رواية الكابوس الفصل الرابع 4 بقلم دنيا وائل
رواية الكابوس الجزء الرابع
رواية الكابوس البارت الرابع
رواية الكابوس الحلقة الرابعة
فوقت من سرحان علي صوت هدى وهي بتقول
هدي: انا هشوف ماما لو محتاجه مساعده
عمرو : ماشي
طلعت هدي وسابت الباب مفتوح، عمرو قرب وهو بياخد نفس طويل
عمرو : اخيرا فوفتي ، كنت مرعوب وانا شايفك في الحالة دي ومش قادر اعمل حاجه، كنت حاسس انِ عاجز
مردتش عليه وحاولت ابعد عيني عنه
عمرو : مبترديش ليه، خديجه انا حاولت، حاولت بكل الطرق امنع بابا اننا نسافر
قرب عليا وهو بيمسك ايدي
عمرو: خديجه انتي عارفه ان انا بح….
شديت ايدي منه واتكلمت بصوت عالي
خديجه : عمرو بعد اذنك، انت مش صغير علشان اقولك ان ده غلط وان احنا كبرنا وانت اجنبي عني ف بعد اذنك ممكن تسيبني اغير هدومي ونتكلم وقت تاني
عمرو : تمام ي خديجه
طلع وقفل الباب وراه وانا عيطت، عيطت علي كل حاجه ضاعت في حياتي ، ودلوقت بضيع عمرو كمان مسحت دموعي وانا بردد بس هو هو الي سابني زمان بس هو ملوش ذنب عمي هو الي أصر انهم يسافرو انا لازم اتأسف له على طريقتي دي
غيرت هدومي وطلعت كانت طنط سحر بتحط الاكل علي السفره وهدي بتساعدها وعمي بيقرأ الجريده
طنط سحر :كنت لسه هناديكي تعالي يلا اقعدي، يالا ياابو عمرو الاكل جاهز
عمي ساب الجريده وقام طبطب علي كتفي وهو بيقول
عمي :تعالي خدي ياخديجه اقعدي هنا جنبي وانتي ياهدي فين اخوكي علشان مكلش حاجه من الصبح
هدي : قال هيغير هدومه ويرتاح شويه
عمى بصوت عالي: عمرو يا عمرو
عمرو جه على الصوت
عمرو: خير يابابا في حاجه
عمي :تعالي علشان تاكل مع بنت عمك يلا
بصلي ثانيه ورجع بص لعمي
:مش جعان بعد اذنك
عمي :استني انت مأكلتش حاجه من الصبح يلا وبعدين بقالنا كتير متجمعناش اقعد يلا
عمرو:حاضر
قعد قدامي وطنط قعدت جنبه وهدي قعدت جنبي
مرفعش عينه من علي الاكل وانا حسيت بالذنب اني كلمته بالطريقه دي
عمي : خديجه
خديجه:نعم يا عمي
عمي : من النهارده اوضتك انتي وهدي واحده هتفضلي هنا فى البيت وكل الي هتحتاجيه هيكون عندك ومن بكره ترجعي الكليه، كفايه لحد كده انتي بقيتي احسن
وهدي كمان هننقل ليها ورق الكليه من بكره وهتكون معاكي
ابتسمت وانا ببص على هدي ولقيتها فرحانه
خديجه :حاضر ياعمي
كمل كلامه وهو بيبص على عمرو وانت ياعمرو من بكره ترجع لشغلك تاني انت حاربت علشان تكون م…..
قطعه عمرو بسرعه وكأنه بيحاول يخبي حاجه
عمرو : حاضر يابابا كل الي عايزه هيحصل
بابا هز راسه وسكت
كملنا اكل وعمي وعمرو قامو واحنا شلنا الاكل ودخلنا المطبخ
طنط سحر :ارتاحي انتي ياخديجه انتي لسه تعبانه
خديجه : لا مش تعبانه ولا حاجه وبعدين انا طول الاسبوع علي السرير
هدي : ماما هتعملي القهوه لعمرو ولا اعملها انا
كانت طنط سحر لسه هتتكلم ف قطعتها
: هو ممكن اعملها انا عادي
هدي بصتلي بخبث : اعمليها انتي ياهدي عمرو كان بيحبها من ايدك زمان
بصتلها بإحراج وسكت
طنط سحر : انا هعمل لعمك الشاي انتي اعملي القهوه لعمرو
هزيت راسي ووقفت اعملها وهدي بتقلب في الفون وطنط بتعمل الشاي
طنط : انا هطلع الشاي
خديجه : خلاص خلصت القهوه خدي يا….
بصيت ملقتش هدي جنبي طلعت بالقهوة اشوفها فين بس كانت بتتكلم في الموبيل في البلكونه
فكرت استناها تخلص وتدخلو هي القهوه بس القهوه هتبرد وهو مش بيحبها بارده
ف قررت ادخلها واعتزر له بالمره
خبط علي الباب
عمرو :ادخل
خديجه :القهوه
رفع راسه من علي الاب توب وهو مستغرب
عمرو :انتي الي عملتيها
دخلت وسبتها علي الترابيزه
خديجه :ايوه
عمرو:شكرا
خديجه :العفو..
يعني انا كنت.. كنت عايزه اقولك ان مكنتش قصدي اكلمك بالطريقه دي بس انت غبت كتير اوي
وانا….
اخدت نفس طويل وانا بقول له
خديجه:اسفه
عمرو: خديجه انا حاولت اكلمك كتير ولما كنتي بتوافقي تكلميني كنتي بتحسسيني اني غريب عنك،
حسيت ان دي مش خديجه الي اعرفها قصدي.. الي يعتبر مربيها علي ايدي
بصيت في الارض : مكتش متخيله انك ممكن تسبني في يوم من الايام
رفع وشي : خديجه انا بحبك وهفضل احبك، انا رجعت من اسبوعين مصر وكنت عملهالك مفاجأه ولولا الي حصل كان زماني بتقدملك دلوقت
اتوترت وعنيا لمعت وحاولت اتوه في الموضوع
خديجه : انا انا.. هكلم هدي بتنادي عليا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكابوس)
