رواية الكمين الفصل الثامن 8 بقلم سهيلة سعيد ونور عمر
رواية الكمين الجزء الثامن
رواية الكمين البارت الثامن
رواية الكمين الحلقة الثامنة
نارين : لم ايدك لو سمحت ، ميصحش كدة !
عز ب ابتسامة : انتي بتتلككي ولا ايه 😏
نارين : بتلكك !
عز وهو بيقرب ايده منها : عمتاً انا ملمستكيش ، بس ممكن ان ………
( لسة ايده هتلمسها تزقها بعنف وتمسك دماغه تخبطها ف مراية العربية تكسرها بيها ، يقع عز ف الأرض دايخ ومش مستوعب الي حصل ، يجري عليه صاحبه ، تنزل نارين م العربية وهي متوترة وندمانة ع الي عملته )
حازم وهو بيسند عز : انتي اتجننتي ي روح امك 😡
نارين : خد صاحبك وامشي من هنا احسنلكم 😐
حازم ب انفعال : دة انا هطلع عين اهلك بس اصبري عليا 😡
( يسند عز ل العربية ويركبه ويرجعلها ، تتخض نارين )
نارين : متتجنش احسنلك ☝🏻
( يقرب عليها وهو غضب الدنيا كله جواه ، يرفع ايده ولسة هيضربها بالقلم ، تصد ايده وتضربه بالدماغ ف مناخيره تنزف ف ساعتها ، يقف دايخ وبعدها يقع ف الأرض ، يقرب عليها عيسى )
عيسى وهو بيبص ل حازم ب استغراب : ماله دة !
نارين ب توتر : ااا شكله سكران 😬
عيسى : المراية اتكسرت !!
نارين : مبقولك سكران ، نطح المراية 🤷🏻♀️
عيسى : نطحها !!
نارين : ايوة ، يلا بينا بقا احسن تلجت
عيسى وهو بيبص ع لبسها : م لازم !
( يلف يركب العربية ، تركب نارين )
عيسى وهو بيبصلها : هو مين فيكوا الي نطح المراية ؟!
نارين : مين فينا ايه ، هو !
عيسى وهو بيقرب دماغها عند المراية : اومال ايه دة ؟!
( تلاقي دماغها احمرت مكان م ضربته بالدماغ )
نارين وهي بتبعد : دااااا ، ممكن ناموسة 🪰
عيسى : ناموسة !
نارين : اة الناموس هنا جاموس والله ، اكيد اتقرصت 🙄
( يتنهد عيسى ويشغل العربية ويمشوا )
نارين : بقولك ايه
عيسى : امممم ؟
نارين : انا محبتش اكل الأوتيل بصراحة وجعانة فشخ حالاً ، اكلني
( يبصلها )
عيسى : عليكي طريقة ف الطلب !
نارين : هتأكلني ولا ؟
عيسى : هطفحك
نارين ب فرحة : اشطاا 😊
( يوصله مطعم تاني ، يدخله يقعده ويطلبه اكل ، قاعدين مستنيين )
نارين : احكيلي
( يبصلها )
عيسى ب استغراب : احكيلك ايه ؟!
نارين : احكيلي عنك ، انت زميلي وانا عاوزة اعرفك
عيسى : زميلك !
نارين : ايوة ، زميل عمل 🤷🏻♀️
عيسى ب تنهيدة : عاوزة تعرفي ايه ؟
نارين : كل حاجة
عيسى : زي ؟
نارين : امممم ، ليك اخوات ؟
عيسى : لأ
نارين : عايش مع اهلك ؟
عيسى : لأ
نارين : مرتبط ؟
عيسى : لأ
نارين : ايه ي عم في ايه الدنيا مش كدة !!
عيسى : مش دي اسألتك 💁🏻♂️
نارين : وانت كله لأ !
عيسى : اة كله لأ
نارين ب ضيق : لو مش حابب تتكلم ممكن تقولي وانا هسكت 😒
عيسى : اولاً انتي متقدريش تسكتي يجرالك حاجة والله
( تبتسم )
عيسى : ثانياً انا مش بقولك كدة عشان مش عاوز اجاوب بس هي دي اجابتي ، اهلي مخلفوش غيري ف معنديش اخوات ، عايش لوحدي لإنهم اتوفوا من فترة ، ومش مرتبط عشان مش مرتبط ، بس 🤷🏻♂️
نارين : فكرتك بتألف 😅
عيسى : تؤ
نارين : وليه مش مرتبط ، هو انت صغير !
عيسى : عشان متجيش واحدة زيك تكرهني ف عيشتي 🙄
نارين : انت تطول اصلاً ، طب ونور النبي انا م في مني 😌
عيسى : عليه الصلاة والسلام
نارين : طب مرتبطتش قبل كدة ، مش معقول معرفتش بنات خالص يعني !
عيسى : لا اكيد عرفت وارتبط ، بس محبتش ، علاقات طيارة كدة
نارين ب تريقة : اممممم ، اكيد كان ليك غرض اخدته وخلعت 🤔
عيسى : اها بالظبط
( تتخض نارين كانت بتهزر )
نارين : دة بجد !
عيسى : هو ايه الي بجد ؟
نارين : إنك يعني ، احم ولا حاجة 😐
( يسكته )
عيسى : وانتي بقا
نارين ب انتباه : انا ايه ؟
عيسى : مش هسألك مرتبطة ولا لأ عشان واضح يعني
نارين : واضح ايه ؟!
عيسى : إنه لأ
نارين : وليه لأ ؟!
عيسى : حاسس
نارين : بس انا مرتبطة 😐
عيسى : كدابة
نارين : هو ايه الي كدابة !
عيسى : يعني كدابة
نارين : وليه شايف إني كدابة ، هو انا وحشة للدرجة !
عيسى : لا بالعكس
( تتحرج نارين )
نارين : اومال ليه مش مصدقني ؟!
عيسى : عشان بتكدبي
نارين : برضو !
( يبتسملها )
نارين : انت مستفز 😕
عيسى : انا ؟!
نارين : ايوة
عيسى ب ابتسامة : ليه كدة ؟!
نارين : بتضحك ليه ؟!
عيسى : اعيط ؟
نارين وهي بتضير وشها : مش بقولك مستفز 😒
عيسى وهو بيسند ايده الأتنين ع الترابيزة : بصراحة شكلك بيبقا حلو لما بتتغاظي 🙂
( تبصله ب احراج ووشها يحمر ، يبتسم ويرجع ضهره ل ورا )
عيسى ب ضحك : بتحمري تاني 😄
نارين وهي بتقوم : انا رايحة الحمام 😐
( تمشي بسرعة ، يبتسم عيسى ، ف الأوتيل ، قاعدة اروى وقاسم ف الريسبشن )
اروى : مرجعوش ليه ، المقابلة خلصت من بدري !
قاسم : مش عارف !
اروى : كلم الزفت دة
قاسم وهو بيمسك الفون : ماشي
( يتصل )
قاسم : الو
…….. : باشاااا
قاسم : الناس مرجعتش ليه ؟
……. : نزله قدام مطعم ي باشا ، قاعدين بياكله
قاسم : طيب ماشي ، لما يتحركه كلمني
……. : تحت امرك
( يقفل قاسم )
اروى : ايه ؟
قاسم : دخله مطعم بياكله
اروى ب ارتياح : طيب
( ف المطعم ، قاعدين بياكله )
نارين وهي بتاكل : بس ، ف لما اتوفى بقا كنت انا ف ثانوي ، كان نفسي اوي ادخل سياحة وفنادق
عيسى : اشمعنا ؟
نارين : بحب المطبخ اوي ، كنت حاسة إن هعرف ابقا حاجة كبيرة ف المجال دة
عيسى ب استغراب : انتي مش قلتي قبل كدة مبعرفش اطبخ ؟!
نارين : ايوة بس دة ميمنعش إني بحب الطبخ والمطبخ ، بس اكلي ميتاكلش 😅
عيسى : هههههه 😄
نارين : بس لقيت سكتي هتبقا طويلة اوي فيه ، ف فجأة اتجهت ع كلية الشرطة
عيسى : مع إن لو بالنسبة للعيلة والمسؤلية كانت هتفيدك مادياً اكتر م الشرطة طبعاً
نورين : دة اكيد ، بس لما بابا اتوفى كان في مشاكل بينا وبين عمي الله يرحمه ع ورث بقا والجو دة ، جه ف يوم عندنا واتكلم مع ماما وكدة عشان نحل الموضوع ودي
عيسى : هو ليه ورث عندكم ؟
نارين : المفروض اة ، بس بابا الله يرحمه كتب البيت ب اسمنا ، العمارة بتاعتنا ، ف هو مكانش عاجبه دة ومش مصدق إن بابا عمل كدة ، ف جه بقا يتخانق
عيسى : اممممم
نارين : المهم إن اليوم دة شد مع امي ف الكلام ومد ايده عليها
عيسى : لا والله !
نارين : مش قادرة اقولك القلم الي اخدته منه يوميها لسة معلم ف قلبي لحد دلوقتي ، قلت لا بجد انا لازم ابقا سند ليها هي واختي ومخليش دة يتكرر تاني ، عشان كدة دخلت شرطة ، مش عشان ماديات ، بابا الله يرحمه سابلنا الي يكفينا وذيادة ، هو كان مستشار قانوني
عيسى : امممم ، وسابكوا ف حالكم بقا ؟
نارين : والله ملحقش ، السر الألاهي طلع من قبل م اتخرج 😄
عيسى : النصيب !
نارين : اة والله ، انا كان نفسي اكون زي اي بنت ، احط ميكب والبس فساتين وكعب وتبقا ريحتي حلوة ، وابقا جميلة ف نظر الناس ، بس لو كنت عيشت كدة كنا هنتاكل 😅
عيسى : عندك حق ، بس ع فكرة ، انتي زي القمر ف اي حالة ♥️
نارين ب كسوف : تسلم ع المجاملة ي زميلي 😊
عيسى : مش بجامل ، دي الحقيقة
نارين ب احراج : اوك 😅
عيسى : كلتي ؟
نارين : اة خلاص
عيسى : طب يلا بينا ؟
نارين : هغسل ايدي ونمشي
عيسى : اوك
( تدخل نارين التويليت تغسل ايدها وبعدين ترجع تمشي مع عيسى ، يوصله الأوتيل ويطلعه اوضهم ، لسة نارين هتدخل اوضتها )
عيسى : نارين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
