رواية القاسي والقوية الفصل التاسع 9 بقلم مريم هاني

رواية القاسي والقوية الجزء التاسع

رواية القاسي والقوية البارت التاسع

رواية القاسي والقوية الحلقة التاسعة

فهد بصدمة وصريخ:نعععععععم
بينما سوزى كانت تنظر له نظرة شماتة وفرحة ف نفس الوقت وقد لاحظها سيف فقال لفهد:اهدى يافهد واقعد.وشاور بعينيه على سوزى ففهم فهد مقصده فجلس مرة اخرى بغضب كبير
فهد:ممكن تقولى هو انت متأكد انه كان ف كامل قواه العقلية لما كتب الشرط دة
فوزى:طبعا كان ف كامل قواه العقلية وانا شاهد على كدة كمان ودلوقتى يافهد بيه الشرط واضح وهو انك تتجوز وتخلف كمان والكلام دة قبل ما تكمل 31 سنة يعنى معاك بالظبط 3 شهور ها موافق وكل حاجة تبقى ليك وبتاعتك ماعدا ڤيلا صغيرة ف الساحل و5 مليون جنيه هيبقوا لمدام سوزى ولا رافض وكل حاجة تبقى النص بالنص بينكوا انتوا الاتنين
بالتأكيد سوزى كانت فرحة للغاية لانها تعلم ان فهد لن يقبل بهذا الشرط لانه يرفض فكرة الزواج تماماً ظل الحال هكذا لفترة فقط الصمت هو سيد الموقف الى ان قطعه سيف بقوله:استاذ فوزى ممكن بعد اذنك تسبنى انا وفهد شوية وبعد كدة هنبلغك قرارنا
فوزى:اكيد طبعا خدوا راحتكوا اتفضلى معايا مدام سوزى شوية نسيبهم يتناقشوا
سوزى بأبتسامة مصطنعة ف هى لا تطمأن لهذا سيف لانه دائما بجانب فهد وينصحه دائما:اة اكيد اتفضل
وخرجوا الاثنان من الغرفة كانت سوزى تنوى ان تتنصت عليهم ولكن فوزى لم يترك لها الفرصة لهذا
فوزى:مدام سوزى اتفضلى الكرسى هناك اهو مش جمب الباب اتفضلى استريحى
سوزى بأبتسامة صفراء:اة شكرا اوووى يا فوزى
فوزى بنفس الابتسامة:لا شكر على واجب وياريت منشلش التكليف اللى بينا عن اذنك
وتركها تقف تغلى من غيظها حاولت ان تسمع اى شئ ولكن لا فائدة بينما ف الداخل كان سيف وفهد جالسين مقابل بعضهم فقال سيف:طبعا انت هتوافق على الشرط دة
فهد:انت اتجننت يا سيف لا طبعا مستحيل
سيف:طب بالعقل كدة تعالى نحسبها انت عندك استعداد تسبلها نص الثروة بحالها
فهد:لا طبعا دة انا لو اطول اخد روحها بأيدى كنت عملتها
سيف:حلو اوووى كدة يبقى تستحمل الشرط دة وتنفذه وساعتها تبقى انت اللى فوزت وبعدين انت ماشوفتش هى كانت بتبصلك ازاى دى متأكدة انك هترفض عشان كدة هى مطمنة ومعتقدش انك تحب تشوفها مطمنة ومرتاحة ولا اى
فهد:معاك حق انا عايزها تموت من القهر دة غير اللى هعمله فيها طبعا بس الاول هسويها على الهادى زى مابقوله
سيف:ايوة كدة انا هنده فوزى واقوله انك موافق
فهد:مش بالظبط
سيف:يعنى اى مش بالظبط مش فاهم قصدك
فهد بخبث:انا هتجوز ومش هتجوز ومش هخلف كمان وكدة هبقى نفذت شرطه وكمان معملتش حاجة غصب عنى
سيف بأستغراب:انا مش فاهم حاجة ازاى هتتجوز ومش هتتجوز يعنى اى تعويذة دى وبعدها نظر له بشك قائلا:ناوى على اى يابن السيوفى مش مستريحلك والابتسامة دى كمان مش مطمنانى خااااااالص
فهد:ولا اى حاجة كل اللى ناوى عليه انفذ وصية ابويا بس بطريقتى انا انت عارف محبش اكسر كلام والدى ولا اى يلا روح اندهلى فوزى والزبالة التانية
سيف:تمام بس ياريت تمسك اعصابك قصادها
وقام سيف نده على فوزى وسوزى ف دخلا الاثنان الى المكتب كان فهد وسوزى ينظران لبعضهم البعض بنظرات تحدى وغضب وسخط(ناقص تقوموا تدوا بعض بالكراسى😂)واخيرا نطق فهد وهو موجه نظره الى سوزى بتحدى:انا موافق على الشرط يا استاذ فوزى لكن انا كمان عندى شرط
فوزى بأستغراب:اى هو الشرط دة
فهد:انا اللى اختار العروسة اللى تعجبنى وتريحنى
سوزى بسخرية:وانت بيعجبك العجب اصلا وبعدين مين دى اللى هترضى بواحد زيك شبه المعقدين
فهد ببرود:هو انتى حد خد رأيك لا سمح الله ولا حد طلب منك تتكلمى معتقدش كدة خالص يبقى نقطينا بسكاتك بقى عشان مترجعيش تندمى ف الاخر وانتى فاهمة قصدى مفهووووم..قال اخر كلماته بتحذير جعلها ترتبك قليلا
فوزى:خلاص بقى يا مدام سوزى خلينا نخلص من الموضوع دة وانت يافهد انا قابل شرطك لان والدك مشترطش انها تكون عروسة معينة بالعكس كان حابب انك انت اللى تختارها بنفسك عشان مترجعش تندم بعدين بس فيه حاجة كمان لسة ماقولتهاش
فهد بأستغراب:فى اى تانى مطلوب اخلف كمان قبل ما اكمل 31 ولا اى ما هو مش ناقص غير كدة بس دى حاجة ف ايد ربنا اعترضوا بقى
حاول سيف وفوزى التحكم فى انفسهم حتى لايضحكون ف قال فوزى بعد ان سيطر على نفسه قليلا:احم لا طبعا بص انت مش هتاخد اى حاجة من الثروة لا انت ولا المدام سوزى غير لما يعدى على جوازك على الاقل سنة
فهد وهو يقف:تمام مافيش مشكلة يلا يا سيف عن اذنك يا استاذ فوزى
سيف:يلا بينا مع السلامة استاذ فوزى
فوزى:مع السلامة اتفضلوا
وذهبوا كلاهما بينما سوزى ظلت مكانها تغلى من الغضب ما ان خرجوا من المكتب حتى انفجرت ف فوزى:يعنى اى اللى بيحصل دة يعنى هو يكتب لابنه كل حاجة وانا يكتبلى شوية ملاليم ازاااااى بعد ماضيعت عمرى معاه لا يمكن انا مش هسمح بكدة
فوزى بهدوء وبرود:ولاهى محدش جبرك تعيشى معاه وتضيعى عمرك اللى انتى زعلانة عليه اوى كدة دة اولا ثانيا بقى انتى فاكرة انه كان هيكتبلك حاجة ويسيبك تشاركى ابنه اكيد لا طبعا ثالثا احمدى ربك انه سابلك حاجة اصلا انتى عارفة كويس ف اخر فترة من حياته كان اى اللى بيحصل ف اهدى كدة واحمدى ربك
ارتبكت سوزى قليلا:انا مش…….
قاطعها فوزى بقوله:سوووووزى مافيش داعى تلفى وتدورى خصوصا عليا انتى فاهمة ودلوقتى يلا برة انا مش فاضى بررررررررة
خرجت من مكتبه وهى تسب وتلعن بأبشع الافاظ وتتوعد كثيرا لفهد:ماشى يا ابن السيوفى ودينى ماسيباك ف حالك مش بعد كل اللى عملته السنين اللى فاتت دى كلها تيجى انت وتلهف كل حاجة انا هوريك مين سوزى الصياد
•~•~•~•~•~•~•~•
اما عند اسيل فقد وصلت الى منزل صديقتها لمار طرقت الباب لتفتح لها والدة لمار(صفاء) مرحبة بها:اسيل حببتى عاملة اى ومامتك اخبارها اى
اسيل:الحمدلله كويسة وبتسلم عليكى
صفاء:الله يسلمها سلميلى عليها كتير ولاهى كنت بفكر اجيلها بس للاسف مفضتش
اسيل:ولا يهمك يا طنط تعالى ف اى وقت تشرفى صحيح يا طنط هى لمار جوة
صفاء:اة يحببتى جوة خشيلها هى قاعدة على السرير عاملة زى شوال البطاطس اهى
فسمعوا صوت قادم من الداخل:سمعتك على فكرة يا مرات ابويا انتى
صفاء:بس يبنت الجزمة وطى صوتك خشى يبنتى
اسيل بضحك:ههههه ماشى يطنط عن اذنك
صفاء:اتفضلى يحببتى
لمار:ايوة ايوة عامليها حلو كأنها هى اللى بنتك مش انا ااااااة فينك يا طنط فرى انتى اللى بتنصفينى دايما اهئ اهئ اهئ
صفاء ببرود:خلصتى وصلة النواح بتاعتك خدى اسيل يلا وخشوا اوضتك يا اخرة صبرى
لمار:احم اسيل يحببتى عاملة تعالى عايزاكى ف موضوع مهم
اسيل بضحك:هههههه مش قادرة انتى وطنط ولا كأنكوا ضراير😹
لمار بضيق:ولاهى يبنتى لو كنت ضرتها بجد ماهتعمل معايا كدة
اسيل:المهم قوليلى مالك تعبانة فى اى ما انتى زى القردة اهو
لمار ببراءة مصطنعة:ابدا حاجة بسيطة شوية برد على كحة ناشفة وسخونية عالية حبة صغننة ومش راضية تنزل مهما اخد ف خافض بس
اسيل بخوف وصدمة: بتقولى بسسس يخربيتك كوروووووووونااااااااا الحقينييييييي يا طنط بنتك عندها كورووووووونا يااااااا طاااااااانط
خرجت صفاء من المطبخ فزعة:فى اى يا اسيل بتصرخى كدة لى ومين عنده كورونا
اسيل:بنتك يا طنط عندها كورونا
صفاء بأستغراب:بنتى انا….ثوانى وقد فهمت ما حدث فقالت لاسيل:طب بصى وراكى كدة
نظرت اسيل خلفها وجدت لمار واقعة على الارض وماسكة بطنها من شدة الضحك:ههههههه لا لا بجد مش قادرة هههههههه شوفتى شكلك كان عامل ازاى ههههههههه كان حتة ڤيديو تحفففففة ههههههههه
اسيل بغضب:اة يا حيوانة بقى بتضحكى عليا طب وربنا لاوريكى..وجريت ورائها وهم يضحكون وكانت تراقبهم صفاء وهى تقول:كأنهم لسة اطفال مش بنات كبار ف جامعة لا وكمان هندسة انا هخش اجهز الاكل احسن…بينما اسيل ولمار ظلوا هكذا لفترة حتى انهكت قواهم على الاخير ف قالت لمار:لا لا خلاص مش قادرة هلكت
اسيل:وانا كمان خلاص مش قادرة صحيح يبت ماما بتسلم عليكى وبتقولك الف سلامة
لمار:الله يسلمها صحيح هى عاملة اى
اسيل بحزن:مش كويسة خالص يا لمار الصبح لاقيتها مغمى عليها ف المطبخ ومن يومين رجعت البيت لاقيتها وشها مصفر والتعب باين عليها جامد انا خايفة عليها اوى لو حصلها حاجة مش هقدر اعيش
لمار:اهدى يا اسيل انشاء الله هتكون كويسة طب روحتوا لدكتور
اسيل:هنروح بكرة انا حجزت عند الدكتور اللى متابعة معاه لسة هنروح بكرة ونشوف هيقول اى
لمار:انشاء الله خير اطمنى
اسيل:يارب يا لمار
لمار وهى تحاول ان تخرج صديقتها من حزنها:قوليلى صح عملتى اى انهاردة ولما روحتى الجامعة اى اللى حصل وف الشركة كمان احكيلى كل حاجة عايزة التفاصيل يلا احكيييي
ابتسمت اسيل على صديقتها ف هى تعرف انها تريد ان تخرجها من حزنها:بصى يستى اللى حصل….وادى كل حاجة حصلت من وقت ما روحت الجامعة لغاية دلوقتى
لمار:بجد بجد بجد انتى جبارة واللى بتشتغلى عنده دراكولا جمبه ولا حاجة انتوا الاتنين هتيجوا ف مرة تولعوا ف بعض وف الشركة كلها😂😂
اسيل:ولاهى هو يستاهل لا ولاهى فاكرنى عشان بنت ف هسكتله دة بعينه وبعدين كدة احسن عشان يتعلم ازاى يتكلم مع الناس بأحترام شوية ويفصل بين حياته الشخصية والعملية
لمار:معاكى حق وفعلا انتى عملتى الصح بس يارب ميحطكيش ف ماغه اكتر ماهو حاطك اصلا
اسيل:يستى يحطنى براحته شكله بيموت ف الصداع صح كلامى😉😂
لمار:ههههه فعلا
اسيل:بقولك اى انا همشى بقى
لمار:لا خليكى شوية انتى ملحقتيش تقعدى
اسيل:معلش يا ليمو عشان ماما مستنيانى على الغدا وانتى عارفة انها لازم تاخد الدوا بعد الغدا
لمار:خلاص روحى عشان طنط ومتنسيش بكرة تكلمينى وطمنينى عملتى اى
اسيل:ماشى حببتى يلا باى
لمار:باااى
وذهبت اسيل من عند لمار وصلت منزلها وفتحت الباب حتى تدلف شقتها وعندما دلفت وجدت……
•~•~•~•~•~•~•~•
اما عند فهد ف عندما خرج هو وسيف من مكتب فوزى المحامى ركبا سيارة فهد فقال سيف:قولى بقى ناوى على اى بالظبط انا مفهمتش منك حاجة فوق
فهد:سيف ممكن تبطل زن زى الستات وتسكت شوية
سيف بغيظ:زى الستات يافهد دة جزاتى عشان خايف عليك يعنى وعايز اطمن عليك
فهد بضحك:ههههه يعم متزعلش اوى كدة بس انت من ساعة ما خرجنا من مكتب فوزى وانت مافيش على لسانك غير الموضوع دة صدعتنى
سيف:اقولك الحق عليا يارب تولع بجاز وسخ اوسخ من دماغك اللى شبه الحجر دى
فهد:مش ملاحظ ان لسانك طول شوية
سيف:لا يقلبى دة انت اللى بيتهيألك…وفضل يسبل بعنيه زى البنات
فهد بأستغراب:فى اى يلا مالك ماتظبط كدة اقسم بالله ارميك من العربية ولا يهمنى حاجة لا اخويا ولا ابويا حتى فاهم
سيف بضحك:ههههههه واطى وتعملها يحبيبى😂
فهد:ولا انزل ياااه انا اصلا مش مستريحلك من بدرى انزززززززل
سيف:ههههههه لا لا خلاص بجد نتكلم جد شوية قولى فعلا ناوى على اى على الاقل عشان اقدر اساعدك ف اللى انت عايزه
فهد بتنهيدة:ولاهى يا سيف انا نفسى لسة مش عارف محتاج ارتب افكارى الاول وبعدها اكيد هقولك اومال مين اللى هيساعدنى يعنى
سيف:ماشى يفهد بس حاول تسرع ف تفكيرك اديك شايف مافيش ادمنا غير 3شهور مش اكتر
فهد:اطمن انا عارف انا بعمل اى وعامل حساب كل حاجة متشلش هم حاجة
سيف:ماشى يكبير….يلا اطير انا بقى سلامووووز
فهد:ههه سلام
رحل سيف ودخل الى ڤيلته بينما فهد توجه الى قصره وعندما وصل نده على الدادة انعام
الدادة انعام:ايوة يا فهد بيه
فهد:اقسم بالله انتى الوحيدة اللى لما تقولى بيه ببقى عايز اولع ف نفسى
انعام بأبتسامة:لالا بعد الشر عليك يافهد
فهد بأبتسامة:ايوة كدة كدة احسن
انعام:ماشى قولى كنت عايز اى بقى
فهد:اة معلش هتعبك حضريلى الغدا وطلعهولى فوق مع القهوة بتاعتى
انعام:حاضر ثوانى والاكل يكون جاهز
اومئ لها فهد وصعد الى غرفته اخذ حماما وابدل ملابسه الى ملابس بيتيه مريحة ثوانى ودلفت انعام بالطعام والقهوة وخرجت بعدها من الغرفة بينما هو تناول طعامه وعند شربه للقهوة تذكرها تذكر صاحبة العيون الزرقاء التى تشبه البحر وتذكر ايضا شجارهم صباحا وكيف تحدثت معه ف المكتب كيف لا تهابه او تخاف منه كيف لاترتجف عندما تراه او تسمع اسمه مثل البقية كان يغلى من الغضب عند تذكره هذا وفجأة خطرت بباله فكره:بس هى دى لاقتها ولاهى لاخليكى تبكى بدل الدموع دم يا اسيل هخليكى تلعنى الساعة اللى شوفتينى فيها لا اللى اتولدتى فيها اصلا
ابتسم ابتسامة خبيثة لا تدل على الخير وبعدها ظل يعمل قليلا على حاسوبه الى ان انتهى وغط فى سبات عميق
•~•~•~•~•~•~•~•~•
بينما عند اسيل عندما دخلت المنزل وجدت امها ترتب المنزل وتنظفه مما جعلها تغضب بشدة
اسيل:مااااااامااااااااا
فريدة بخضة:فى اى يجزمة انتى خضتينى
اسيل بغضب:انا قولت اى الصبح قبل ما انزل قولت ماتعمليش حاجة ف البيت صح ومع ذلك برضه عملتى اللى ف دماغك وبتنضفيه
فريدة:يبنتى اتخنقت من القاعدة قولت اقوم اعمل اى حاجة بدل قعدتى دى
اسيل:يا ماما يا حببتى انا عارفة ان القاعدة بتخنق بس دة لمصلحتك صدقينى يا ماما انا مش هستحمل لو جرالك حاجة ولاهى اموت بعدك😢
فريدة:بعد الشر عليكى اى اللى انتى بتقوليه دة وعلى العموم خلاص يستى هسمع الكلام حلو كدة
اسيل:اة حلو يلا انا هسخن الاكل وناكل سوا اشطا
فريدة:ماشى يستى يلا مستنياكى
ذهبت اسيل ابدلت ملابسها وادت فرضها وذهبت لتحضر الطعام واكلوا سويا وبعدها اعطت امها الدواء وظلت معها حتى غفت بينما هى ظلت تذاكر قليلا الى ان تأخر الوقت وغطت فى سبات عمي
•~•~•~•~•~•~•~•
فى صباح يوم جديد ملئ بالاحداث والمفاجأت تستيقظ بطلتنا تأخذ حمامها وتؤدى فرضها وتبدل ملابسها ارتدت فستان ازرق وشال على الكتف من اللونين الازرق والبيچ به حزام دهبى من الخصر يمسك بالشال وطرحة بيچ وكوتشى من نفس اللون وحقيبة زرقاء
ذهبت لوالدتها حتى توقظها قائلة:ماما ماما انتى فين
فريدة:اى يا اسيل انا هنا ف المطبخ
اسيل:برضه يا ماما مافيش فايدة فيكى
فريدة:بقولك اى اخلصى تحضير الفطار بيتعب ف اى
اسيل:خلاص خلاص انى اسف
فريدة:ايوة كدة ناس ماتجيش غير بالعين الحمرا
اسيل بضحك:هههه قصدك زرقا
فريدة:يلا يا كلبة من هنا
وتناولوا الافطار سويا وبعدها ذهبوا الى الطبيب قام ببعض الفحوصات لفريدة وبعد مايقارب الساعتين
اسيل:خير يا دكتور فى اى
الدكتور ببعض التوتر:ففى الحقيقة مش عارف اقولك اى بس انتى لازم تبقى قوية
فريدة:فى اى دكتور ماتتكلم
اسيل بخوف:اتكلم يا دكتور سيبت ركبنا فى اى
الدكتور:ف الحقيقة………