بس اوك موافق يا قطه حاولى واهو نتسله شويه
ابتسمت باستفزاز:
– طيب متنساش حضرتك تجبلى هدومى لانى مينفعش اقعد باللبس ده
بصلها ببرود وطلع سجارته وبدأ يدخن:
– طيب روحى دلوقتى على أوضتكِ وانا هبعت حد يجبلكِ هدوم
بصتله بغضب وغيظ من بروده وطلعت سألت على اوضة جده وراحتله خبطت على الباب ودخلت
– جدو ممكن اتكلم معاك شويه؟
ابتسم :
– كنت عارف انكِ هتجيلى اتفضلى
دخلت وعلى وشها ابتسامة جميله:
– جدو أنت ليه مقولتش للمغرور المتكبر ده انى قولتلك الحقيقه ليه كذبت عليه ؟
قام ووقف قدامه:
– بصى يا بنتى ريان هو الابن الوحيد لابنى الصغير ومدلع فوق ما تتخيلى، زى ما أنتِ شايفه طول الوقت سهر وبنات واخر فترة بقاا بيشرب سجاير وبيسهر لوش الصبح مع صحابه حاولت معاه كتيرر اووى وكُنت بعاقبه كتيرر حتى ابوه حاول معاه وبرضوا مفيش فايده، ومن كلامكِ حسيت انكِ بنت مختلفه عن البنات إللى يعرفهم وخصوصا لما عرفت انهُ عرض عليكِ الجواز وأنتِ رفضتى وكمان انكِ تمدى ايدكِ عليه وهو ميعملش معاكِ حاجه ده اكبر دليل انه بيضعف قدامكِ وأللى واثق منه انه بيحبكِ فعلاً
وعلشان كده هو عاوز يتجوزكِ رغم انه الفترة الفاتت عرضت عليه كتيرر اووى موضوع الجواز ورفض وانا متاكد انه محدش هيقدر يغيره غيركِ لو هو فعلا بيحبكِ هيتغير علشانكِ ريان مش وحش بس المشكله الدلع والعالم إللى هو عايش فيه كله غلط وانا بطلب منكِ تقومى بالمهمه ديه ومتاكد انكِ مش هترفضى طلبى
ابتسمت واردفت بمرح:
– ماشى يا جدى يا ابو العيون الزرق موافقه سيبهولى خاالص وانا هعلمهولك الأدب لانى بصراحه بعد إللى عمله معايا حسابه تقل اووى وكمان هو اتحدانى انى مش هقدر اغيره بس بص وشوف ازاى هخلى المغرور ده يتغير
ابتسم وهو بيربت على كتفها:
– خلاص اتفقنا ومتخفيش لو فكر يضايقكِ قوليلى وانا هتصرف معاه بطريقتى
ضحكِت:
– ماشى انا هسيبك دلوقتى ترتاح بعد اذنك
– اتفضلى يا بنتى
نازلى ابتسمت وطلعت على اوضتها وهى ناويه على كل خير لريان دويدار
__________________
تانى يوم نازلى صحيت بدرى ومسكت جركن مياء، واتسحبت ودخلت اوضة ريان لقته نايم بهدوء وشعره نازل على عنيه بشكل جميل اووى ورايح فى نوم عميق وقفت جنب السرير وسندت جركن الميه وبصتلهُ بغيظ:
– يعنى مغرور ومشكلجى وعاملى ألف مشكله ومدمرلى ام حياتى ونايم فى سلام نفسى محصلش بس استعد يا ريان دويدار انا بقاا هخليك تقول حقى برقبتى بس الصبررررر
رفعت جركن الميه وهى بتبتسم بخبث :
– 1
-2
-3
-عيش بقااا
قالت كده وكبت جركن الميه عليه
ريان قام مفزوع وبصلها بغضب وو…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريئه غيرت حياتي)
تعليق واحد