رواية المدرسة الفصل الرابع 4 بقلم إيسو ابراهيم
رواية المدرسة الجزء الرابع
رواية المدرسة البارت الرابع
رواية المدرسة الحلقة الرابعة
كانت المس رودي بتكتب عالسبورة وبعدها بتلف وشها للطلاب، لكن اتصدمت لما لقيت ولد ماسك موبايل
فقال بعصبية: أنت بتعمل إيه ياض أنت
الولد اتخض وخبى الموبايل بسرعة، راحت ناحيته بسرعة وقالت: هات الموبايل دا
الولد بخوف: بقولك هات الزفت دا، فضل الولد يعتذر منها عشان تسيبه لكن ماسمعتش كلامه واتصلت عالمدير يجيلها بسرعة
جه المدير بسرعة يشوف في إيه تاني، فقالتله المس على اللي حصل، نادى على مدرس من برا جه وقاله يفتش الطلاب كلهم
وبالفعل فتشهم وطلع كذا موبايل وولاعات وكانت صدمة ليهم، وخدوا الولاد دي عشان يعملوا ليهم استدعاء ولي أمر
بعد لما مشيوا خدت نفس وحطت القلم مكانه ووقفت وقالت: ليه بتعملوا الحاجات يعني عارفين إن ممنوع الموبايلات في المدرسة، غرضكوا إيه من كدا؟
ولد من اللي قاعدين: يا مس بيطلعوا يقابلوا البنات برا وبيتصلوا عليهم
المس بصدمة: هو في بنات معها موبايلات في المدارس كمان؟
الولد: أيوا يا مس ومرة خدوني معاهم بس صراحة ماروحتش تاني معاهم حسيت الموضوع صعب بالنسبالي عشان ماتربتش على كدا، وماحبتش تترد ليا في أختي
المس بابتسامة: كويس اسمك إيه؟
الولد: محمد يا مس
المس: محمد زميلكم عمل الصح لما ماعملش زيهم، قوليلي هو فعلا مش خايفين على أخواتكم البنات؟
ولد من اللي قاعدين: أنا يا مس ماعنديش أخوات بنات فعادي بالنسبالي
بقلم إيسو إبراهيم
زمت شفتها وقالت: يعني دا مخليك مطمن وتكلم بنات وتقابلهم عادي؟ على فكرة كما تدين تدان مش شرط إنك مالكش أخوات بنات يبقى تتطمن ما يمكن تترد له في زوجته أو في بناته شوف يعني بعد كام سنة أصل ربنا يمهل ولا يهمل
الولد: ما أنا هتجوز بنت محترمة ماكلمتش ولاد قبل كدا وتربي العيال كويس
المس: حلو الكلام، بس جبت الثقة منين إنها مش هتكون كلمت ولاد قبلك ولنفترض إنها من بيت محترم وربوها كويس، ما يمكن يحصل في بناتك أنت هتبقى مراقبهم يعني
بصوا يا جماعة ما تفضلوش تجادلوا في الغلط كتير وتبرروا، أنتم دلوقتي في فترة مراهقة وطيش وحوارات من دي، في الوقت دا لازم الأهل تاخد بالها من عيالها وتصاحبهم ويواعوهم وبالأخص البنات عشان بينضحك عليهم كتير، وأنت اللي ما ترضاهوش على أهل بيتك يبقى ماترضاهوش على بنات الناس وخاف عليها زي أختك
إزاي بقى، يعني ماتروحش تكلمها بدافع الأخوة وتقولها زي الأخوات وتكلمها والحوارات دي وتتطمن عليها وكدا، لأ غلط طبعا تخاف عليها إنك ماترفعش عينك فيها ماتقربش منها ابعد نفسك عنها وماتأذيهاش
ولد تاني قال: يا مس بصراحة كدا بقى هي لو محترمة مش هتدينا وش
المس: كلامك صح، والعيب عالأهل طبعا وبالأخص الأم لأنها لازم تصاحب بنتها وتاخد بالها منها بتروح فين بخلص مدرسة ودروس امتى لازم تتابعها، لكن في بنات بقى بينضحك عليها بكلمتين حلوين من الولاد وبتبقى فترة مراهقة بقى ونفسها تجرب الهبل دا بس بتندم بعد فوات الأوان وسيرتها ممكن تبقى على كل لسان، وفي بنات في حالها عارفه هدفها من طلوعها برا البيت إنها رايحة تتعلم وبس مش رايحة تستنى نظرة من ولد ولا كلمة ولا ضحكة منه
أنتم بقى في البيت لازم تنصح أختك من واجب الاحتياط، وماتكلمش أي بنت عشان ماتندمش أنت كمان بعد كدا
على فكرة من يوم ما أهملنا مادة التربية الإسلامية دي والحال باظ، يعني بقيتوا مستهترين في المادة دي مع إنها أهم مادة في كل المواد، المدرسين مابقوش بينتبهوا ليها والطلاب كمان طالما ما بتنضافش للمجموع
بس بتضيف لحياتك معنى، بتعرفك دينك كويس أو نقول الأساسيات بتاعت نهج الحياة، بتخليك فاهم الحياة صح وعارف حدودك كويس وبتنور بصيرتك وبتعلمك إزاي
تنجح في حياتك وتصبر على أي ابتلاء تفسير السور اللي بتاخدها بتعرفك كتير جدا بس هنقول إيه، لو مدرس شرح مش بيلاقي انتباه من كل الطلاب ولا اهتمام للحصة وكأنه مجبر على إنه يحضرها ويجي في الامتحان يغش فيها زي باقي المواد ربنا يسترها
ولد آخر: تمام يا مس بس قوليلي إزاي هتجوز من غير ما أحب؟
بصتله المس برفعة حاجب وبتبص حواليها تشوف حاجة ترزعها في دماغه، فقالت: يا بني أنا بقول إيه وأنت بتقول إيه؟ حب إيه اللي بتتكلم عنه دا أنت لسه طالع من البيضة وبتفكر في الحب مع إنك ماتعرفش حاجه عنه، طب قولي تعرف إيه عن الحب؟
الولد: إني أمشي معها وأعرف هتناسبني ولا لأ، نتعرف على بعض وكدا
المس: طب اسمع مني بدل ما أفتح دماغك وأريح البشرية منك، اللي أنت بتقوله دا غلط، يعني كل المتجوزين دلوقتي متجوزين عن حب ومشيوا مع بعض قبل ما يتقدم لها، مع إن اللي بتتكلم عنه دا مش حب دي صياعة وقلة أدب
يعني دلوقتي لو عرفت أختك إنها ماشية مع ولد بيتعرف عليها وهي بتتعرف عليه قبل ما يتقدم لها هترضى بالوضع دا؟
الولد: دا أنا أموتها
المس بعصبية: أهو بقى اللي لسه بتكلم فيه من شوية دا كله غلط، وبعدين دلوقتي لسه قدامك وقت كبير لما تيجي تتجوز يعني لسه دراستك إذا كنت هتكمل ولا إيه، وبعدين في جيش لو ليك أخوات ولاد، وبعدها هتشوف شغل ولو معك صنعة هتشتغل بيها ولسه قدامك فترة كمان لما تجمع فلوس وبعدها تدور على عروسة، لو على حسب كلامك وتفكيرك إنك تتجوز اللي هتمشي معها دي هي مش
هتستناك لما تخلص دا كله هتكون اتجوزت وخلفت عيل ولا عيلين، يا حلوين افهموا ركزوا في دراستكم وشغلكم وبعدين فكروا في الجواز وقتها كل حاجة في آوانها كويسة ماتستعجلوش واتقوا الله وابعدوا عن القرف دا وطلعوه من دماغكم عشان ربنا يكرمكم طول ما أنت ماشي صح هتلاقي ربنا ميسرلك كل حاجة
الولاد: تمام يا مس شكرا لنصيحتك حقيقي احنا استفدنا
ابتسمت لهم والحصة كانت خلصت وقالت لهم هتشرح الدرس الحصة الجاية وطلعت، وبتفوت الأيام والطلاب عرفوا نظامها وبيمشوا عليه وبينتظروا الحصة الجاية
بحماس واللي لقته مش متأسس خصصت لهم وقت تبدأ معهم من الصفر حتى لو حاجة بسيطة، وفي ناس مش في بالهم حاجة بس بيتبعوا نظامها خوفا من العقاب
#تمت
لقراءة الرواية كاملة اضغط على : (رواية المدرسة)
