رواية المتمردة والثعلب الفصل الرابع 4 بقلم كتابات ولائيات
رواية المتمردة والثعلب البارت الرابع
رواية المتمردة والثعلب الجزء الرابع
رواية المتمردة والثعلب الحلقة الرابعة
بعد قليل وصلو للمكان وكانت الكارثه
يا نهار ابوكي اسود
مهند : في ايه
رامي : بص بتعمل ايه هناك
مهند : ايه مش فاهم
رامي : مش فاهم ايه يا زفت مش وقت غباء انا قايل تحاول تختفي تقعد تلعب طاولة وتشرب شيشه علي القهوة وفي عقر دارهم وكمان انهارده العيون هناك مفتحة وتقولي محترفه ومين البأف الي بتلعب وياه دا
مهند: ايه دا انا مفهمتش يا نهار اسود شكله عسكري وهتعمل ايه
رامي : انا لو روحت هطلع روحها وروح الي خلفوها
انت هتروح هتعمل انها مراتك واتاخرت عليها وتاخدها وتمشي بهدوء وتسلمهالي هنا تسليم اهالي
مهند : لا احنا محتاجينها بص خد انت البوكس وتابع مع الفرقه وانا هتصرف
رامي: اهم حاجة تتزفتو كلكم انهارده في الجيم والهانم معاكم
مهند : بتتكلم جدا هتيجي معانا هي متاكد
رامي: وانا من امتي بهزر
مهند : دا جيم بلدي يا كبير
رامي: ببرود عارف كويس خلصني من المصيبه دي بدل ما هخلصكم كلكم منها
مهند : توكلنا علي الله
…………………………..
ولبس الجاكت بتاعه ونظارة الشمس وتوجهه اليها
مهند : ندا حبيبتي انا اسف اتاخرت عليكي يلا علشان نخلص ونجيب الولاد من المدرسه
ريناد : ايه ونظرت له
مهند: مش وقته يا قلبي يلا بينا انتي راكنه فين اصل عربيتي عملتها معايا ودا الي اخرني
وسحبها فورا وهو يمسك يدها ويضمها اليه وهمس لها احنا متراقبين يا سيادة الرائد اعذريني
وبعد ان تصل الي سيارتها يتفاجئ بقلم علي وجهه وهي تقول ايدك الي لمستني بيها دي يا سيادة الرائد هقطعهالك ايه اعرف انت بتكلم مين والزم حدودك يسير بغضب شديد ويصل الي مول وهو يركن السياره
ريناد : ايه وقفت هنا ليه
مهند : علشان لو متراقبين مش هنروح علي القسم واقولهم احنا اهو واتفضلي انزلي هنشتري حاجه وتاخدي عربيتك وتمشي وانا اسف اني لمست ايدك بس سيادتك متعرفيش ايه بيحصل في المنطقه اما بقي ايد سيادتك الطويلة دي فانا هقطعهالك انا غلطان الي مسيبتش رامي يتصرف معاكي
ريناد: لاء خوفت منك انا انتو جايين فاكرين ايه انت والقائد بتاعكم المغرور لاء تلزمو حدودكم معايا ومستنيه اشوف هتقطع ايدي ازاي اما نزول المول مش هنزل
مهند : مفيش مشكله انا هنزل اجيب حاجة وخليكي في العربية بس الي حابب اقولهولك التهور في شغلنا مش شطارة الشطارة انك تعملي الي عاوزاه وايدك نضيفه وصورتك بعيد ومش عيب نتعلم منك ولا تتعلمي مننا العيب اننا نحارب بعض وصدقيني رامي كل الي عاوزة حماية ومصلحة فريقه وانا لما اتصرفت كدا خفت عليكي من المنطقة ومن غضب رامي وقولت انك زي اختي
تركها وانصرف دون ان يسمع لها
قفلت سيارتها ونزلت خلفه وهي تشعر انها حانقة عليهم بذياده ولكن برود رامي وغرورة يجننها فهي لا تحب ان يعاملها احد بهذا الشكل هي طلبت ان تعامل كاي فرد في الفريق
ولكن مهند ليس ذنبه ان تصب غضبها فيه فهو شخص هادئ ومهذب وربما لم يقصد ان يلمسها
بعد قليل وجدته يذهب الي محل ملابس حريمي ويقف محتار ويختار بعناية شديده فستان وهو يفتح موبايله وينظر فيه ويغلقه
شعرت انها زودتها فذهبت له
ريناد: خطيبتك ؟ بتحبها
مهند وهو لا يعلم من يتحدث : مراتي و بموت فيها
ريناد : انا ممكن اساعدك
مهند نظر بجواره بغضب شكرا مش عاوز اتعب سيادتك
ريناد : مش قولت اني زي اختك ولا دا كلام وقت غضب
ابتسم مهند : دا شرف ليا ان رائد ريناد تكون اختي
ريناد ابتسمت ممكن اشوف صورتها
فتح لها الصورة
ريناد : مشاء الله زي القمر والحجاب عليها توحفه
دخلت ومرت بين الملابس واختارت فستان من اللون الفيروزي ومعه حجاب اوف وايت
وبسرعه نادت عليه
ريناد: مهند ايه رايك في الطقم دا وابتسمت تسمحلي اقول مهند
مهند : شرف ليا يا فندم ونظر للفستان بتقييم حلو اوي هو لون دا الي بدور عليه
ريناد : لو محتاج اي مساعده انا معاك وابتسمت وبلاش افندم دي ممكن نكون متراقبين
مهند: الله بتعرفي تضحكي اهو يا شيخة من ساعه ما شوفناكي وانتي عفاريت الدنيا بتتنطط في وشك
ريناد : بتكشيره نعم تقصد ايه
مهند : لاء والنبي انا علي الكاشير هحاسب احسن حد يشوفني ويقول لمراتي وهي مش ناقصه اصلا من ساعه فرحنا وبنشوف بعض صدفه لما ايه نكد مركز جدا
ريناد : ربنا يخليكم ل بعض شكلكم عرسان مع الوقت هتفهم طبيعه شغلك
لو محتاج اي حاجه تاني انا معاك
مهند : لاء اشكرك تقدري تروحي لان عندنا تدريب انهارده
ريناد : صحيح فين العنوان
مسك مهند موبايلها وكتب لها رقمه وهو يبتسم رني عليا وهبتعلك لوكيشن
ونظر ليها بس متتخضيش من المكان هو مكان مخصوص بندرب فيه بس بس ولا هتشوفي بنفسك
ريناد: ايه مش جيم يعني
مهند بضحك : هو جيم بس يدوي احنا الي عاملينه يعني جيم بلدي
ريناد: مفيش مشكله رنيت عليك ياريت تبعت لوكيشن واتفضل اوصلك
مهند: مش عاوز اتعب سيادتك يا سيادة الرائد
ريناد: اعتبر دا رفض منك اني اقول مهند
مهند: ابدا بالعكس يا ريناد احنا زمايل ولا ايه
ريناد : اكيد واتمني اتعرف بالمدام بس اتفضل اوصلك القسم تاخد عربيتك
مهند: لاء انا هاخد تاكسي اصل كنت مع رامي في عربيته ودخل القسم طلع لاقي الكاوتشات بايظة
ريناد: بتمثل الصدمه ايه ازاي كدا
مهند بخبث : مش عارف بس هو لو عرف مين عمل كدا مش هيسكت رامي صعب جدا ومبيسمحش باي غلط ولا حد يقرب من حاجاته
ريناد : طيب خلاص اتفضل اوديكي المكان الي عاوزة واروح اجهز للتمرين
………………………………………
يعني فعلا جوزها
المجهول ايوة يا معلم راحو مول كبير واتخانقو ونزلت وراه اشترو لبس واشترو حاجات ومشيو اراقبهم برضه
المعلم: لاء كفايه تعالي ارجع انا خفت من لبش بس والواد الي كان بيلعب معاها طلع صايع وهو الي قعد يتحايل عليها علشان تدفعله الحساب
المجهول : اه يا معلم العيال قالولي وطلبت له وكانت مستعجلة
المعلم الغريبة ان شعرها مش مبين وشها حتي جوزها خدها وجري
المجهول : الموضوع يا معلم ينكشو شعرهم ويجو يشوفو الاسرارات
المعلم : اسمها الاثار يا جاهل اتعلمو بقي
…………………………..
رامي : عبد الناصر باشا انا هبعت ل حضرتك علي الموبايل حالا لينك افتحه هيفتح معاك المراقبه مباشر
عبد الناصر : شوفت ريناد
رامي : متقلقش كله تحت السيطره
عبد الناصر : تمام يا رامي علي فكره العربيه ايه حصل لها جابر قالي وبعت جبت الولاد ضبطوها
رامي : تسلم يا باشا
رامي يغلق الخط وهو بيقول انا مش عارف البني ادمه دي هتشتغل معايا ازاي من غير ما اقتلها
عبد الناصر يغلق تاخط وهو يقول هو دا الي هيضبطك يا ريناد وعلشان كدا انا هريحه علي الاخر هنا
……………….
في المساء
تتصل ريناد ب مهند
ريناد : انا جيت علي لوكيشن
مهند : احنا في الجنينه ورا الباب هتلفي له
ريناد : هو ايه الرجالة دي كلها
مهند : اه هو جيم رجالي حبتين
ريناد : طيب سلام انا داخله عليكم
دخلت ريناد الجيم وهي ترتدي ليجن اسود قصير يصل لمنتصف ساقها عليه بدي كت من اللون الاحمر الناري يبين ويزيد من بياض بشرتها
وتربط علي وسطها جاكت تريننج اسود ورافعه شعرها لاعلي علي شكل كعكة عشوائيه شكلها قمة في الانوثه والجمال
وتحمل حقيبة علي ظهرها بها ادواتها
ريناد بصوت عالي : مسا الفل يا رجاله
يلتفت لها مهند : ريناد تعالي احنا هنا
ريناد : مهند احط شنطتي فين
مهند : تعالي معايا انا وانتي هنتدرب سوا
ريناد : فل اوي يا مهند وتضحك
سيف : انت شايف الي انا شايفه
محمود: انت سامع الي انا سامعه
سيف : اه امتي دا
محمود: بنت لاذينه طلعت ايه قمر
سيف : وضحكتها تجنن
رامي داخل : ايه يا بهوات انتو واقفين سايبين التدريب ليه
ينظر ناحيه التي ينظرون اليها
رامي: هو مهند جايب مراته في ايده ولا ايه هو بيستعبط
محمود: مرات مين دي الرائد مهاب
سيف : دي تهاب مش مهاب يا لهوي يا ابا
ينظر لهم رامي: يا نهار ابوها اسود وايه الي هي مش لابساه دا
وايه الضحك الي مع مهند دا
ونظر للشباب انتباه واتلمو دي زميلتكم يعني اختكم مفهوم
مهند ومحمود باحراج مفهوم يا فندم بس هي الصدمه الصبح كانت راجل اوي
رامي : يلا ابداو مفيش وقت
رامي انطلق ليها ايه الي بيحصل
ريناد ببرود : ايه يا فندم جيت تبع الاوامر للتدريب
رامي ودا لبس تدريب دا انتي جايه تشيلي حديد ولا تلعبي زومبا
ريناد: والله كويس انك تعرف الزومبا بس اعتقد اننا في جيم ودا لبس الجيم
ونظرت الي مهند وهي تبتسم بخبث مش يلا يا مهند بقي علشان منتاخرش
مهند: تمام يا ريناد اتفضلي معايا
رامي: ريناد ومهند طيب يا مهند اعتقد انك عاوز تروح تتعشي مع رنا
مهند: اه فعلا بس هدرب مع ريناد حبه قبل ما امشي
رامي بخبث لاء روح انت ملاكمة مع الشباب وانا هدربها قتالي
ريناد: تدرب مين لا مؤخذا يعني انت متعرفش انا مين
رامي: لاء معرفش بس احب اتعرف ووريني اخرك
ريناد: فكت الجاكت والقته في الارض وخلعت الحذاء ووضعته جنب الجاكت
رامي لاحظ نظرات الشباب في الداخل من خلف الشبابيك لها
بصوت عالي : محمود اخلي الجيم الي جوا دا
مش عاوز غيرنا وهنتدرب بره كالعاده وكل واحد فيكم عينه في شغله مش عارف بتبصو علي ايه اصلا
محمود: تمام يا فندم بس بصراحة كدا هنشك فيك يا قياده
رامي نظر له نظره اخرسته ونظر الي الجميع بقرف واتجه ل ريناد وهو مش طايقها
ريناد : جاهز يا باشا
رامي وهو ينظر لها بمنتهي البرود ويحرك كتفيه بهدوء جاهز
وفجأه وجدها تطير وتركله بقدمها في وجهه ليتفاداها بكل مهارة ويكور يديه ويحاول ضربها ولكنها تصده بكل مهاره
وتحاول ضربه ويصدها وكان يحاول ان لا يصيبها لانه يعلم انه اقوي منها ب مراحل
والكل ترك تدريب وانتبهو لخفتها ومهارتها وكانت مباراه رائعه وهي ماهرة جدا في الصد والرد ولولا مهاره رامي كانت اصابته اصابات كثيره
سيف : ياااه ليها حق تكون مغرورة بنفسها دي شاطره اوي وحلوة اوي
محمود : بس تخوف يا سيفو دي مش بتخربش دي بتعض
سيف :انا مش مصدق ان في ستات كدا دي شاطرة اوي يا محمود دي نحميها دي تحمي بلد دا القياده مش قادر عليها
محمود : متبقاش طري يا ابني دا بيدربها دا لو اتعصب هيفرمها مشفتوش انت وهو بيكسر الرقبه بدم بارد وحركة سريعه
سيف : لاء انا لسه معاكم من قريب مشفتش ربنا يستر علينا
بعد فتره
رامي : برافو يا رائد مهاب بس محتاج اسرع من كدا بريك 10دقائق
و تعالي علشان هتدربي ملاكمة مع سيف وانا مع محمود
ريناد : سيف مين الي اتدرب معاه دا مش هيتحمل خبطتين
محمود : ما تدرب انت مع سيف يا قياده وانا هدرب مهاب متقلقش
سيف : انا اخر مرة وشي اتطبق
ريناد : واصلا ايه يوصله لوشك مش عارف تحميه يا خفيف والتفتت بسرعه ولكمته وهي تقول اوبس برضه محميتش وشك
سيف : انتي خدتيني علي خوانه
ريناد : والمرة الجايه الخوانه دي هتكون في عنيك الي بتبص عليا بيها وانا بتدرب فاهم يا سيادة الملازم ولا تحب اوضحلك اكتر ولكمته بسرعه لكمة اخري
سيف : انا اي
(سيف عضو فعال معهم ولكنه ليس بمهاراتهم لانه انضم ليهم مؤخرا لجدارته في الالكترونيات وهو متوسط الطول متوسط البنيه ريفي الحديث قليلا وهو اصغر من ريناد ب 4سنوات )
التفتت ل رامي وهي تقول : ايه الرجاله بتاعتك دي يا باشا دا مش متحمل الطبطبه وهيموت في ادينا طيب لو اتدربنا بجد هتلاقي له قطع غيار منين
ودخلت علي كولر المياه المثلجه ووضعت راسها تحته وغسلت وجهها به واخرجت منشفتها ونشفت المياه المتساقطة وهي بتقول انا جاهزة
رامي : خلاص يلا يا محمود اتدرب معاها علي ما اخلص تليفوني وانت يا نيله روح حط تلج علي عينك و تستاهل اكتر من كدا
…………………………
رنا : انا جاهزة
مهند : واو هو القمر نزل من السما وقاعد معايا
رنا : بس متكسفنيش الطقم يجنن اوي بجد اول مره اعرف انك بتعرف تختار
مهند: بصراحة مش اختياري
رنا : ايه اختيار مين
مهند : بصي يا ستي بدون دخول في تفاصيل شغلي لانك عارفه انها اسرار واني بحب افصل واسيب الشغل بره انا كانت معايا رائد زميلتي وكنا مضطرين ننزل المول هي لاقتني محتاس فساعدتني
رنا : ايه انت بتهزر وانا برضه بقول من امتي بتعرف الكلام دا
وهي بقي حلوة وواخدين علي بعض وبتخرجو سوا
محمود : اولا انا اول مرة اشوفها امبارح
ثانيا انا دخلت اختار وهي لقتني سرحان في حبيبة قلبي وعاوز اخرج معاها خروجه محصلتش فعرضت تساعدني
دي حتي طلبت تتعرف عليكي
غير انها بنت اخو الريس بتاعنا
حلوة بقي وحشه انا مش عارف غير انها رائد زميلنا ومعانا في مهمات وشغل
رنا : طيب اعزمها عندنا علي الغدا اتعرف عليها وانا اقيمم بس بصراحة الفستان يجنن وهي بقي اشترت ايه
مهند: لاء مشترتش احنا كنا مضطرين بقولك ندخل المول وانا الي اشتريت وخرجنا علطول
رنا : طيب يلا نخرج مش هضيع اليوم دا مش بيتكرر كتير
………………………..
مهاب : جيم بلدي ورجاله اوعي يكون الجيم الي في النادي
عبد الناصر : لاء دا بتوع المخابرات بس الي بيرحوه
مهاب : نهار اسود يا ناصر دا بلدي وكمان كلهم رجالة
عبد الناصر : اه يا سيدي رامي شايف ان الجيم العادي دا ترفيه وكمان متخافش انا موصيه عليها و معاها عسكري خدمه بيشوف طلباتها وانا مضبطه
مهاب : بس رامي مش سهل وعصبي يا ناصر
ناصر : رامي الي هيضبط بنتك وتعرف انها تبطل تطيح في الكل
مهاب : يعني تفرعنها وتقول يضبطها
ناصر : مبقدرش اتحمل عليها حاجه فقولت اضبطها يا مهاب متخافش
مهاب : مطمن بس ربنا يستر وهي متعصبوش
ناصر : دي مطلعه روحه وروح الي معاه والي معصبها انه بارد بس معلش لازم تتاقلم علي الشغل وانها تطيع الاوامر وتتعامل مع فريق رجاله عادي
مهاب : طيب والمهمة
ناصر : متقلقش انا لو هيكون في خطر عليها مش هضحي بيها
وغير انها فعلا شاطرة اوي في شغلها بدون اي وسايط ولا توصيات
مهاب : ربنا يستر
………………………..
عبير :يا اابني يا حبيبي لما ترجع من المؤتمر ابقي روح لها
معتز : يا امي هسلم علي خالتي وامشي
عبير : خالتك ولا بنت خالتك
معتز : قربت افقد الامل معرفش ليه بتعمل كدا في نفسها
عبير : حياتها وطباعها كدا
معتز : بس جواها طفله بجد
عبير : طفله بتعض وتخربش مش كدا برضه
معتز : يا امي انتي ليه قلبتي عليها مرة واحده
عبير : هي بنتي وبنت اختي وحبيبتي بس انت ابني يا معتز انت اغلي عندي انت عمري ومقدرش اشوفك متمرمط كدا وابقي مبسوطه
البنت مش شيفاك اصلا
طباعها حياتها شغلها غير يا ابني
عموما ربنا يعملك الخير يا حبيبي
…………………………..
بعد ان انهي رامي تليفون توجهه للتدريب ولكن
يا نهار اسود
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية المتمردة والثعلب)
