رواية اللغم الفصل الحادي والعشرون 21 بقلم زينب أحمد
رواية اللغم الجزء الحادي والعشرون
رواية اللغم البارت الحادي والعشرون
رواية اللغم الحلقة الحادية والعشرون
«الجهل بالحقيقه أهون من ثقل معرفتها»
في غرفه احد الفنادق
اليكس: ايوه ياعيسي في اي قولتلي انك عاوزني في حاجه مهمه
يظهر يحي من خلفه
يحي: مش هو الي عاوزك.بقلم زينب أحمد.. انا الي عاوزك
تحب نقعد نتكلم هنا ولا اخدك في القسم
اليكس: وتاخدني معاك القسم ليه… ياترى اي تهمتي؟!
رشيد: كان جالس بعيد قليلا: ممكن نتكلم بهدوء يايحي مفيش داعي لكل ده ثم ينظر ل اليكس
عاوزين نسالك كذا سؤال وتجاوب عليهم
اليكس: واجاوب ليه بقاا اعتقد من حقي ارفض
يمسكه يحي من ياقه قميصه ويقول بصوت عالي: ولا هاتلف وتدور علينا ولا اي
يمسك اليكس يديه ويبعده عنه ثم يقول ببرود: بلاش تعمل كده علشان متندمش
يحي بسخريه وهو يشاور عليه بصباعه: انت هاتندمني انا انت مش عارف انا مين ولا اي
اليكس: ببرود: لا مش عارف عرفني
يحي: انا الظابط يحي زهران من عيله زهران اكبر مستثمرين في البلد.بقلم زينب أحمد.. هاا غيرت رايك وهاتجاوب باالذوق
اليكس يمثل التفكير ثم ينظر له ويقول بهدوء: لا
يحي بنرفزه: ولاه انت هاتستعبط
اليكس: انا مش اسمي ولاه دى…. اسمي اليكساندر
رشيد يقف ويقولهم: ممكن نقعد نتكلم بهدوء لوسمحتوا
اليكس: لا مش ممكن لان مش مرحب بوجودكوا وياريت تخرجوا
رشيد وهو يكتم ضيقه وغيظه : مش مهم نقعد ياسيدى…. ممكن بس تقول الاصابه الي في دراعك دى منين
اليكس: كنا معزومين في افتتاح عمارات زهران واتصابت وانا هناك واعتقد برده سالم بيه زهران واولاده اتصابوا كمان ولا اي يا حضره الظابط
رشيد: طب ممكن نشوف الاصابه دى لان الامن قال ان اصاب اللغم في نفس الدراع وعاوزين نتاكد من شكوكنا
اليكس بسخريه : مين اللغم ده كمان
ثم اكمل بجديه ولا مش ممكن تشوفوها لان ده اسمه تعدى عليا وعلي حقوقي الا لو انا متهم بحاجه او الامن ده شافني هناك؟؟
رشيد بحده ويجز علي اسنانه: انت ليه مش عاوز تساعدنا نتاكد من شكوكنا
لو انت برئ زى مابتقول
اليكس: i don’t care عن اللغم او مساعدتكوا
اتفضلوا امشوا
كاد ان يلكمه رشيد ولكن امسكه يحي
يحي: يلا احنا مش هانوصل لحاجه منه
رشيد وهو ينظر ل اليكس بحده: يلا
غاادر كلا من يحي ورشيد
وظل اليكس وعيسي
جلس اليكس ووضع رجل علي اخرى
وعيسي واقف امامه
عيسي بتوتر: انا…. انا
اليكس يقف وينزع كاميرا كانت في مكان مخفي ثم يقول له بحده
هات موبايلك
يقوم اليكس بغلقه ثم يقول له ببرود
تعالي ورايا
ذهب عيسي خلفه دون ان يتحدث بكلمه
وعلي طريق صحرواى
ركن اليكس العربيه ونزل منها
وفعل المثل عيسي
اليكس التف ونظر له بحده: انت اي هااا بتكلمني وانتوا في طريقكوا لهنا…. غبي غبي
عيسي: مااشي بس نفذت الي انت طلبته مني بالحرف
فلاش باك
اليكس بهدوء: اتمني تكون اتعلمت الدرس
عيسي بضيق: اتعلمته
اليكس: علي فكره اللغم كان ممكن يخليك تنام في الشارع ومتملكش حااجه وبعدين يخلص عليك
لكن هو اكتفي بده بس علشان عاوزك معاه في الي جااى… مستعد ولا لا
عيسي: مستعد
اليكس: بس خلي بالك الغلطه في الي جااى بموتك فااهم
عيسي: فااهم بس لو نفذت كل حااجه تمام عااوز مكافاتي ان اقابل اللغم
اليكس: ده شرط ولا طلب
عيسي: طلب
اليكس: اوك هاسال اللغم وارد عليك مع انو هاايكون صعب جداا.بقلم زينب أحمد.. المهم خلينا في الي هااطلبه منك
عيسي: الي هو
اليكس: هاتبقي جاسوس علينا للشرطه وتوصلهم المعلومات الي احنا عاوزينهم يعرفوها
عيسي بصدمة: اي
اليكس: الي سمعته
عيسي وهو يبلع ريقه: تمام
بااك
عيسي: مش ذنبي ان طلب فجاءه يقابلك وان استدرجك في الفندق
اليكس: وازاى توافقه وازاى متوهوش انك متقدرش توصلي
عيسي بحده: بقولك انا نفذت تعليماتكوا انا مغلطش
اليكس يلكمه في وجه يسقط عيسي علي الارض
ينزل اليكس لمستواه ثم يقول بنرفزه: غبي انت دلوقتي بقيت كارت محروق بالنسبه لينا وله كمان
يقف اليكس ويقف عيسي هو الاخر
اليكس بحده: متعملش اي حركه وتختفي عن الانظار دلوقتي ومتفتحش موبايلك استني التعليمات الجديده مني انا هاعرف ازاى اوصلك
ثم ذهب ليركب عربيته وغاادر تارك عيسي في منتصف الطريق
……………………بقلم زينب أحمد…………………..
في شرم الشيخ
علي الهاتف
اليكس: الي انتي توقعتيه حصل
ميلان: طيب
اليكس: العمل اي دلوقتي
ميلان: هاكون عندك بكرا ونبقي نتكلم… يلا سلام
اليكس: تمام خلي بالك من نفسك
اغلقت ميلان الخط وظلت تفكر قليلا
مريم: اي سرحانه في اي كده
ميلان: هاا لا ولا حااجه جهزى حاجتك علشان هانمشي بعد الفجر
مريم: علي طول كده
ميلان: معلش يامريم هانكررها مره تانيه وتبقي مده اطول كمان
مريم: مااشي هاروح اقول لصوفيا
ميلان بابتسامه باهته: مااشي ياحبيبتي
……………………بقلم زينب أحمد………………………….
مر يومين ولا جديد بهم
اتي يوم جديد
في بيت ميلان
ميلان: هاا عملت الي قولتلك عليه
اليكس: ايوه يومها روحت عملت شكوى في السفاره
لان طبعا تعدى عليا
ميلان: تمام
اليكس: بس اتوقع بعلاقات عيله زهران هاايغطوا علي الموضوع
ميلان: احنا هانخليهم ميعرفوش يعملوا ده وبالعكس يخدوا اجراء ضده علشان الناس تقولك شوف برغم علاقاته بس اهله سابوه يتعاقب هو في كده برده ويتسقفلهم
اليكس: ازاى مش فاهم
ميلان: قطعت الفيديو الي اتصور
اليكس: ايوه الضرب والتعدى في فيديو… وهو بيقول ان من عيله زهران في الفيديو التاني
ميلان: حلوو اعطي نسخه للناس بتاعتنا علي السوشيال ميديا انا عاوزه يحي زهران يبقي ترند
النهارده..بقلم زينب أحمد.. مهوا مش كل يوم برده ظابط بيتعدى علي سائح في غرفته في الفندق ولا اي
اليكس: تمام
ميلان: خليهم ينزلوا فيديو دلوقتي والتاني بليل
اليكس: اووك…. صحيح عادل زهران عاوز يقابلك
ميلان: مش وقته دلوقتي قوله مشغوله
اليكس: طيب هامشي انا
ميلان: استني….. بيت وشركه موافي سالم مراقبهم متروحش هناك
اليكس: طيب… وبالنسبه لعيسي
ميلان: استني عليه شويه لسه الوقت بتاعه مجاش
اليكس: تمام
……………………..بقلم زينب أحمد……………………..
في المساء
في احدى المدريات بالقاهره
العقيد بزعيق: اى ده ياحضره الظابط
الظابط يحي: حضرتك انا كنت
العقيد: كنت اي هااا…. مقدم فيك شكوى وطبعا ده سائح امريكي انا حاولت ان الموضوع ميوصلش لاكتر من كده علشان والدك سياده اللواء الي عمره مااعمل غلطه وااحده لكن ده انت متصور وانت بتتعدى عليه بالضرب وبتفتخر بعلاقاتك وانك فوق القانون
الظابط يحي: يافندم انا
العقيد: انت موقوف عن العمل ياحضره الظابط لحين الانتهاء من التحقيق
الظابط يحي: طب والقضيه يافندم
العقيد: القضيه من اللحظه دى مالكش اي علاقه بيها وحسام هايكمل الباقي
الظابط يحي: بس يافندم
العقيد: انا مباخدش رايك دى امر يا حضره الظابط
الظابط يحي: تمااام يافندم
ثم يغادر وهو يتوعد لميلان التي يعلم جيدا انها خلف هذا الامر
………………بقلم زينب أحمد………………………….
في بيت ميلان
اليكس: الي احنا عاوزينه حصل… اتوقف عن العمل
ميلان: طيب كويس
اليكس: انتي خارجه
ميلان: ايوه
اليكس: فين
ميلان وهي تغادر دون ان تنظر له : هاقولك بعدين
………………….بقلم زينب أحمد…………………….
في بيت مريم
مريم: بس كانت خروجه حلوه اووى ثم اكملت بهدوء انا عارفه الي ميلان بتحاول تعمله… بتحاول تدعمني وتكون جنبي وتعوضني عن كسره قلبي
الي حاولت تمنعها بس انا وقفت في وشها وقولتلها لا ده مش كده انتى متعرفيهوش ثم تكمل بابتسامه باهته: طلعت انا الي معرفش حاجه
صوفيا don’t say that متقوليش كده
مريم بعيون تملئها الدموع: عاارفه انا احيانا بقول يارتني ماقابلته ولا صدقته بس هو كان قاصد يقابلني واثق فيه علشان يوصل لميلان
وكاني كوبرى بيمشي عليه علشان يعدى الطريق التاني
تحتضنها صوفيا: Cry, Maryam ابكي وطلعي الي جواكي
تبكي مريم وتزداد شهقاتها
وتربت صوفيا علي ظهرها
………………….بقلم زينب أحمد…………………….
تسوق عربيتها بسرعه عاليه
وتصل لطريق مقطوع
تقف فجاه امام عربيه اخرى وصلت مسبقا
تنزل من عربيتها وينزل الاخر من العربيه الاخرى
رشيد وهو ذاهب باتجاهها: انتي ليه صممتي نتقابل هنا بالذات
ميلان: هات موبايلك
رشيد: ليه
تنزع ميلان موبايله وتقوم بغلقه
رشيد: انتي بتعملي اي
ميلان بزعيق: من ساعه ماروحت اتفقت مع يحي زهران وانا معنديش ثقه فيك
رشيد: وانتي مالك بالموضوع ده
ميلان بحده: صح وانا مالي… لما تكون معااه علشان تقابل اليكس الي هو دراعي اليمين علشان توصلوا ل اللغم يبقي مالي فعلا
رشيد بحده: انتي مش راضيه تقولي حااجه وجدى بيخبي عني عاوزااني اعمل اي..ثم يكمل بزعيق: كنت عاوز اعرف الحقيقه
ميلان بسخريه: وعرفتها بقا؟؟
رشيد: لا بس هاعرفها واوصل
ميلان: رشيد انت قداامك حل من الاتنين يااتبعد نفسك عن الموضوع ده خاالص يااما تكون جنبي ومتعملش اي حااجه من ورايا
رشيد بزعيق حتي برزت عروقه: واكون جنبك ليه هاا انت مش في حيااتك حد تاني اسمه اللغم وانا سالتك وقولتي لا… بس كل حااجه بتحصل بتقول ان ايوه
ميلان تذهب وتقف امامه وتقول بهدوء: عاوز تضربني اضربني ثم تمسك يده عاوز تخنقني حاالا اعملها وانا مش هامنعك حتي..ثم تكمل بخنقه . لكن متتفقش مع الي اذانى واذاك
ده بيكسرني يارشيد
رشيد: اذااكى واذاني ازاى… ده يحي صاحبي واعرفه من زمان… عملك اي؟؟
ميلان: كل الناس الي بتبقي فاكر انك تعرفهم كويس اوى مع الوقت بتتكشف انك عمرك ماعرفتهم
رشيد: ميلان انتي ليه مش عاوزه تريحيني مش عاوزه تعرفيني الحقيقه ليه
ميلان: الجهل بالحقيقه اهون من ثقل معرفتها يارشيد
رشيد: يااستي انا قادر اشيل
ميلان: وانا شايلاها بالنيابه عنك
رشيد: انتي ليه مصممه انتي الي تحميني مع ان ده دورى انااا
ميلان كادت ان تغادر وهي تقول: اقطع علاقتك ب يحي علشان مترجعش تندم
ولكن وقفت عندما قال رشيد
رشيد: وانا مش هاقطع علاقتي بيه يااميلان الا لما اعرف الحقيقه
ميلان تذهب وتقف امامه وتقول بحده: ده انت مصمم بقااا
رشيد ينظر دااخل عينيها: ايوه ياميلان… لازم اعرف مين اللغم وبتحبيه ولا لا واي الحقيقه الي مخبينها عني
ميلان ببرود: مالكش دعوه باللغم ومتجبش سيرته
رشيد: يااااه للدرجه دى ثم يكمل بحده: طيب يااميلان انا هافضل انا ويحي ندور علي الحقيقه وعلي اللغم غصب عنك
ميلان بزعيق : يحي ده لو لقي مصلحته متعارضه معااك هاايبيعك علي اول الطريق
رشيد: علي اساس انك غيره
ميلان: ايوه انا غيره ان بحاول احميك
رشيد بزعيق: وانا مطلبتش حماايه انا عاوز افهم
ميلان بزعيق: تفهم اي
رشيد بزعيق: افهم ليه انتي وجدى بتبعدوني عن الموضوع ليه عيله زهران لا ليه في عداء بينه وبين جدى ليه مش عاوزيني اعرف اي حااجه
ميلان بزعيق: علشان عيله زهران هي السبب في دخول امك المصحه وانتحارها
رشيد بصدمه: اي…. أمي انتحرت!!!
…………………………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اللغم)
