رواية اه من سكر الفصل الرابع 4 بقلم زهرة الربيع
رواية اه من سكر الجزء الرابع
رواية اه من سكر البارت الرابع
رواية اه من سكر الحلقة الرابعة
رد عليا فين الي خليتني مسافره واتجوزتها يا باشا
يامن لسه هيتكلم او يشرح.. طلعت سكر من جنب السرير ورفعت ايدها وقالت بطريقه مستفزه جدا… انا اهو حد بينادي عليا
يامن ضرب على وشه وقال… بشرى خلينا نتفاهم ماشي يلا ننزل يا حبيبتي وهنتفاهم
بشرى زقت ايده وقالت بزهول ايه دي.. ايه دي انت سبتني انا واتجوزت العيله دي
يامن لسه هيتكلم سكر حطت ايديها في وسطها وقالت مالها دي يا حبيبتي لكون مش عاجباكي
بشري بصتلها من فوق لتحت بزهول من شكلها و لبسها وقالت ايه ده ايه ده كلمني
اهل يامن كانوا واقفين بره اتدخلت والدتو وقالت بصي يا حبيبتي احنا هنفهمك اللي حصل ده والله جواز على الورق وبس انتي عارفه يامن بيحبك
بشرى قالت بغضب.. واحده متجوزها ورق بس هتقعدله كده
سكر رجعت شعرها لورا عايزه تغيظها وقالت..دي اقل حاجه عندي لو مكانش على الورق كنت لقيتي شكل تاني خالص
يامن مقدرش يمسك نفسه وكان عايز يضحك على طريقتها وبشرى بصتلهم بغيظ وقالت.. خليهالك اشبع بيها ورمتلو دبلتو في وشو ومشيت بسرعه
يامن لسه هيمشي وراها سكر مسكت ايده وقالت اوعى تروح وراها
يامن بصلها بغيظ واهلهم نزلو وسابوهم
قفل الباب بغضب وبصلها وقال .. اقدر افهم عملتي كده ليه
سكر بصتلو بابتسامه وقالت..وانا ذنبي ايه بقى في اللي حصل اذا كانت مش مصدقاك انا داخلي ايه…بس بصراحه هي معها حق ازاي عايزها تصدقك وهيه ظبطاك مع قمر زيي
يامن بصلها بسخريه قال …وفين القمر ده… امر بالستر يا اختي
سكر ضحكت وقالت بثقه والله انا عارفه نفسي قمربن مش قمر واحد و مش محتاجه رايك… بس تقدر تقولي مدام انا وحشه وامر بالستر ..كنت بتعمل ايه معايا من شويه
يامن ابتسم وقرب عليهاوقال عايزه تعرفي كنت بعمل ايه معاكي
سكر ابتسمت وقالت..اه عايزه اعرف
يامن قرب اكتر وقال…يا بت متاكده عايزه تعرفي
سكر هزت كتفها وقالت..اممم عايزه
يامن بصلها باعجاب وقال ..اما كمان عايز ..عايز قوي
وفي ثواني شدها عليه بقوه وبقى يقرب منها
سكر ضحكت وقالت …بس بقى يامن ما تزودهاش لاخبطك على دماغك والله
بس مردش وبقى يفرب اكتر ..وهبه ممنعتهوش بس ومقدرش يكمل وقال هو احنا بنعمل ايه …كده غلط ..احنا هنتطلق يا سكر مينفعش اذيكي كده
سكر بصتلو باستغراب وقالت… نطلق
يامن قام وقال طبعا هنطلق ..احنا متفقين على كده
سكر لمعت عنيها بالدموع… تفكيرها البسيط البريء الساذج خلاها افتكرت لمجرد انو معجب بيها وبقى يقرب لها وكده يبقى عايزها و مش هيطلقها وقفت وقالت… اه اصح..احنا..احنا هنتطلق …يمكن نسيت..و لسه هتمشي مسك ايدها وقال بحزن طب انت زعلتي ليه ..اانتي مش كنتي عارفه كده من الاول
بقلم ……زهرة الربيع
سكر نفضت ايده بغضب وبصتله وقالت…و انا هزعل ليه اللي خلقك خلقش غيرك انا اصلا مش عايزاك تمام مش عايزاك ….بس مقدرتش تكمل وبقت تبكي ودموعها تنزل غصب عنها
يامن اتنهد بحزن وعينيه بتلمع بالدموع وقال…احنا لازم نبعد الموضوع بقى خطر وانا نفسي مبقتش استحمل ولا بعرف اتحكم في نفسي .
يامن قال كده و اخذ هدوم ودخل على الحمام وهي قعدت وحطت ايديها على وشها وبقت تبكي مش عارفه ايه اللي مضايقها قوي كده
بعد شويه خرج وقال انا هروح اسلم على الناس تحت عايز حاجه ابعتلك حد
سكر قالت بضيق قول لماما تطلع لي علشان تجيب لي حاجه البسها
يامن ابتسم وفال..حاضر بس هتفضلي مكشره كده لامتى
سكر بصتلو بضيق وقالت …وانت مالك اكشر ولا اتفلق حتى
يامن ابتسم وقال… لا طبعا دخلي..انا ما يهونش عليا ابدا تزعلي كده
سكر بصتلو بدموع وقالت… هو انت بتحبها قوي يعني ايه يا مميز فيها… يعني علشان طويله شويه
يامن ضحك بخفه وجذب شعره لورا وقعد جنبها وقال لا على فكره مش مسالة طول لانو اتضح لي ان القصيرين اجمد بكتير
سكر قالت بدموع ….طب ليه طيب
يامن بصلها بحنيه وقال . عشان مخطوبين من بدري ومتفاهمين ..لو ..لو كنت عرفتك قبل ما اعرفها كان الوضع اتغير اكيد.. اكيد كان هيتغير يا سكر.. وانهد ومشي وسبها باصه لطيفه بحزن شديد
بعد شويه اخذت حمام وجات والدتها وجابت لها الهدوم اللي هتحتاجها ولبست وجهزت ونزلوا على تحت
الكل كان بيبارك لهم بسعاده وخرجو وفضلو قاعدين مع عيلتهم ويامن كان حاطط عينه عليها ومش شايلها خالص وبيبصلها بنظرات اعجاب واضح
سكر كانت بتحاول تتجاهلو وبتمثل انها مبسوطه ومش هاممها عكس الوجع الي جواها
في الوقت ده دخل عادل و بص للجميع بحرج وقال صباح الخير
الأغلبيه مردوش عليه وهو اتنهد وقرب من عمه وقال..عمي انا..انا اسف على اللي عملته امبارح معلش كنت متضايق ومتعصب ومقدرتش اتحكم في غضبي انا راجعت نفسي وبجد اسف ليك ولسكر …وباذن الله انهارده نعمل الفرح الي اتأجل
الكل بصولو بزهول وعمه قال بسخريه..فرح ايه الي اتأجل..انت مش في البلد ولاايه
عادل قال باستغراب..انا كنت عند واحد صاحبي بعيد شويه ..مش فاهم قصد حضرتك يعني ايه متأجلش
عمه قال بضيق..زي ما سمعت الفرح اتعمل على معاده…يامن اتجوز سكر ..زي ما حضرتك قولت
عادل اتصدم واتنرفز جدا مش لانو بيحب سكر لا لانو مبيحبش يامن وحس انو اخدها منو قال بغضب..ايه..اتجوزها ليه..دي خطيبتي انا انتو مجانين ازاي تعملو كده
عمه بصلو بغضب شديد وقال اتكلم كويس..مش انت الي سبتها..وقولت جوزوها للي كان معاها ..ادينا جوزناها ليامن ايه الي مزعلك
عادل بصلهم بغضب وقال..بس انت كنت تقدر تأجل الفرح يا عمي و
عمه قال بسخريه..اه..ااجل الفرح وانا مش عارف ازا كنت سيادتك هتتجوزها تاني ولا لا
عادل لسه هيتكلم يامن قال بضيق..عادل الموضوع خلص..انت كده كده مكنتش عايز الجوازه دي واديني اتجوزتها انا وخلصنا بقى وانسي الموضوع ده
عادل بصلو بغضب وقال..طول عمرك تموت وتاخد الي في ايدي
يامن قال بعصبيه..الي في ايدك انت الي فرطت فيه…وبسهوله من غير ما تسمع
عادل لسه هيرد سكر قالت بحزم …بس تقدر تستردو
الكل بصولها بزهول ويامن بيبصلها باستغراب ومش فاهم تقصد ايه بس اتصدم لما كملت وقالت..يامن خاطب وبيحب خطيبتو واتجوزني علشان كلام الناس..بس هنطلق شهر بالكتير ويمكن اقل فلو فعلا ندمان و لسه عايزني وكانت غلطه زي ما بتقول ممكن المأذون االي يطلقنا يجوزني انا وانت…وبصت ليامن بسخريه وقالت..لاني اكيد مهيبقاليش عده
يامن اتسعت عنيه بزهول شديد وصدمه من كلامها وخصوصا جملتها الاخير الي احرجتو بيها قدام الكل ..لانها تقصد انها هتطلق منو ومهيكونش لمسها وبكده ملهاش عده..بصلها بغضب وعادل قال بسرعه علشان يغيظ يامن…وانا موافق هنتجوز اول ما تطلقيه
يامن بصلهم بغضب وبص لسكر بنظره مرعبه وقال .سكر …اطلعي فوق..اطلي يالا
سكر بصتلو بضيق وقالت..مش عايزه اطلع و.
بس قاطعها بغضب وقال..بقولك اطلعي فوووق…يلااااااا
سكر ضربت رجلها في الارض بغضب وطلعت فوق
وعادل لسه هيتكلم يامن مسكومن قميصه بغضب وقال..وانت..خليك بعيد عنها وتنساها خالص…دي بقت مراتي ويمكن مأطلقش.. ودفعو بقوه وقعو على الكرسي والكرسي وقع بيه على الارض
يامن طلع قوق ووالدة سكر زغرطت وقالت بسعاده …ربنا ما يفرقكو ابدا
يامن وصل اوضتو بعصبيه ودفع الباب ودخل بغضب شديد
ووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اه من سكر)
