رواية اللغز الفصل العاشر 10 بقلم سالي محمد
رواية اللغز الجزء العاشر
رواية اللغز البارت العاشر
رواية اللغز الحلقة العاشرة
أمجد اتحول بقي شخص تاني حتي صوته اتغير وانا اتصدمت هو طلع يجري بعد ما مشي فوقت قولت اكيد الاولاد فيهم حاجه جريت ع الاوتيل دخلت الاوضه ملقتش اي حد لا أمجد ولا ولادي ولا حتي العامل اللي سبناه مع الاولاد الغريب ملقتش ليهم هدوم وكأنهم ماكنوش موجودين نزلت اسأل الريسبشن العامل اللي هناك صدمني قالي يامدام انتي كنتي لوحدك قولتله لوحدي ازاي انت بتقول اي صوتي علي وقولتله انا كان معايا زوجي وولادي انت بتقول اي فين مدير الفندق عايزة اشوف الكاميرات انا هطلب البوليس هاتوا المدير حالا الناس اتلمت ع صوتي والعامل حاول يهديني قالي حاضر اهدي يامدام اتفضلي حضرتك عندك المدير واخدني فعلا وروحنا للمدير المدير سألني ف اي قولتله انا جيت الظهر أو بعد الظهر مع زوجي وولادي وحجز جناح باسمه أمجد حبينا نتمشي ع البحر قولنا للعامل يخليه مع الولاد ونزلنا كنت بتكلم ودموعي مش بتقف وقلبي بينبض بطريقه غريبه الوجع احساسه صعب المدير شاف حالتي طلب ليا ليمون وقالي يامدام اهدي وكملي طبعا مقدرتش اقوله ان زوجي جن قولتله أمجد طلع يجيب حاجه من فوق لما اتأخر رجعت اشوفه ملقتش حد ولا حتي هدومهم انا عايزة زوجي وولادي وصوتي علي وشهقاتي عليت من كتر العياط والتوتر المدير قال طب اهدي واشربي اليمون وتعالي معايا شوفي مين من العمال هنا كان مع الولاد قولتله ماشي روحنا ف صاله واسعه والعمال كلهم كانوا واقفين طابور المدير قالي شوفي حضرتك مين فيهم كل العمال اهم فضلت ادقق فيهم ملقتوش قولتله مش فيهم فين بقيت العمال قالي يامدام دول كل العاملين ف الورديه الليليه قدام حضرتك قولتله لا العامل دا كان مخلص الشيفت بتاعه مش ف دول قال طب تمام للصبح عمال الورديه التانيه هيجوا ونشوف قولتله بعصبيه هو انا لسا هستني للصبح فين التلفون انا هتصل بالبوليس يجوا بقي يعرفوا حصل اي يفرغوا الكاميرات يحققوا المدير قال يامدام اهدي البوليس مش هيقدر يعملك حاجه الا بعد مرور ٢٤ ساعه وع العموم هنشوف الكاميرات عادي تعالي معايا لاوضه تشغيل الكاميرات قولتله تمام دخلنا لقينا العامل نايم اصلا والكاميرات المدير زعق معاه وقاله عايز اشوف الكاميرات من بعد الظهر لحد دلوقتي حالا وخلي بالك انت مخصوم منك عشر ايام ع اهمالك دا الكاميرات من قبل وصولنا كانت شغاله اول ما عربيتنا وقفت قدام الاوتيل الفديو صوته كان فيها تشويش لحد قبل ما رجعت من البحر اجري ع
لاوضه قولتله اي دا اي دا ف اي حسيت الدنيا بلتف بيا وقولت أمجد ومحستش باي حاجه فوقت كان بالنهار لقيتني ف الاوضه ف الفندق نايمه لوحدي عندي صداع جامد اه دماغي أمجد فين لمي ولادي افتكرت اللي حصل صرخت جامد فضلت اصرخ الناس اتلمت عليا ف الاوضه قولت زوجي فين انتوا مين الناس حاولت تهديني وجه المدير الظاهر حد بلغه اني فوقت المدير قال يامدام تعالي معايا بسرعه قولتله اي لقيتوهم فين أمجد والولاد قال تعالي بس يامدام معايا قولتله ماشي قومت اجري معاه وراني السجل بتاع الدخول لقيت باسمي انا امنيه ورقم بطاقتي ومافيش أمجد اصلا ولا الولاد قولتله اي دا انتوا متفقين عليا ولا اي انا شايفه الكشف دا بعيني وامجد ماضي قدامي اي دا انتوا هتجننوني اه قلبي أمجد انت فين حسيت كأن أمجد بيكلمني بصوت تعبان بيقولي متخافيش انا كويس رديت بسرعه قولت انت فين رد قالي امشي من عندك بسرعه متخافيش علينا يلا ياحبيبتي سيبك من كل اللي عندك مش هتوصلي لحاجه رديت قولتله انت فين قالي امشي بس من عندك روحي بيتنا يلا بسرعه سبت كل الناس ومشيت ورا صوت أمجد اللي معرفش اذا كان حقيقه ولا انا بتخيل بس عملت اللي قالي عليه واخدت كل حاجتي ولقيت ف وسط هدومي صوره ليا انا وامجد والاولاد عرفت ان اهله عملوا ليهم حاجه والناس دي كلها مسحوره اكيد اخدت كل حاجه وخرجت المدير كان ماشي ورايا بيكلمني مش رديت رميت فلوس ع الارض وقولتله فلوس اليله السوده اللي قضيتها هنا اهي ومشيت ركبت عربيه أمجد المفتاح كان ف شنطتي معرفش ازاي ومعرفش ازاي اصلا بعرف اسوق فضلت ساعات اسوق لحد ما تعبت وقفت صوت أمجد رجع تاني قالي لازم تاكلي حاجه وبطلي تفكير احنا كويسين رديت عليه طب انتوا فين روحتوا فين عند اهلك طيب قالي مش هعرف اجاوب دلوقتي انا بالعافيه عندي قدره ابعتلك صوتي قولتله طب الولاد فين قال معايا متخافيش هما بخير يلا ف مطعم قدام كلي وكملي المشوار ماتتكلميش مع حد قولتله ماشي سوقت العربيه فعلا شويه ووصلت مطعم طلب اكل ونسكافيه اكلت بسرعه ومشيت ساعتين ووصلت البيت ادور ع اي حاجه توصلني ليهم ملقتش حاولت افتح اوضه أمجد المقفوله معرفتش فضلت اقول أمجد انت فين أمجد رد عليا بس أمجد ماكنش بيرد ماكنتش عارفه اعمل اي ولا اروح لمين يساعدني قعدت ع الارض اعيط بصوت عالي واقول يارب يارب ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اللغز)
