رواية الكمين الفصل الأول 1 بقلم سهيلة سعيد ونور عمر
رواية الكمين الجزء الأول
رواية الكمين البارت الأول
رواية الكمين الحلقة الأولى
*( شهر 11 ، سنة 2023 )*
( جوة عربية بوليس ل قوات خاصة ، بيركبه ظباط متلثمين ، تتحرك العربية )
بدر بصوت اجهر : احنا متعاملناش مع بعض قبل كدة ي شباب ودي أول طالعة ليا معاكم ، واتمنى متكنش الأخيرة 🥷🏻
الكل ب صوت عالي : ب اذن اللاااااه 🥷🏻
( يوصله المكان والكل ينزل بهدوء وبتشكيلة معينة ، يقربه ع باب خشب كبير ويحطه عنده متفجرات ، ينفجر ويهجمه ع المكان ويمسكه ف الناس ، يخلصه ويحطوهم ف العربية ، وفجأة ، شاب يهجم ع بدر من ورا ويمسكه ويوجه مسدس عند رقبته ، يتخض الكل ويوجهوا اسلحتهم ناحيته )
الشاب وهو بيرجع ب بدر ل ورا : الي هيتحرك فيكوا خطوة هفضي المسدس دة ف دماغه ، نزله ابوياااا ، نزلووووه 😡
( لسة هينزلوه م العربية ……………. )
بدر ب زعيق : محدش ينزلوووو 😑
( يقفه مكانهم )
الشاب وهو بيضغط ع رقبة بدر : قولهم ينزلوووه ، هموتكككك 😡
بدر : الي انت بتعمله دة بيضر ابوك اكتر !
الشاب ب زعيق : نزلووووه 😡
( يشاورلهم بدر ب اة ، ينزله ابوه م العربية ، وفجأة ، يلوي بدر ايده يوقع منه السلاح ويضربه ب كوعه ف وشه يرجعه خطوتين ل ورا ، وبعدها يلف ويضربه ب الشلوت ف دماغه مرتين ورا بعض ، يقع الشاب ف الأرض ، يلف بدر يبصلهم )
بدر : رجعوه
( يرجعه الراجل تاني ل عربية المجرمين ومعاه ابنه ويركبه عربيتهم ، يطلع وراهم بدر )
بدر وهو بيخبط ع العربية : يلاااا 😐👋
( تتحرك العربية ، جوة مكتب ، واقف شاب لابس بدلته الميري قدام الرئيس بتاعه )
انور ب امتنان : مفيش مهمة طلعتها ي عيسى إلا ورفعت راسي وتممتها ، براڤو عليك 🙂
عيسى : اهم حاجة إني تحت حسن ظن حضرتك يفندم 👮🏼♂️
انور : اعمل حسابك هيكونلك مهمة تانية قريب بس اصعب
عيسى : تحت امرك يفندم
انور : بكرة زي دلوقتي تجيلي المكتب عشان اعرفك التفاصيل
عيسى : تمام يفندم
انور : اتفضل 💁🏻♂️
( يأدي عيسى التحية ويخرج م المكتب )
*( ملحوظة .. عيسى شاب وسيم ، بشرته خمرية ، عيونه بني ، دقن خفيفة ، شعره اسود ، طويل بذيادة وجسمه رياضي ، مامته وبباه متوفيين من من ١٥ سنة وهو عايش لوحده وملهوش اخوات ، عنده ٣٢ سنة ، شغلته ظابط ، ظروفه المادية كويسة )*
( يمشي عيسى ف المكان ويحييه كل الي يقابله ف طريقه ، يطلع م المكان يركب عربيته موديل السنة ويمشي ، يقلع الكاب ويحطه جنبه ويفك اول زرارين من قميصه ب ارتياح ، يعدي الوقت ويوصل عيسى شقته ، يدخل اوضته يغير هدومه ويترمي ع السرير ب ارهاق ويغمض عيونه ، يرن جرس الباب ، يفتح عيونه )
عمرو وهو بيخبط : افتح ي عااااام 🙄
عيسى ب ضيق : لاااااااء 🤦🏻♂️
( يقوم عيسى ب ارهاق يطلع برة ، يقرب ع باب الشقة ويفتح )
عمرو : انت نايم ولا ايه ؟!
عيسى : تخيل 🤷🏻♂️
*( ملحوظة .. عمرو صاحب عيسى الوحيد من ايام م كانه ف المدرسة سوا ، شغال ف شركة اتصالات )*
عمرو وهو بيدخل : لا فوق كدة ، انا جاي اخدك نتغدى برة 🚶🏻♂️
عيسى ب ارهاق : خليها يوم تاني ي عمرو بجد فاصل
عمرو وهو بيقعد : لا هتدخل زي الشاطر كدة تغير هدومك وتنزل معايا ، يلا
عيسى : ي عم بقولك مش قادر وربنا 🤦🏻♂️
عمرو : انت عارفني تنح 😊
عيسى ب تنهيدة : لا عارف 😑
عمرو : يلااااااا 🤷🏻♂️
عيسى : هو انت مواركش شغل ي عم ؟!
عمرو : شفت بالليل ف هقرفك بالنهار
عيسى ب يأس : طيب 🙄
( يدخل عيسى اوضته ، ف مكان تاني ، جوة اوتيل كبير ف الغردقة ، بنت ف سويت فوق ، واقفة قدام المراية بتظبط شعرها ، تخلص وتقعد ع طرف السرير تلبس هيلز بيچ ع فستانها الأزرق القصير وبعدها تقوم تخرج م السويت ، تنزل تحت بكل شياكة )
قاسم : صباح الخير
اروى : صباح الخير
*( ملحوظة .. اروى بنت جميلة ، بشرتها قمحية ، عيونها رمادي ، شعرها تلجي ، طويلة وجسمها رياضي مظبوط ، عندها ٣٠ سنة ، كانت متجوزة وجوزها اتوفى من سنتين ، تبقا صاحبة الأوتيل ودة يبقا من ضمن الأملاك الي سبهلها جوزها ، اهلها مسافرين ل شغل برة مصر وهي واخوا جوزها متوليين الشغل جوة مصر )*
*( ملحووظة .. قاسم شاب وسيم ، بشرته بيضة ، شعره اسود ، عيونه عسلي ، طويل وعريض جسمه رياضي ضخم ، عنده ٤٠ سنة ، يبقا اخو جوز اروى وشريك معاها ف الأوتيل )*
اروى : جهزه كل حاجة ؟
قاسم : زي م طلبتي
اروى : اهتم ب السويت اكتر
قاسم : بكل تفصيلة متقلقيش
اروى : تمام 😒
( ف بيت عيسى ، قاعد عمرو بيبص ف ساعته )
عمرو ب زهق : م تخلص ي عم بقاااا 🙄
( يقوم عمرو ويقرب ع اوضة عيسى ويدخل ، يلاقي عيسى نايم وبيشخر )
عمرو ب زعيق : ايه دااااااااا 😲
( يقوم عيسى مفزوع )
عسى وهو بيحدفه بالمخدة : يلعن ابو معرفتككك 😡
عمرو ب ضحك : ااااه هههههه 😂
( تاني يوم الصبح ، جوة قاعة الأجتماعات ، قاعدين انور وعيسى ع ترابيزة كبيرة وقدامهم شاشة كبيرة )
عيسى ب استغراب : حضرتك انا عمري م اشتغلت ف المهمات الخاصة مع حد ، دايماً بخلصها لوحدي !!
انور : المهمة دي بالذات مينفعش تخلصها لوحدك
عسى : ليه ؟!
انور : هتعرف دلوقتي لما ييجي شريكك
عسى : تمام !
انور : هيكون معاك الرائد بدر كساب
عيسى : تمام
( يخبط الباب وتدخل بنت لابسة بنطلون وايد ليج وعليه هودي ب كم ولامة شعرها كحكة ومتسرح ل ورا جامد باين وشها بوضوح )
البنت : صباح الخير 😊
الكل : صباح الخير !
( تقرب تقعد قصاد عيسى ، يبصلها ب استغراب وبعدين يبص ل انور )
انور : الرائد بدر كساب ، أأقصد نارين بدر كساب 💁🏻♂️
( يتخض عيسى ويبص ل نارين )
انور : الي هتبقا شريكتك ف المهمة
عيسى ب خضة : نعم !!
نارين ب خضة : ايه 😕
*( ملحوظة .. نارين بنت جميلة ، بشرتها بيضة ، عيونها خضرا ، شعرها اسود طويل بس دايماً لماه كحكة ، طولها متوسط وجسمها مظبوط ورياضي بس دايماً لبسها رجالي وواسع ، عندها ٢٨ سنة ، بتشتغل ظابط وبتحب شغلها جداً وشاطرة فيه ، والدها متوفي من ٧ سنين ، عايشة مع مامتها وليها اخت عندها ٢١ سنة ، ظروفها الماية كويسة جداً )*
عيسى : شريكتي ازاي مش فاهم !!
انور : شريكتك ، يعني معاك ف المهمة ، هو ايه الي مش فاهم ، هي دي محتاجة شرح ؟!
عيسى ب استغراب : هشتغل مع حريم ازاي !!
نارين : ايه حريم دي م تحسن ملافظك !
عيسى وهو بيبصلها : ملافظي !
نارين : اة ملافظك ، الحريم الي مش عجباك دي من اكفئ الظباط هنا ، واسأل ع نارين بدر كساب كويس 💁🏻♀️
عيسى : من غير م اسأل ، انا مش هشتغل مع حريم !
نارين : برضو هيقولي حريم 🙄
عيسى وهو بيبصلها ب قرف : لا م صح ، هما فين الحريم دول !!
( تبصله ب غيظ )
انور : خلصته ردح لبعض قصادي ؟
( ينتبهوا لوجوده ويقعده كويس )
انور : في أمر صدر م الوازة بضمكم سوا ، يعني طلعته نزلته هتشتغله سوا ، تمام ؟
( يبص عيسى ل نارين ، تبتسمله ب سماجة )
عيسى ب تنهيدة : تمام 😒
انور : نشوف شغلنا بقا
نارين وعيسى : اوك
( يشغل الشاشة ، تظهر صورة اروى )
انور : دي اروى المنشاوي ، من كبار تجار المخدرات ف مصر ، جوزها متوفي ، عندها اوتيل وشريك معاها فيه اخو جوزها 💁🏻♂️
( يجيب صورة شاب )
انور : قاسم احمد عبيد ، الأوتيل دة غطا ل تجارتهم ل المخدرات ، اهل اروى عايشين ف اسبانيا متابعين كل الشغل من برة ، واروى وقاسم متولين كل الشغل جوة مصر ، وطبعاً ب أمر ومتابعة منهم ، مفيش حد قادر يمسك عليهم اي حاجة لإن محدش قادر يكون قريب منهم ، هما حريصين جداً وتعاملهم مع الناس ب حدود 👌
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
