رواية المتمردة والثعلب الفصل الخامس والثلاثون 35 بقلم كتابات ولائيات
رواية المتمردة والثعلب البارت الخامس والثلاثون
رواية المتمردة والثعلب الجزء الخامس والثلاثون
رواية المتمردة والثعلب الحلقة الخامسة والثلاثون
وجلست ريناد في الحديقه تتنفس بهدوء لتجد لحد الحراس ياتي لها ظرف صغير ففتحته لتجد رساله قراتها وهي تشعر بالغضب الشديد
ايه القمر ماله في ايه مزعله
تلتفت لتنظر علي مصدر الصوت
ريناد : ناصر باشا حبيبي وترتمي في حضن عمها
ناصر: لاء كدا بقي موضوع محتاج قاعده
ريناد: الوقت اتاخر وانت عندك شغل بدري
ناصر : لاء بكره انا وانتي شغلنا الظهر انا مضبط الدنيا تعالي بقي في حضن ناصر وقولي مالك
جلست معه في الحديقه وارتمت في حضن عمها الذي بدا ان يملس بهدوء علي شعرها كما كان يفعل وهي صغيره لتغمض عينيها وتتنهد
ناصر : ايه يا ري يا قلب عمك مالك
ريناد: انا متلخبطه اوي يا عمي
ناصر : انا هسكت خالص وانتي غمضي عيونك الحلوة دي واحكي بدون ترتيب
ريناد: ياااه كبرت بقي يا سيادة اللوا
ناصر : طول عمرك هتفضلي بنت قلبي الصغيره وبعدين ايه باشا ولوا دي ارمي الميري بره المديريه فاكره كنتي بتقولي لي ايه وانتي صغيره
ريناد : ياااه اه طبعا فاكره يا ناصري انت علشان كنت بتنصرني عند جدو ههههه
ضمها عمها بقوه وبحنان لتبدا ريناد
: هو ممكن اتنين يا عمي يحبو بعض وهما مش بيطيقو بعض وكل ما يشوفو بعض يتخانقو
ناصر: ممكن الخناق دا نوع من انواع لفت الانتباه او الهروب او الحماس
ريناد: عمي رامي قالي انه بيحبني تخيل
ناصر: وانتي ايه رايك
ريناد : مش عارفه انا متلخبطه انا بحس اني بخاف عليه وعاوزة اشوفه واول ما اشوفه مش طيقاه عاوزة استفذه واضايقه اتخانق معاه بس لما تعب كان قلبي واجعني دا غير ان في بت عامله زي انثي العنكبوت قريبته كل ما تشوفه تترمي عليه زي ذبابة الفاكهه والاكتر من كدا الزفته بعتالي ورقه اني ابعد عنه دي اتجننت رسمي متعرفش انا مين
ناصر: المهم انتي تعرفي انتي مين
ريناد: انا الضابط ريناد مهاب تربيه ايد اللوا مهاب الكردي واللوا ناصر الكردي طبعا
ناصر : الميري ننساه في الشغل انتي بقي بره الميري مين وعاوزة ايه
ريناد: عمي انا جدي والعيله مسبوليش اختيار اني ادور جوا نفسي انا مين طول عمري كنت في صراع اني اكون الافضل ان بابا يكون فخور بيا ان كلهم يعرفو اني احسن من احسن راجل طول عمري بجري علشان اسبق مكنش عندي وقت ولا فرصه ابص ورايا ولا جوايا
ناصر: انتي الي حطيتي نفسك في سباق محدش طلبه نك ولا فرضه عليكي جدك انا وابوكي كنا عارفين نتصرف معاه انتي الي دخلتي معركه متخصكيش وجا الوقت بقي بعد النجاح الي محدش ينكره اننا نخرج البنوته الرقيقيه اميرة الثلج النائمة في الصراع دا ونصحيها ونخليها تعيش حياتها قبل ما تخسرها الا قولي لي انتي قولتي ل رامي ايه
ريناد: بصراحه انا كلمته بشكل مش حلو بس الاخر قولت له هفكر
ناصر: عارفه يا ريناد ان رامي رفض يسيب المهمه ويعمل العمليه علشان يفضل جنبك ولما كنتي محتجزه كان قاعد جنب سور الفيلا الي كنتي فيها في عربيه ولما اتحولتي للتحقيق عمل المستحيل علشان يحافظ علي نجاحك دا نزل وهو ممنوع من النزول الاداره علشان يقابل الكل ويكشف حقائق حصلت لك
ريناد: ياااه امتي دا حصل
ناصر من زمان من اول الطريشه
ريناد: وان بقي عرفت دا منين
ناصر : ريناد انتي حته مني ومكنتش هسيبك الا وانا مطمن عليكي انا وابوكي و لعلمك رامي اتكلم معانا من زمان اوي وكان صريح طيب هسالك سؤال
ريناد: اتكلم معاكم من زمان ؟ سؤال ايه
ناصر : في حناقاتكم وحربكم الكونغ فو بتاعك دا عمره لمسك
ريناد: ابدا محصلش بس المكتب كله مره بيتكسر
ناصر : تفتكري ساعه التدريب واحد بالحرفيه دي مش كان ممكن يطلعك مكسره رامي كان بيعبره تدريب ليكي وبيحافظ عليكي حتي من نفسه انا مش بقولك كدا علشان ااثر علي قرارك بالعكس يا قلبي انا بفتحلك الرؤيه علشان وانتي بتفكري تاخدي قرارك يا مؤمنه دا كل الاداره سمعت صوت صرخته وقت المداهمه باسمك اول ما سمعنا اطلاق نار لدرجه ان زمايله كانو هيبدلو الخطه ومنتظرش وصول الامداد ودخل جري يطمن عليكي
ريناد: اممم واضح اني اخر من يعلم
ناصر : هو عارف انك عنيده وحب يكلمك بنفسه
ريناد: والحاج مهاب بقي قاله ايه
ناصر : قاله يكلمك ويعرف رايك وانا بصراحه شوفت في عيونك لمعه ليه متضيعهاش فكري يا قلبي واستخيري وانا جنبك ياااه هقوم انا بقي علشان مرات عمك الي قاعده جوا دي معاد نومها مقدس
ريناد : ربنا يخليكم لبعض يا احلي عمي في الدنيا
ناصر : يلا اجهزي بكره اول يوم ليكي ترجعي شغلك عاوز نشاط موحشكيش مكتبك
ريناد: ياااه وحشني طبعا ونهي والكل
ناصر قبلها بحنان . تصبحي علي فرح وسعاده يا قلبي
ريناد: مش عارفه لو مكنش ليا صاحب زيك يا عمي كنت عملت ايه انت حبيبي انت وبابي ومامي طبعا بس لو حكيت لها هتروح تجيب المأذون هههههه
……………………….
ادهم : رامي هتفضل مقعدنا وساكت كدا
رامي : وانا قعدتك قوم كل واحد يروح لمراته ومتقرفنيش
مهند: نروح ايه انت بتهرب بقي من قاعدتنا
رامي : بصراحه اه يلا انتو هنا ليه قوم منك له
مهند: لا دا محمود جاي في اطريق وهنسهر للصبح معاك يا باشا فرصه انت اجازة وبنونسك
ادهم : القاعده بتاعة زمان فاكر يا رو ولا نسيت
رامي : اه بس كنا بنقوم نتدرب حبه وانا حتي مش عارف اقف
محمود: انا جيت بصراحة فرصه انك مش هتدرب فينا يا بوص ونطلع مكساحين هههههههه
رامي: والنبي انت جاي ليه ها
محمود: الوقت اتاخر واهلها مرضيوش يدوهالي تروح بقي بيتي قال ايه لازم نعمل فرح
ادهم : انت كنت عاوز تاخدها وتمشي يا قادر
محمود: اه والله مش كل الناس عارفه انها بقت حرمنا المصون
مهند: اقعد يا اخويا دا لسه وراك بلاوي سودا قبل الفرح
رامي : مستعجل علي ايه
محمود: الا صحيح انا وانا بوصل عائشه لمحت البت قريبتك الملزقه دي هناك كانت بتكلم عسطري الحراسه
رامي: هناك فين
محمود: عند بيت اللوا مهاب
رامي: ودي ايه وداها هناك هي العمليه ناقصه
محمود: انت كلمت ريناد يا رامي ولا لاء
رامي: يووه اه اتنيلت كلمتها لانها بتتهمني اني عاوز اضيع مستقبلها
ادهم : لانك بتدي اوامي يا رامي ودا مينفعش انسي شغلك واتكلم بلين شويه
مهند: ادهم عنده حق الست مبتحبش الاوامر بتحب تقترح ليها وتناقشها خصوصا ست قويه زي ريناد
محمود : الست بتحب الحنيه والاحتواء
مهند: سيبك منه يا رامي لسه خاطب بقي والقلوب طالعه من عنيه
ادهم : هو عنده حق برضه يا مهند بس ريناد مش ناقصه احتواء اصلا
رامي : وبسلامتك عرفت منين يا اخره صبري ان شاء الله
ادهم : كل تصرفاتها وثقتها بنفسها واسوبها مع والدها ووالدتها وعمها بتقول انها شبعانه حب وحنيه واحتواء متنساش اني دارس سيكولوجي
رامي : هي دا الي قالته انا شبعانه حنيه من ابويا وعمي مش اي كلمه هجري وراها
مهند: واضح ان الموضوع كبير بس خلي بالك حاصرها متسيبهاش تفكر بعقل الضابط فاهمني يا رامي
محمود: عن اذنكم انا عندي تليفون
ادهم : يا محمود سيب البت تنام حرام عليك
مهند: سيبه يعيش له يومين بكره تلاقي كشف حساب يومي له
ادهم : علي رايك يلا بينا احنا كمان احسن نتطرد ونفضل هنا
مهند : وعلي ايه الطيب احسن مش حمل خناق يلا بينا
رامي : جبنا كل اعوانك خانوك يا ريتشارد
ادهم : عقبال ما تجري انت كمان قبل ما تتاخد مخالفه يا وحش يلا سلام
رامي بضحك : يلا يا شويه عيال سلام
مهند: هنخلص شغل ونجيلك متقلقش بس شوف بقي قريبتك هببت ايه مش ناقصه
ادهم: لاء دا انت تخاف عليها ريناد مكن تكسحها يا ابني وتقعد قاعيده فقيده ههه
.متنساش متسيبهاش لدماغها ها
……………………………
جلس رامي وفتح واتس اب وبدا يكتب ويحذف ويكتب ويحذف
وجد رساله
ريناد: عاوز تقول ايه ومتردد يا باشا
رامي : انتي صاحيه خوفت اقلقك
ريناد : لاء صاحيه عندي شغل بكره بجهز له
رامي : هي رندا كانت عندكم انهارده بليل
ريناد: اه البت العقربه دي فكتني ياريت تبلغها انها متلعبش معايا بدل ما اخليها عبره للي يهدد ري مهاب
رامي : ليه ايه حصل
ريناد: مفيش اعتبرت انها عيله بس المره الجايه هتعرف ان حتي العيال ليهم عقاب
رامي : فكرتي
ريناد: في ايه
رامي في معاد كتب كتابنا يا ريني
ريناد: انت شكلك فايق يا رامي تصبح علي خير ورايا شغل
رامي : انا بقي ممنوع للاسف من الشغل ابقي اطمني عليا طيب
ريناد: ان شاء الله ترجع الاداره وانت كويس يلا سلام
رامي : تصبحي علي سعاده
……………………
مرت الايام والوضع زي ما هو
محمود بيجهز شقته
كاريمان وعبير مشغولين مع عائشه في تجهيزات
وفي يوم ريناد في غرفتها لقت الباب بيخبط
ريناد: ادخلي يا عائش
كاريمان : انا كوكي انفع
ريناد: ماما وحشاني اتفضلي
كاريمان : اوعي تفتكري اني مشغوله مع عائشه ونسياكي هي تعتبر بنتي الي ربيتها بعد موت اخويا انما انتي بنتي حته من قلبي ويعلم ربنا اني عمري ما فرقت بينكم لكن قلب الام برضه بيحس بالي عاشت جنبه جوايا
ريناد: ايه يا ماما دا في ايه خير انا زي الفل
كاريمان: مش زي الفل ولا حاجه انتي متغيره من يوم خطوبه عائشه ونومك قليل حتي اخدتي اجازة من شغلك ودي بقي معجزه مالك يا قلبي
ريناد: اترمت في حضنها واغمضت عيونها
كاريمان : لا دا كدا بقي موضوع محتاج قاعده ايه رايك تغيري لبسك وانا هعمل هوت تشوكليت نشربه سوا تحت في الجنينه
ريناد: لاء يا ماما حقيقي مش قادرة انزل
كاريمان : رامي مش كدا
ريناد ها عرفتي منين
كاريمان : احكي انتي وانا بقي اقولك الي عندي
ريناد: حكت لها ما حدث
بس يا كوكي وانا متلخبطه وحاسه اني مش قادرة اشتغل حتي مش عارفه اطمن عليه كرامتي مش سامحه
ريناد: عارفه يا مامي انا حاولت اقفل قلبي واقاوم احساسي بس مش عارفه خايفه اوافق وخايفه ارفض
كاريمان: وتقاومي ليه يا قلب مامي من جوا هو بيحبك وبيخاف عليكي انتي كمان واضح انك حبتيه فين المشكله
ريناد: مامي اوعي تفتكري اني محستش بمعاناتك مع جدتي علشان مخلفتيش ولد لولا ان اونكل ناصر عنده مشكله مكنتش سكتت لطنط زينب وتفرقتها بيني وبين اولاد اعمامي وعماتي و
كاريمان :الزمن اتغيير يا رينو وكمان حبي انا وابوكي اقوي بمراحل هما العرق الصعيدي والفلاحي عندهم كدا الولد امتداد العيله وتخليد الام وكام من دا بس دا جهل ولعلمك بقي عمك ناصر كويس وبيحب زينب وقال كدا ليهم علشان محدش يضايقها وعاش عمره كله معاها في حب واتخلي عن الخلفه خالص وعوضها بحبه ليكي
ريناد : ايه معقول طيب ازاي بابا وعمي تربيتهم وطلعو كدا
كاريمان : لانهم اتعلموا الدين صح وكمان الحب يا ريناد لما تلاقي الحب امسكي فيه باديكي واسنانك لانه بيقوي ومهما كانت صعوبات الدنيا بيخلي كله يهون وكل البيوت فيها مشاكل بس مركب الحب بتاخد الموجه وتكمل وتنسي طالما موجه بعيد عن الكرامه
المهم استخيري يا رينو وصدقيني رامي بيحبك ومتمسك بيكي
ريناد: وعرفتي بقي منين يا كوكي
كاريمان : رامي مكلم والدك ومن زمان كمان وملوك حكت لي انه اتغيير خالص من يوم ما عرفك
ريناد: كلم بابا وراي انا
كاريمان : مهو مستني اخدي وقتك بس انتي وهو مش صغيرين يا ريناد متضيعوش احلي سنين عمركم في العند
ريناد: هو من يومها مش بيكلمني اصلا
كاريمان : الولد دا ممتاز مش عاوز يضغط عليكي اه علي فكره هو اتصل ب مهاب وطلب يجي انهارده لان الفتره الي فاتت كان عنده علاج طبيعي ومكنش بيقدر يمشي كويس ريناد: جاي ليه
كاريمان : هنعرف لما يجي المهم قومي كدا خدي شاور وصلي ركعتين يدلك علي الخير يا قلبي وانا واثقه ان ربنا هيدلك علي الطريق المناسب ليكي هو مبيردش سال ابدا
ريناد حضنتها بحب وقالت لها حاضر يا احلي كوكي في الدنيا
………………………………..
يلا يا ملوك هنتاخر
ملوك : طيب طيب ايه متسربع علي ايه
رامي : انتي عارفه مواعيدي مضبوطه وكمان معرفش اصرارك تيجي معايا
ملوك: كاريمان وحشتني وعاوزة اشوفها بصراحة زي القمر ومفيش منها والاهم انها حركت الحجر
رامي : هي مين دي
ملوك : كاريمان اصل انت متعرفش بقي تعالي احكيل قصتها مع مهاب
رامي : يا امي هنحكي بس يلا الطريق من هنا للتجمع الخامس طويل وممكن الدنيا تكون زحمه علي الدائري فيلا بينا
ملوك: والالبوم ولا بلاش وابتسمت بخبث الله دي رندا بنت خالك هنا تعالي ناخدها معانا هي فوق عند مي اختك
رامي : خليكي معاها بقي وانا ماشي اصلها ناقصه لعب عيال كمان
ملوك : خلاص متبقاش حمقي كدا انا جهزت اهو يلا انت الي معطلني اهو وخلي بالك طويل الستات متحبش الي بيزهق بسرعه يلا يا ربنا يهديك ويسعد قلبك
……………………………
عائشه : يا يا محمود متتاخرش ومتناش تجيب الي قولت لك عليه
محمود: يعني هو صاحبي ومقالش يفاجا بيا
عائشه ايوه احنا مش هنسيبهم الا لما يقرو فاتحه وبعدين انت حاليا جوز اختها
محمود: قوليها تاني كدا عاوزه اسمعها منك
عائشه : الله يا محمود مش وقته يلا واه متنساش اوعي يكون في اي بحريات احسن تقلب بغم
محمود: هتقوليلي انا شوفت بعيني
عائشه : محمود متتاخرش علشان تقعد كمان مع مهاب باشا وتسيب لهم فرصه يتكلمو مع بعض
محمود: وانا طيب مش هقعد معاكي ولا ايه
عائشه : يوه يا محمود انهارده ريناد ورامي يارب اهديهم بقي يلا سلام علشان البس
……………………………….
وبعدين يا سالم هتسكت ولا ايه
سالم: يعني عاوزاني اعمل ايه يا رندا
رندا : انت تتجوزها علشان رامي يشوفني
سالم: اتجننتي ولا ايه اولا هو اكبر منك بكتير ومش شايفك اصلا ثانيا انا لو قربت منها هيقتلني يا ماما فوقي والي عملتيه غلط انتي مش ايفه بتلعبي مع مين
رندا : الله بقي مهو انا معرفتش افكر
سالم: انتي منبهره بيه والي بيتحكي عنه بس بطل زي رواياتك بس صدقيني مينفعش ومش هتتحملي حياته ومن جراءتك تبعتي ليها دي ضابطه مخابرات وابوها مدير امن وعمها رئيس قطاع يعني لولا انهم شايفنك عيله بتلعب كان زمانك بتاكلي عيش من غير حلاوه
راندا : الله يا سالم بقي مفكرتش طيب ايه
سالم: بصي الواد ماذن ابن خالتك كان لمح عليكي اهو محاسب في بنك علي ادنا بعيد عن الداخليه خالص ايه رايك حتي الواد عنيه خضرا تنفع في الايام السودا
رندا : طيب خلاص ماذن ماذن اهو احسن من مفيش ولو انه مفيش معاه مغرامرات بس انا هخلق المغامرات
سالم: لاء فيه يا قلبي معاه مغامرات تعويم الجنيه تنزلي تعومي انتي والجنيه في بسين واحد يلا يلا خلينا نرتاح من جنانك بقي
………………………
مهاب باشا انا سبق وجيت لسيادتك هنا وكنت واضح مع سيادتك وطالب ايد ريناد ووعدك اني طول ما انا في المهمه مش هفتح معاها اي مواضيع انهارده انا جاي اطلبها رسمي واتمني طلبي يقابل بالمواقفه هكون سعيد جدا
مهاب: اقعد يا رامي وبطل رسميات انت فعلا طلعت اد وعدك ليا من يوم ما شفتك وانت مرجعتش في اي لمه اتفقنا عليها الموافقه بقي والرفض دي مش في ايدي انا
كاريمان : يا اها يا ملوك وحشاني
ملوك: وانتي اكتر يا كاريمان
كاريمان : هنادي للبنات
عائشه : انا جيت اهو يا عمتو طنط ملوك اذيك
ملوك : اهلا يا عروستنا الحلوة
رامي : انسه عائشه اذيك
عائشه : الحمد لله اتفضل ثواني هفتح الباب
عائشه بصوت واطي محمود اتاخرت ليه
محمود: علي ما خلصو التورتايه زي ما طلبتيها بالضبط بس ايه دا انتي نزلتي لهم وانتي حلوة كدا
عائشه : محمود ادخل حطها علي السفره وادخل الصالون وبطل بقي بتكسفني يلا هنادي لرينو
محمود دخل ليهم
مهاب : اها يا ابني تعالي اتفضل
محمود: اهلا يا عمي ازي صحة حضرتك
مهاب تمام اتفضل
محمود: اذيك يا طنط
كاريمان : الحمد لله تعالي يا محمود
محمود: رامي هنا اذيك يا بوص
رامي : اهلا يا محمود
ملوك: ونسيتني يا محمود ولا ايه
محمود: يلتفت الله انا اقدر برضه يا ست الكل وحشان والله
ملوك : وانت اكتر
ريناد: مساء الخير
يقف رامي ينظر اليها ياااه يخفق قلبه كانها طبول تقرع اقسم ان اصوتهي تغطي علي اصوات العالم وقد استمعها الجميع ولم تكن هي افضل حالا منه فقد نظرت له كانها فتاه مراهقه يداهم قلبها شعور لا تعرف كينونته
مهاب يقطع الصمت : تعالي يا ريناد
ريناد: اذيك يا طنط
ملوك اهلا يا قلب طنط ياااه مشاء الله زي القمر
ريناد: اذيك يا محمود
محمود: اها يا ريناد اخبارك
ريناد: تمام
مهاب اقعدي يا ريناد نظرت بعيونها لتجلس بالقرب من رامي فهو اقرب مكان لوالدها
بدا الجميع في تناو اطراف الاحاديث وسط صمت ريناد ومراقبتها واختلاس رامي نظرات لها ومراقبه البعض لهم بهدوء
خرجت عائشه لتحضير بعض الاشياء
كاريمان : ما تيجي يا ملوك افرجك علي ديكور الجديد
ملوك: تعالي يلا بينا
اخذ محمود يتحدث مع مهاب ورامي الا ان دق تليفون مهاب
مهاب : عن اذنكم يا شباب البيت بيتكم
يجلس محمود يتحدث مع رامي لتاتي عائشه
وتنادي : محمود تعالي عاوزاك الله يخليك بسرعه
ريناد: في ايه يا عائشه
عائشه : مفيش بس عاوزاه ليخرج محمود ويبقي رامي وريناد في صمت
ثم ينظر لها ويهمس : وحشتيني
ريناد بتوتر : خلص العلاج الطبيعي
رامي: اه علي وشك وقربت ارجع شغلي
ريناد: طيب كويس قاعده البيت ممله اكيد
رامي : اه الوقت مش بيعدي وبعدين ليه بتغيري الموضوع
ريناد: موضوع ايه
رامي : ريناد انا جاي اطلب ايدك وعاوز ردك تقبلي تكملي معايا
ريناد: رامي
رامي: ايه لسه عاوزة تفكري
ريناد : لاء بس اصل
رامي : ريناد بصيلي انا بجد محتاجك في حياتي وحابب نكمل مع بعض صدقيني انا صبرت كتير وكفايه
ريناد : وهي تشيح بوجهها بعيدا توعدني انك تقف معايا ومتتخلاش عني مهما حصل
توعدني انك متدخلش في شغلي
توعدني ان مهما واجهتك صعاب ومشاكل هنفضل سند لبعض
رامي: اوعدك بكل كياني اني ادعمك واكون جمبك ومري يا عمري ما اتخلي عنك ابدا
ها ووقف ورفع يده : اقسم بالله العظيم
ريناد بتضحك انت فكرتني بقسمنا في الشغل
رامي: يا بنتي كلمة رامي منصور عهد وسيف علي رقبته
يدخل مهاب : ها اتاخرت عليكم معلش انتو عارفين الشغل وشد حيلك يا رامي في مهمة قريب هتطلعو فيها مع بعض كمان شهر
رامي: تحت امرك يا فندم بس ايه راي حضرتك في طلبي
مهاب : اه ريناد رامي طالب ايدك واعتقد انك عندك علم بالموضوع
ريناد الي سيادتك تشوفه يا فندم
مهاب : لاء دي مش المهمة دا عاوز ياخدك له خالص يعني يتجوزك
ريناد : احمر وجهها وقالت والله الراي رايك
مهاب تمام يوم الخميس نقرا الفاتحة علشان عمها يكون هنا
من الخارج
وناجل ليه بس يا سيادة اللوا عمها اهو جاله استدعاء ووصل وخير البر عاجله
يا يا جماعه نقرا الفاتحة
رامي واخرج من جيبه علبه صغيره بها دبلتين وخاتم رقيق من الالماس
مهاب : دا انت جاهز
رامي : من زمان يا باشا والله ريناد دي هديه بسيطه لغاية ما نجيب الشبكه
ريناد: رقيق اوي بجد
عائشه مبروووك مبروك يلا يا محمود انزل بالتورته
محمود: اي خدمه
ريناد : ايه دا دي تورته الكرامل الي بحبها
عائشه ولا لسه مفاجاه لتفاجا ريناد بتورته تحمل صورتها هي ورامي وكتب عليها مبروك خطوبه المتمرده و بالثعلب
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المتمردة والثعلب)
