رواية انكسار الياسمين الفصل الأربعون 40 بقلم أمل مهدي
رواية انكسار الياسمين الجزء الأربعون
رواية انكسار الياسمين البارت الأربعون
رواية انكسار الياسمين الحلقة الأربعون
ويـاهم مثل ما انا ظليـت
بدون ألوان وجهـي الخام بعـده
لهسة إمحسب بصدري الگصب بيت
وبلا بيبان گلبي يبات وحـده
انا بين هاي الناس مريت
مثل قارب ورق والموج ضده
المنطي عيوني يگلي شطيت
انا الماتركت الشوف وحده
_______________
سيدعلي _
ياسمين يمكم…….!!!! شسوي…
رافع _ والله ما صار مجال اسالها اني مثلك تفاجأت من دخلت
علينه كانت منهاره وتبجي
المهم انته هسه اشلونك…….؟؟؟
سيدعلي _ غدروني المايخافون الله وحركو حلالي
رافع _ الله يكون بعونك ويعوضك …. شد حيلك وگوم
ويصير خير وياسمين اني اجيبه بيدي الك
سيدعلي_ خليها واني اجيبه من اطلع منا
احمد _ اني اترخص وانشالله اجيك باجر يله رافع اوصلك بدربي
السيد _ لا تكلفون نفسكم احتمال منا الباجر احنه بالبيت
رافع _ مو مشكله نجيك للبيت
السيد _ الله كريم….. راحو احمد ورافع واني اعصابي نار اكيد صار
شي بالبيت بس ما گدرت احجي گدام رافع
التفتت على أركان شكو صاير شي ابيتنه…….؟؟؟
أركان _ هسه تطلع للبيت ونحجي
السيد _ اكيد نسرين حجتلك گول أركان……
أركان _ اختك آلاء متعاركه ويه ام علي وطاردتها من البيت
محملتها سبب الصار
السيد _ فهمت هزيت براسي يصير خير……!!!!
سيدعلي _ اريد اطلع اختنكت
أركان _ سيد انشوف الطبيب شيگول ما صدگنه ضغطك استقر
السيد _ أركان اريد اطلع…..
أطلع للبيت وهناك اكمل علاجي
أركان _انته هسه يالله استقرت حالتك شدعوه مستعجل… تلحگ
ترجع للبيت وللمشاكل
السيد _ كلتلك اريد اطلع صيحلي احد يشيل المغذي والا اني اشيله
أركان _ اي هسه اجيبلك احد…..
رحت الغرفة الطبيب واجه وياي بلكت يقنعه
السيد _ دكتور اكتب لي كل العلاجات أخذها بالبيت ما اگدر ابقى
بعد
الطبيب _ اني ارجح تبقى هذا الأسبوع كله حتى تكون تحت
إشرافنه
حروقك بعضها عميقه والضغط ا اخاف يصعد
السيد _ دكتور يوميه ادزلك سياره تعالي للبيت أشرف على علاجي
بس اكتب لي خروج تعبت
الطبيب _ كيفك… واني برسم الخدمه
ياسمين _
احس نفسي مكسوره وحيلي مهدود شنو
المنتظرني ما ادري
راجحه _ احجي ياسمين منو وياج طلعتج هاي غلط وزلمتج
بمحنه
_ خليت راسي بحضنها….. خاله تعبانه ومالي نفس احجي اريد انام شهر شهرين حتى لو سنه ولا اكعد افكر وانقهر
_ سوده عليه ما مكتوبلج ترتاحين انه ادري حظج وين نايم
گالها المگدي الضرير ضيمها مثل ألمحطات وسندها هيه
التسنده
_ ما گلج خاله تالي اوصل لو لا تعبت اريد ارتاح
_ گال تالي ترتاح…
_يمته هذا التالي بس گوليلي الورايه وصلو واني بعدني محطه
تشمرني على محطه يمته اوصل
ظلت اسولف وتمسد على شعري لمن
غفيت واني بحضنها وعلاوي هم نام بفراشي…. كعدت على رافع يندهني
_ سالته ملهوفه… اشلونه علي…..؟؟؟
_ زين حالته استقرت….
_ لعد ليش مايطلع للبيت….؟؟؟
_ يطلع….
يطلع من يصير زين تعالي اريد احجي وياج انتي اشلون
تطلعين من البيت ورجلج بالمستشفى اني التهيت بخبر السيد
تفاجأ السيد ما يعرف جايتنه… احجيلي اشصاير
_ وحده من خواته النحبس رجلها تعاركت وياي وتهمتني اني الهجمت بيوتهم وبيت السيد يعني السبب بكل الصار للسيد
هانتني وعيرتني رجلي خضره عليهم
وطردتني….
_ حتى لو ما كان لازم تطلعين ورجلج ما موجود يطلع من المستشفى بسلامه واحجي ويا
_ جان السيد بالعنايه بين الحياة والموت خفت حتى ابقى
_ لا بويه انتي غلطانه بطلعتج رگبتي الحگ عليج امشي جيبي ابنج ارجعج البيت
_ لا مستحيل حتى يگولن أخوها حشاك يتلوك للسيد ورجعها بيده
_ احنه علينه بالسيد زحمه الرجال مريض تعوفي وبعدين نسيتي انتي عروس الج ثلاث ايام وتطلعين من بيتج شتگول الناس
_ ياناس رافع……..!!!!
ما ارجع انت ما ترضالي المهانه….
_ولا السيد يرضى اني متأكد من يدري راح يصرف
_ ما ارجع لا تحاول… المشكله اني بديت اصدگ اني شؤم على كل
واحد يتقرب مني
_ شنو هلحجي الماصخ خلي ايمانج بالله قوي لا كلمتين من ناس حاقده تزعزع ايمانج
_ يعني انته مصدك كل هذا اليصيرلي صدفه
_ مصدگ ومؤمن أقدار وقسمه ونصيب والناس لو ماشيه عدل ما حرگو حلاله ولا هو تاذه
ولو مرته ماشيه عدل مادور غيرها ولو ما سوت بيج السوته جان لاهيه اطلگت ولا خواته كلها اسباب شتجني ايده الإنسان يتحاسب عليه
لا تصيرين ضعيفه ياهو اليجي يهزج بكلمه صيري قويه ودأفعى عن حقج تخيلي نفسج الوحدج بهاي الدنيا اسندي روحج يبويه ترى لا اني ولا اي احد يسندج
دنحجي وسمعنه حسن صاح ركضنه عليه
اشوفه منزل راسه وحاضنه بأدي ويبجي وأيمان هم تبجي ويا
رافع _ شكو ليش تبجي……؟؟؟؟
ردي إيمان اشبيكم تبجون انتي وابنج…
إيمان _ فاطمه ابن عمها اخذها……!!!!!
رافع _………..!!!!
اني ادري هاي تاليها من عرفت ابوها استشهد ياخذوهن عمامهن
إيمان _ والوعد… مو ابوها انطاها الحسن شنو بكيفهم
رافع _ انتي گلتي ابوها وابوها استشهد يعني أمرها صار بيد
عمامها
التفتت على حسن ليش تبجي يبويه انته مو رجال عيب
تبجي
حسن _ اني اروح لعمها واكله اني ماخذ كلمه من ابوها فاطمه اليه
رافع _ انروح ليش لا بس راح تشوف ماكو فايده
وره يومين رغم بعده ضهره بالضماد مشدود أخذته ويانه ابو زين ورحت على عمها رحب بينه وعرفني لان شايفني بالفاتحه
رافع _ اكيد انته عرفتني وعرفت حسن ابني جان مقاتل ويه ابو
فاطمه
العم _ حسن ابن الحشد هواي جان يحمد بي المرحوم
رافع _ اني على ايام المرحوم خطبت فاطمه الحسن جنت ماخذ
كلمه منه سنتين نعقد ونزوجهم…. واني جاي هسه اتمم
الموضوع طبعا من رخصتك لان انت بمقام والدها
العم _ ماعندي علم بهيج موضوع
رافع _ تگدر تسأل البنيه هيه تدري
العم _ مترهم بعد اسالها فاطمه اخذتها الابني وعقد عليها كلها
اسبوع ويزوجون
رافع _ رافع وهيه موافقه
العم _ انتم شعليكم بهاي الأمور اني عمها مسؤل عنها المهم البنيه صارت الابني
وانتم لابينكم فاتحه لا عقد بس كلمه وصاحب الكلمه الله
يرحمه شوفوها خير وهواي بنات الناس
رافع _ ترخصنه ورجعنه للبيت… اني جنت ادري ماكو امل بس
ردتك انت تقتنع وما تگول ابويه قصر… انشاء الله تشفى
وتگوم على حيلك بعدك زغير والحياة گدامك
سيدعلي _
طلعت من المستشفى أركان يسوق واني بصفه تعبان بس التعبني أكثر تصرف آلاء وخواتي الباقيات…..
بعدني اشتم الهوى وتنطرد ياسمين لعد لو اموت اشلون بس هيه هم غلطانه من طلعت من بيتها
اتصلت بابو أسد يرجعهم كلهم للبيت ينتظرني هناك اني جاي
_ اطلع البيت ابو حسن…..!!!
أركان _ صدگ تحجي…. جسمك بعده تعبان وعندك حروق لازم
تحافظ عليها ما تتلوث و اهلك بالبيت مخبوصين متانيك
سيدعلي _ رحمه الاهلك لا جادلني اطلع البيت ابو حسن
أركان _ صار…… بس لا تعصب لا يرجع يرتفع ضغطك طلعت
للمنطقه مالتهم
وكل شويه تتصل نسرين تسأل وين وصلنه واجاوب بعد
فد شويه نوصل لو احنه بالطريق
وصلنه البيت ابو حسن جانت مغربيه…. اني ظليت
بالسياره والسيد نزل دگ الباب
إيمان _ منو
السيد _ سيدعلي يابه
_ فتحت الباب بسرعه ياهله بالسيد الحمد لله على سلامتك
_ الله يسلمج… من رخصتج ام حسن اريد ياسمين
_ تفضل البيت بيتك….
_ مشكوره أخيتي دخلت للاستقبال كعدت انتظرها
جنت كاعده اقري علاوي دخلت عليه ايمان
ايمان _ گومي الحگي السيد يريدج…………..!!!
ياسمين _ كل ضني بالموبايل يريدني…..خفت زعل عليه لان
اتصلت ومحد ردعليه
وينه جيبي
إيمان _ وين اجيبه ولج دكومي الرجال مريض كاعد بالاستقبال
متاني وفرت بديها فوگ ما جايها برجله …….
ياسمين _ انخبصت جايني بنفسه…. مره اتفقد دشداشتي ومره
شعري مكفش صار يومين ما لامته بقراصه خلصتها
بس نوم
دخلت بسرعه للاستقبال صار گبالي كاعد على الكرسي اديه ملفوفات ووجها شاحب وتعبان…. رفع راسه اجت عينه بعيني
ماعرفت شاگول بس دموعي نزلت واني اشوفه مهدود…
اقتربت منه… اشلون صرت
سيد علي _ موزين كل اوجاع الدنيه بيه
المرض والخساره والخذلان والخيانه أقرب الناس اليه
جانو السبب بوجعي
ياسمين _ ياريت بيه ولا بيك الوجع
سيدعلي _ ابتسم اسم الله عليج انتي الدوه الكل هاي الاوجاع
وگف وقترب خطوه ولزم خصلات شعري تگولين
حصنتيني بالمعوذتين
ياسمين _ هههه اي
سيدعلي _ لعد لو ما قاريتهن عليه شيصير…… عيني بعينه ويحجي بعد لا تطلعين من بيتج الاي سبب
وآلاء حسابه يمي
– لاتحجي وياها فدوه
– يله بسرعه جيبي
علاوي الكل ينتظروني بالبيت
بسرعه لملمت كتب علاوي ولبست عباتي والشال وبوست خالتي الظلت رافعه ايدها وتدعيلي وصعدت بالسياره
من شفته شكد فرحت حتى نسيت المشكله الصارت ونسيت حجي آلاء اهم شي علي ما يهمني احد
وصلنه البيت الرحتلهم بي من كانت خالتي مريضه ما اخذني للبستان الباب مفتوح وابو أسد واگف والجگاره بيده يدخن بقلق من وصلنه أشر للكصاب ذبح الخروف
نزل السيد راد يحجي ابو اسد من شافني ابتسم وسكت
مدري بيناتهم شكو
أركان _ ها اشو سكتت متحجي
ابو أسد _ محضوره شسوي
ياسمين _ سلمت ودخلت جوه وهو ورايه
اميمه _ واگفه بالطرمه وبيدها جيس الجكليت طشته وهلهلت وخواته كلهن التمن عليه
الكل يبجي حتى هو دموعه نزلت رافع ايديا حتى ما يلجم
وهن حاضناته والجهال انخبص البيت
عوفنه يرتاح امشي ارتاح يمه الله من فوگ رحم بحالنه
بيك
ياسمين _ سلمت على خالتي وبوستها
اميمه _همست….. ولو عندي عتب وياج بس شفعلج السيد
ياسمين _ حقج عليه خاله اعتذر منج
سلمت على آمنه ونسرين وطيبه وآلاء تباوعلي
اجاهلتها ولا كانه اشوفها
فارشيله سرير بالاستقبال دخل كعد وياسه ركضت كعدت بحضنه لازمه وجها وتبوسه وغيث من ظهره حاضنه وشبعه بوس وهو يضحك
ليث كعد بصفه يصرف برجوله مو مثل اخوانه
السيد _خله كفه على كتفه مبتسم… اشلونه احزام ظهري
ليث _هز راسه يأشر هسه صرت زين
كلنه واكفين حوالي وعيونه عليه فرحانين
سيدعلي _ اريد ازين واسبح
اميمه أركان هسه يسبحك حتى يحافظ على ايديك من
المي
نسرين بسرعه هدوم الاخوج
أركان_ ياالله شال دشداشته لحزامه وشدها
السيد كعد على كرسي رافع أيدي وسبحه بالطاسه
يگله أريد اليوم اطلع وصخ الاسبوع كله…. كمله
ونشفه لبسه ملابسه وطلع تمدد على السرير
ياسمين _ عوافي….
السيد _ الله يعافيج… يحاجيني مطفي لا ذيج اللهفه ولا النظره
الجان ينظرلي بيها مقهور ونفسه مكسوره
تعشه ونام نسرين وطيبه راحو لبيوتهم وكالن باجر نجي
والباقين دخلو غرفهم
اني فرشت بالكاع ونمت اني وعلاوي
ثاني يوم اجانه عمهم الجبير هو وابنه منتظر جايب ويا خروف
ربطه بالحديقه
_ نحمد الله على سلامتك علاوي يفداك المال المهم راسك سالم
_ الله يسلمك عمي
_ عمك باقر راد يجي وياي واني ماقبلت گلتله غير وكت
_ لا هسه ولا غير وكت ما اريد اشوف واحد منهم
_انت شلون تاگدت همه ورى الحريق
_ مصطفى اجاني للبيت هددني وقبل الحريق بيوم اثنينهم جايين
للوكاله
_ وتقرير الشرطه
_ ماكو اي أثر المس كهربائي يعني شنو
_كامرات تصوير ماكو
_ ليوين تريد توصل عمي
_ مهما يكون ذوله ولد عمك و أزواج خواتك وانت خال ولدهم
_ لا عمي ذوله عدوان يمته وگفو اوياي….. شذكر منهم
مواقفهم كلها ضدي
_ لا تنسا بنتهم تبقى ام جهالك
_اي بنتهم الجانت فقيره فرعنوها عليه وصلت بيها تقتل بشر
عمي اشرايد مني من الاخير گول مو كلشي على ايدك صوت وصوره
تدري أشكد سعر البضاعه الحتركت أكثر من ٦٠٠ مليون حولوها بحقدهم الرماد
– يكولون ما النه علاقه بحرك الوكاله
– وتريدني اصدك مصطفى
– يحلفون الك بكتاب الله
– عمي شنو قصتك اشو كلبت عليه
– اني ما اريدك تشيل ذنبهم امبينين مالهم علاقه بالحريق
– اني متاكد همه مستحيل أتنازل
– إذا تريد تعويض نعوضك وتنازل لا تحبسهم عيب بحقنه شتگول علينه الناس واحنه معروفين
أني اترخص فكر زين وردلي خبر
اميمه – من طلع عمك الهسه تصفن شبيك شنو حجه وياك
السيد _ يريدني اتنازل….
_…………..!!!
_ شتكولين يمه اتنازل لو لا اني متأكد مصطفى السواها لان هددني
بوجهي
_ ما ادري انته ادره…
_كوليلي لو ابويه بمكاني شيسوي انتي تعرفي اكثر
_ ابوك أشكال شاف منهم ما يوم اشتكه ولا حجه المهم عنده
اخوانه واهله
_ المشكله الوكاله بالكاميرات صارت رماد والكامره البره عاطله صار فتره واني ما مبدلها التهيت
والركن والبصفه ما مركبين كامره وابو علي البصفي كاميرت المحل بغير اتجاه
_لعد اشلون حبسوهم
_لان هددوني وهمه المشتبه الوحيد بالحريق
ياسمين _ الطبيب يجي بليل يشرف على حالته اديا تحسنت بفعل
العلاج وظغطه صاعد نازل
البيت هوسه اربع خواته ويه اطفالهن من غير الخطار
والمعارف يوميه يجون يتحمدوله على سلامته
اني حالي من حال نسرين سكنت المطبخ بس من يكون
السيد الوحده اروح يمه انطي علاجه او أشرف على الاكل
علاوي اندمج ويه الجهال يلعب وكلهم زينين ويا ويحبو
الا غيث يقلقني بتصرفاته احسه يتعمد ياذي او احد
يعلمه حاولت اتقرب منه بكلام رقيق ما فاد يختلف عن
اخوانه…. ياسه رقيقه ونسمه واحسه تدور حنيه وليث
نسخه من ابو حتى تصرفاته بعقل
قررت خالتي هيه وبناتها يجمعن كل ذهبهن ويساعدن بي السيد
شي بسيط نعوض بي خسارته خالتي حجت بس ويه بناتها
اربعتهن وافقن بسرعه
اني هم اخذت ذهبي حتى المحبس والحلقه الألماس وياهن خمس ملايين لميتهن من المحل جنت اخذ من رافع واجمعله حتى اشتريله سياره مال معاقين ونطيتهن كلهن الها
اميمه _ باوعتلي… بعدج عروس اشلون اخذهن منج
ياسمين _ اني أولى ابمساعدة السيد اخذيهن خاله
اميمه _ جمعتهن بجنطه وحطيتهن گدام السيد على الطبله
هاي من اهل بيتك
السيد _ شنو
اميمه _ مساعده مني ومن خواتك ومرتك
السيد_ فتحت الجنه ذهب وفلوس…. هههه ترديني اخذ عوض
مستحيل اخذ من احد كل وحده تاخذ ذهباتها
وترجعهن
اميمه _ تشتغل ورجعهن احنه ما نحتاجهن
السيد _ بعدني يمه عندي خير وزايد لا تشيلون همي على
الله العوض
خطار يمنه والبيت هوسه واني بالمطبخ ويه نسرين وآمنه
نحضر الغده وعلاوي والجهال صارت سولتهم ويه الخروف
يلعبون ويا
سمعت علاوي صرخ…. عفت البيدي وطلعت ارگض لگيته
مفرفح وجوه عينه جرح ينزف دم الكل فزع ورايه
اعتقدت الدم من عينه لطمت على وجهي وبجيت يربي بيه
ولا بي
نسرين _ منو ضربه…………؟؟؟
كلهم حجو غيث وكعه على السياج مال حديقه
ليث من سمع سحبه من تيشرته وضربه ظل يبجي
اجه أركان گال لازم مستشفى الجرح جبير بسرعه خويه حضريي أخذه للمستشفى
لبست عباتي والشال وغيرت بس تيشرته لان كله دم ونسرين هم ويانا
أخذنا للطوارئ خيطو جوه عينه ورجعنه بس شنو اني ما بطلت دموعي تسكت بيه نسرين واني بس عيوني عليه وابجي
من كد ما اتألم وبجه نام بحضني
رجعنه للبيت نيمته بمكانه وكعدت يمه…. انفتحت الباب السيد
_ اشلون صار
_ نايم…. مسح على راسه وبوسه
_ باوعلى …. اصبري وتحملي اشويه
_ علي اني كلشي اتحمل الخاطرك الا أبني ما اتحمل يصيرله شي خليني
ارجع يم رافع ومن تشفى اروح البيتنه
_ ويهون عليج تفارگيني
_ والله ما يهون ولا أكدر بس احس غيث ما متقبل وجودنه اظاهر متأثر بامه وديفتقدها وردة فعله دتطلع بهذا المسكين
_ طفل ما يفتهم ينسى منا وهيج عينج على علاوي وكلها فتره واخذكم للبستان…
تقرب كعد بصفي يلعب بشعري وعينه
بعيني جنت ناوي ليلتنه تكون مميزه
_ تنهدت بعد حظنه شنسوي
_ تأ تأ حظنه كلش حلو بس هذا أركان نگ بيها
_ هههه
مشه اصابيعه على خدي شفايفي يتلمس ويطبع بوساته بجرأه
اني ما أكدر تبتعدين عني ما صدكت انجمعنه سويه
سحبني على صدره بدون ما يحضني بايده اني اسف ما وفيتلج بوعدي بس الايام الجايه راح اعوضج
هاي شنو…
_ شنو……..!!!!
_طلع الشغل كله بالادين هسه اريد اضمج بگلبي اشلون…….!!!
بدأ أركان يشرف على اعادت الوكاله تصليح وصبغ وكهرباء
وعلي ويا على المبايل
علاوي صار اسبوع وديته فتحو الخيط وگمت اقري بالبيت
بس أيدي بايده وين اتحرك هو ويايه طيبه ونسرين رجعن
لبيوتهن بس يوميه بليل يجون ابو أسد وأركان أقرب ثنين
للسيد احسهم اخوان مو نسابه
سيدعلي _ اريد اسبح
اميمه _ انتظر يجي أركان ويسبحك
سيدعلي _ يباوعلى وحجه لا ياسمين تسبحني
ياسمين _ صفنت بوجها ……….!!!
سيدعلي _ ها اشگلتي……….!!!!
ياسمين _ اي اسبحك عادي
دخلته الحمام وكعد على الكرسي مثل ما يسويله أركان
وبديت اسبحه… حسيت نظراته تريد تفترسني
خجلانه اتحاشه نظراته اليه واحاول ما اباوعله
_ ههه لا تباوعلي هشكل خليني اسبحك
_ صار كم يوم على زواجنه…
_ اسبوع ونص…
_ باوعلى سبوع ونص يعني اثنعش يوم بربج اكو عرسان مثلنه
_ اهم شي صحتك….
واني زين الحمدلله
ظل يتحرش واني اهدده بأديه لا يوصله المي
بس كانت هاي اخر ليله ينام بيها الوحده عنده الغرفه الجان يزعل بيها هيئتها أنام بيها
تحولو مصطفى ومهيمن للمحكمه يوميه يجي واحد من عمامه او ولد عمه اشلون وليش تشتكي
محد يحجي بالخساره والاذيه كان كل همهم يبرأوهم من حادثة الحريق بس لانه
مصرين على الإنكار الكل استعطفهم وطلع السيد هو الظالم
مر على الحريق شهرين واحنه يوميه مشاكل آمنه ساكته متحجي بس بگلبه احس تتمنى يتنازل
اما آلاء تبجي وتتعارك ويه امها خلي يتنازل مصطفى راح ينحبس
واميمه ما تقبل احد يحجي على علي تگول اني اعرفه حقاني وخايف الله
اني لليوم ما احجي وياها رغم خبثت هوايه ويايه بس متحمله الخاطر علي
تفاجأت اليوم دخلت عليه…
آلاء _اريد احجي وياج ممكن………!!!!
_ تفضلي
_ اريد تنسين الصار بيناتنه ساعة عصبيه وحجيت
_اني اصلا نسيت….
_علي يحبج واكيد تأثرين عليه اريد تحجين ويا يتنازل عن مصطفى ومهيمن احنه وجهاله شنو ذنبنه بالمشاكل البينهم
_انتي تحجين ويا….؟؟ مو على اساس بينكم خلاف
_الصراحه اي… ما نقطعنه الا اول ايام هو رجعني قبل العده
بس من اجاني يتفاهم ويا علي طرده وصار تهديد بينهم
_راح احجي ويا بس أحمال هم يرفض انتي تعرفين اخوج شگد متاذي
الوكاله رجعت انفتحت وجهزها من الوكاله مال الكاظميه ورجع
أركان يشغلها
بليل الكل موجودين علي وأركان وليث بالحديققه واحنه جوه
اند كت الباب… فتحها ليث ورجع
_ بابا جدو باقر بالباب يريدك
سيدعلي _ ما تفاجأت لان يوميه دازلي ناس… طلعت استقبلته رغم الخلاف البينه يبقى آله الاحترام والتقدير مو اني الأعامل
بالمثل اني اعامل باخلاقي
احواله متغيره امبين عليه تعبان ومذلول بدون ولده
سيد باقر _ اني جاي اترجاك تتنازل الخاطري واني كفيل بخسارتك
باجر أعرض محلاتنه للبيع وما يكون خاطرك الا طيب
بس لا تحبسهم…. وهاي السندات ضمان خليهن عندك
سيدعلي _ اني من الناس التبرعتلي ما أخذت عوض اخذ منك
الهسه ما عرفتوني اني تربات سيد حسين ما اعامل
بالمثل بس هم اذوني ولازم يتعاقبون
طلع عمه وأمنه وآلاءكل وحده لمت جهاله يمها تبجي الحكم بعد يومين وعلى ميبس راسه ما يعفي عنهم….
دخلت عليه بيده اوراق والحاسبه يحسب
_ من شافني ابتسم لو جايبه وياج جاي…
_ هسه اجيبلك احسن جاي…. بسرعه حميته وأخذت له كلاص
وفتريت من يمه… تفضل
_ مد ايده سحبني وكعدني بحضنه .. گولي طلباتج اوامر
_فتحت عيوني متعجبه ههههه اشلون عرفت……….؟؟؟
_ حبيبتي من هلكبرج ربطت گلبي ويا گلبج…. اقرأ گلبج قبل عيونج
_لعد گول عليمن جايه احجي وياك
_ ترديني اتنازل عنهم واطلعهم…..
_ …….!!!! سكتت لحظه انته متريد تعويض ولا تستفاد بحبسهم
ليش معاند
_ اريد أأدبهم ما گادر انسا من طلگو خواتي وطلعوهن مهيونات
وهن ما الهن ذنب
ساوهن ويه اخواتهم..
_ العفو من شيمة الكرام وانت ابو بالكرم
_ گولي تنازلت منو يعوضني
_ هاااا طلعت تريد تعويض
_ غير انتي الجايه تتفاوضين لازم اكو تعويض بالمقابل
_ اعوضك بليله تنسيك همك
_ همس يعني ترگصيلي على اغنية ساجده عبيد …
_ هههه صدك تحجي…….!!!!
_قرري هسه اذا موافقه باجر اتنازل
_ موافقه
_ اي هيجي من الاول …..
_ظليت كاعده اراقبه بلكت يتصل بالمحامي…. ما اتصل
_ ها مراح تتصل……..؟؟؟
_ خليها باجر
_استسلمت وطلعت كلت ابشر آلاء راح اتموت
دخلت غرفتهن لگيتهن يضحكن ووحده تهني الثانيه وجهاله فرحانين
اميمه _ تعالي ياسمين ابوسج
بوستني واني كلشي ما فاهمه… الله يرضى عليج ويفرج
بعمرج
آلاء _ اشكرج ياسمين ما انسالج وگفتج ويايه
ياسمين _ التفتت علي ورايه
اميمه _ عفيه عليك سيد اليوم كبرت بعين العشيره كلها
من عفيت عنهم وتنازلت…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
