رواية انتقام حاد الفصل الخامس عشر 15 بقلم هدير دودو
رواية انتقام حاد الجزء الخامس عشر
رواية انتقام حاد البارت الخامس عشر
رواية انتقام حاد الحلقة الخامسة عشر
تنهدت ريم بضيق ثم قالت بابتسامة مصطنعة : لا بصراحة مش عارفة اقول ايه بسبب الاحترام دة بس اظن ان كدة خلاص انت عملت اللي انت عاوزه و انا اصلا قعدتي في البيت مفيش منها فايدة و موصلتش لحاجة و لا انتقمت من حاجة لأن اصلا انا مش مهمة عنده بس انت اللي كنت بتعاند و مصمم ثم اكملت بمرارة و هي تشعر بغصة في قلبها و دلوقتي انت خاطب و ربنا يسعدك مع تيا هانم فممكن بقا تطلقني عشان انا تعبت بجد انا على ايدك شوفت و حصلي حاجات لو جه حد و قالي عليها مكنتش هصدقه فعشان خاطر اغلى حاجة عندك طلقني و ريحني بقا كفاية كدة كانت تتحدث و دموعها تنزل على وجنتيها بغذارة شديدة
وضع جاسم يديه على شفتيها مانعا اياها من الحديث ثم مسح دموعها التي كانت تنزل على وجنتيها و قام باحتضانها و دفن راسه في عنقها اما هي فكانت مستسلمة بين يديه تماما غير قادرة على قول او فعل شئ لم يصدر منها سوى صوت شهقاتها الطفولية فكان منظرها مثيرا بشدة بالنسبة له فابتعد جاسم عنها و قال بحنان : ريم ممكن تهدى و تبصيلي عشان نعرف نتكلم و نتفاهم مع بعض و مش عاوزك تعيطي دموعك دي غالية اوي بالنسبالي
نظرت له ريم و قالت له بسخرية و عدم تصديق : ايه دة بجد مكنتش اعرف انت عارف ان انا كنت كل يوم بعيط من ساعة ما ماما الله يرحمها سابتني و انت دخلت في حياتي و انا بعيط انت دخلتني في حاجات مليش دخل فيها حرام عليك بقا كفاية انا مش حمل بهدلة تاني اقولهالك ازاي و مش عاوزة نتفاهم اصلا عاوزو اعيش حياتي براحتي اعمل اللي انا عاوزاه مش عاوزة حد يتحكم فيا يقولي اعملي دة او متعمليش دة
هز جاسم راسه ثم ازداد من ضمها و قال بغيرة و تملك : اه بعني الهانم عاوزة تمشي على حل شعرها من غير حاكم و تعمل اللي عاوزاه صح و ايه هو اللي عاوزاه بقا
هزت ريم راسها و قالت بجدية و هي ترفع سبابتها في وجهه محاولة ابعاده عنها : لو سمحت اتكلم باحترام ايه امشي على حل شعري دي و انت مالك باللي انا عاوزاه انا حرة في حياتي
قربها جاسم منه مجددا و قال بحب : هو ايه انت مالك لا دة مالي و نص كمان اي حاجة بتعمليها يبقى تخصني انت ناسية انك مراتي يا ريمي
تنفست ريم بضيق ثم قالت بانفعال و غضب واضح على ملامحها : اوعى بقا انت مبتفهمش بقولك طلقني تقولي مراتي هو انا بقول حاجة صعبة مش كفاية انتقام بقا
تنهد جاسم ثم تركها و قام من على الاريكة و قال بانفهال و ثوت عالي : انتقام ايه يا ريم اللي بتتكلمي عليه تقدري تفهميني انا عملتلك ايه انا اللي عملته فيكي ميجيش جزء من اللي كنت هعمله لو كانت بنت جمال واحدة غيرك
لم تفهم ريم معني كلامه و لكنها قالت بضيق و وجع داخلي و دموعها تسيل على وجنتيها بغذارة شديدة : معملتش حاجة بعد كل اللي عملته فيا جاي تقولي ببرودك دة انك معملتش حاجة لا انت عملت و عملت كتير اول حاجة اهاناتك ليا اللي على الفاضي من ساعة ما اشتغلت و انت بتهيني مش مراعي ان والدتي لسة متوفية يعني مضغوطة لوحدي تاتي حاجة مرة واحدة لقيت نفسي متجوزة لا جاي تقولي انك جوزي عادي اخدتني و بعدتني عن حياتي و خليتني خدامة عندك و عند اهلك كل واحد بيعمل اللي هو عاوزه يهينوا فيا بطريقتهم و انت كنت عمال تتسلى بيا شوية تعاملني وحش و شوية حلو و تقولي عادي بتسلى و روحت خطبت عادي كأني شي نكرة و اتهمتني اني حامل و كنت عاوز تغ.. لم تقدر ريم على اكمال حديثها و انفجرت في بكاء مرير
نظر لها جاسم بشفقة لاول مرة يعترف و بشعر بانه اخطأ و اخطأ بشدة في حقها فاقترب منها و ضمها الى صدره و ظل يربت على شعرها بحنان ثم قال بهدوء و حب : هشش اهدي يا ريمي انا اسف اسف بجد عارف ان كلمة اسف مش هتعمل حاجة بس انت متعرفيش انا كنت بتعذب اكتر منك ازاي كل ما بشوف حد بيزعقلك او بيطلب منك حاجة و يكلمك بطريقة مش كويسة ببقى عاوز اروح اقتله بس مش قادر يا ريم متخيلة يعني ايه البنت الوحيدة اللي حبتها و قلبي دق عشانها يكون باباها هو السبب في موت ابويا غصب عني بلاقي نفسي بقربلك و لما بفتكر ببعد كنت باقسي عليكي عشان الكل يعرف اني بكرهك و اثبت كدة للكل و اولهم نفسي متعرفيش لما بشوفك بتضحكي ببقى نفسي اروح اقعد معاكي و اشوف بتضحكي ليه و ايه اللي مفرحك و لما بتبقي تحت أيديا بيسطر على نغسي بصعوبة
نظرت له ريم و كانت مستمرة في البكاء و قالت بتساؤل و دهشة : ب.. بتحب..
قطعها جاسم و قال بتأكيد و حب : اه يا ريم مش بحبك و بس لا انا بعشقك بعشق التراب اللي بتمشي عليه و لا مش من دلوقتي من زمان حاولت كتير اتحكم في مشاعري بس مقدرتش
نظرت له ريم ببلاهة و قال بتساؤل و صدمة : م..من زمان ازاي و انت لسة شايفني من تلت اربع شهور دول
هز جاسم راسه بالنفي ثم قال بحب و هو يضمها الى صدره ماسحا دموعها : من كام سنة شوفتك و انت ماشية مع صحبتك بتضحكوا و رايحين الدرس بقيت اجي كل يوم نفس المكان عشان اشوفك و اشوف ضحكتك الحلوة اللي اسرتني و اسرت قلبي جه موضوع موت والدي شاغلني جدا لدرجة اني نسيت كل حاجة كان كل همي اعيش عيلتي في نفس المستوى و اخفف عنهم الكل كان حزين وقتها بس انا كان لازم اغير كل دة بس بعدها اما جمال كسب صفقة اتخنقت فروحت على النيل و دي من عادتي لاقيتك هناك و كنت واقفة بتعيطي منعت نفسي بصعوبة من اني مروحلكيش و قررت اني مش هدخلك حياتي غير لما اخلص من موضوع جمال و لما ظهر قدامي ان جمال عنده بنت و كلمتك عشان الشغل انا مكنتش اعرف ان حبيبة قلبي هي نفسها البنت اللي هستخدمها في تدمير جمال و اصلا انا خطتي مكانتش اني اتجوزك انت كنتي هتيجي الشركة و هتتهمي بقضية سرقة كبيرة تبوظ سمعته فغصبا عنه هينزل لما يتقال ان بنته محبوسة حتى لو ميعرفهاس هينزل
يخرجها باي شكل عشان سمعته لكن لما لاقيت الملاك اللي حبيته هو اللي داخل عليا غيرت كل حاجة و عمال افكر و لما زعقتلك و قولتيلي انك هتستقيلي عشان كرامتك كنت هتجنن بمعنى الكلمة عشان كدة مضيتك على عقد الجواز عشان اضمن انك متبعديش عني خالص مقدرتش انفذ خطتي و اتنازلت عن الفكرة عشانك
بعد ان انهى كلامه وجد ريم تنظر اليه بصدمة شديدة لم تستطع الحديث حتى رغم غرحة قلبها من الداخل بانه كان يحبها ثم فاقت من صدمتها و قالت بارتجاف : ا.. ايه اللي بتقوله دة … ازاي .. ازاي يحصل كل دة
ازداد جاسم من ضمها و قال بحنان محاولا تهدئتها : اهدي اهدي يا حبيبتي متعيطيش عشان خاطري
ابعدته ريم عنها و قالت بصراخ :ابعد عني بقا و متقوليش حبيبتي انا مش حبيبتك انا بكرهك انت واخدني لعبة في ايدك ابعد عني و اتفضل امشي و لا اقولك انا اللي همشي احسن مسكها جاسم من معصمها و قال بهدوء: خلاص اهدي يا ريم اهدي انا همشي و انت خليكي هنا عشان مش عاوز حد يعرف حاجة اهدي بس و انا اوعدك اني مش هجيلك ممكن تهدى بقا عشان ميحصلكيش حاجة او تتعبي
ابتسمت ريم بسخرية من بين دموعها و قالت باستهزاء و هي تهز كتفيها: لا عادي انا متعودة على كدة بعيط مش هيحصلي حاجة ما هي مش اول مرة و اتفضل يلا برة و اما تخلص حواراتك تيجي تطلقني و ارجع شقتي اتفصل يلا انت هتفصل واقف كتير تبص فيا
هز جاسم رأسه ثم خرج اما هي فبمجرد ما مشى و تركها ظلت تبكي بضعف فهي احبته بل عشقته و رقص قلبها فرحا عندما اعترف لها بحبه الكبير الذي يكنه لها لسنوات طويلة و لكن لن تسمح بشى يأتي على كرامتها
“”””””””””””””””” عند سعاد كانت جالسة في غرفتها باريحة فدخلت عليها شذي و عقدت حاجبيها باستغراب من عدم قلقها و قالت لها متسائلة : ايه دة يا تيتة انت قاعدة كدة عادي مش قلقانة من اللي حصل
نظرت لها سعاد بجدية و قالت بصرامة : انت اتجننتي يا شذي قدري حد سمعك انت عاوزة تفضحينا رسمي اسكتي يا شذي و اطلعي برة احسن
هزت شذي راسها و قالت بهدوء : معلش يا تيتة مكنش قصدي بجد بس استغربت انت مش ملاحظة انك قاعدة هادية جدا و عادي
تنفست سعاد بصوت مسموع و قالت بجدية و تاكيد : لا طبعا خايفة بس مش لازم ابين اوي عشان محدش يشك فينا و اقفلي على الموضوع احسن الواحد مش ضامن مين يكون ماشي و يسمعنا وقتها محدش هيرحمنا
ابتلعت شذي ريقها و هزت راسها ثم قالت بتوتر : حاضر يا تيتة حاضر انا خارجة من الاوضة احسن ثم تركتها و خرجت و هي تشعر بالخوف فعي بالفعل خايفة بشدة من ان يكشفها جاسم فهو وقتها لن يرحمها
“”””””””””””””” عند ندى كانت واقفة في الحديقة تتأمل منظرها و تفكر في حال ريم فجاسم قص عليها كل شي و لكن هي قلقة على صديقتها أيضا قطع تفكيرها صوت صفير فالتفت الى الخلف و رات شاب يقف ينظر لها يتفحصها من اعلاها لاسفلها قالت بتساؤل و استغراب و هي ترفع احدى حاجبيها : انت مين يا اخ انت
ابتسم ياسر و قال لها بغرور : انا ياسر الشناوي صاحب البيت انت بقا اللي مين
نظرت له ندى بقرف و قالت بعبوس و غضب : امم قولتلي ياسر الشناوي طب روح العب بعيد يا شاطر عشان انت مش عارف انا عاوزة اعمل فيك ايه و ماسكة نفسي بالعافية
اندهش ياسر من ردها عليه و قال بلا مبالاه : طب و انت عاوزة تعملي ايه اصلا و ماسكة نفسك ليه ما تفهميني بس انت عارفة طول عمري بحب النوع الشرس اللي ميجيش بالساهل و يتعبنا بس انت هنا بقا بتعملي ايه
نظرت له ندى بضيق و قالت بثقة : اممم طب شوف كويس انك عرفت اني شرسة و انا ندى ضيفة جاسم الشناوي اخوك الكبير اللي انت بتترعب منه و ظلت تنظر له بتحدي و كره فهي لن تنسى ما فعله بصديقتها لولا ان جاسم كشفه كانت لا تعرف ماذا سوف يحدث مع ريم
تنفس ياسر بغضب شديد ثم اقترب منها و قال بصرامة : احترمي نفسك يا بت مش عشان سكتلك هتسوقي فيها اترعب من ايه شكلك متعرفيش مين هو ياسر الشناوي
ضحكت ندى بسخرية و قالت بتحدى : لا طبعا اعرف مين ياسر الشناوي ولد صايع مش بيعمل حاجة في حياته غير الشرب و السهر و معاكسة البنات و بيترعب من حاجة اسمها جاسم الشناوي و بيقلب قدامه فار مبلول ثم اخذت تضحك
نظر لها ياسر بغضب شديد و قال بحدة : احترمي نفسك يا بت بس انت عارفة انا هوريكي مين هو ياسر السناوي اللي مش بيترعب من حد زي ما بتقولي ثم جاء ليمسك يديها فاوقفته هي بصفعة قوية على وجنتيه اخرجت بها كل الغل و الكره التي كانت تحملهم
**********************************************
تفتكروا ريم و جاسم علاقتهم هتتحسن و لا لا ..؟؟
ريم معاها حق فاللي عملته و لا كان المفروض تسامح جاسم و تعذره ..؟؟
ياسر هيعمل ايه مع ندى ..؟؟
مين فرح ان جاسم طلع بيحب ريم من زمان و مين انصدم..؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انتقام حاد)
