رواية بئر كندراش الفصل السابع عشر 17 بقلم نورهان إسلام
رواية بئر كندراش الجزء السابع عشر
رواية بئر كندراش البارت السابع عشر
رواية بئر كندراش الحلقة السابعة عشر
كان الكل واقف مصدوم خصوصاً ادم اللى مش فاهم ليه صديقته المقربه عملت كدا ، الشعب بدأ يتكلم عن مين الملكة الأصلية للأرض ، لاحظ الملك هِتاف البعض ، كانت نجمه موجوده فى وسط الناس .
أمر الملك واحد من الخدم ينزل من منحدر البئر علشان يعرف فيه ايه !!
الملك مسك الورقه من قمر وهو بيتكلم: ما دليل صمتك المفاجئ، هل حدث شئ!!؟
نظرة قمر اتجهت ناحية الملك وهى بتقول: هتنفذ المكتوب فى الورقة !!
لأول مره تكلمه بلغة أرضها هى ” العامية”
هز الملك رأسه بعدم فهم للكلام المكتوب دليل على الموافقه
ضحكت قمر بسخرية وقالت: هل تعلم من الأشخاص الذى إستحوذ البئر عليهم!؟
هل تعلم من هى النجمه التى قضي معها طفولته !!
للحظه بدأ الملك يستوعب مفهوم الرسالة واللى هو اكيد ميقدرش ينفذها.
قبل ما يتكلم كان الخدم ماسك نجمه وفى لحظه كانت نجمه قدامه والشعب مستنى تبرير للشبه الموجود بينها وبين الملكة
قمر بصت ل نجمه بإستغراب علشان مش لابسه القناع زى كل مرة
____________________
ادم إتكلم بغضب مع ماندريانا: انتى ليه تعملى كدا !!
ماندريانا كانت واقفه مش بتتكلم ، كانت شاردة فى المشكله اللى سببتها لنجمه
ادم مسك إيديها وهو بيوجه وشها ليه وقال: قوليلى عملتى كدا ليه !!
عيونها لمعت بالدموع لإنها شافت نفسها وحشه جداً بسبب التصرف ده وقالت: مش عارفه .. بس انا
ادم سابها وهو بيقول: بس ايه.. انتى عارفة المشاكل اللى بينها وبين الملك !!!
مشي قادم عند المقدمة اللى واقف فيها الناس ويعتبر المكان اللى قريب من نجمه ومكان وجود الملك
________________________
الملك بتوجيه الكلام ل نجمه: كيف لا ترتدين القناع!
نجمه بتبرير لقمر: انا كنت لابسه القناع.. حد شده من على وشى..
هزت قمر رأسها بتفهم ومسكت إيد نجمه وهى بتقف قصاد الناس وقالت بلغة أراسي: انا الملكة قمر
شاورت بإيديها على نجمه وكملت: وهذه اختى نجمه .. كما تعلمون لا يوجد شبيه فى أرض كِندراش .. ولكن فى أرضي الذى جئتُ منها يوجد .. وهى أتت الأرض منذ اكثر من شهر ، فلتحتفلوا بعيدكم .
الشعب سكت لما الملكة قمر إتكلمت ، بصلتها نجمه وهى بتقول: كنت واثقه فيكى.
ابتسمت قمر وهى بتكلم الملك بمكر وبتقول: إذاً هل ستنفذ ما طُلب منك جلالة الملك!؟
___________
أسر رجع البيت ونام على السرير وهو بيفتكر الكلام اللى كتبه
رجع دماغه لورا وهو بيقول فى نفسه: ايه الهبل اللى عملته ده يا أسر.. طول عمرك مش بتصدق الكلام ده !!
مسك صورة ل نجمه من جنب السرير وقال: لو كلامهم حقيقى ..هترجعى !!
فضل مركز على الصورة فتره وبعد كدا ساب الصورة
مسك الموبايل بتاعه .. كان بقاله فتره مفتحش الواتساب .. فتحه وكان فيه رسائل كتير مش مقروءه كان بينزل بالرسائل لحد ما شاف هنا بعتاله رسالة
“حقيقى شكراً ليك جداً تعبتك معايا”
الرسالة كانت من حوالى اسبوع رد وهو بيقول: بعتذرلك انا مشوفتش الرسالة إلا دلوقتى، العفو تعبك راحة ..
رد على زمايله فى الشغل اللى بعتوله واللى منهم صديقه سيف كان باعت ريكورد .. فتحه أسر وسمع: اللواء بيقول إن موضوعك طول ، لازم تيجى الشغل يا أسر وتشوف الموضوع ده معاه.. لحسن يعمل فيك مذكرة وانت مش ناقص ..سلام
بعت أسر ريكورد وهو بيقول: جاى يوم الثلاثاء اللى جاى
افتكر كلام هنا لما كان عندها: الحياه مينفعش تقف على حد ، الذكريات بتفضل معانا علشان نعيش عليها مش نموت نفسنا بيها .
غمض عيونه وهو حاسس أن نفسه يكلمها .. لكن ساب الموبايل ورجع بص للفراغ تانى
___________________
كانت ماندريانا اتقدمت لحد ما وصلت للمكان اللى وقف فيه ادم وقالت بقلق: حصل حاجه لنجمه!!
بصلها وكان مبين إنه متضايق منها ومشي من طريق تانى
كانت بتبصله وعيونها بتدمع .. صديق عمرها حالياً متضايق منها وسابها ومشي
_______________________
= كيف نزلت إلى هنا جلالتك
كان حد من الشعب سأل الملكه قمر بعد ما خلصت كلامها… ردت قمر: عن طريق الخطأ ..اليوم عيد تحقيق الأمانى يجب أن يحتفل الجميع ..
مسك الملك ايد قمر وكان وشه باين عليه علامات الغضب بسبب تصرفاتها وقال: كيف تتحديني!!!
قمر كانت نظراتها كلها سخرية وده اللى الملك لاحظه… بص للشعب وقال : سيقف الوزير والخدم هنا..كل شخص لديه ثلاثون قدرة سحرية يستطيع اخذ ورقة
بص ل نجمه وقال: إذاً اذهبى انتِ اعتقد بأن قدراتك السحرية لن تسمح لكِ هذا العام .
رفعت نجمه إيديها مكان عداد السحر ..اول الملك ما شافه سيطر على وشه علامات من الغضب والصدمه ..
قالت نجمه: لدى ٣٥ قدرة سحرية .
قمر كانت فخورة أنها قدرت تكسب القدرات ديه كلها فى وقت قصير
كان ادم واقف تحت على مقربة من البئر مستنى نجمه تنزل
قرب منه صديق ليه ثانى اسمه سمير من اهل القرية : تعالى، ماندريانا قاعده فى مكان هنا وبتبكى جامد جداً
لف أدم وشه فى اتجاهه وقال: ميهمنيش امرها دلوقتى
استغرب سمير أدم لإن بالنسباله ماندريانا أقرب صديق لأدم
______________________
دخل وقعد على كرسي وهو بيقول : يا عمى هى اللى مشيت ، انا معملتش ليها حاجه.
=طب والصورة اللى كانت فى درج مكتبك!!
وبعدين ازاى لما توجهك بحاجه تمد إيدك عليها
إتكلم بتبرير: هى اللى طولت لسانها عليا
=كريم يا بنى انت اتغيرت اخر فتره وانا رحتلك الشغل وسألت عن البنت اللى اسمها نجمه ديه وعرفت إنها كانت موظفه عندك وماتت.
وقف كريم واتكلم بإنفعال: يعنى ايه تروحلى الشغل وتسأل على حد عندى هو انا مقطف يعنى
طلعت وقف” والد ريم” واتكلم بعصبية: انت ازاى تتكلم معايا كدا… سكت شوية وبعدين كمل: انت اتمديت جامد وانا سكتلك كتير ، لما تعرف غلطك وتعترف بيه ابقى تعالى خد مراتك.
قعد كريم على الكنبه.. لكن طلعت خرج وقفل الباب وراه بقوه .. كريم إتكلم بتلقيح: رزعه فى نفوخك انت وبنتك ..ناس هم
_______________________
إتكلم الملك بثقه وقال: فى أرض كِندراش يُنفذ الملك اول رسالة تصل إلى الأرض .. وانا سأُنفذ تلك الرسالة…
سكتت نجمه وقمر ..وملامح الدهشه والاِستغراب محاوطاهم
سحر الملك السماء فاتحولت لألوان الطيف السبعه .. الشعب بدأ يظهر فرحته بالعيد .. فئه من الشعب اللى عندهم ثلاثين قدرة سحرية .. كل واحد كان بيختار ورقة ويقرأها للملك .. الملك كان يبتسم ليهم واحياناً يتكلم .. لكن الإختلاف المره ديه إن نجمه موجوده جنب قمر
إتكلمت قمر ونظرها على الملك : هيا يا نجمه اختارى ورقة لكِ…. اختارت نجمه ورقة تحت نظرات الملك .. بدأت تقرأ اللى مكتوب فى الورقة قصاد الملك: رُزقت من الدنيا بطفل كبر أمام عينى ولسوء الحظ أصبح معى جسداً بلا روح بسبب مياه تلك البئر .. لقد تمنيت أن اسمع صوته وأراه يتحرك امامى.. اتمنى عودته
وتحت فيه إمضاء ..
الملك بص ل قمر بإستهزاء لإن مفيش حد قدر يخرج روح من قصر الأرواح .
الملك اتكلم وقال: إذا متى ستنفذى نجمه
نجمه بسخرية: متى
تُنفذ انت مولاى
______________________
انتى انسانة أنانية ازاى تعملى كدا
كان ادم بيوجه الكلام ل ماندريانا بغضب
ماندريانا كانت عيونها مليانة دموع وقالت: كنت حاسه بشعور غريب إن انا لازم اعمل كدا حقيقى مش عارفة عملت كدا ليييه !!
فضل ادم باصص عليها وبعدين قال: خلاص لما تعرفى تعالى كلميني
قعدت على صخرة جمبها وهى بتخبى وشها بإيديها وتبكى
___________________
وصلتله رسالة على الواتساب .. فتح الموبايل
= بابا حكالى على اللى حصل ..وحتى لو فيه امل نرجع فأنا مش عايزه ولو سمحت ابعتلى ورقة طلاقى
رمى الموبايل على المكتب وطلع صورة نجمة حطها قدام عيونه
________________________________
كانت هنا قاعده فى الشغل لما حد كلمها وقال: فيه شخص عايزك تحت …
ابتسمت وهى معتقده إن الشخص ده أسر
لكن اول ما نزلت كان شخص تانى
__________________________
كان أسر واقف قصاد اللواء رأفت .. مسك اللواء شارة وهو بيحطها على كتفه قدام زمايله وقال: مبروك يا بطل ..
أسر بلامبالاة: الله يبارك فيك يا فندم
الكل كان بيسقف لكن هو كان فى وادى تانى ..
اللواء رأفت: تقدر تكمل شغلك من النهارده…
___________________________________
=ايه الفرق بين العملة الفضة والذهب
كان سؤال وجهته نجمه ل قمر
قمر بإبتسامة: العملة الفضه دليل على إن الطالب أُمنيته عادية اى حد يقدر يعملها .. ومش بتكون كتير لكن العمله الذهبيه بتختار صاحبها .. بصت للملك وقالت: لإنها واثقه إنه هيقدر ينفذ الطلب .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بئر كندراش)
