رواية انقلاب طاوله الفصل الأول 1 بقلم ملك بكر

رواية انقلاب طاوله الجزء الأول

رواية انقلاب طاوله البارت الأول

رواية انقلاب طاوله الحلقة الأولى

ممكن اروح عيد ميلاد مي
قالتها بخوف وهيا مستنيه رده اللي كان واضح
_: لاء
*: طيب بص هنتكلم بالعقل يا يونس … دلوقتي
قاطعها بقوله الصارم : برضو لاء … متحاوليش
_: بس دي البيست
يونس : مش كويسه يا ريم … مي دي مش كويسه اصلا
ريم : دي صاحبتي من الثانوي ومشوفتش حاجه وحشه منها
يونس : مش عايزه تصدقيني براحتك
ريم : ماشي عايزه بقا اروح عيد ميلادها
يونس : أنا مش هرد
ريم : طب ليه مش موافق طيب
يونس : عشان عارف نواياها … لو روحتي هناك انهارده مش هيعدي بخير
ريم : طب تعالى معايا
يونس : انتي عارفه اني مش بحب مي دي
ريم : عشان خاطري وافق وتعالى معايا
يونس : ريم!!!!
بصتله وحاولت التأثير عليه
يونس : طيب لو هروح معاكي تمام بس هيا نص ساعه ونروح
ريم : موافقه … أنا بحبك اوي بجد
بالليل جهزت وكان هو مستنيها تحت بيتها واول ما خلصت نزلت وركبت جنبه … كان مبتسم وابتسامته اختفت تدريجيا لما شاف لبسها ووشها
ريم : شكلي حلو
يونس : خرا … خرا اوي ايه القرف ده
عبست ملامحها وبصتله بحزن وهو طلع منديل من جيبه وقرب منها ومسحلها بوقها واللي في عينيها
ريم : انت بتعمل ايه ؟
يونس : اللي المفروض يتعمل … وايه اللي انتي لابساه ده معلش
ريم : بكم اهو
يونس بسخريه : بكم … هو كمه طويل فعلا ومحترم … بس رجلك اللي كلها باينه دي عادي كده
ريم : وانا اعمل ايه يا يونس … الديزاين بتاع الدريس كده
يونس : ميتلبسش … يبقى ميتلبسش
ريم : تحب اتنقب احسن
يونس : والله ياريت
ريم : ده بعينك … مش هيحصل ابدا
يونس : وانا مطلبتش ده بس مش معني كده انك تلبسي اللبس ده … المفروض تحتشمي شويه عن كده
ريم : حاضر اوعدك هحاول
بعد شويه وصلوا ومي رحبت بيهم و بعد شويه
_: ايه يا ميوي فين الخطه بتاعتك
مي : دونت ووري يا دولي … هقلب البارتي انهارده عليها … مستنيه اللحظه دي من زمان