رواية بئر كندراش الفصل السادس عشر 16 بقلم نورهان إسلام
رواية بئر كندراش الجزء السادس عشر
رواية بئر كندراش البارت السادس عشر
رواية بئر كندراش الحلقة السادسة عشر
حين تتحدث تأكد بثقتك بِمن حولك ، فالغدر لا يأتى إلا بِمن وثقت بهم.
كان الملك قاعد على كرسي العرش وبيتكلم مع الوزير بأمر: مع إقتراب عيد الأمانى، ينشغل الجميع بإكتساب قدرات سحرية ليتمكنوا من المشاركة فى تحقيق الأمانى … إذا إصدر أمر ملكى بأن للمشاركة فى العيد يجب أن تمتلك ثلاثون قدرة سحرية على الأقل .
الوزير كان مصدوم من قرار الملك لكن ميقدرش يخالف أوامره إتكلم بطاعه وقال: تحت أمرك مولاى ولكن أليس كثيراً!!؟
وقف الملك وقال بأمر: لا تجادلنى ، أريد أن اسمع اليوم الخبر فى جميع ارجاء الأرض
الوزير خفض رأسه احتراماً للملك ومشي من جناح الملك
_____________________
كانت نجمه فى كوخ أدم بتساعده فى بعض الأخشاب اللى بيعملها بالسحر بتاعها .. سمعوا صوت مُنادى بيتكلم ويقول لكن بلغة أراسي: لقد رفع الملك عدد سحر خدمات تحقيق امانى البشر إلى ثلاثين خدمة سحرية.
خرج ادم ولبست نجمه القناع وخرجت، كان الجميع واقف مصدوم من كلام المنادى ومنهم اللى إعترض ولكن المُنادى كان بيكمل طريقه وهو بينادي بنفس الكلام
دخلت نجمه وأدم الكوخ اتكلمت نجمه وقالت : يعنى ايه! انا مش فاهمه حاجه !
اتكلم أدم وهو بيقول: الناس فى الأرض عندها من السحر من عشرة إلى خمسة عشر من خدمات السحر اللى قدرت تكسبها طول حياتها، واغنياء الأرض عندهم من عشرين لخمسين قدرة سحرية كان أغلب الشعب يقدر يشارك، دلوقتى لا
نجمه بإستغراب: يعنى اول مره يعمل كدا ، طب ايه فايدة إنهم يشتركوا فى عيد الأمانى!!
أدم:كل اللى بيقدر يحقق أمنيه لبشرى، بيقدر يكسب خمس خدمات سحرية بسهولة.
نجمه: انت كدا مش هتقدر تشارك
هز أدم رأسه بيأس وقال: للأسف انا لحد دلوقتى معنديش غير عشرين خدمة سحرية بس .
رفع إيده واللى بيكون فيها عداد فيه رقم السحر اللى قدر يكسبه
رفعت نجمه إيده وكان عدد السحر اللى تمتلكه خمسة عشر خدمة سحرية
نجمه كانت بتتكلم بثقه وقالت: فاضل قد ايه على عيد الأمانى !!
أدم: أقل من أسبوع!!
هزت نجمه رأسها وخرجت من كوخ أدم قعدت فى مكان جنب الكوخ وهى بتقرأ الكتاب اللى فى عقلها
” فى تحدى تستطيع او لا تستطيع قد تفوز إرادتها، عزيمتها لا يستطيع احداً إيقافها .. لا تحاول أن تفوز لإن الخسارة حتماً لك”
وكان تحت إمضاء الساحر .
اخدت نجمه نفس عميق وفتحت عيونها وهى بتتحدى نفسها إنها تشترك فى اول عيد أمانى ليها على الأرض
______________________
“يا لك من صغير لا تُدرك المستقبل”
كانت هتكمل وهى بتتكلم مع ابنها “راميان” لكن قاطعها دخول الملك على جناح راميان اللى هى قاعدة فيه ،كان نايم لما دخل الملك وهو بيبص فى وش راميان وقال: لقد أخذ كل شئ منكِ، حتى ملامح وجهك البرئ ولكن أليس من الغريب أن تمتلكِ ملامح بريئه وعقلاً خبيث .
وقفت قمر وهى بتبتسم بسخرية وقالت: الاغرب أن تمتلك عرش البلاد ،وخوف الشعب فى قلبك .. كنت أظن أن لك عقلاً تحكم بهِ البلاد.
خرجت قمر من غرفة راميان ، الملك كان واقف والغضب باين على وشه إتجاه قمر ، عينه فضلت على الباب اللى خرجت من قمر ، إتنهد بغضب وخرج وراها كانت وصلت لأخر ممر فى القصر .. حرك أيده وهو بيرفع قمر وقيد إيديها وهى فى الهواء علشان متقدرش تتحكم فى سحرها
قرب الملك منها ببطئ وكانت هى بتحاول تفك نفسها وصل الملك لأخر الممر وكان واقف قدامها .. نظرها كان مُثبت على الملك وهى بتتكلم بغضب: إتركنى، لا اريد أن استخدم قوتى… انت تعلم ذلك!
ضحك الملك بسخرية وقال: قوتك! قمر قولت لكِ لا تستغلِ محبتى لكِ.. انتِ لا تعلمين ماذا أفعل من أجلك
كانت بتنهج من الجهد اللى عملته وهى بتحاول تفك نفسها .. حرك إيده وهو بيزيل السحر اللى ربطها فى الهواء بهدوء علشان تنزل على الأرض
مسكت إيدها بألم وهى بتتكلم مع الملك وقالت: لن أغفر لك هذا .
مشيت من قدام عيونه وهو فضل مركز معاها لحد ما غابت عن عيونه
________________________
عدى يومين وكان عيد الأمانى أتأجل اسبوع بسبب ثورة الشعب على زيادة الخدمات السحرية، استغلت نجمه الحدث وكانت بتحاول تكسب قدرات سحرية على قد ما تقدر ، كانت أصعب قدرة بتحاول تكسبها هى إنها تقدر تتحكم فى المعادن اللى حواليها ، مسكت مغناطيس فى إيديها وكان فيه معادن صغيرة على الأرض كانت نجمه بتطير والمعادن تمسك فى المغناطيس .. كانت بتتكرر العملية ديه كل يوم حوالى ٣ مرات ولمدة ٥ ايام اخر مره إيدها وهى بتعمل المحاولة أصدرت ضوء كدليل على اكتسابها قدرة سحرية جديده .. بصت فى العداد اللى بيظهر عدد السحر عندها اللى قدرت تكسبه .. كان عدد السحر ٢٨ قدرة سحرية قدرت تكسبهم خلال فترة قصيره جداً
فاضل علشان تقدر تشارك فى عيد الأمانى يكون عندها قدرتين زيادة
________________
=حقيقى شكراً ليك جداً تعبتك معايا
كانت هنا بعتت رسالة ل أسر على الواتساب
فضلت مستنية منه رد لكن كان قافل الواتساب بتاعه حالياً
رمت الموبايل بتاعها على السرير وهى بتقوم علشان تدخل المطبخ تساعد والدتها
____________________________
كان حسن قاعد فى اوضته وماسك الموبايل بيلعب بيه ، الباب خبط فقام يفتح وكان واقف أسر وماسك فى ايده علبة شيكولاته .. رحب بيها حسن وهو بيقول: استاذ أسر .. اتفضل .. حضرتك منور
دخل أسر وقعد وهو بيسأله عن صحته خرجت والدة هنا وهى بتقول: مين يا حسن !!
شافت أسر قاعد .. دخلت وهى بتسلم عليه وبتقول: اهلاً يا بنى عامل ايه .. تسلم زيارتك يا حبيبى
أسر بإبتسامة: كنت عايز اطمن على البطل ده، عامل ايه!!
ابتسم حسن وقال: بخير ، الحمد لله .. شكراً على اللى عملته معانا إمبارح
كانت هنا سامعة من المطبخ إنه موجود دخلت الاوضه بتاعتها وغيرت هدومها، دخلت المطبخ تانى وهى بتجيب طبق وبتحط فيه قطعة جاتوه
ابتسم لما شافها خرجت وقعدت معاهم .. بدأو يتكلموا شوية وكان اغلب الحديث بين هنا وأسر عن نجمه وعن مواقف كتير بينهم .. طلع أسر صوره من محافظته لما اتكلمت هنا عن نجمه .. كانت صورة ليه هو ونجمه وقمر من وهما صغيرين .
مسكت هنا الصورة وقالت: نجمه كلمتنى عن اختها التؤام كتير ، لكن متوقعتش إنهم شبه بعض اوى كدا
هز أدم رأسه وقال: هما فعلاً كانوا نسخه من بعض بشكل كبير
___________________
*بعد ٣ ايام
كان ميعاد عيد الأمانى الناس كلها بدأت تجهز للإحتفال.. من قواعد الإحتفال إن اول عملة معدنية بتنزل .. الملكة هى اللى بتقرأ الأُمنية والملك بينفذها للشخص ده
________________
خرج الملك وكانت معاه قمر اول الأرض بتبدأ من عند البئر … بدأ الشعب يرحب بالملك والملكة وكانت قمر بتبص ليهم وتبتسم فضل الملك ماسك إيد قمر لحد ما دخلوا على المكان اللى اى حد بينزل في البئر بيكون فيه .. الماء اللى موجود فوف عكس الجاذبية دليل على إن الأرض لسه بخير وده اللى طمن الملك .. دخل الملك المكان والشعب كان واقف تحت وكان أدم ونجمه وماندريانا وآبيل صديق أدم واقفين مع بعض مسك الملك الورقة تحت تحية الشعب والسعادة اللى كانوا فيها وهو بيديها لقمر إللى بدأت تقرأها عليهم بلغة الأرض : لقد إستحوذ هذا البئر على ثلاثة أشخاص لى، كانوا بالنسبة لى كل شئ ، لا اؤمن بأن هذا البئر له القدرة على شيء ولكن يوجد أمل لدى برجوعهم، خصيصاً تلك النجمه التى قضيت معها طفولتى كان تحت إمضاء
أسر عبد الرحمن
فضلت قمر واقفه وملامح الصدمه باينه على وشها ، أسر اخوها عايش . نجمه كانت قالت لها إنه مات .. لاحظ الملك شرود قمر وسكوتها المفاجئ
فى اللحظه ديه كانت ماندريانا وادم واقفين ونجمه واقفه وسطهم .. بعد ما قمر خلصت كلامها سحبت ماندريانا القناع من على وش نجمه اللى كانت علامات الصدمه باينه على وشها من الكلام اللى سمعته .. كدا فهمت إن اخوها أسر عايش
_________________
أسر رجع البيت ونام على السرير وهو بيفتكر الكلام اللى كتبه
كيف الحال!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بئر كندراش)
تعليق واحد