رواية الم الرحيق الفصل الثامن والعشرون 28 بقلم سمية عبدالسلام

رواية الم الرحيق البارت الثامن والعشرون

رواية الم الرحيق الجزء الثامن والعشرون

رواية الم الرحيق الحلقة الثامنة والعشرون

في بيت عمر
عمر_قمر ياخواتي.
ندى_طب يلا اطلع بره.
عمر ببرأة_مش هساعدك تغيري؟
ندى_لأ شكراً.
عمر_طب قليلي هتلبسي ايه؟
ندى_اطلع بره ياعمر.
عمر بخبث_مش مهم كده كده مش هنحتاج اللبس في حاجة.
ندى وشها احمر وقالت بصوت عالي _اطلع بره
بعد شويه
كانو قاعدين علي سجادة الصلاة وخلصو صلاة وعمر بص على ندى اللي بتفرك في صوابعها.
عمر مسك اديها وقال بحنية_متخفيش طول منا معاك،الموضوع مش محتاج القلق ده كله.
ندى بتوتر_اصل انا خبيت عليك حاجة وانت لازم تعرفها.
عمر بقلق_حاجة ايه ياندى؟
ندى بتوتر_انا…..انا…بحبك
عمر_!!
ندى ضحكت وقالت_هموت مش قادرة،نفسي تشوف شكلك عامل ازاي؟
عمر استوعب ال حصل وقال_بتعملي فيا مقلب طب وربنا منا سايبك.
ندى جريت على بره وعمر جري وراها.
عمر_هتروحي مني فين يعني؟
ندى راحت عند السفرة واستخبت وراها وعمر قصادها من النحية التانية.
ندى بهزار_خلاص والنبي مش هعمل كده تاني.
عمر_دانتي قطعتيلي الخلف،قلت البت هتقلي طلعنا اخوات في الرضاعة وانا معرفش.
ندى_والله رحيق ال قلتلي اعمل كده.
عمر_اكيد آدم ال مسلطها عشان يبوظ الليلة،بس اما اشوفه.
ندى جريت وكانت لسه هتدخل الاوضة وعمر مسكها وبعدين شالها.
ندى كانت بتصوت.
عمر وهوا شايلها_لأ لسه بدري علي الصويت.
ندى_نزلني يا سا*فل يا قليل الاد*ب
عمر وهوا بيحطها على السرير _حاضر.
وبعدين قال_ندى
ندى_ايه؟
عمر برومانسية_احبك ولا يوجد في القلب سواك.
ندى بتفكير_سواك ولا معجون اسنان؟
عمر من الصدمة مردش.
ندى_بهزر معاك، و بعدين بصت في عيونه وقالت _انا كمان بحبك يا من احتليت مدينة قلبي.
“وهنا اكتملت دائرة اخرى في سلسلة الحب و الجنون”
__________________~______________~
بعد مرور 6 شهور.
في القصر.
الكل كان قاعد خايف ومتوتر وشوية ودخل عمر و آدم وحمزه ويوسف.
الكل جري عليهم.
حمزه_مبارك يا بشمهندسة ايمان ٪96
ايمان حمدت ربنا وامها خدتها بالحضن وزغرطت.
عمر _اما بقا الدكتورة شهد مصطفي جابت ٪99
شهد جريت علي رحيق وحضنتها وفضلو يعيطو من الفرحة وسنية زغرطت.
فاطمة بحب_حاسبي ياشهد،رحيق اختك حامل.
اية بصت على آدم ويوسف وقالت_طب وانا؟
يوسف بحزن_لاسف يا اية مش هعرف اخلص منك جبتي ٪98 مبارك يا دكتورة اية.
اية جريت حضنت آدم وهيا بتعيط _الحمدلله الحمدلله.
يوسف بزعل_على فكرة انا ال جبت النتيجة والبيه كان قاعد في العربية.
اية وهيا رايحة تحضنه_خلاص متزعلش.
بس آدم مسكها من دراعها=انا قلت اما تعملو الفرح الاول.
يوسف وحمزه_ واهي النتيجة طلعت،الفرح امته بقا؟
عمر_مستعجلين علي الهم ليه…..احم قصدي استنو شوية وبعدين اتجوزو.
آدم لعمر=شكلك هتبات علي الكنبة النهاردة يا حلو.
رحيق=اااه
عمر_انتي ال مقوياها عليا يا مرات اخويا.
رحيق بصوت عالي=ااااه
عمر_شفت
آدم=ياعم استنى،مالك يا رحيق حاسة بحاجة؟
رحيق بزعيق=انا بولد يا غبي انت وهوا.
عمر بعد تركيز_ااااه،وبعدين قال بصدمة_ايه؟احيه بتولدي.
يوسف=يعني بقالنا ست شهور مستنينك تولدي في اي وقت وجاية تولدي يوم نتيجة العيال.
رحيق وهيا بتصوت اكتر=هوا بمزاجي اشوفك مكاني يا يوسف الكلب.
يوسف_احم
آدم =اهدي يا حبيبي.
رحيق=منك لله، انت السبب انا كان مالي ومال ده كله.
ندى راحت عندها_اهدي وخدي نفس.
رحيق فعلاً عملت كده بس ضربت ندى بالقلم وصوتت=مش قااااادرة هموت.
عمر بضحك_والله احسن حاجة عملتيها دنا مقتدرش عليها.
ندى_بس اما نروح.
ايمان _سبحان الله الناس بتتوحم علي حاجات عادية الا رحيق كانت بتتوحم على بيض مسلوق.
رحيق والوجع بيذيد=خلاص مش قادرة هفقس قصدي هولد.
آدم بخوف وقلق عليها=طب المفروض اعمل ايه؟
رحيق بتريقة=هاتلي ميه سخنة، وكملت بعصبية=وديني المستشفي ياغبي.
آدم =والله يارحيق لاظبطك علي قلة ادبك دي.
فاطمة بزعيق_انتو هتفضلو ترغو وتسبوها كده، بسرعة ودوها المستشفى.
آدم شال رحيق والكل ماشي وراه.
_______________~________________~
في المستشفى قدام اوضة العمليات.
الممرضة خرجت ومعاها طفل_ولد بسم الله ما شاء الله زي القمر.
آدم=هيا عاملة ايه؟
الممرضة بأعجاب_هيا مرات حضرتك؟
آدم بجمود=امال خطبتي،هيا عاملة ايه دلوقت.
الممرضة_الحمدلله كويسة وهننقلها اوضة عادية،بس مرات حضرتك دي عنيفة اوي،وحطت اديها علي خدها،وبعدين قالت_مش ناوي تغير؟
يوسف بهزار_طب امشي بدل ما تيجي تديك التاني.
آدم خد الولد واذن في ودنه،وبص لقي حمزه وعمر ويوسف بيبصولوه.
آدم=انسو.
عمر_انا صاحب عمرك وزي اخوك.
آدم=مستحيل.
حمزه_انا بقا عارف انك بتحبني وهتسميه على اسمي.
يوسف_لأ اكيد هيسميه على اسمي انا جوز اخته برضو.
آدم=ولا واحد منكم يا كلا*ب.
وخد الولد وراح عند جده
الجد_بسم الله ماشاء الله
آدم=بعد اذنك ياجدي انا عايز رحيق اللي تسميه عشان هيا الوحيدة اللي من حقها ده.
الجد ابتسم_طول عمري بقول عليك راجل ابن راجل.
~~~~~~~~~~~~~~~~~~~~~~~~
عند رحيق.
كانت حاضنة الطفل وبتبوسه=شبهك اوي يا آدم.
آدم ببتسامة=هتسميه ايه؟
رحيق بنفس الابتسامة=سيف آدم سيف البنهاوي.
آدم ابتسم وميل باس راسها=ربنا ما يحرمني منك ابداً يا رحيق الجنة.
رحيق ضحكت وقالت=ولا يحرمني منك يا ابو سيف.
وبعدين الكل دخل عندهم وكانو فرحنين بالطفل اوي وخصوصا عم مصطفي والجد وفاطمة.
________________~________________~
بعد شهر
فرح ايمان واية
الشباب كانو بيرقصو وايمان واية قاعدين في الكوشة.
والرجالة الكبيرة قاعدة مع بعض.
وسنية وام ايمان ونعمة ووردة قاعدين مع بعض
وشهدكانت شايلة سيف وقاعد جمبها رحيق و ندى ودادة فاطمة.
ندى_الحقي يا رحيق آدم بيشقط.
رحيق بصت كان آدم واقف مع بنت وتقريبا كده نسيت لبسها في البيت،رحيق قامت عشان تروح عندهم.
فاطمة_رحيق استهدي بالله،مش عاوزين الفرح يبقلب لعزا.
رحيق بخبث=متقلقيش يا دادة انا بس هرحب بيها.
رحيق راحت عند آدم وقالت=مش تعرفنا يا آدم بالضيفة؟
آدم بجدية=دي السكرتيرة الجديدة اسمها جيرمين.
رحيق=خلاص روح انت عند الشباب وجيرمين هتيجي تقعد معانا.
جيرمين_شكراً انا مرتاحة كده.
رحيق=لأ ازاي ودي تيجي دحنا هنروقكو يا شابة.
آدم كان مبسوط من غيرة رحيق وقال=روحي معاها،بعد اذنكم.
وسابهم ومشي.
رحيق خدتها وراحو عند ندى وشهد وفاطمة.
رحيق خلتها تقعد بينها وبين ندى.
رحيق=جيرمين يا جماعة سكرتيرة آدم.
فاطمة_وانتي يا نيرمين…
جيرمين بغرور_جيرمين ياطنط،جيييرمين.
فاطمة بتريقة_طنط،طب انا ماشية رايحة عند اية وايمان يابنات،وبصت لجيرمين بقرف وقالت_بعد اذنك يا تنت (طنط)
ندى_جيرمين انتي مخطوبة ولا متجوزة؟
جيرمين_لأ انا سنجل.
ندى_ليه كده مع انك حلوة يعني؟
جيرمين _كل الرجالة خاينيين.
رحيق=محدش اقلك جربيهم كلهم.
جيرمين_نعم؟!
ندى بسرعة_لأ رحيق بتحب تهزر بس،
وكملت_بس اكيد مش هتفضلي سنجل علي طول؟
جيرمين_اكيد،محدش عارف الخير فين؟
رحيق بجدية=مش في مصر صدقيني دورت كويس.
جيرمين_حضرتك بتهزري وانا جويا جرح و…
رحيق بمقاطعة=وانا جوايا الم…بس مش عارفة قلم جاف ولا رصاص.
جيرمين نفخت بضيق
ندى مبسوطة اصلا بال بيحصل وقالت_خلاص بقا رحيق مش كله بيحب الهزار.
رحيق=على فكرة مغيش بني آدم عرفني إلا وحبني.
جيرمين_مع احترامي لحضرتك بس انا محبتكش.
رحيق=منا عارفة،انا قلت بني آدم مش حمير.
جيرمين_لأ حضرتك كده كتير،انا هروح لبشمهندس آدم.
رحيق كانت هترد بس ندى قالت_متزعلش منها بتهزر معاك.
رحيق غمزت لندى وقالت=هاتي كوباية العصير ال عندك دي يا ندى.
ندى ببتسامة خبيثة ادت الكوباية لرحيق ورحيق وقعتها على جيرمين.
رحيق=معلش مخدتش بالي.
جيرمين اتعصبت ووقفت وقالت_لأ انتي قصدك انتي واحدة قليلة الذوق.
رحيق وقفت قصاده=هيا مين دي؟ يابت دانتي شبه عروسة المولد.
جيرمين اتعصبت من رحيق ورفعت اديها عشان تضربها، بس آدم كان مسكها.
آدم فرك صوابعها في ايدها وتقريبا كسر دراعها كله.
آدم بهدوء مخيف=ال رفعتي ايدك عليها دي تبقا رحيق البنهاوي، مش عايز اشوف خلقتك في القاهرة كلها.
رحيق حضنت آدم وقالت=ما يحرمني منك يا ابو العيال.
آدم =وانتي بطلي شقاوة شوية.
رحيق ببرأة=انا يا دومي.
آدم =يعني اخدك ونمشي من الفرح ولا ايه؟
رحيق=لأ انت هتروح عند الشباب وانا وندى هنروح عند ايمان واية.
~~~~~~~~~~~~~~~~~~~~~~~~
عند ايمان واية.
ايمان_بااااس رحيق جت.
رحيق=في ايه؟
ايمان_اية متوترة اوي.
اية بتريقة_ده علي اساس انك فريرز يعني.
ايمان_رحيق انجدينا.
رحيق بخبث=هتسمعو كلامي.
ندى_بلاش نصايحك هتودي العيال في داهية.
اية _لأ خليها تقولي
ايمان_قولي يا رحيق.
رحيق ببتسامة خبيثة=اسمعو.
_________________~_______________~
في البيت عند يوسف.
يوسف_خلاص كده؟
اية_لأ لسه ركعتين كمان.
يوسف_اية احنا صلينا لحد دلوقت 8 ركعات وتقريبا ختمنا نص القرآن قرأة انا لو بتوب مش هعمل كده.
اية_طب… طب هنقول الدعاء.
يوسف_علي فكرة قلناه 4مرات
اية _نقوله كمان مرة يبقا خمسة عشان الحسد.
يوسف_حسد ايه؟انا مصدقت بقيتي مراتي واخوك الرخم حل عن سمايا دنا خايفة افتح الحمام الاقيها موجود.
اية_آدم.
يوسف بخضة وبص وراها_فين؟
كانت اية جريت من قدامه
يوسف_من اولها،وجري وراها.
بعد خمس دقايق
يوسف بتعب_هوا حد قلك احنا في سباق
حرام عليك فرهدتيني وانا لسه معملتش حاجة.
اية_امسكني الاول.
يوسف مسك قلبه وقال_ااااه
اية راحت عنده وقالت بقلق_مالك يا يوسف؟
يوسف بخبث_وقعتي ومحدش سمى عليك.
اية_كنتي بتضحكي عليا،لأ ده غش.
يوسف_هوا انا في امتحان،تعالي غلبتيني معاك.
وشالها وقال_لازمتها ايه الفرهدة دي من الاول ضيعنا وقت على الفاضي،زمان حمزه خارب الدنيا.
اية ببتسامة_بتحبني يا چو؟
يوسف وهوا بيحطها علي السرير_بحبك بس دنا بعشقك.
اية_بحبك.
“وانضما الى سلسلة العشق عشق جديد”
_________________~_______________~
عند حمزه.
حمزه_افهم بس انتي واخداني علي فين.
ايمان كانت ماسكة ايدها وبعدين خرجته برا وقفلت الاوضة.
حمزه_احنا فينا من كده؟افتحي الباب.
ايمان وهيا بتغني_يا ابو ضبورة ونسر وكاب ايمان بتقلك المعلمة مش محتاجة كتاب.
حمزه_افتحي يا ايمي.
ايمان_تصبح علي خير يابيبي
وخلعت الاسدال وفضلت بالبچامة ونامت علي السرير.
ايمان وهيا مغمضة عنيها_منحرمش منك يارحيق.
_ولا انحرم منك يا ايمي.
ايمان فتحت عنيها لقت حمزه في وشها،كانت لسه هتصوت،وحمزه قام بتقبيلها وهيا استجابت معه.
“سلسلة العشق طويلة ولا اظن انها سوف تنتهي هنا”
_______________~_________________~
بعد 5 شهور
الكل كان قاعد علي السفرة في الجنينة،والجد كان قاعد على راس السفرة وقصاده فوزي.
الحد_كل سنة وانتو طيبين ورمضان كريم علينا جميعاً
كلهم ردو عليه_وانت طيب وبخير ياحج.
من جمب الجد كان قاعد آدم كان شايل سيف ورحيق جمبه وجمبها ندى وعمر وبعدين حمزه وايمان واية ويوسف وقصادهم من الناحية التانية ام ايمان وفاطمة وحسن ومصطفي وسنية وشهد وابراهيم ووردة وبعديها نعمة.
آدم=كل سنة وانتو طيبين كنت عايز اقول ان رحيق ختمت القرآن حفظ للمرة التانية.
الكل باركلها.
يوسف_وانا كمان عندي خبر حلو.
اية_الحمدلله بعد 5 شهور جواز انا حامل في الشهر التاني.
الكل فرح وباركلها.
الجد ببتسامة_وانتي يا ايمان.
حمزه_في الخامس ياجدي.
آدم=لأ جامد يلا.
ايمان اتكسفت وحمزه قال_احنا مش بنهزر يابني.
الجد ببتسامة_حبيت اول يوم في رمضان نتجمع ونفطر سوا.
مصطفي_ربنا يبارك في عمرك يا حج.
الكل كان مبسوط وفرحان بس حصل حاجة محدش كان متوقعها،انا نفسي مكنتش متوقعاها.
…لسه الحكاية مخلصتش….
الاحداث هتفضل سعيدة كده ولا الرواية ليها رأي تاني؟
ايه ممكن يحصل تاني يشقلب كل الاحداث؟
وايه الحاجة ال حصلت محدش كان متوقعها؟