رواية عافك الخاطر الفصل الخامس 5 بقلم رويدا القاضي
رواية عافك الخاطر الجزء الخامس
رواية عافك الخاطر البارت الخامس
رواية عافك الخاطر الحلقة الخامسة
بعد شهر من الموقف للي صار بدت علاقتي كل يوم خيرمن اليوم للي قبله مع قيس….
صالحة:شن قالوا اليوم عرس ولد عمك زوج اختك سابقا اليوم.
كريمة:ربي يكمله ع خير…
قيس: ماشاء الله امي مركزة اكثر من بنت عمه…
صالحة:بنظرة خبث ….ماهو اهل كنتي طبيعي تهمني اخبارهم…
قيس:ياريتك تهتمي بأخبار بناتك زي توا…
صالحة: قول نوزع فيك بطريقة غير مباشرة….
في حوش محسن ….
محسن:الحمدلله ربي سهل علينا اليوم بنروح بيك بتكوني في حوشي ….
رفيف: ايه الحمدلله غير اطلع بكري احسب مسافة الطريق بينا وبينكم…
محسن:ايه نعرف بنطلع اهو من توا حاسب مسافه الطريق ….
مسرة: الحمدلله اخيرا بنفرحوا وربي يسهلك.
لطيفة: المرة هاذي العقرب وبنتها قررت ماناديهومش بكل…
وطلع محسن فرحان بمرته للي حبه وسيب الشرب ع خاطرها….وغير من نفسه ….
اصعب ابتلاء هو انه الله يبتليك في من تحب ولكن زي قتلكم الدنيا دوائر … وللي داره محسن في كوثر لايرضي الله ولاعبده….
كريمه:بنموت نحس في روحي مخنوقة وبنستفرغ شكلي بنمرض….
قيس: اكيد من كلامي امي واضح عليك انك مضايقة ….
كريمة: مازال مش قادرة ننسى موت ولا نتخطاه ..
قيس:ربي يرحمها …. اسمعي امتا ترجعي تحكي انت بوك راهو مريض والدنيا فيها كل شئ ايجيك يوم وتندمي ع معاملتك معاه.
كريمة: انا كيف بنتكلم استفرغت وحسيت الدنيا تلف بيا…
قيس:لالا الوضع هذا يلزمه عيادة هاتي يدك خلي نلبسك عبايتك ونرفعك .
كريمة: مش لازم بصوت مرهق.
فيس: لازم وتم الكلام….
قد يكتب الله خيرا انت تجهله وظاهر الامر حرمان
من النعم ولو علمت مراد الله من عوضُ لا قلت شكرا إله واسع الكرم….
مهما كانت الاقدار قاسية علينا الا لما ايجئ يوم تحمل بين طيتها بشائر الفرح…
فتحي: نحس في ساعتي قربت ياعائشة سامحيني ظلمتك معاي هلباااا.
عائشة: ربي ايسامحك ادعي كوثر للي ماتت ظلم تسامحك مش انا….
فتحي: راني والله مرات نتصرف في تصرفات وبعدها نندم ونرجع نعاودها ….
عائشة: عمرك ماكنت احنين ع بناتك المشكلة انه ربي مارزقنا غيرهم بكل…هذا رأس مالك للي طلعت بيه من الدنيا …
فتحي:معاش اتزيديني راني معاش عندي حيل ….
قيس وكريمة في العيادة يستنى في نتيجة التحاليل متعها….
مسرة :شكله الحقيرة وضعها تحسن مع راجلها…وماشية امورها.
لطيفة: خلي يتم موضوع محسن ويروح بمرته وبعدها عندي ليك خطة توا تقولي صحة ليك مبدعة….
مسرة:خلاص اهو نستنى …
في ناس الحقد والسم وراثة عندهم من جيل لجيل….وهذا حال لطيفة وبنتها مسرة….
محسن: وصل مدينة رفيف الساعة 5 قعدمعاها
نصف ساعة وطلعوا لانه مسافة الطريق تبي 4 ساعات يعني بيوصل الساعة 9 لمدينتهم…
لطيفة كانت مجهزة تحضيرات استقبال العروس
في قاعة معروفه وحقها الشئ الفلاني ….وهيا
تستقبل في المعازيم وتتفاخر ….بولدها …
قيس:
كذبة النتيجة طلعت ومش رح تصدقي
كذبة النتيجة طلعت ومش رح تصدقيشن طلعت…
كريمة: شن خيرك مصدوم فيا مرض عافن… بنموت تكلم…
قيس: فيك روح وقطعة مني مبارك علينا البيبي …
كريمة: طول قتله لو بنت بنمسيها كوثر….
قيس: سمي كيف ماتحبي المهم اتجئ سليمة …
رفيف: محسن نقص السرعة مصيرنا بنوصلوا علاش السرعه هاذي انا خايفة…
محسن: مستعجل نبي نوصل حوشنا…للي اخترتيه ع ذوقك …
رفيف : في لحظات سمعت صوت الفرينوا ومعاش شفت شئ نسمع في الناس تتكلم جنبنا
….
محسن: رجليا حاصلات مانقدرش نطلع معاش تجبدوني نحس فيهم بينقطعوا مني….
رفيف اغمي عليها وطلعوها من السيارة اما محسن بعد ربع ساعة باش قدروا يطلعوه والصدمة لما سعفوهم للمستشفى…
محسن: شن صارلمرتي نبي نشوفها وينها …
الدكتور: امورها تمام والحمد لله ع سلامتكم …
محسن: جيت بنزل رجليا ع الارض ماقدرتش حسيتهم ثقيلات هلبا ماقدرتش نحكرهم ….
وانا قاعد نحاول خش دكتور ثاني ..للأسف كيف ماقلت الاصابة للي تعرضتلها سببت شلل نصفي ….ربي يعوضك خير …
محسن:مر عليا شريط الليلة المشؤومة وكوثر ونضراتها وهيا كلها رجاء باش مانقتلهاش …
نفس نضرتي للدكتور باش نسمع منه كلام يطمني
عند لطيفة في الصالة وكأنه الأحداث تتكرر ولكن بنسق مختلف شوية جاهم اتصال بلغهم بالشئ للي صار مع محسن ولا العرس والزغاريت عياط
من اسماء الله الحسنى (المنتقم)….الله سبحانه وتعالى دائما ماينتقم من الشخص الظالم ولو
مش الدنيا في الآخرة
لحظةوصل الخبر لكريمة وقيس عن طريق امها…
عائشة: عندي ليك خبر يمسح الكبد…
كريمة: فرحيني شن فيه لانه حتى انا عندي ليك خبر…
عائشة: محسن ولد عمك صارله حادث واحتمال كبير صارله شلل نصفي …
كريمة: ويحق الحق ولو بعد حين الحمدلله
وانا حامل…
عائشة : الف مبارك.
كريمة سكرت الخط ونضت توضيت وصليت ركعتين شكر لله عز وجل ….
قيس: من يوم للي شفتك فيه وانت عروس معاش شفت للمعه للي في عيونك توا مزيج بين الفرح والحزن ….
كريمة: الحمدلله ربي جزاه ….
الفترة للي قبل عرس محسن كانت كريمة وقيس ورقة الطبيب الشرعي يعلقوا فيها في كل مكان
باش يتبثوا برائتها …. والحمدلله اغلب الناس
ولا عندها علم بالموضوع….
بعد يومين من الحادث للي صار رفيف روحت مع اهلها …
محسن: معقولة هكي يومين نتصل بيك ماترديش عليا ولا تقوليلي الحمدلله ع سلامتك…
رفيف: عارفة انك عايش ماليش لزمة الاتصال..
محسن: خيرك حبيبتي شن فيك .
رفيف: مافيا شئ اسمع انا مانقدرش نكمل حياتي
مع انسان مقعد … ورح نرفع عليك دعوى طلاق..
محسن: من الصدمة ماقدرتش نرد حسيت كلامها زي الصاعقة نزل عليا….
تفكرت ايام نهزب في كوثر وهيا مانسمع منها كان باهي وحاضر معقولة الانسانه الوحيدة للي حبيتها تخلت عليا في اول اختبار لحبها ليا…
لطيفة: ماتغشش روحك سلم ولدي تاخد ست ستها …
محسن: اطلعي وخليني بروحي مانبي نشوف حد …حاولت نوقف لكن رجليا خانوني طحت بديت نبكي بصوت معقولة انا هكي ايصير فيا……
