رواية بريئة في عالم المافيا الفصل الخامس 5 بقلم ملك شكري
رواية بريئة في عالم المافيا الجزء الخامس
رواية بريئة في عالم المافيا البارت الخامس
رواية بريئة في عالم المافيا الحلقة الخامسة
عدا شهر على نفس الحال وكل يوم ملاك تاخد دروسها وتروح الشركه
في يوم جت ملاك من الشركه وخدت شاور وغيرت هدومها ودخلت ل رعد تحكيلو على يومها زي ما اتعودت قعدت ملاك جمب رعد: مش نوي تقوم يارعد بقا وحشتني اوي وحشني عنادي معاك وضحكتك الي من كلام ادهم وحمزه انها مكانتش بتظهر لاي حد قوم وهعوضك عن الوحده الي عشتها قوم يارعدي
كانت ماسكه ايده وهي بتتكلم ودموعها بتنزل وحست ان ايده بتقفل على اديها
رفعت ملاك راسها الي كانت حطاها على ايده بسرعه: رعد رعد انت فوقت انت سامعني
رعد ابتدا انه يغمض ويفتح ف عينه كذا مره وابتدا يقول بصوت خافت: م ملاك ملاك ا انتي فين
ملاك بدموع الفرحه: انا هنا انا جمبك والله قوم يارعد قوم ياحبيبي
استوعبت كلمتها وسكتت مره واحده
بصلها رعد وفضل ماسك ايدها: هو اي الي حصل
ملاك: قوم والله وهقولك على كل حاجه بقالي شهر ونص مش لاقيه حد اكلمه ولا اعند معاه ياعم رعد ينفع كده
ضحك رعد ضحكه زادت من وسامته مع ان وشه كان مرهق: معلش ياملاكي انا اسف اني حطيتك ف كل ده
ملاك مسكت ايده جامد وبصتله ببتسامه جميله: متقولش كده يارعد انت الراجل الوحيد الي انا اطمنتله وعمري محسيت بالخوف معاك مع انك رعد الحديدي الي كله بيخاف منه الا انا الا انا يارعد الا ملاك ملاك عمرها ما خافت من رعد ويلا قوم عشان تاكل وترتاح انهارده لان بكره فيه عملالك مفاجأه
رعد بنبساط من معاملتها الي اتغيرت وبقت للأحسن ف الاول كانت خايفه منه دلوقتي بتعامله على انها عرفاه من سنين
جم الممرضين فكو الكانولا وكل حاجه وكل ده وملاك مع رعد ومش راضيه تسيبه
مشيو الممرضين واتكلم رعد وهو قاعد على حرف السرير وهي على الكرسي الي قصاده: هما مودونيش اوضتي ليه ليه الاوضه دي
ملاك: عشان مش كل ما تدخل اوضتك تفتكر انك تعبت او تعمل ذكره وحشه ف الاوضه دي حاول يا رعد تعمل ذكريات حلوه مع اي حد بتحبه عشان حتى لو الشخص ده مشي يفضل معاك ذكرياته كل ما تفتكرها تحس انه معاك حاول تعمل شخصيه تانيه غير رعد الحديدي رعد الي الكل بيخاف منه وبيترعب اعمل شخصيه تانيه اسمها رعد البني ادم العادي جدا زيه زي اي حد مع انك فعلا مش زي حد بس لو علقت انبساطك بشخص هتتعب يارعد زي ما حكتلك كل حاجه عن حياتي وانها حياه صعبه نوعا ما بس كنت بضحك وبهزر لان مش كل حاجه الحزن اتمنى تفكر ف كلامي وتتغير ولو جزء صغير عن اذنك هسيبك تاخد شاور على ما اخليهم يجهزو الغدا
نزلت ملاك وفضل رعد باصص ل مكان مخرجت ببتسامه وفضل فعلا يفكر ف كلامها بعد وقت قام دخل اوضته وخد شاور وغير هدومه ونزل لقا ملاك قاعده ع السفره مستنياه قعد رعد بهدوء وابتدو يتغدو ف جو كانت ملاك مفتقداه
اتكلمت ملاك بحماس: رعد
بصلها رعد: ممم
ملاك: النتيجه قربت
رعد بصلها بهتمام: بجد كنتي بتاخدي الدروس
ملاك مرديتش تقولو انها كانت بتنزل الشركه انهارده: ممم كنت باخد الدروس وساعات كان حمزه او ادهم وهما رايحين الشركه بيعدو عليا يطمنو عليك وبيمشو
رعد بغيره: ممم ماشي ياولاد ال
..
ملاك ضحكت: في اي
رعد: ها لا ابدا مفيش
اتغدو وطلبت من الداده قهوه ل رعد وايس كوفي ليها
وقعدو ف الجنينه ف مكانهم المفضل قدام البيسين
قاعدين بيتكلمو ويضحكو وجت الخدامه ب الي طلبته منها ملاك
ملاك: اتفضل قهوتك يارعد بيه
وده الايس كوفي بتاعي
ضحك رعد: ها احكيلي بقا الي حصل ف الشهر ونص دول
ملاك حكتله كل حاجه معادا انها عملت كل حاجه تخص الشركه او المافيا اصلا
عدا اليوم وجيه صباح تاني يوم بفرحه على كل ابطالنا صحي رعد لبس بدله رمادي وقميص اسود ورش برفانه ونزل
كان لسه هيخلي الداده تطلع تصحي ملاك لقاها نازله ولابسه فستان ابيض عند الركبه وعليه ورود منتشره ف الفستان باللون الاصفر وشوز ابيض وشنطه صغيره وعملت كحكه عاليه وحطت ع مكان ربطه الكحكه فيونكه صفره صغيره ونزلت دخلت اوضه السفره: صباح الخير
رعد بصلها ببتاسمه من منظرها: صباح النور
ملاك: اعمل حسابك اني جايه معاك الشركه
بصلها رعد وابتسم لان محبش يرفضلها طلب انهارده
خلصو فطار وراحو على الشركه اول ما كانو داخلين ع الشركه بعتت ملاك مسدج ل حمزه انهم داخلين الشركه
دخلو الشركه ورعد ماسك ايد ملاك دخلو ملاقوش موظفين ولا اي حاجه رعد بصلها بستغراب
ملاك بصتله وابتسمت: حمدالله على سلامه الرعد
بعدها ظهرو الموظفين كلهم وهما ماسكين حاجات بتفرقع ورق ملون كده وابتدو انهم يقولو: حمدالله على السلامه يارعد بيه
في حد جه ب ترابيزه عليها تورته كبيره قربت ملاك رعد من الترابيزه ومسكت ايده وابتدو انهم يقطعو التورته سوا وكل الموجودين يصقفو
جيه ادهم وحمزه جري على رعد وحضنوه بشتياق ل صاحب عمرهم
ادهم وحمزه: وحشتنا ياصحبي
بعد وقت من الاحتفالات
اتكلمت ملاك بثقه وتحذير اتكلمت بصوت عالي: لكل الناس الي هنا الاحتفال ده او ان رعد بيه دخل الشركه اصلا طلع بس او اتقال ل اي حد بره الشركه اعتبرو نفسكو مرفودين كلكو وابقو قابلوني لو شركه تانيه قبلتكو حلو احنا احتفلنا سوا لان احنا مش بنعتبركو مجرد موظفين بس لو اي كلمه طلعت من بره خط الشركه ده هتشوفو وش ملاك التاني يلا كل واحد على شغله
اتصدم رعد من قوتها وازاي الموظفين سمعولها كده
وفعلا كان ثباتها وقوتها يتخاف منها
رعد اتكلم: هو في اي
ادهم: انت لسه شوفت حاجه دي بقت ملاك تانيه خاااالص
حمزه: اه والله يا اخويا ده انا بترعب منها الله يسامحك ياشيخه
ضحكو وطلعو على مكتب رعد الي ابتدا بقرا ف الملفات ويشوف هل الشركه قلت ف الوقت الي غاب فيه ولا لأ واي الي حصل لقا الأسهم عليت والشركه مقلتش بالعكس دي زادت والصفقات الي خلصوها ف وقت قريب
بصلها بصدمه وابتسمتله
رعد: لا بقا فهموني هو في اي
ملاك: انا هقولك
قالتله ملاك على كل حاجه مسابتش حاجه غير وقالتهاله حتى على موضوع العربيه الي بتراقبهم وازاي خرجته من المستشفى
رعد كان فاتح بقه من كتر الصدمه: ا انتي تعملي كل ده ياملاك انتو بتتكلمو بجد ولا انا حد ضربني على دماغي
ملاك: لا ياسيدي بجد اكيد مش هسيب الشركه تقع والفضل يرجع ل ادهم وحمزه ساعدوني كتير
ادهم: ياض يازين مره كنا ف اجتماع مع شكره العزيزي بتاعه عز وكان بيعلي صوته وفاكر نفسه مزنجر راحت دخلت مره واحده دخلتها سرعتني وربنا وقالت
حكاله نفس الكلام الي ملاك قالته بظبط
رعد الصدمات عماله تنزل على دماغه: انتي ياملاك الي كنتي بتعيطي من عيلين ماشين وراكي تعملي كل دههه
ملاك بثقه: عيب عليك
ضحك رعد بعد كده اتكلم بجديه: ملاك انتي كده دخلتي نفسك ف دوامه صعبه وانتي الي ممكن تتأذي فيها بلاش ياملاك
ملاك بثقه: وانا قدها يارعد الحديدي ومتخافش مش هتأذي
رعد: بس انا مش هسمح لحد يأذيكي لحد هنا وخلاص ياملاك
ملاك بتحدي: لا يارعد وهكمل الي بدأته لحد ما اوقعهم كلهم لان لحد هنا وده هيبقا اخر محطه ليك ف الشغل ده فاهمني يارعد نخلص منهم ولحد هنا هتبقا رعد تاني وعد يارعد
ابتسملها رعد: وعد ياملاكي
ابتسمت ملاك وبصو ل ادهم وحمزه الي باصنلهم بصدمه وبينقلو نظرهم عليهم
ضحكو كلهم
ملاك اتكلمت: اه صح يارعد في حفله هتتعمل كمان يومين عشان الصفقه الي خلصناها مع شركه العزيزي
رعد: تمام ماشي
عدا اليوم وجيه معاد انهم يروحو مشيو رعد وملاك
وحمزه وادهم
ادهم وهو ماشي: اووووف اهي العربيه عطلت هي نقصاكي
نزل ومش عارف يعمل اي لقا باص قال: هركب وامري لله
ركب الباص وبص بزهق نوعا ما وملقاش كرسي فاضي غير جمب بنت
قعد والبنت كانت بتدفع الاجره
الراجل الي بياخد الاجره: هاتي ياعسل
البنت وتبقا ليان: عسل مين ياحج اتفضل الاجره اهي واستهدا بالله
الراجل: مالك ياقمر انا باخد الاجره بس
ليان: ياحج استهدى بالله انت لو عطست تموت
بصله ادهم بتحذير: ما قالتلك خلاص ياعم الحج وبعدين عندها حق انت خدت اجازه من القبر تطمن علينا وترجع ولا اي خد اجرتك ويلا
مشي الراجل وهو بيبصلهم بغيظ
ليان: شكرا يااستاذ
ادهم بصلها: العف….. انتيييي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريئة في عالم المافيا)
