رواية المعلمه صباح الفصل الخامس 5 بقلم يارا عبدالسلام
رواية المعلمه صباح البارت الخامس
رواية المعلمه صباح الجزء الخامس
رواية المعلمه صباح الحلقة الخامسة
عامر سابها ودخل
لقى سامر قاعد وبيترعش وكامش نفسه وبعيط ويقول :مكنش قصدي مكنش قصدي
عامر قرب منه وخده في حضنه:مكنش قصدك اي يا سامر مالك
_غمضت عينيها ومفتحتش تاني
_هى مين
_المعلمه صباح
_اي؟
عامر وأسماء كانوا وقفين بيبصوا لسامر وهما مصدومين..
عامر سأل سامر بتوتر وخوف عليه :انت بتقول ايه ياسامر
انت اللي عملت كده؟
_اا يوه انا
عامر بذهول :ازاي؟ وامتي؟
سامر بخوف وهو بيرتعش :مكنش قصدي، م مكنش قصدي والله
واستخبي في حضن عامر اخوه، عامر طبطب عليه وهداه وهو مصدوم..
_اهدي ياحبيبي اهدا..وقولي ايه اللي حصل؟ وعملت ايه
سامر بصلهم بخوف وبداء يحكي عمل ايه وليه؟..
فلاش باك..
بعد ما عامر وأسماء وصباح وكانوا معاهم سامر رجعوا من عند رحمه طلعوا فوق وكل واحد دخل شقته وصباح سلمت عليهم وراحت هي كمان شقتها وسط نظرات سامر اللي بصلها بكره شديد وغضب، عامر وأسماء وسامر دخلوا البيت وكل واحد راح اوضته بعد مااتعشوا وارتاحوا واستني سامر لحد ما عامر وأسماء يناموا ويكونوا مستغرقين في النوم ومش حاسين بحاجه علشان يعرف يتحرك وينفذ اللي في دماغه..
فتح سامر باب اوضته براحه وقفلها تاني وبص علي عامر لقاه نايم وأسماء نايمه ومش حاسين بحاجه بعد عنهم واتسحب لحد الباب وفتحه براحه وقفله بهدؤ ونزل ووو..
عند صباح..
كانت خارجه من اوضتها وهي بتتواب ورايحه نحيه الحمام سمعت صوت خبط علي الباب بصت وهي معقده حواجبها باءستغراب وقعده تفكر مين اللي هيجيلها في وقت زي ده بصت في الساعه لقتها ١ ونص
صباح :الساعه ١ ونص هيكون مين اللي جيلي في وقت زي ده
وفكرت شويه وبعدين قالت :يكونشي جلال، لا بس انا قايلاله
بكره
سمعت صوت الباب تاني اتنهدت وراحت فتحت اتفاجئيت بالي واقف وقالت باءستغراب :سامر، خير ياسامر هو عامر حصله حاجه؟
سامر بغضب :ملكيش دعوه بعامر ياصباح، انتي عايزه ايه منه سيبيه في حاله بقي، عامر مش بيحبك ؟
صباح بصتله باءستغراب للحظه وبعدين ملامحها اتحولت لما قالها :ابعدي عن اااخويا عععامر ياصصصباح احسنلك
_ده تهديد بقي ولا ايه؟ روح روح يا بابا روح نام شكلك تعبان من المشوار يلا علشان تبقى شاطر
_لللا مش همشي لللا مش همشي
صباح ضحكه بسخريه :والله عال بقي علي اخر الزمن عيل زيك يقفلى كدا ويفرد طوله عليا
سامر بغضب :انا مش عيل ياصصباح أنا أنا كبير وراجل
_هههههه لا عيل عيل وكمان مجنون
وحاولت تزقه تخرجه من البيت لكنه قاومها وزقها بكل قوته فدماغها اتخبطت في سن الكرسي ووقعت على الأرض ..
سامر اتوتر ولف حوالين نفسه ومش عارف يعمل اي بدأ يعيط ومش عارف يعمل اي لكنه لقى نفسه وقف وبيجري على بيته وطلع أوضته واستخبى في السرير ونام…
عامر كان بيسمعه بذهول ومش عارف يعمل اي ولا يتصرف ازاي واسماء كانت بتعيط لانها عارفه ان اخوها عمل كدا بدافع حبه لعامر بس اتصرف بطريقه غلط..
عامر خده في حضنه وطبطب عليه :أهدى يا سامر أهدى
_انا أنا كدا عملت حاجه غلط صح
_اه يا حبيبي بس متقلقش أنا هحميك زي منا دائما يحميك صح
سامر هز رأسه وعامر بص لاسماء وكأنه بيقولها اخرجى برا فسمعت كلامه وخرجت وهوا نيم سامر وخرجلها..
اسماء بتوتر:هنعمل اي يا عامر
_مفيش غير حل واحد
_اي هو
_اننا نسافر اي بلد تانيه بحجة أننا رايحين لقرايبنا لحد ما الموضوع دا يخلص..
_انا خايفه اووي يا عامر
قرب منها وحضنها:طول منا معاكو مفيش حاجه هتأذيكو ابدا أنا عارف ان لو سامر اعترف أو لو الحقيقه ظهرت سامر مش هيتسجن علشان حالته بس انا مش عاوز اي حد يبصله نظرات وحشه…
هزت راسها وبليل بداو يلمو حاجتهم وخرجو من الحاره وسافروا لابعد بلد …
الظابط تانى يوم راح لبيت عامر بس محدش رد لكنه عرف من الجيران أنهم سافروا لقرايبهم فدا زرع الشك جواه وبدأ رحلة أنه يدور عليهم ..
عدى شهر واتنين وتلاته
ولا رحمه عارفه توصل لعامر ولا الظابط عارف يوصله والكل بقى بيدور على عامر اللي في نظر الكل دلوقتي هوا المذنب …
كانت اسماء قاعده بتتفرج على التليفزيون فالباب خبط
قامت تفتح فاتصدمت
_انت !!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية المعلمه صباح)
