رواية الم الرحيق الفصل السادس 6 بقلم سمية عبدالسلام
رواية الم الرحيق البارت السادس
رواية الم الرحيق الجزء السادس
رواية الم الرحيق الحلقة السادسة
شهد في اوضتها بتتكلم في الفون
شهد بحزن_بابا تعبان اوي يا اسلام والدكتور بيقول لازم يعمل عملية.
سلام_امممم، لأ الف سلامة عليه.
شهد_اسلام ممكن اطلب منك طلب؟
اسلام نفخ بضيق _دانتي تؤمري.
شهد_مش انا كنت باخد فلوس من بابا ومش برضى اروح الدروس عشان اديك الفلوس عشان تعرف تبني شقتنا
اسلام بزهق_ايوة وبعدين
شهد_ممكن ترجع الفلوس وتكمل باللي تقدر عليه عشان نعمل العملية لبابا؟
اسلام بعصبية_طب بصي بقا ياشاطرة انا معرفش انتي عبيطة ولا بتستعبطي ، فلوس ايه اللي اخدها منك عشان اجهز الشقة!! فوقي ياماما انا مش بتاع جواز انا كنت بتسلى تقدري تقولي تتضيع وقت مش اكتر، وبعدين يوم ما افكر اتجوز، اتجوز حد زي اختك الله يرحمها زي الملاك وعملت كل اللي اقدر عليه عشان اكلمها وهيا عمرها ما ادتني فرصة، ملقتش غيرك قدامي كنت معتبرك كوبري عشان تبعتيلي صورها بعد ماتثقي فيا، واعرف ابتزها بيهم واتجوزها، لكن اهي ماتت يعني خلاص مبقاش ليك لازمة عندي،
وكمل كلامه _وااه حاجة اخيرة، اوعى يابت تصدقي ان حد ممكن يعبرك ويحبك، دانتي اوحش من الوحاشة، غوري انا معرفش كنت مستحملك علي ايه؟
وقفل السكة في وشها.
شهد كانت عاجزة عن الكلام ومصدومة،
شهد و هيا بتكلم نفسها_ده اسلام اللي حبيته!! وال بيقولي دنا محبتش غيرك،دنا مقدرش اعيش من غيرك دانتي الهوا ال بتنفسه،كل الكلام ده كدب كان بيضحك عليا؟!
وافتكرت كلام اختها ليها
^^^^^^^^^^^^^^^^^^^^^^^^^^^^^^^^^^^^^^^
نرجع بالزمن شوية
شهد كانت بتتكلم في الفون،والباب اتفتح
شهد بتوتر_طب ياملك اكلمك بعدين
=عاملة ايه ياشوشو؟
شهد ببتسامة باردة_الحمدلله كنتي عايزة حاجة؟
=ياحببتي عايزاك تكوني كويسة
شهد_منا كويسة اهو
=لأ مش كويسة، شهد انا اختك، حتي لو اختك من الاب بس برضو هفضل اختك،
وبعدين كملت بحنية=قليلي انتي لسه بتكلمي الشب ده في الفون؟
شهد اتوترت وقالت_ها…. لأ طبعاً
=متكدبيش عليا ومتخفيش انا مش هقول لبابا، بس قليلي الحقيقة
شهد بعصبية_ايوة بكلمه ممكن تخليك في حالك بقا،وبلاش تمثلي دور الاخت ال بتخاف علي اختها احسن مش لايق عليكي، علي الاقل هوا الوحيد اللي حبني ديما بابا بيحبك عشان الكبيرة والعاقلة وبتسمعي كلامه، حتي ماما مبتفكرش غير في نفسها، حتي صحابي، كملت بحزن_اصلا مبقاش عندي صحاب تعرفي ليه؟ عشان انا وحشة ومش جميلة زيك.
وعيطت
ردت عليها اختها بحب بعد ما خدتها في حضنها
=ياحببتي ده كله جواك؟!
وبعدين كملت=الحب الحرام لا يتمه الله بلى يكوي به اصحابه،والحلال ينير القلوب،الحب الحرام هيفضل حرام حتي لو بيحفظك قرآن،ابعتي ليه رسالة احنا لازم نسيب بعض عشان حرام هندخل احنا الاتنين النار بسبب الذنب ده ولو رفض وقلك مش هقدر ابعد عنك انتي الهوا و..و..و..،عرفيه انه مينفعش تكملي نهائي لو بيحبك بجد مش هيتحمل انك تتعذبي في النار والقبر دقيقة واحدة،واصلا بنسبة99٪ مبيبقاش حب ده بيبقا جوع.
شهد بتعجب_جوع!
=اه جوع،انتي جعانة اهتمام جعانة حنية جعانة حد يطبطب عليكي،انتي جعانة حب ياشهد،لو كان بيحبك مجرد ما هتقولي كده هتعلي في نظره وهيحاول يحافظ عليكي وهيبعد عنك لحد ما يتقدملك لكن هوا مش عايز انتي ال تبعدي هوا عايز يبعد هوا بعد ما يشبع منك ويلاقي واحدة تانية يتسلى بيها،تخيلي انك مجرد وقت فاضي في حياة الباشا ده مش اكتر،قومي اعملي بلوك.
شهد بلامبالاه _حاضر حاضر حاجة تاني؟
=ربنا يهديك وينور طريقك
^^^^^^^^^^^^^^^^^^^^^^^^^^^^^^^^^^^^^^^
عودة
شهد والدموع مغرقة وشها_يارتني سمعت كلامك، قلبي اتكسر وادمرت
وبعدين اتنهدت وقالت_بس كله بسببك انتي ايوة انتي
قالت كده وهيا بتبص علي صورة اختها
وكملت_انتي لو مكنتيش جميلة كانو حبوني مكنش حد كرهني، كان اسلام حبني بجد، الحمدلله انك متي (اتوفيتي) وخلصت منك.
______________~__________________~
في قصر آدم البنهاوي
كلهم قاعدين علي السفرة عدا نسرين
الجد_رايح الشركة يا آدم؟
آدم =ايوة ياجدي في شغل كتير لازم اكون موجود عشان يتم
الجد_انا بعت لعمك ومرات عمك ييجو من الصعيد
ايمان_ابوي وامي هييجو ليه يا جدي؟
الجد _عشان يحضرو كتب كتاب آدم علي نسرين
ايمان اتصدمت وحاولت تداري زعلها _م… م.. مبارك يا آدم
آدم وهوا باصص في الطبق _الله يبارك فيك عقبالك
نسرين كانت نزلت من فوق وقالت ببتسامة_صباح الخير
الجد_صباح الورد تعالي افطري معانا
آدم لاحظ انها لابسة نفس اللبس ال جت بيه، وبعدين وقف=انا ماشي ياجدي علي الشركة
الجد_روح ياولدي
نسرين حست انه مش طيقها
الجد_رايحة فين يا ايمان مكملتيش واكلك
ايمان وهيا بتبص لنسرين بستحقار _لأ شبعت ياجدي
نسرين في نفسها =هيا مالها دي
الوحيدة اللي قاعدة ومبسوطة بالي حصل كانت اية لانها حبت نسرين اوي.
______________~__________________~
في الشركة
نزل آدم من العربية وكان معاه عدد مهول من الحراسة، آدم ذكي جداً مفيش صفقة دخلها ومكسبهاش وبقا شركاته من اهم شركات الهندسة و المعمار في مصر والوطن العربي في فترة قصيرة جداً، وطبعا مش هننكر المعجبين والمعجبات
آدم لنورا السكرتيرة=استاذة نورا اما بشمهندس عمر يوصل خليه ييجي علي مكتبي وابعتيلي كل الايميلات والشغل المتأخر علي مكتبي فوراً
وسابها ومشي.
نورا_يخربيت الرعب اللي انا فيه، بس مصيرك توقع تحت ايدي زي ماوقعت غيرك
التلفون رن علي مكتب نورا
نورا_الو
آدم بحدة=يعني مشفتش حاجه علي مكتبي
نورا بخوف _حاضر دقيقة وهجيب ال….
والسكة اتقفلت.
______________~__________________~
علي الجمب التاني اكبر معرض للسيارات
في مكتب ياسر الدسوقي
الباب خبط
ياسر من الداخل_ادخل
_السلام عليكم
ياسر بفرحة_اهلا اهلا ليك واحشة ياراجل
… لسه الحكاية مخلصتش….
عم مصطفي ممكن يعمل العملية؟
شهد زي امها ولا هتكون طيبة؟
ايمان ممكن تأذي نسرين عشان متتجوزش آدم؟
نورا كان قصدها علي مين بأنها وقعته وهتوقع آدم زي؟ يمكن قصدها علي عمر؟
طب مين الشخص ال دخل عند ياسر نعرفه ولا شخصية جديدة؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
