رواية الكمين الفصل السابع 7 بقلم سهيلة سعيد ونور عمر
رواية الكمين الجزء السابع
رواية الكمين البارت السابع
رواية الكمين الحلقة السابعة
( يقفل قاسم ويقلع قميصه ويرميه ع السرير ويقعد يمسك فونه ، يتنهد عيسى ب غيظ ع نارين ، يقوم قاسم يدخل التويليت ويفتح الماية ، يفهم عيسى إنه بياخد دش ، يطلع من تحت السرير بالراحة ويقف ، لسة هيقرب ناحية الباب ، يخبط الباب ، يتخض )
قاسم وهو طالع م التويليت : يادي القرف الي انا فيه ، هي لحقت 🙄
( يرتبك عيسى ويجري ، ميلاقيش قدامه غير البلكونة يدخلها بسرعة ، يقرب قاسم ع الباب ويفتح )
قاسم : تعالي
( تدخل اروى )
اروى : ايه الأخبار ؟
قاسم : الي قلتهولك ف الفون ، اقعدي هاخد دش واجيلك
اروى : طيب
( عيسى ف البلكونة مش عارف يعمل ايه ، يبص لتحت يلاقي المسافة بعيدة مش هيقدر ينط ، يبص جنبه ، يلاقي بلكونات الأوتيل ، ينط ع البلكونة الي جنبه بحرص ، ومنها ع الي جنبها لإنهم لازقين ف بعض ، ومنها ع بلكونة اوضة نارين ، يفتحها ويدخل ، يلاقيها ف سابع نومة وبتشخر كمان ، يتغاظ منها ، يقرب عليها ويشدها من دراعها ب عنف )
عيسى ب زعيق : انتي مخمودة هنا وسيباني انا طالع عين اهلي 😡
نارين ب خضة : في ايه ي عم في ايه 😧
عيسى : بعتلك ولا عشرين رسالة وانتي هنا نايمة ف العسل 😡
نارين ب تشويش : عسل ايه وبيض ايه ، هو حصل ايه ؟!
( يبصلها ب غيظ وبعدين يزقها ويقعد ع اقرب كرسي ياخد نفسه )
نارين : جرا ايه ؟!
عيسى : كنت هتزفت ابوظ كل حاجة 🙆🏻♂️
نارين : ازاي ؟!
( يحكيلها )
عيسى : وفضلت ابعت ل حضرتك ف رسايل ع اساس تعملي اي حوار يخرجه م الأوضة وانتي ف سابع نومة 🤷🏻♂️
نارين : الله منامش يعني !
عيسى : هو احنا جايين نصيف ي بنتي ، انتي مستوعبة احنا هنا بنعمل ايه ؟!
نارين : مستوعبااا 🙄
عيسى : لا واضح !
نارين : انت الي طلعت ظابط هاوي
عيسى ب عدم فهم : هاوي !
نارين : اة هاوي ، مش شغل محترفين دة !
( توطي صوتها )
نارين : فالح بس يطلعلي انا اخطاء 🙄
عيسى : ايه !
نارين : ازاي تطلع من غير م تكون دارس كويس هو فين وبيعمل ايه 🤷🏻♀️
عيسى : بقولك كان قدامي تحت ، اسغليت الفرصة ورحت احط الأجهزة
نارين : ولقيت حاجة ؟
عيسى : مدورتش ، كان كل همي الأجهزة تبقا ف مكانها وبس
نارين : امممم وحطتهم ؟
عيسى : ايوة
نارين : بس نستفاد من كل دة إنه ع علاقة ب مرات اخوه 🤔
عيسى : وايه المفيد ف كدة ي اذكى اخواتك ؟
نارين : مش عارفة ، بس اهو طلعنا ب معلومة 🤷🏻♀️
عيسى ب تنهيدة : يارب 🤦🏻♂️
( يخبط الباب ، يبصوله ب خضة ويقوموا يقفوا )
نارين : استخبى بسرعة !
عيسى : استخبى ايه انا اخوكي !
نارين ب تذكير : ايوة صح 😐
عيسى : افتحي
( تقرب نارين ع الباب تفتحه )
نارين : ي حجة خضتينا 🙄
( تدخل چاسمين )
جاسمين : ساعة والمفروض تنزله ، لازم تجهزي
عيسى ل نارين : خلصي ورني عليا
نارين : طيب
( يمشي عيسى ، تبدأ چاسمين تجهزها من لبس ل ميكب ، تلبس كروب توب ابيض وچيبة بيضة قصيرة فوق الركبة ب زراير دهبي هاي وسط ، وبليزر ابيض سادة ب زراير دهبي وسلسلة دهبي بسيطة وساعة دهبي ، وميكب بسيط جداً بارز جمالها ، تمسك فونها تكلم عيسى )
نارين : طيب نزلالك
( تقفل وتطلع م الأوضة ، تقرب ع الأسنسير ، تضغط ع الزرار وتقف تستنى ، يتفتح الأسنسير ، تلاقي قاسم جوة )
قاسم : اتفضلي 🙂
( تدخل ب توتر بتحاول تداريه )
قاسم : نازلة ؟
نارين : اة 😊
( يضغط ع الزرار ، يتقفل الأسنسير ، يفضل باصصلها قاسم من رجليها ل شعر راسها ، نارين ملاحظة ودة موترها اكتر ، يقف الأسنسير ، يخرجه منه )
قاسم : حضرتك خارجة ، محتاجة اطلبلك عربية او حاجة ؟
نارين وهي بتمشي : لا لأ اخويا مستنيني برة
قاسم وهو بيمشي جنبها : طب اوصلك ل عنده لحد يضايقك 🙂
نارين : ميرسي 😅
( يخرجه م الأوتيل ، عيسى ف عربيته راكنها ، يشوفهم )
نارين وهي بتقف : ميرسي ي استاذ قاسم تعبتك 😊
قاسم : ايه استاذ دي بقا هتزعليني كدة ، قاسم وبس ياريت
نارين : اوك ي قاسم ، تسلم
قاسم : وبعدين تعب ايه ، دة ياريت كل التعب بالحلاوة دي 🙂
نارين : ميرسي 😊
قاسم : بجد والله مش بجامل ، انتي اجمل بنت شوفتها ف حياتي 🙂
نارين ب احراج : اة ، بعد اذنك 😅
قاسم : اتفضلي 🙂
( تمشي نارين ، تقرب ع عربية عيسى وتركب )
عيسى : مالك ؟!
نارين : امشي بس الأول عشان بيراقبنا !
( يشغل عيسى العربية ويمشوا ، ف الطريق )
عيسى : كان بيقولك ايه ؟
نارين : ولا حاجة ، مش حاجة مهمة
عيسى : ايه يعني ؟
نارين : م قلتلك مش حاجة مهمة
عيسى : بيطلب ايدك للجواز يعني م تخلصي !
نارين : بيعاكسني ماشي
عيسى : لا والله !
نارين : ايوة
عيسى ب ضحك : ودة الي مخلي وشك احمر كدة ، ههههههه 😆
نارين : احمر ، احمر ايه وشي مش احمر !!
عيسى : دة لون الطمطماية ، عندك حق م تلاقيه اول واحد ف حياتك يعاكسك 😄
نارين ب غيظ : لا عسل ، عسل وسكر كدة 😐
عيسى : هههههه 😄
نارين : ع فكرة قالي إني اجمل بنت شافها ف حياته ماشي
( يبصلها )
نارين : يعني متحاولش تقلل ثقتي ب نفسي عشان انا واثقة ف نفسي كويس جداً
عيسى : وانتي ايه الي مضايقك اوي كدة ف كلامي ، احنا جايين هنا ل شغل مش عشان نعمل اختبار ل مدى جمالك ف نظر الرجالة 💁🏻♂️
نارين : نظر الرجالة !
عيسى : اة نظر الرجالة ، الي اتحرش بيكي لفظياً من دقايق دة بيريل ع اي ته مربوطة معدية قدامه ، ولو كان عندك تسعين سنة برضو كان هيمدح فيكي عشان النصباية الي بيحاوله يعملوها علينا ، ف فوقي ي حضرة الظابط وركزي ف شغلنا
نارين ب ضيق : عندك حق !
( يسكته ، تبص نارين قدامها ب ضيق ، وفجأة )
نارين : برضو مش هتهز ثقتي بنفسي 😐
عيسى : ههههه ، ماشي ي عم 😄
( تضير وشها وتبتسم )
نارين : هنقابل ناس بجد ؟
عيسى : اة بس تبعنا يعني ، هنقعد معاهم نص ساعة كدة ف المطعم ، هيورونا الأرض ع اللاب وبعدين نممشي
نارين : اها مقابلة مزيفة يعني
عيسى : ايوة
نارين ب تنهيدة : ماشي
( يوصله المطعم ويقعده مع الناس ، وطبعاً رجالة قاسم مراقبة وبتتجسس وعيسى ملاحظ ، عند قاسم ، نايم ع السرير واروى قاعدة جنبه بتولع سيجارة )
قاسم : كويس إنك قلتلها
اروى وهي بتقوم : امممم ، متنساش بقا
قاسم : رايحة فين ؟
اروى : اوضتي
( تاخد اروى هدومها م الأرض وتدخل التويليت ، عند عيسى ، قاعدين مع الناس ، تزهق نارين ، تلمح شاب ع الترابيزة الي جنبهم بيبصلها ، يبتسملها ، تضير وشها وتقعد ب ارتياح وتمسك فونها ، ياخده من ايدها عيسى وهو بيتكلم مع الناس ، يحطه ع الترابيزة ، تبصله وبعدين تعدل قعدتها )
عيسى ب ابتسامة : تمام ، شكراً ل وقتكم
( يقوم عيسى وتقوم نارين ، يخرجه م المطعم ، يركبه العربية ، يشغل عيسى العربية )
نارين : استنى استنى !
عيسى : ايه ؟!
نارين : نسيت موبايلي ع الترابيزة ، هجيبه
عيسى وهو بيفتح باب العربية : خليكي
( ينزل عيسى يدخل المطعم ف خروج شابين من ضمنهم الي كان بيبتسم ل نارين ، يلمحها ف العربية ، يقرب عليها ويوطي ع شباكها )
عز : تعرفي إنك اجمل بنت شفتها ف الغردقة 🙂
( تتخض نارين من قرب صوته وتبعد عن الشباك وتبصله )
عز : ومش بجامل ع فكرة
نارين ب توتر : شكراً 😕
عز وهو بيمدلها ايده : انا عز 👋🏻
( تتخض من قرب ايده )
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
