رواية انتقام ليل الفصل العاشر 10 بقلم فاطمة عادل

رواية انتقام ليل الجزء العاشر

رواية انتقام ليل البارت العاشر

رواية انتقام ليل الحلقة العاشرة

صفوت اول ما زاح شعر بنته اللي نازل علي وشها ورفع وشها صرخ بأعلي صوت : لااااااا يا ولاد الك*لب ،غدروا بيا
بس فجأة صمت تمام لما لقي البنت دي موجهة سلا*حها في وشه ، البنت دي طبعا مش لين دي ريناد وبتشتغل مع ليل
ليل قبل ما ياخد سلا*حه من خصره ويضر*بها بصت له وقالت : اي حركه هط*ير نفو*خه .
وقف ليل ورفع ايديه والبنت مسكت صفوت ووقفت وفضلت موجهة السلا*ح علي دما*غه وسحبت السلا*ح من خصر ليل ومشيت لحد ما وصلت العربية الخاصة بالخاطفين وبعدها رمت صفوت ع الأرض وركبت العربية وانطلقوا بأقصي سرعة
ليل جري علي صفوت وسنده بحد ما وقف
واول ما وقف صفوت نفض هدومه وبص لليل بغضب جحيمي ورفع إيده عشان يضر*به كف بس اتفاجئ ان ليل مسك إيده وقال بنبرة مرعبة : ايدك دي اللي اتمدت عليا زمان لو اتجرأت ورفعتها عليا تاني هخليها توحشك
ورمي إيد صفوت بعن*ف ليل في اللحظة دي فقد أعصابه وثرثر بكلام ماكانش لازم يقوله
صفوت برق عينيه وبص لليل وقال : زمان !!
ليل ركب العربية وقاله بغضب : هتركب ولا حابب تبات هنا
جري صفوت ركب وهو كل تفكيره ليل كان يقصد ايه بزمان هو فعلا حاسس انه شافه قبل كده بس مش فاكر فين
ليل وصل صفوت لحد بيته صفوت نزل وليل قاله ببرود: ما تقلقش انا هاعرف خلال ٢٤ ساعة العصابة دي تبع مين ومقرها فين
صفوت هز راسه بلامبالاة واول ما ليل اتحرك صفوت فضل يفكر في كل الحوار اللي حصل وبيحاول بتوصل مين اكتر شخص ممكن يأذي صفوت بالطريقة دي
بعدها كلم صاحبه توفيق
وقاله أنه عايزه ضروري
توفيق قاله انه مسافة السكة ويكون عنده
بعد فترة وصل توفيق
وصفوت قاله : توفيق فيه صفقة سلا*ح كبيرة جدا ومكسبها خيالي ، ضربة العمر بصحيح ايه رأيك
توفيق بتفكير تمام معاك يا باشا
صفوت حط رجل علي رجل وقال: لاااااا دي ضر*بة العمر وماتقبلش القسمة علي اتنين دي بتاعتي انا وبس
توفيق هرش دقنه وقال : يبقي بالهنا والشفا يا باشا ، استأذن انا بقي
صفوت هز راسه يعني اتفضل
رجع ليل البيت بعض اللى حصل وكان تعبان جدا وق*الع الجاكيت بتاعه وحاطه على كتفه وطالع على السلم ببرود
عدى على اوضة لين ومشى خطوة ورجع تانى يشوفها ،هو مبقاش يقدر ينام قبل مايطمن عليها
فتح الباب براحه ودخل شافها نايمة على السرير وسانده ضهرها على المخدة ومش معدوله ولا حتى متغطيه
اتنهد بإعجاب على برائتها وهى نايمه ،كل تفكيره حاليا أنه نفسه ينام جانبها وياخدها فى ح*ضنه ويدفن وشه فى شعرها،كل ما يحاول يفوق نفسه مش عارف ،قرب منها وابتدا يعدلها ويغطيها ،شال المخده من تحت رأسها ونزلها بشويش جدا ،فى اللحظه دى قلبه كان بيدق جامد من شدة قربه ليها ،حاول يسبها ويخرج بس هى كانت بتحلم بكابوس
بتفرك لين فى السرير وبتتكلم بصوت مخنوق ،وفجاة مسكت فى ر*قبة ليل
ليل اتصدم من موقفها وحاول يهديها ،بدا يطبطب عليها ويملس على شعرها وهى ماسكه فى رقب*ته زى مايكون هو اللى هيخرجها من كابوسها
قعد ليل جنبها على السرير ورفع رأسها ودخل دراعه تحت رأسها ولفها لح*ضنه وبدأ يلمس على شعرها بحنان ويقولها كلام يهديها فى ودانها
لين كانت بتستجاب معاه وكأنها سمعاه وبدأت فعلا تهدى وتنام وهديت خالص وهى فى حض*نه
حاول يقوم من جنبها مش قادر ومش عايز
قرب من رق*بتها ودفن وشه فيها براحه علشان متحسش
ليل مش قادر يبعد نفسه عن لين ،بيحاول يجمع أفكاره
ليل فى نفسه. كده مش هينفع ابدا ياعمار ،افتكر اخوك ،افتكر اهلك اللى اتد*مروا ،افتكر مستقبلك اللى ضاع
كل محاولاته فشلت فى أنه يقوم من ح*ضن لين
غلبه النوم فى حض*نها وهو مرتاح وحاسس بسعاده كبيرة جدا وقال فى نفسه أنه لازم يقوم قبل ما لين تحس بيه
فى نص الليل فاقت لين وهى حاسه بتقل عليها
بصت لاقت ليل نايم ووخدها فى ح*ضنه ،كانت هتصرخ وتقوم بسرعه بس سرحت فى ملامحه وهو نايم
لين فى نفسها.اد ايه انت وسيم وجميل وحاسه من جوايا انك مش بالشر ده ابدا ،بس ايه اللى جابك هنا
ركزت شويه فى ملامحه وبدأت تقرب أيدها من وشه وتلمس كل حاجه فيها
ليل فاق ولكن مرديش يفتح عينيه علشان ميحرجهاش او بمعنى اصح ميحرجش نفسه لأنه مكنش ناوى أنها تحس بيه ابدا
فضل مستمتع بلامستها
وفجأة صرخت لين زى مايكون كانت بتحلم بوجود ليل جانبها بس لاقته فعلا جنبها وناي*مه فى ح*ضنه
لين بصوت عالى وصريخ قومته مفزوع من جنبها
ليل.فى ايه
لين .فى انك واحد حيو*ان ايه اللى جابك هنا وازاى تنام بالشكل ده وازاى تحض*نى كده ،انت ايه مش را*جل ازاى تمام جنبى كده
ليل قرب من وشها ببرود ويقول بتهديد.مين ده اللي مش را*جل وحيو*ان،طب علشان الكلام ده أنا مش هقوم،ويلا نامى ويشدها لح*ضنه
لين باعتراض وبتفرك بين أيده
ليل.بطلى فرك واتخمدى علشان هتصرف تصرف مش هيعجبك
لين . هتعمل ايه اكتر من كده يعنى
ليل قرب من وشها اوى ومن شفا*يفها وقال.لو عليا عايز اعمل كتير بس مش دلوقتى
بعد عنها وشدها لح*ضنه وقال.نامى بقى علشان انا عايز انام
لين طبعا معرفتش ترد عليه ولا عرفت تنام،وشويه وبدأت عنيها تروح فى النوم لحد ما ليل حس بيها بين أيده راحت فى النوم
فتح عنيه براحه وبص عليها بابتسامة وبا*سها برقه على خدها ونام بارتياح
*************************
تاني يوم
ليل مسك الموبايل بتاعه وكلم صفوت وطبعا من تطبيق بيغير الأصوات
صفوت رد بسرعة : الووو
ليل : لو اخدت ثفقة السلا*ح الجديدة هابعتلك ر*أس بن*تك كادو
صفوت رفع حاجبه وقاله بخبث : تمام مش هاخدها هاسيبهالك
ليل قفل كالعادة من غير سلام
صفوت كلم توفيق وقاله تعالي عشان هنقابل ناس مهمين عشان نحدد موعد تسليم الثفقة
توفيق قفل وراح بلهفة علي امل ينوبه من الحب جانب في ثفقة السلا*ح الضخمة دي
وصل عند صفوت كان صفوت مجهز عربيته وعربية تانية البادي جاردز بتوعه ركب هو وتوفيق العربية واتحركوا وبعد مرور وقت وصلوا عند فيلا مهجورة توفيق بص بدهشة وقال لصفوت : غريبة دي اول مرة نتفق علي ثفقة في مكان زي دا يعني ديما بنعمل حفلة ونتفق فيها
صفوت بص له بابتسامة خبيثة وقال : محنا هنحتفل جوه ادخل يا صاحبي
واول ما دخلوا الفيلا صفوت ضر*ب توفيق بقبضة إيده وكان لابس خاتم عليه ر*اس الشي*طان جرح توفيق في وشه واترمي ع الأرض من شدة الضر*بة وصرخ بأعلي صوته للرج*الته وقال : الاحتفال الليلة علي شرف صاحبي وشريكي توفيق منصور روقوه
توفيق بيمسح الد*م اللي بينزف من وشه وقال : صفوت انا عملت ايه فيه ايه ليه عملت كده
صفوت بصوت جحيمي : فيه انك واحد وا*طي وكل*ب فيه انك بعتني وساعدت واحد وس* انه يخط*ف بنت*ي وبتلعبوا بيا الكورة
الرجالة هجموا علي توفيق ونزلوا فيه ضر*ب في كل حتة
وبعدها صفوت صرخ : استووووووب
بدأ يقرب بخطوات بطيئة من توفيق ووطي لمستواه في الأرض وقال : اختار حاجة م الاتنين أما تموت او تعترف بكل حاجة ودا مش هيغفرلك انا هاسيبك مرمي هنا لحد ما تقول حقي برقبتي
توفيق بياخد نفسه بالعافية من شدة الضر*ب هز راسه وقال : هاعترف هاقول علي كل حاجة