رواية الماضي الاسود الفصل التاسع 9 بقلم إيمان

رواية الماضي الاسود الجزء التاسع

رواية الماضي الاسود البارت التاسع

رواية الماضي الاسود الحلقة التاسعة

هرول جلال الى الداخل وهو يصيح : سامى سامى انت فين يا اخى
فجاءه سامى وهو يحمل صينة وعليها كوبان من الشاى قائلا بغزع : ايه يابنى فى ايه حصل زلزال وانا فى المطبخ ولا ايه
جلال بلهفة : بقولك ايه يا سامي مين اللى ساكن فى الشقة اللى تحتك
بتسال ليه
قولى بس يا اخى
الشقة اللى تحت سكنه فيها الست خديجة وبناتها
انت متاكد الست دى وبناتها بس مفيش حد تانى
ايوة يابنى متأكد دى عشرة عمر لا بس استنى كده
ايه فى ايه
اصل من فترة قريبة ظهرت وحدة عندهم والست خديجة قالت انها قربتها
اسمها اسمها ايه البنت دى
والله ما فاكر تاه عن بالى
ركز ياسامى وافتكر قالتلك اسمها ايه
اخذ سامى يتذكر بصعوبة قائلا : بين قالتلى نور شمس انوار حاجة كده
ضى قالتلك اسمها ضى
سامى بفرح : ايوة هو ده ضى كان تايه عن بالى فين بس
فتركه جلال وهرول الى باب الشقة ففتحه ونزل على الفور وترك سامى فى ذهول وما ان تمالك نفسه حتى هرول خلفه قائلا : انت يابنى رايح فين بس استنى هنا جلال جلال
كانت خديجة تقف فى المطبخ تغسل المواعين واحسان ممده فى حجرتها تتصفح احد المجلات وضى فى صالة المنزل تعد نفسها للذهاب الى العمل عندما رن جرس الباب فتوجهت على الفور لتفتح ظنا منها انها عليا
طيب يا عليا انا جاية افتح اهو انتى على طول كده مستعجله
وما ان فتحت حتى ندت عنها صر خه خرجت على اثرها خديجة تركض وخرجت احسان على الفور من حجرتها لتعرف ما الخطب
جلال مبادرا : ما تخافيش يا ضى ما تخافيش
ضى بر عب : انت انت ايه اللى جابك هنا وعرفت مكانى ازاى يا جلال بيه
اول ما سمعت خديجة اسم الرجل جذبت ضى خلفها وتصدت هى له قائلة بكل قوة : انت بقه جلال بقولك ايه لو قربتلها حصوت والم عليك الناس وانت بقه ما تعرفش اللى يته جم على بيت فحارة شعبية ممكن يحصله ايه
اكملت احسان : اتصل بالبوليس يا ماما
جلال : صدقونى انا مش عاوز ااذي ها ولا حاجة بالعكس انا جاى اعتذرلها
وصل سامى فى هذه اللحظة : ايه يا جلال فى ايه
خديجة : هو انت تعرفه يا دكتور سامى
ايوة يا ست خديجة جلال صديقى
جلال : يا جماعة ممكن تسمعونى من فضلكم يا ضى اسمعينى وبعدين اعملى اللى انتى عوزاه
سامى بهدوء : ممكن ندخل ياست خديجة ونقعد نسمعه عشان نعرف ايه الموضوع
عشان خاطرك يا دكتور ممكن يدخل بس والله لو طلع ناوى على ش ر
قاطعها جلال سريعا : صدقينى مفيش فنيتى اى ش ر
خديجة : طيب تعالى اتفضل يا دكتور
ثم قالت لاحسان : روحى هاتى حاجة للضيوف
جلال :ملوش لزوم
خديجة : لا بقه ازاى احنا ناس تفهم فى الاصول يلا يا احسان بسرعة
احسان : حاضر يا ماما
ضى : اتفضل قول اللى عندك
جلال : بصى هى قصة طويلة وقديمة ومتكعبلة فانا مضطر اقسمها لاجزاء عشان تقدرى تربطيها فبعض واحيانا ححكى فى اللى حصل زمان واحيانا تانية حنرجع لدلوقتى واللى حصل فيه
خديجة بتعجل : ياريت ندخل فالموضوع على طول
جلال : بصوا انا
ثم تذكر شىء اراد التأكد منه اولا
طبعا انتى عرفتى انك مش حامل
ضى بخجل : ايوة عرفت
خديجة لتختتصر الوقت والحديث : عرفت وعرفت كمان ان محدش قربلها انت فاهم طبعا اقصد ايه
اصابة الحمرة وجه ضى عند سماعها هذا الحديث
فاكملت خديجة : خلاص بقه ممكن نعرف ايه القصة
جلال : القصة كلها بتبتدى بجدتى