رواية انتقام مجنون الفصل الخامس 5 بقلم عادل عبدالله

رواية انتقام مجنون الجزء الخامس

رواية انتقام مجنون البارت الخامس

رواية انتقام مجنون الحلقة الخامسة

وانا بفكر وبعصر دماغي من التفكير جاتلي رسالة علي موبايلي !!
فتحتها لقيت معتز باعت بيقولي : جهزي هدوم دلع اخر حاجة فى شنطة صغيرة ، هنسافر نقضي يومين حلوين في اسكندرية وأخليكي تنسي الدنيا يا قلبي …. بحبك موووت .
هو بعت الرسالة ولما قريتها كنت فى حالة ذهول ومستغربة جدا ان أسلوبي العنيف و المهين له كانت نتيجته بالشكل ده !!!
وفي نفس الوقت مرعوبة يكون بيرتب لي مصيبة ، لكن انا اصلا محتاجة تغيير ، محتاجة اهدا واسترخي خالص .
وبدون تفكير كتير قومت جهزت كل اللي قالي عليه معتز واخدت في الشنطة اللبس اللي كان بيحب يشوفني به في اول الجواز وقولت يمكن تكون دي اخر فرصة علشان نرجع نقرب فيها تاني من بعض .
لكن افتكرت اسامة !! هعمل معاه ايه؟؟
كان لازم اتصل به : صباح الخير يا اسامة .
: احلي صباح ده ولا اي ؟ عاملة اي يا قلبي؟
: كويسة يا اسامة ، بس كنت عايزة اقولك على حاجة.
: شوفي عايزة امتى وانا هرتب نفسي علي اللي يناسبك .
: لأ ، معلش مش هنحدد ميعاد النهاردة ، انا هسافر مع معتز يومين ولما نرجع هكلمك ونحدد ميعاد نتقابل فيه ، بس بالله عليك مش عايزاك تزعل مني يا اسامة ولا عايزاك تعملي مشاكل معاه .
: انتي خايفة ليه كده ؟؟ انتي مش محتاجة تقولي الكلام ده كله !! انتي عارفة مكانتك في قلبي ومش ممكن اسبب لك اي مشكلة .
: يعني انت بجد مش زعلان ؟
: لا يا قلبي ، بس بالله عليكي مش عايزك تختفي تاني من حياتي لأن انا فعلا محتاجلك .
: حاضر يا اسامة ، انا كمان محتاجالك اوي .
: مش اكتر مني ، خلي بالك يا مني لو اختفيتي من حياتي تاني مش هسكت زي المرة اللي فاتت .
: اي ده يا اسامة !! انت بتهددني ؟؟
: لأ طبعا مش تهديد لكن عايزك تعرفي قد ايه انا محتاجلك وما صدقت انك رجعتي تاني في حياتي .
: انا مش تخيلت اني هكون خايفة كده بعد ما اكلمك ابدا ، كنت فاكرة ان انت مصدر راحتي والاطمئنان بالنسبالي !! لو للحظة كنت شكيت اني هكون خايفة بالشكل ده صدقني مكنتش هكلمك.
: خلاص يا مني لو انا قلقتك اوي كده بلاش تقابليني ، بس على الاقل كنت عايزك تعرفي جوزك علي حقيقته ، ولا عايزة تفضلي مغفلة وعايشة مضحوك عليكي طول عمرك ؟
: ماشي يا اسامة هنتقابل اكيد صدقني ، بس لما ارجع من السفر هكلمك ونتقابل .
: هستنى تليفونك لما ترجعي على نار ، خلي بالك من نفسك ، وخلي بالك كمان من جوزك يا مني احذري منه اوي .
قفلت معاه بعد ما زود خوفي وقلقي من معتز !! برغم اني مش عارفة هما ازاي اصحاب او يعرفوا بعض !! لكن تحذيره ليا مع الخوف اللى جوايا اساسا بسبب هدوء معتز حسسني بالرعب !!
اتصلت بعدها بماما وقولتلها : صباح الخير يا ماما، عاملة ايه؟
: صباح الخير يا مني ، انا كويسة يا حبيبتي الحمد لله ، انتي عاملة ايه ومعتز عامل ايه؟
: الحمد لله كويسين ، انا ومعتز مسافرين يومين ، خلي بالك من الاولاد بقي علي ما نرجع يا ماما .
: شوفتي يا بنتي انتي ظالمة جوزك ازاي؟ اهو الراجل هيفسحك ، روحي اتبسطي، ومتنكديش علي نفسك وعليه يا مني .
: حاضر يا ماما خلي بالكم بس انتوا من الولاد .
: يابت متخافيش انتي هتوصيني عليهم ، يلا روحي فرفشي نفسك وانبسطي وابسطي جوزك وبلاش نكد .
: حاضر يا ماما ، سلام .
قفلت معاها واتصلت بالكوافيرة تيجي البيت .
دخلت اخدت شاور وبعد نص ساعة الكوافيرة جاتلي .
عملت كل اللي نفسي فيه ، قصيت شعري وغيرت لونه وباديكير ومانيكير وتنضيف وتفتيح بشرة ، من الاخر رجعت عروسة من جديد .
وبعد ما خلصت وانا بجهز الحاجة اللي هناخدها معانا معتز اتصل بيا وقالي : ها يا حبيبتي جهزتي كل حاجة ولا لسه ؟
: حبيبي جهزت كل حاجة وعملتلك مفاجأة هتعجبك اوي .
: خير يا قلبي ؟ مفاجأة اي ؟
: لا ، مش هينفع اقولك عليها ، وهتبقي مفاجاة ازاي ؟؟ لازم تيجي وتشوف بنفسك .
ضحك معتز وقالي : ماشي يا قلبي مش هتأخر عليكي نص ساعة بالكتير واكون عندك ، جهزي كل حاجة علشان هطلع اخد دش و هننزل نسافر علطول .
قفلت معاه وانا بضحك من اللي بسمعه وهموت واسأله عن سر التغيير ده !!
دخلت اخدت دش تاني ودخلت اوضتي ارتاح شوية لأني كنت حاسة اني مش قادرة افتح عيني لأني مطبقة من البارح من غير نوم .
لكن صحيت على ايد معتز على شعري وعلي شفايفي و بيقولي : يلا يا قلبي بقى علشان نلحق نوصل بدري ؟
فتحت عيني و انا خايفة : ايه يا معتز خضتني ، طيب حاضر ، كل حاجة جاهزة هقوم البس وننزل .
كنت بتكلم بقوة لكن هو رد بحنية وقاللي وهو ماسك ايدي بيبوسها : ماشي يا قلبي بس ياريت متتأخريش .
قومت لبست وجهزت نفسي بسرعة وانا فرحانه بس كنت عاملة نفسي تقيلة ومش فرحانه اوي .
نزلنا وهو سبقني وفتح باب العربية وقالي : اتفضلي يا برنسيسة .
كنت مستغربة اوي من معاملته ليا الاوفر اوي دي !! وبقول في بالي ربنا يستر يا تري ده تغير حقيقي ولا بتدبر لي مصيبة !!
ركبت العربية بمنتهي الثقة وسافرنا وطول الطريق كان كل شوية يمسك ايدي يبوسها ويتغزل فيا !!
مرة في عينيا وجمالها ومرة في حواجبي ورموشي ومرة في شفايفي ومرة في ….
المهم وصلنا اسكندرية ووقفنا قدام شالية علي البحر .
نزل قبلي بسرعة وفتح باب العربية وانحني شوية وقالي : اتفضلي يا اجمل والذ برنسيسة في الدنيا .
نزلت وانا مش قادرة اداري فرحتي ودخلنا الشالية وبدأت اخرج حاجاتي من الشنطة وهو كان بيتكلم في الموبايل وبعد ما خلص سألته : كنت بتكلم مين ؟
قالي : بطلب أكل يا قلبي .
: يا حبيبي ليه كده ؟ اكيد الاكل هيكون غالي !! كنا عملنا هنا اي حاجة خفيفة .
مسكت ايدي وباسها : انتي النهاردة عروستي . والعروسة تقعد ملكة والكل يخدمها .
انا مش مصدقة وداني !!! يعني كان لازم ياخد علي دماغة علشان يتعدل ويبقي كويس كده ؟!!!
بدات اغير هدومي فاجئني وقالي : لا استني .
: فيه ايه ؟
: استني لما اختارلك انا بنفسي هتلبسي اي ؟
قولتله بحدة : لأ ، انا اللي هختار .
: ماشي يا حبيبتي زي ما تحبي .
ابتسمت وفرحت بنفسي جدا اني سيطرت بعد سنين من البهدلة والمرمطة اللي شوفتها علي ايديه .
فعلا دخلت غيرت هدومي وهو كمان غير هدومه .
وبعد دقايق كان وصل الأكل اللي طلبه بالموبايل اول ما وصلنا ،
كان طلبلنا جمبري وكابوريا وسبيط واستاكوزا !! اكل كده اكتر من ألفين جنية !!!
: ايه ده كله يا معتز ؟
: ايه يا قلب معتز ؟؟
: اي الأكل ده كله ؟!!
: مش احنا عرسان وعايزين فسفور .
: بس الأكل ده غالي اوي !!
: مفيش حاجة غالية عليكي يا قلبي .
وقعدنا اكلنا وهو نظراته ليا كلها حب وغرام من زمان مش شوفتهم ، لقيت نفسي اتسحبت من لساني و بقوله بثقة : هو انت من الرجالة اللى بيحبوا الست القوية يا معتز ؟ تعرف اني اول مرة اكتشف ان ده اللى هيجيب معاك نتيجة !!!
معتز بابتسامة باهتة : لأ ابدا ، بالعكس ، اللى انتي عملتيه معايا امبارح بالليل ده هنتحاسب عليه بعدين لكن الصراحة انا حسيت انك مضغوطة زيادة عن اللزوم لدرجة انك انفجرتي فيا بالشكل ده ، بس انا مش من الرجالة اللى تقبل ابدا ست ترفع صوتها عليا .
بدأت اخاف من كلامه لكني حاولت اتماسك وقولتله : يا معتز انا تعبت اوي ، انت اهملتني جدا ، ومعاملتك معايا بصراحة تعبت اعصابي اوي علطول اهمال واهانة وقلة قيمة علي اللي يستاهل واللي ميستاهلش ، وانا فعلا جيبت اخري .
معتز كان ذكي جدا وكان بيعمل كل ده علشان بس عايز يشوف اخري ايه واذا كنت لسه باقية عليه ولا بيعته وبيعت كل حاجة !!!
: عجبك الاكل يا حبيبتي ؟
: اوي اوي تحفة يا حبيبي .
: الف هنا يا قلبي .
يلا بقى علشان انتي وحشاني جدا وعايز اشبع منك.
طبعا انا من جوايا كنت مستنية اللحظة دي من زمان .
ايوه الصراحة انا كنت حاسة بالحرمان