رواية انت عوضي الفصل الخامس 5 بقلم الكاتبة الصغيرة
رواية انت عوضي الجزء الخامس
رواية انت عوضي البارت الخامس
رواية انت عوضي الحلقة الخامسة
اميرة : انت ايه اللي جابك هنا
تامر : الله جاي اشوف مراتي واللا الحلوة نسيت خلاص اني ابقي جوزها
اميرة : امشي ي تامر من هنا والا قسما بالله لهتصل ابلغ عنك وهما هيمشوك غصب عنك
تامر : ما هو انا مش همشي يعني مش همشي واعملي اللي تعمليه
اميرة : انت عاوز ايه ي تامر
تامر : عاوز اتكلم معاكي شوية
اميرة : طب امشي دلوقتي ولما تفوق ابقي تعالي نتكلم براحتك
تامر : مش همشي ي اميرة
جالي صوت بابا من جوة وهو بيقول : مين اللي بيزعق دا ي اميرة
اميرة : مفيش حد ي بابا
تامر بزعيق : لا في انا ي عمي جوز بنتك
بابا جه وهو متعصب واول ما شافه مسكه من ياقة قميصه ودخله جوة
الاب : انت ايه اللي جابك هنا ي حيوان انت ليك عين تيجي هنا بعد اللي عملته
تامر وهو مش في وعيه : اوعي تنسي ي عمي انها مراتي واقدر اشوفها في الوقت اللي عاوزه وغصب عن اي حد
الاب : متخلنيش اطلعك متشال وامشي من هنا واياك تقرب من بنتي تاني فاهم
تامر : بس انا مش هسكت وهرجعها غصب عن الكل
الاب : اطلع برة
مشي تامر وبابا قعد وهو متعصب منه لكن اتكلم بهدوء
الاب : روحي انتي شغلك ي اميرة عشان متتاخريش ومتشغليش بالك باي حاجة
حضنته وانا بعيط من اللي بيحصلي انا عمري ما اذيت حد ليه بيحصلي كدة بس اتاخرت علي الشغل اول ما دخلت لقيتهم بيقولولي ان ياسين بيه عاوزني روحت واستاذنت ودخلت لقيته قاعد مركز في شغله رفع راسه وبصلي اتكلمت بسرعة وانا ببررله تاخيري
اميرة : اسفة علي التاخير والله مان غصب عني حصل معايا ظروف اضطرتني اتاخر بس هتكون اخر مرة باذن الله
وقفني عن الكلام وهو بيهديني وقال : بسسس في ايه ي بنتي انا مسالتكيش عن سبب تاخيرك انا لسة متكلمتش اقعدي
قعدت علي الكرسي وانا متوترة من اللي هيحصل
ياسين : انا كنت عاوز اقولك انك هتيجي معايا الاجتماع بتاع الضهر
اميرة : عارفة ي فندم
ياسين : ودلوقتي تقدري تروحي علي شغلك
خرجت وانا متوترة ومبسوطة في نفس الوقت عرفت ليه بيحبوه اوي كدة لانه متفهم ومبيحملش حد فوق طاقته
ياسين : كنت قاعد بضحك علي شكلها وهي متوترة انا عارف انها متاخرة بس مكنش متوقع انها هتخاف وتتوتر كدة انا طلبتها عشان اشوفها بس لكن مكنتش لسة جات وكلها شوية ولقيتها داخلة عليا بس كانت متوترة اوي كان نفسي اضحك بس كنت ماسك نفسي حاولت اني اهديها وملقتش حجة غير الاجتماع اللي ورانا هي صدقتني واول ما خرجت فضلت اضحك وبعدها بدات في الشغل لحد ما جالي اتصال من آية بتقولي انها عاوزاني طلعت من المكتب بسرعة وانا طالع لقيتها بتبصلي باستغراب كنت هكلمها لكن افتكرت المكالمة وصلت الجامعة وروحت عند مكتب العميد لقيت آية واقفة هناك وبتعيط روحتلها وحضنتها وانا بهديها اتفتح الباب وخرج منه العميد هو وشاب تاني طلب اني ادخل ودخلت انا وآية والشاب
العميد : اتفضل ي ياسين بيه
ياسين : هو ايه اللي حصل وآية بتعيط ليه
العميد : كانت مشكلة واتحلت خلاص
ياسين : ما هو انا هعرف دموع اختي نزلت ليه والا قسما بالله لههد الجامعة دي فوق دماغكم
اتكلم الشاب : انا شوفت اخت حضرتك مع واحد في منظر يعني استغفر الله العظيم
اتكلمت آية بسرعة : والله ما حصل ي ابيه دا هو اللي حاول يتقربلي ولما منعته قال كدة عشان يغطي علي نفسه
اول ما سمعت كدة مسكت الشاب دا ونزلت ضرب فيه حاولو انهم يمنعوني عنه لحد ما قدروا انا فعلا طيب ومبسبش فرض ومحترم ومتفهم فيا كل الصفات الحلوة بس فيا طبع ان اللي يفكر يؤذي عيلتي هدمره عيلتي خط احمر واللي يتخطاه مش هسيبه ودا حيوان حاول يؤذي اختي ودا كان جزاته
ياسين : انا مش هسكت علي اللي حصل دلوقتي ي سيادة العميد
العميد : انا متاسف نيابة عن الجامعة كلها
ياسين : هقبل اعتذارك لو الولد دا اتفصل من الجامعة
المدير : اعتبر انه اتفصل خلاص
خرجت من المكتب ومعايا آية وقفت معاها برة
ياسين : اهدي دلوقتي هو اتفصل خالص بس دلوقتي عاوزك تركزي في المحاضرات وانا همشي عشان شغلي ولو حصل حاجة اتصلي بيا
حضنتها ومشيت رجعت الشركة وروحت علي مكتبي وطلبت اميرة دخلت عليا بسرعة وهي قلقانة حبيت قلقها دا لاني عارف سببه
ياسين : …………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انت عوضي)
