رواية انتقام امرأة الفصل السادس 6 بقلم مريم أشرف
رواية انتقام امرأة الجزء السادس
رواية انتقام امرأة البارت السادس
رواية انتقام امرأة الحلقة السادسة
حسام بقلق وعصبيه: اييييه؟!!
الظابط: ياريت حضرتك تيجي الم*شرحه وتشوفها عشان نتأكد..
حسام بخوف: ماشي..أنا جاي حالا!
وقفل التيليفون..مش ممكن لأ..أكيد مش هي..أكيد مش هي أنا متأكد..دي وحده تانيه!!..دمع وهو بيبص لصورتها المتعلقه: النهارده كان فرحنا يا ساره!!..بس انتي فين؟!
افتكر كلام الظابط ولبس بسرعه وخرج من الأوضه ولقى سميحه قدامه..
سميحه بتوتر من حالته: في حاجه جديده يا حسام؟!!
حسام بقلق: الظابط بيقولي انهم لاقو جث*ه لبنت في المنطقه إياها وشاكين انها..
سميحه بانفال: لأ بنتييي!!!…ووقعت مغمى عليها..
مروة أم حسام بدموع وهي بتجري ناحية سميحه: آه يا سميحه..كفايه بقى جوزها طلع مستهتر وفضل شغله عن بنته..كمان تتصدم بمو*ت بنتها..بس يارب متطلعش هي..يارب..قالتها بعياط..
حسام: ان شاء الله يا ماما..خدي بالك منها كويس لحد مارجع..
مروه: طمنني يا ابني..متنساناش..
هز راسه وطلع..وهو شايل كثير جواته..وحس بندم شديد انه سابها تروح في وقت متأخر..وفي طريق مخيفه مليانه عصابا*ت..
___________________________________________
وصل حسام..ولقى الظابط مستنيه..فدخلو مع بعض..ولقوا بنت في عمر ساره..مشو*هه بالكامل ومتغطيه بقماش ابيض..قرب عليها ببطئ وأنفاسه بتعلا وتنزل من الرعب..بص لوشها بتدقيق..وهو بيكابح دموعه متنزلش..لحد ما وقع على الأرض..وهو بيصرخ: سارره!!!!!..لأ..مش ممكن…مش ممكن تمو*تي وتسيبيني كده…سيبتيني لمين بس يا ساره!!!؟..ليه كده!!!!؟؟؟..
الظابط بحزن: اسفين جدا يا فندم..بس ده قدر ربنا..وربنا يرحمها..واحنا هنتابع القضيه..ممكن حضرتك تيجي معانا تمضي على شوية أوراق..؟
حسام بانفعال: مش هي!!..ساره لسه عايشه..هي قالتلي في الحلم..كلمتني!!..هي عايشه..دي..دي بس شبهها..قال كده وهو بيترعش من صدمته..
___________________________________________
بالمسا..وعند ساره..
الشباب قاعدين فالصاله بيتكلموا..
عصام بقلق: هنعمل ايه في البنت اللي جوه دي؟!..اصلي زهقت منها خلاص..ومن صويتها..
يوسف: عندك حق..لازم..لازم نتخلص منها!!
عصام: تقصد ايه؟..نقت*لها يعني؟
مراد بصدمه: حيلك..حيلك انت وهو نقت*لها وزفت ايه!!..عايزنا نتسجن؟!..
يوسف: نتسجن؟!..قصدك تتسجن انت!..انت خايف على نفسك يا مراد..انت من عيله كبيره يا راجل..وسمعتك اولى..وبفلوسك تقدر تخرج براءه كمان..اما احنا فملناش حد..
مراد بضحك: ايوه طبعا..امال عايزنا نخسر مكانتنا ولا ايه؟!..سكت شويه وكمل بتفكير: ايه رأيكم نرجعها المنطقه اللي جبناها منها..وهي كده كده مش هتوصل لنا حتى لو بلغت البوليس..هي مبتعرفش مكاننا..اه صحيح بتعرف اسماءنا بس ده مش كافي..
قاطعه عصام: انا خايف اوي..و..
يوسف بضحك: خايف؟!!..مش دي كانت فكرتك من الأول..احب أفكرك..
فلاش باك:”
عصام وهو بيدخن: ايه رأيكم نعمل تحدي؟!
يوسف وبيمسك تيليفونه: تحدي ايه ده؟
عصام: رهان..واللي يكسب..يشاور على اي حاجه عاوزها ونعملهاله..
مراد رد من المطبخ: اسمع انت وهو..انا مش جايبكم هنا عشان تبوظو الڤيلا..
عصام: ياعم..خلينا نتبسط بقى..
وفعلا..كسب يوسف وكان طلبه..يجيبو بنت وللأسف كانت ساره الضحيه..
باك”
عصام بعصبيه: وهو انا كنت قولتلك نجيبها؟!!
مراد: اسكتو بقى!!..هنعمل زي ما قولتلكم…لما توصل 2 الفجر نرجعها..على الأقل نلاقي المكان فاضي..وميشكش فينا حد..
____________________________________________
في بيت سميحه..الكل كان منهار ومش مصدق اللي حصل وانهم دف*نوا البنت االي بتشبه ساره واللي فاكرينها هي اصلا!!!
إلا حسام االي بالرغم من انه شافها الأول واتأكد منها..بس مش مصدق برضه!!
مروه وهي بتمدله كوباية ميه: خد ياحسام..اشربلك شويه..
حسام بتعب: ماما..هو انتي مصدقه ان ساره مات*ت؟
مروه بعياط: ربنا يرحمها يا ابني دي كانت غاليه علينا اوي..
عيط من كلامها..فطبطبت عليه بحنيه وقالت: قوم يا حبيبي صلي العشا وادعيلها..
حسام: اه يا ماما..حاسس بقلبي موجوع..موجوع أوي من فراقها..مش قادر استوعب انها خلاص راحت..انها سابتني لوحدي ومشيت!!..ياريت كنت مكانها..ياريت!!
مسكت ايديه واتكلمت بحزن: متقولش كده يا ابني..ساره هتزعل اوي لو سمعتك..يالا يا حبيبي..قوم صلي وادعيلها..
مشيت ودموعها فعنيها وهي بتقول: ربنا ينتقم من الظالم ويرجعلك حقك يا ساره!!
قام حسام بعدها ودخل الحمام يتوضا..
راحت مروه لسميحه اللي قاعده فأوضتها بتعيط بقهر: استهدي بالله يا سميحه وقولي هديت..
سميحه: اهدى ازاي يا مروه وساره بنتي الوحيده ما*تت وسابتني لوحدي فالدنيا دي..ده حتى الراجل االي بيسمي نفسه ابوها مكلفش نفسه يسأل عليها..دنا حتى بفكر اتطلق منه..او اخلعه معرفش..وكملت عياط..
مروه: عارفه والله انه صعب واوي كمان..تتقبلي كل اللي بيحصلك ده..بس حاولي..ووحدي الله يا سميحه ولدعيلها يرجع لها حقها من المج*رم اللي قت*لها..
سميحه: بنتي يامروه..ساره بنتي..ادفن*ت يوم فرحها..اهدى ازاي انا؟!!
حضنتها مروه: ربنا يرحمها ..
____________________________________________
في اوضة ساره بالڤيلا..حست بحركه غريبه فالأوضه..حاولت تصرخ بس اغمى عليها من مخدر قوي شمته..
حاول مراد يعدل شكلها وهضومها وجمع كل اغراضها فشنطتها و دخلها العربيه..وصل المنطقه ورماها من العربيه على جنب الطريق ومشي..
فاقت بعد ساعات..ولقت نفسها فجمب الطريق..حاولت تستوعب فلقت نفسها فالمنطقه اللي اتخطفت فيها..اتكلمت بقهر ممزوج بفرحه: الحمد لله..الحمد لله..بصت للسما ولقت الشمس بدإت تشرق..
كملت كلام: والله لتدفعو الثمن غالي ياكلا*ب!!!..وهعرفكم مين هي ساره احمد!!
قامت ومسحت هضومها ومسكت شنطتها فتحتها ولقت فيها كل أغراضها الا التيليفون اللي اتكسر طبعا..
فضلت تمشي وتمشي من غير ماتفكر في حاجه..اشترت بعض الفساتين الطويلة ونقابا تغطي به وجهها..وتقدمت نحو المستشفى..ودخلت مكتب الاستقبال..
: ممكن اسأل حضرتك سؤال؟
السكرتيره بخوف من شكلها وصوتها التعبان: ايوه اتفضلي يا آنسه..
ساره ضحكت في نفسها باستهزاء واتكلمت: احم..هو حضرة المدير هنا؟
السكرتيره بأسف: للأسف يا آنسه..المدير مبقاش بييجي المشفى من يوم ما اختفت خطيبته..وامبارح عرفنا انها ما*تت…الله يرحمها بقى..بس لو عايزه ارتبلك موعد معاه..ولما يرجع اقوله مفيش مشكله يعني و..
قاطعتها بدموع: لأ خلاص غيرت رأيي..شكرا لحضرتك..
مشيت ساره: آسفه جدا يا حسام..والله اسفه..بس كويس انكم فاهمين ان انا م*ت عشان متدوروش عليا وتسيبوني انتقم منهم على راحتي!!!
بالليل..وفي شقه صغيره استأجرتها ساره تقعد فيها بعيد عن اي حد يعرفها..قاعده على السرير وبتفكير: مجرم*ين..دمرتوني وحرمتوني من كل حاجه حلوه فحياتي..ماما وبابا..وحسام و شغلي..وحياتي!!..وحتى من فرحي اللي كان هيتعمل امبارح..بس و كل دمعة وكل عذاب عيشتهولي لكون منتقمه منكم!!
قامت ودخلت الحمام تاخد دش سخن يخفف عليها..
___________________________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انتقام امرأة)
