رواية هربت من أبي الفصل الأول 1 بقلم منة محمد

رواية هربت من أبي الجزء الأول

رواية هربت من أبي البارت الأول

رواية هربت من أبي الحلقة الأولى

اتجوز؟ ومين واحد شغال عندك يا بابا؟
الاب بغضب من تكبر ابنته: وماله اللي شغال عندي انتي اصلا تقدري توصلي للي وصلوا حسام!
هنا: ما يهمنيش وصل لاي ولا ما وصلش لايه انا اللي يهمني اني مش هتحوزه
الاب: هتتحوزيه يا هنا وكتب كتابك هيبقى الليله
قالها الكلمتين دول وسابها واقفه مصدومه من الكلام اللي قاله…
ما فكرتش غير في حاجه واحده بس وهي انها تهرب من هنا بأي شكل..
…. . . .. . . .. .
في الشركة
كان قاعد وباين عليه التواضع و الادب والاخلاق بس هل يا ترى هيفضل على حاله كده؟
حسام بتواضع: اهلاً بحضرتك يا استاذ ماجد
ماجد بتعب: انا عارف يا ابني اني بكلفك بمهمة صعبه جوازك من بنتي مش سهل عليك ياحبيبي انا عارف بس انتَ الوحيد اللِ هقدر اثق فيه وآمن على بنتي معاه في فترة غيابي وانا وعدتك اني اول م ارجع ان شاء الله هخليك تطلقها..
حسام بأدب: حضرتك آوتني في وقت ما اتخلى عني كل الناس وانا مستعد اضحي بحياتي كلها عشان خاطر حضرتك مش بس اتجوز بنت حضرتك.
ماجد بإبتسامة: انا عرفت اختار الراجل الصح اللي هقدر اعتمد عليه في غيابي
حسام: ما تقلقش يا استاذ…
قاطعه صوت ماجد وهو بيقوله: عمي.. قولي يا عمي.
… . . .. . . . . . . . ….. . . .. . .
في القصر كانت هنا قاعده في اوضتها بتفكر هتعمل اي
وكل اللِ فكرت فيه انها لو هربت مش هتعرف تتصرف لإن هش ما تعرفش حد تروحله ولو راحت عند حد من صحابها اكيد باباها هيلاقيها لكن..
فجأه افتكرت حد من صحابها وان ما حدش هيعرف يوصلها عنده
مسكت تليفونها.
: الو
..: اي القمر نفسه بيكلمني مش مصدق
هنا: نادر مش وقته.. المهم دلوقت اسمعني…………..
نادر بخبث: وانا موافق يجميل..
يا ترى اي اللِ مستنيكِ يهنا لو هربتي من بيتك؟
…… . . . .. . …… .. . . . . .
بالليل رجع الاب من الشركه وكان معاه حسام وكام واحد والمأذون
كان طول الوقت بيرن على هنا مش بترد فكان عارف انها زعلانه منه لكن ما جاش في باله انها ممكن تهرب من البيت
طلع اوضتها ودخل ما لقاش حد قلبه اتقبض، بس لقي ورقه جمب سريرها..
(بابا انا اسفه بس مش هتجوز حسام عارفه ان حضرتك هتتضايق من اللِ هعمله بس برده حضرتك عارف ان ما حدش يجبرني على حاجه وخصوصا جواز وما تحاولش تدور عليا يا بابا)..
وفجأة…