رواية الشيخ مبروك الفصل الخامس 5 بقلم ياسر عودة

رواية الشيخ مبروك الجزء الخامس

رواية الشيخ مبروك البارت الخامس

رواية الشيخ مبروك الحلقة الخامسة

توقفنا فيما سبق حينما لم يستجيب احد لطلب الشيخ مبروك ويتزوج من الست نور وقرر حينها الشيخ مبروك ان يتستر عليها هو ويساعدها فى توبتها ، اعلن الشيخ مبروك كما اخبرنا من قبل عن طلبه من نور ان تتزوجه فى صدمه وحيره ممن حوله حتى الشيخ صابر جذب اليه الشيخ مبروك وقال له بصوت منخفض : يا سدنا انت ازاى راجل فى مكنتك يتجوز وحده يا عوذب الله منها ومن سمعتها .
نظر اليه الشيخ مبروك وتبسم وقال له : يا شيخ صابر ، ربك بيقبل التوبه ، وحطنى فى طرقها علشان اكون سبب ، مين عارف مش يمكن بعد زمن الناس تقول ستنا نور اتجوزت واحد فقير نكره اسمه مبروك .
الشيخ صابر : يا سدنا كلام ايه دا .
الشيخ مبروك : يا شيخ صابر ، ربك علام بالقلوب ، والغيب دا اختصه لنفسه ، محدش عارف بكره فى ايه ، يعنى ستنا رابعه العدويه كانت ايه فى بدايه حيتها واختتمت حيتها ازاى ولا انت نسيت يا شيخ صابر .
الشيخ صابر : لا حول ولا قوة الا بالله ، اللى تشوفوا يا سدنا ، اكيد انت شايف اللى ميشفهوش واحد زى ، ربنا يعطيك ويبارك فيك يا سدنا .
احضر الشيخ صالح من يعقد قران الشيخ مبروك على الست نور بداخل المسجد واعلن زواجهما ، فقالت نور للشيخ مبروك : يا سدنا سترت عرضى وشرفى واكرمتنى اخر كرم وانا مستهلش كل الخير دا ومش عارف ارد جمايلك دى ازاى .
الشيخ مبروك : متقوليش كدا يا نور ، انا شفتك فى منامى قبل ما تظهرى فى المسجد وكنتى فى احسن صوره ، ومدام حبيبى وريكى ليا يبقى بيحبك ولو ربك حب حد يا بخت اللى يرفقه ويكون جنبه ، قومى يا نور روحى بيتك ادعى وصلى ووضبى على الصلاه والاستغفار ، هيتعملك كشك تسترزقى منه وتصرفى منه على نفسك ولما يفيض منك حاجه حطيها بالمسجد ، انا كل فتره هاجى اشوفك محتاجه حاجه ولا لاء ، وانتى لو احتجتينى هتلقينى هنا .
قبلت نور يد الشيخ مبروك وقامت للذهاب لبيتها ، لم تخرج نور كما دخلت للضريح والمسجد ، فدخلت وهي تتلقى اللعنات والنظرات الجارحه والهمسات المسموعه عن سمعتها السيئه ورخصها بين الحريم بوجه عام ، ولكن الان وهى تغادر الضريح مرفوعه الرأس ، تشعر وكانها ملكه متوجه على العرش ، فلقد تسترت وتزوجت مثل اشرف السيدات الاحرار ، اصبحت فى عصمت رجل وليس اى رجل انما هو رجل يعتبره الناس سيد لهم ، خرجت نور ومن كان يلعنها ويسبها الان ينظر فى الارض احتراما لها ولزوجها ، لم يلقبها احد بعد اليوم بفتاه الليل او ذو جسد رخيص بل اصبحوا يلقبونها بالست نور مرات سدنا ، وبالرغم من انه مجرد زواج للستره وليس اكثر فنور تعلم ان الشيخ مبروك زاهد بها وانه تزوجها ليعلى من كرمتها ويساعدها على التوبه ورغم ذلك شعرت انها اسعد انسان على وجه الارض ، وقسمت لربها ان تظل على توبتها مهما حدث ، وتصون شرف ذلك الرجل الكريم الذى حملت اسمه الشيخ مبروك .
مرت الايام والاسابيع وبعض الشهور وكل يوم تزيد بركات الشيخ مبروك ويشتهر بشكل كبير جدا ، وفى احدى الايام كان مبروك يصلى وبعد انتهاء صلاته جلس بجانب الضريح يستغفر فتبسم وقال لنفسه وحشتنى يا ابن ابى وامى ، جيت بعد غياب فتره ، كان الشيخ مبروك علم بقدوم اخيه يحيى اليه وبالفعل بعد بضعه ثوانى وقف يحيى امامه ومعه سيده وقال له الشيخ مبروك قبل دون ان يرفع بصره اليه : حمدالله على سلامتك يا ابن الحج سعيد .
يحيى : وحشتنى يا شيخ مبروك ، كدا تسبنى كل الفتره دى ، بقى دى وصيه الحاج سعيد لينا .
وقبل ان يتحدث الشيخ مبروك فاذا بالسيده تجلس على ركبتيها وتقول له : وحشتنى اوى يا شيخ مبروك .
لم يكن الشيخ مبروك منتبه اليها وهى واقفه فقد تاهت عن ذهنه ، وايضا لم يراها مع اخيه عندما عرف ان اخيه قادم ، فذلك الصوت المألوف الرقيق للشيخ مبروك ما هى الا صوت سمر بنت الوزير السابق جلال ، شعر الشيخ مبروك بشيء غريب اتجاهها ، لماذا يخفق قلبه بهذا الشكل ، لماذا يتشوش ذهنه وهى حاضره بجانبه ، لماذ يشعر بالخوف الشديد والرغبه بالبقاء بجانبها فى نفس الوقت ، ورغم كل ذلك يسعد برؤيتها امامه ، اخذ الشيخ مبروك ينظر اليها ولا يتحدث اما سمر فاستمرت تتحدث وقالت : من ساعت ما ربنا شفانى والبركه فيك يا شيخ مبروك كنت بدور عليك انا وابى واخوك يحيى ، بعد ما رجعت من السفر وبابا بنفوذه وسلطته تحرى عن الشخص اللى تسبب ليا بالمرض وطلع رامى خطيبى كان عوزنى مريضه علشان افضل مرتبطه بيه وافضل ديما شيله جميله بانه ارتبط بوحده مريضه زى ، وطبعا بعد عمر طويل لابى يسيطر هو على كل ممتلكاتى ، بس الحمد لله خد جزاءه واتسجن ، ولما قابلت يحيى لقيته انفصل عن مراته لميس اللى كانت مفهماه انه مبيخلفش رغم انها السبب وانها كانت حامل وعملت حادثه وشالت الرحم وانفصلت عن جوزها الاولانى ولما اتجوزت يحيى مكنتش عوزاه يعرف الحقيقه وعيشته بالوهم دا كله .
يحيى : انت يا شيخ مبروك لما قولتلى اعمل تحاليل واكشف تانى اترددت فى الاول بس قولت مش هخسر حاجه لو سمعت كلامك وفعلا من غير ما لميس تعرف رحت لدكتور وعرفت ان انا سليم الحمد لله .
تبسم مبروك ليحيى وقاله : اهو كدا تبعد عن جحر التعابين اللى كنت عايش فيه .
يحيى : يلا يا شيخ مبروك نروح .
الشيخ مبروك : نروح فين انا هنا فى بيتى ومكانى وجنب حبايبى واصحابه وفى بيت حبيبى .
يحيى : متنساش يا شيخ مبروك ان ابونا الحج سعيد طلب انك تفضل جنبى ومعايا .
الشيخ مبروك : وقت ما تحتجنى هتلقينى يا ابن ابويا متقلقش .
سمر : وانا يا شيخ مبروك ، محتجالك وعوزاك تفضل جنبى .
الشيخ مبروك : انتى خلاص بقيتى زى الفل ، ومليون واحد يتمناكى ، ولو احتجتى نصيحه منى اهو انتى عرفتى مكانى .
سمر : انا مش محتاجه نصحتك ، ولا محتاجه بركاتك يا مبروك ، انا محتجالك انت ، انا طول الوقت مبفكرش غير فيك ، مستنيه اليوم اللى هلاقيك فيه ، انا بحبك يا مبروك .
خفق قلب الشيخ مبروك مره اخرى بشكل سريع واحس بان متوتر من كلام سمر ، لم تتحدث معه سيده من قبل بهذه الطريق ، فهو يشعر بصدق كلامها وصدق حبها له ، لم يستطيع مبروك انكار ما يشعر به فلم تكن سمر بالنسبه له مثل اى سيده قابلها من قبل ، فمنذ اللقاء الاول بها وشعر بانها شخص مميز بالنسبه له .
مسكت سمر بيد مبروك وقامت ولم يقاوم الامر فقام معها ووافق على العوده مع اخيه يحيى وهنا اعترض الشيخ صابر طريقهم وقال للشيخ مبروك : انت رايح فين يا سدنا ؟
فاجابه يحيى : الشيخ مبروك راجع لبيته ولاهله .
فقال الشيخ صابر : هنا بيته واحنا اهله ، هو منا واحنا منه ، هو سدنا واحنا حبيبه ، ومحدش هنا هيسمحلكم تخدوا سدنا منا ، ولو لزم الامر نموت قبل ما نفرط فيه ، والتم الكثير حول الشيخ صابر وكلهم كانوا مأيدين لكلامه ، شعر يحيى وسمر بالخطر وكانت سمر سوف تتصل بوالدها ليتصرف معهم ولكن منعها الشيخ مبروك وقال للشيخ صابر والناس اللى معاه : انا مش هتأخر عنكم كتير ، محدش يقدر يبعد عن احبابه كتير ولا ايه يا شيخ صابر .
فافسح الشيخ صابر الطريق ليعبر الشيخ مبروك ومن معه وقال له : اللى تشوفوا يا سدنا .
وذهب الشيخ مبروك مع اخيه وسمر ليعود الى الحياه معه .