رواية انتقام ماضي الفصل الثاني 2 بقلم ندى حسين

رواية انتقام ماضي الجزء الثاني

رواية انتقام ماضي البارت الثاني

رواية انتقام ماضي الحلقة الثانية

– لا يا عز لا حلا حطت فيه سم انا شوفتها
– ليلي بصت ل حلا برعب
– سم اي
– انا محطتش حاجه
– لا انا شوفتها والله في المطبخ
– عز بص ل حلا ومستني إجابه مش بترد
– عايزه تموتي ابوكي يا حلا
– لا يا بابا انا هثبتلك اني محطتش حاجه اهو وشربت العصير كله
– ليلي مصدومه ألحقها لتعمل حاجه في نفسها
– اهو عشان لو عملت حاجه يبقي أتاذي اول واحده انا عمري ما ه ق ت ل ابويا يا طنط ليلي وسابتهم وطلعت
– ازاي انا شوفتها والله شوفتها
– قولتلك ميت مره متركزيش وبطلي تعملي مشاكل خليكي في حالك وسبها وطلع فوق
– بتلف وشها لقت حلا صوتت
– حلا كتمت صوتها وزقتها علي الحيطه وعنيها احمرت جامد وبقت عباره عن جمرتين دم خليكي بعيد احسن عشان لحد دلوقتي مش عايزه أأذيكي
– ليلي بتهزر رأسها بمعني حاضر من الخوف وعز خرج علي الصوت
– في اي
– بتبص حواليها لقت حلا اختفت
– طلعت علي أوضتها جري وقفلت علي نفسها ،وجسمها بيترعش من الخوف ،عينيها عينيها بتتحول انا شوفتها اهههه يارب يارب لا انا مش قادره دخلت تتوضي وشغلت علي نيلفونها صورة البقره بدأت تصلي وخلصت صلاه لقت الفون وقف السوره لوحده بتحاول تشغلها لقت النت فصل خرجت من الاوضه لقت البيت كله ضالمه رجعت تاني تجيب الفون لقت نور الاوضه اطفي
بسم الله بسم الله مش شايفه حاجه
حست بحركه في الاوضه مين هنا مين يا عز عز لقت حد مسك ايديها صوتتت جامد يا عز ألحقني يا عز لقت الفون وشغلت الكشاف وبتبص في الاوضه كويس ملقتش حد نزلت تحت تشوف عز فين شافت نور جاي من المطبخ وحلا واقفه وبضهرها
– ليلي حلا انتي هنا انتي كويسه
– لفت وشها ليها وكانت بتاكل دم وبؤقها كله دم وعينيها حمرا وصوتها متغير
– يا عز ألحقني يا عز حلا زقتها في الحيطه وقعت في الارض وبدأت دماغها تجيب دم
– النور رجع وعز جري ناحية الصوت ولقي ليلي واقعه في الأرض ودماغها بتنزف جري عليها شالها وجابلها الدكتور خيط دماغها ونامت وهو نام جمبها
– صحيت تاني يوم بتعيط من وجع دماغها ،عز فاق علي صوتها مالك
– دماغي وجعاني اوي
– اي الي حصل
– مش فاكره اخر حاجه فكراها النور قطع وبعدين قعدت انادي عليك وملقتكش ومش فاكره حاجه تاني
– انتي متاكده انك ناديتي عليا
– ايوه قعدت أنادي كتير جدا
– غريبه مسمعتكيش خالص
– انا فاكره بقي دماغي وجعاني اوي مش قادره
– معلش معلش من الخبطه هتأخدي علاجك وهتفطري وهتبقي زي الفل
– بابا يلا اتاخرت علي المدرسه ،اي ده يا طنط ليلي ألف سلامه علي حضرتك
– ليلي بخوف الله يسلمك
– حاضر يا حلا انزلي حببتي استنيني تحت وانا جاي وراكي
– اهدي يا ليلي مالك بتترعشي كدا ليه
– ها مش عارفه
– لا انتي محتاجه تريحي اعصابك شويه هاخد اجازه بكرا ونروح الشاليه بتاعنا نقعد يومين ونرجع اهو كلنا نفصل شويه
– ماشي ،هروح الشغل دلوقتي وسايب معاكي الداده خلي بالك علي نفسك مش هتاخر عليكي
– حاضر
– قامت بثقل غسلت وشها وخرجت بتشغل الفون وافتكرت موضوع النت مزلت تحت لقت السلك مقطوع
– صباح الخير يا داده متعرفيش مين قطع السلك
– لا والله يحببتي
– ماشي شكرا ،طيب بقولك عندك راديو بتاع زمان ده الي هو شغال قرآن بس
– ايوه عندي
– طيب ممكن تجبهولي
– حاضر ثواني
دخلت المطبخ وجابته واديتوهلها
ليلي خدته حطته في الاوضه وشغلت قرآن بس ،نزلت فطرت وبتحاول تفتكر اي حاجه من امبارح مش فاكره لحد ما دماغها صدعتت ،طلعت نامت لحد ما عز رجع ،اتغدوا سوي وحضروا الشنط عشان يتحركوا
– اه صح استني هجيب حاجه من جوا يا عز
– في اي
– نسيت حاجه ثواني
– طلعت جابت الراديو واتحركوا علي الطريق
– شغل عز الاغنيه المفضله ليه
– بابا غير الاغنيه دي مش بحبها
– ليه
– انا مش بحبها غيرها وبدأت صوتها يعلي وتحت ايديها علي ودنها مش عايزه اسمعها وصرخت وعجلة العربيه فرقعت حاول عز يتحكم في العربيه وليلي ماسكه جامد بسم الله بسم الله وركن عز علي جمب
– اي الي حصل
– اهدي حصل خير عجلة العربيه فرقعت
– الطريق ضالمه يا عز واي الطريق الزراعي
– اهدي مفيش حاجه هغير العجله وهنتحرك اهدي
– نزل من العربيه وليلي مسكت مصحفها وبدأت تقرأ انتبهت علي صوت عز وهو بيقول ألحقوني
– بصت في المرايه ملقتش حلا في العربيه نزلت بسرعه ملقتش عز
– ليلي بخوف عز انت فين يا عز يا عز
– بتبص يمين وشمال سمعت صوت حد بيستغيث جريت في الزراعه وشغلت الكشاف لقت عز مرمي في الارض وهدومه مبهدله كأن حد مجرجره
– جريت عليه انت كويس
– ايوه متقلقيش
– انت جيت هنا ازاي
– مش عارف يلا بينا حلا فين
– مش عارفه مش لقيها في العربيه
– ازاي
– رجعوا العربيه وبيفتحوا الباب لقوا حلا جوا
– انتي كنتي فين
– كنت في toilet الي في الاستراحه الي قدام دي
– بصوا ولقوا استراحه فعلا عز دخل غسل وشه وليلي جابت مايه وخلصوا تركيب العجله وركبوا
– لو سمحت يا عز شغل قرآن كفايه كدا
– جه يشتغل التسجيل لقي مش راضي يشتغل وباظ
– ليلي بصتله بخوف وبصت ل حلا
– عز تجاهل الموضوع وكمل طريقه وليلي بتقول الاذكار ومرعوبه
– وصلوا الشاليه في طلوع النهار ولسه الشمس بطلع
– حلا جريت علي البحر قعدت وبتشوف الشمس وهي بتطلع ومبسوطه
– نزلوا الحاجات من العربيه وعز راح يجيب فطار وليلي باصه علي حلا الي مستمتعه بالجو وقربت منها بحذر
– حلا حست بوجودها تعالي يا طنط اقعدي الجو تحفه بجد بتحبي البحر
– ليلي بترد بأستغراب :ايوه
– وانا كمان بحبه اوي وكنت بتعلم سباحه زمان بس مكملتش
– ليه
– مش عايزه
– انتي ليكي صحاب يا حلا
– لا بس عندي واحده بس مش بحب غيرها هي بس صحبتي
– مين
– مش هينفع اقولك
– ليه سر
– ايوه
– وبتحبي اي تاني
– تيجي نلعب
– ده ياريت
– انا معايا لعبتي يلا نلعب
– دخلت جابت اللعبه من جوا ورجعت وقعدوا يلعبوا سوي وليلي مكنتش مصدقه واندمجت معاها وكانت مبسوطه جدا
– عز رجع وفطروا ودخلوا ناموا وصحيوا علي بعد العصر ينزلوا البحر نزلوا كلهم سوي
– انا هطلع كفايه كدا المغرب هيأذن ومبحبش الليل يجي وانا في المايه
– ليه دي بتبقي ممتعه
– لا كفايه كدا هطلع وانت كمان يا عز متقعدش كتير
– وانا كمان هطلع اشرب
– ليلي قاعده علي البحر بتنشف جسمها ومسكت الكتاب بتاعها بتكمل قرايه فيه ولفت انتبها عز الي مش موجود خالص علي مرمي البصر
– عز يا عز
– حلا عز فين
– يا عز شافت ايديه بطلع من المايه وبتنزل تاني
– عز جريت عليه وبدأت تعوم لحد ما وصلتله ولقته بدأ يفقد الوعي سحبته لبرا بسرعه وبتحاول تخرج المايه من بوقه وتعمله تنفس صناعي لحد ما فاق
– مالك حصلك اي
– هنا هنا
– هنا مين
– هنا كانت بتغرقني انا شوفتها و..