رواية العاشق يفعل المستحيل الفصل الأول 1 بقلم كريمة حمادة
رواية العاشق يفعل المستحيل الجزء الأول
رواية العاشق يفعل المستحيل البارت الأول
رواية العاشق يفعل المستحيل الحلقة الأولى
:اقسم بالله يا رفيف لو طلعتى المؤتمر بدون الدبلة لأ…
_اووووف ، هارون متعصبنيش دلوقتى ، مش كفاية اصلا انك مش موجود وانى هتكلم بأسمك
هارون بغضب : هى كلمة قولتها انا باعتلك حد بالدبلة تلبسيها وتعملى بعدين اللى عايزاه
رفيف بغضب مكتوم : كمان باعتها مع حد ، لا كتر خيرك يا هارون بيه ، ومش هلبسها برضو ها ومن غير سلام
هارون : الو الو “رمى الفون جنبه بغضب وزود سرعة العربية وهو بيتوعد ليها
:طيب يا رفيف طييييب
_________________________&
_مالك يا بنتى متعصبة ليه كدا
رفيف بضيق : مين غيره اللى معصبنى ومدايقنى ومشيلنى الهم
سجود بضحك : يبقى هارون صح
رفيف بحنق: هو فى غيره ، اخوكى البارد المستفز دا
سجود : طيب اهدى خلاص ، فاضل نص ساعة والمؤتمر يبدأ لازم تكونى هادية كدا
رفيف : هحاول ابقى هادية
“سجود جالها رسالة وفتحتها لقيتها من هارون بيقول: تتصرفى وتخلى رفيف تروح حمام السيدات ، بأى طريقة يا سجود فاهمة”
سجود بهمس: اوف منك يا ابن عتمان …احم رفيف حبيبتى
:خير
_ ايه رايك تروحى الحمام تغسلى وشك كدا وتظبطى الميكب عشان تهدى شوية قبل ما نبدأ
رفيف : منا كويسة اهو
سجود : لا لا ، روحى بس اغسلى وشك عشان يروق كدا
رفيف بمضض: امممم ، طيب
“مشيت رفيف ناحية الحمام ، وسجود اتنفست براحة وقالت: ربنا يستر وهارون ميعكش الدنيا
_______________&
“كانت بتغسل أيدها بعصبية وغسلت وشها ولما رفعته لقيت هارون واقف وراها ، اتخضت وكانت هتصرخ بس لحقها هارون لما مسكها وحبسها بايديه على الحيطة وكتم بوقها بايده
: هشيل ايدى لو صرختى يا رفيف ههد عليكى المبنى دا كله
“شال أيده براحة وبعد ، أما هى ضربته بايدها بعصبية : انت مجنون ، هو انت مش هتعقل ابدا يا ابن عتمان
هارون بضحكة باردة : لا يا حبيبة هارون مش هعقل ابدا
رفيف بحنق : اووف ، عايز ايه يا هارون ، هو انت مش قولت انك مش جاى
“هارون طلع من جيبه دبلة ومسك أيدها ولبسهولها بالعافية وقال ببرود : طول منا عايش وفى حياتك دى متتقلعش ابدا
“شدت أيدها منه بعصبية وقالت : وانا قولتلك مش هلبسها تانى انت مبتفهمش
هارون بغضب: مش بمزاجك يا حبيبتى ، لما ابقى اموت ولا اغور فى ستين داهية ابقى اقلعيها
رفيف بنفس النبرة: اه خودهم بكدا بقى ، لا يا حبيبى رفيف الهادية العاقلة اللى بتحب ماتت من سعة ما حضرتك كسرتها واتنيلت اتجوزت عليها ، لكن دلوقتى رفيف تانية خالص مش على هواك ومش هسمحلك تدوس عليها تانى
“رغم كلامها اللى وجعه إلا أنه رسم البرود على وشه بدقة ، وبحركة مفاجئة شدها ليه وقرب وشها من وشه وقال بنبرة مخدرة بالنسبالها
: هارون عتمان مبيسبش حاجة تخصه ابدا ، وانتى مش بس تخصينى يا رفيف ، انتى كيانى كله …فنهدا كدا ونعقل ها نعقل والدبلة متتقلعش تانى وترجعى بيتنا بدل ما ارجعك بالغصب
رفيف بجمود : مش راجعة يا هارون …وهتطلقنى وتسيبنى فى حالى
“هارون ضحك باستهزاء وقال : متخليش جنان هارون عتمان اللى انتى عرفاه كويس يطلع عليكى يا بنت عمى
“باسها فى خدها وبعد وهو بيضحك وقبل ما يمشى قال : مؤتمر سعيد عليكى يا حبيبة هارون عتمان ” ورمالها بوسة فى الهوا وهو بيضحك..
اما هى فكانت واقفة متخشبة من حركته وقالت بعدم تصديق:
لا لا دا عدى ليڤل الجنان والله …طيب يا ابن عتمان يا انا يا انت
___________________&
سجود : طولتى ليه فى الحمام يا رفيف
رفيف بضيق مكتوم : بقولك ايه اسكتى خالص ، وشوفيلنا ام الزفت دا هيبدا امتى
سجود : خلاص هنبدا اهو ، اهدى بس
“والآن معنا ومعكم سيدة الأعمال صاحبة شركة “رفيف الهارون” للأدوية وهى “رفيف عدنان”
“مشيت بخطوات واثقة وهادية مع ابتسامة رقيقة وطلعت الاستيدج ووقفت قصاد المايك :
طبعا تتشرف شركة الهارون بوجود حضراتكم كلكم ، وطبعا البعض عارفنى انى مبتكلمش كتير وبختصر فى كلامى ، فشكرا ليكم ولتعبكم ومشاركتكم معانا ومسهامتكم ..ودا فخر لينا أننا الشركة الأولى للأدوية فى مصر والعالم العربي وإن شاء الله نتطور اكتر لنصل إلى القمة ، وبمرور ٢٧ سنة على شركتنا اللى بدأت بتعب ومجهود بابا وعمى عتمان وعدنان العزايزى واللى حاليا مسكها انا و…وزوجى دكتور هارون عتمان ، تشرفنا بحضوركم
“سقف الجمهور ليها وهو كان مبسوط بيها اوى وفرح جدا أنها قالت لقب “زوجى” .
/لماذا دكتور هارون لم يحضر المؤتمر
“رفيف كانت متوقعة السؤال دا ، فاتنهدت بهدوء ولسة هترد لقيت المايك بيتسحب منها ..وكان هارون اللى ابتسم بسماجة وبرود وقال : لا انا حاضر يا حبيبى هو انا اقدر اسيب عرض زى دا
/ طيب سؤال يا دكتور هارون ، هو صحيح الإشاعة اللى سمعناها أن حضرتك انت ومدام رفيف هتطلقوا قريب وتنهوا الشراكة اللى بينكم
“هارون بص لرفيف بغضب وهو بيجز على سنانه وهى بلعت ريقها بتوتر وخوف من شكله …قلب وشه ناحية الصحفى تانى وبكل برود قال : ما انت قولتها اهو يا حبيبى أنها إشاعة “ومسك ايد رفيف ورفعها فى وشه وقال بضحكة سمجة: إن شاءالله اللى وصلك المعلومة دى يتجلط بعد اللى هقوله دا .
“بص لرفيف بقوة وجمود وقال : رفيف عدنان العزايزى حرم هارون العزايزى للأبد …فهمت يا حبيب اخوك
/ طيب سؤال ..
“قطعه هارون بضيق : ما كفاية أسئلة بقى دانت عيل غتت ، روح كل جاتوه يلا
“ونزل من الاستيدج وساب رفيف لوحدها واقفة مبلمة من جنانه ..تداركت الوضع وفاقت وقالت بتوتر : اعتذر لحضراتكم وشكرا جزيلا لكم مرة تانية
____________________&
: شايف يا حج عتمان ابنك عمل فيا ايه ، هو قاصد يموتنى ناقصة عمر يعنى
عتمان : بعد الشر عليكى يابنتى متقوليش كدا
رفيف بألم: لو كان بابا عايش مكانش سمحله يعمل فيا كدا
عتمان بحزن: أخص عليكى يا رفيف ، ازاى تقولى كدا وانا موجود برضو
“قعدت رفيف بإهمال وحطت أيدها على راسها وقالت بتعب : انا تعبت يا عمى تعبت والله ..ابنك مش حاسس بيا ولا سايبنى فى حالى
: حالك هو حالى يا بنت عمى
“قامت رفيف بغضب اول ما سمعت اسمه وقالت بزعيق : اسمع يا هارون يا تطلقنى وتسبنى فى حالى ، يا تطلقها هى وترجعلى ..لكن انى ارجعلك واعيش مع واحدة مشركاك فيا دا بعينك ومستحيل يحصل
هارون بهدوء : مقدرش أطلقها
رفيف بزعيق : يبقى تطلقنى انا
هارون ببرود : مش هطلقك يا رفيف لا دلوقتى ولا بعدين
رفيف بألم : انت..انت مش هارون اللى حبيته لا
“هارون مسك أيدها وهى شدتها منه ، مسكها تانى وشدد عليها وقال بحب : اللى بيعشق مبيسبش حبيبه يا رفيف ، وانا مش بعد حب السنين دى كلها اسيبك بكل سهولة كدا ، طلاق تنسيه يا رفيف عشان مش هيحصل
“رفيف شدت أيدها منه بعنف وبكل غل زاحته وهو اترد لورا ، سابته وطلعت لفوق وهو ضحك بخفة عليها وبص لوالده وقال : عنيفة بنت اخوك دى يا حج والله
عتمان : وراك ايه يا ابن عتمان ومخبيه
هارون بابتسامة خبيثة وغموض : كل خير يا حج والله ..كل خير
___________________&
“عدى يومين على الأحداث دى ، وهارون ورفيف متقابلوش تانى ..
وفى الشركة كانت رفيف على مكتبها بتمضى على أوراق ..خلصتها وادتها للسكرتيرة وخرجت ..اتنهدت وقامت وقفت وبصت من ازاز الشركة بحزن وفتكرت سبب المشكلة إلى. بينها وبين هارون
Flash back
“كانت رفيف قاعدة فى الصالون مستنية هارون يجى عشان يتغدو سوا ..وبعد دقايق لقيته داخل الڤيلا ومعاه واحدة
رفيف : مين دى يا هارون
هارون ببلاهة: رفيف اللى هقوله دلوقتى يمكن صدمة عليكى بس حاولى تتقبلى الموضوع ، ماشى يا حبيبتى
رفيف بسخرية : ليه يعنى هتقولى انك اتجوزت عليا مثلا
“بص هارون للبنت وبعدين بصلها وبلع ريقه وقال بابتسامة عريضة: للاسف اه اتجوزت عليكى
“ضحكت رفيف جامد وقالت : لا لا طول عمرك بتحب الهزار والمقالب يا حبيبى ،متهزرش تانى بقى
“هارون كان عارف ان اللى بعد الضحكة دى عاصفة غضب هتقوم عليه ، فسكت ومردش عليها …فسكتت هى عن الضحك لما لقيته ساكت وباين عليه الجدية فبلعت ريقها ودموعها نزلت تلقائى وقالت بتلعثم : دا..دا بجد ؟ انت…اتجوزت عليا
هارون بهدوء : رفيف ، خلينا نتكلم بهدوء وهفهمك كل حاجة
رفيف بزعيق جامد : تفهمنى اييييه ، لييييه يا هااارون لييييه ، هو انا قصرت معاك فى حاجة ، غدرت بيا لييييه بعد السنين دى كلها ….استنى معقول ..معقول بطلت تحبنى يا هارون ، بطلت تحبنى
“قربلها هارون وحاول يحضنها بس هى بعدت فقال بحب : عمرى ما بطلت احبك ولا هبطل يا رفيف
رفيف بغضب شديد: اومال عملت كدا ليييه ، ليييييه
هارون بتوتر : عشان ..عشان
“رفيف هزت راسها بتفهم ومسحت دموعها بقوة وبصتله بقرف وللبنت وقالت : جوز حرابيء لايقين على بعض ، انا فى بيت ابويا يا ابن عتمان وورقة طلاقى توصلى
“رجعت رفيف من زكرياتها وضحكت بسخرية وألم وقالت : قصة حب بصحيح ..استحملت جنانك ومصايبك ومشاكلك وفى الاخر تغدر بيا …بس الحق مش عليك ، الحق على قلبى المهزق اللى لسة بيحبك يا ابن عتمان
___________________&
“عند هارون كان خارج من اوضة العمليات بعد ما خلص عملية جراحية ، راح غسل ايديه وقلع لبس العمليات ولبس البالطو الابيض وراح مكتبه ، خرج فونه واتصل على حد واستنى الرد ..
:عملت ايه
_كله تمام يا ريس
هارون بخبث: جدع ، رجالتى هيوجبوا معاك متقلقش
_كله من خيرك يا دوك
هارون ببرود : طيب سلام وخلى بالك من نفسك
_متقلقش يا دوك ، كلنا فى العشق سوا
هارون بمكر : تعجبنى شقاوتك ياض بتفكرنى بنفسى اوى ..سلام
“رمى الفون على المكتب ، وحط رجليه الاتنين عليه وسند راسه تحت أيديه ونام على الكرسى وبص للسقف بغموض وضحكة خبيثة وقال : هانت وكل العك دا يخلص ، وارجعلك يا رفيف يا حياتى
______________________&
“رجعت رفيف بيتها بعد تعب اليوم ، دخلت ورمت شنطتها بإهمال على الكنبة ولسة هتطلع فوق وقفها صوته
: وحشتينى يا حياتى يا حبيبة هارون
“غمضت عيونها بضيق ، وفتحتها وبصتله بنفاذ صبر وقالت : دخلت هنا ازاى
“قطم هارون من التفاحة وقال ببرود : انا ادخل اى مكان زى منا عايز
“وقفت قصاده رفيف وقالت : عايز ايه يا هارون
هارون بجدية: عايزك
رفيف : وانا قولت لا مش رجعالك
هارون ببرود : مش بمزاجك يا حبيبتى
رفيف بزعيق: لا يا حبيبى بمزاجى ، انت اخترتها هى ، يبقى سيبنى انا كمان اختار شريك حياتى اللى يقدرنى
قاطعها هارون بغضب ووقف قصادها: رفييييف ، حسك عينك تقولى كدا تانى لا قدامى ولا من ورايا
رفيف بألم : حسيت دلوقتى بيا يا هارون
هارون بتمالك اعصاب : رفيف انا كل اللى بعمله دا لمصلحتك صدقينى
رفيف بزعيق : مصلحتى انك تتجوز عليا ..رد عليا يا هارون مصلحة ايه اللى تخليك تتجوز عليا
هارون بجمود : هتفهمى بعدين المهم اللى عايزك تعرفيه كويس وتحفظيه زى اسمك ، انى طلاق مش مطلق ، فاهمة
“رفيف ابتسمت بسخرية ومردتش عليه ، قاطعهم صوت رنة فون هارون
خرجه من جيبه واول ما قرا الاسم ضحك بسخرية وقال : كانت ناقصة والله ترنى
رفيف بحنق: ما ترد على المدام شوفها يمكن عايزاك تجبلها عشا ولا بامبرز للعيال
“حك هارون جنب فمه وابتسم ببرود وقال : انا ماشى دلوقتى ، بس جايلك تانى يا رفيف تكونى هديتى كدا يا حبيبتى عشان نعرف نتكلم
رفيف بتشنج: وانت اللى يعرفك يكون عاقل ولا هادى برضو
“هارون فتح باب الڤيلة ولفلها وهو بيضحك وقال : الجنان يعنى هارون عتمان العزايزى يا رفيفتى “وقفل الباب ومشى ..وقف برة وقلب وشه للجمود والبرود وكلم حد وقاله : عينك انت والرجالة على الڤيلا ، اياك تحصل حاجة للمدام وعينك تغفل عنها ، مفهووووم
“اما عند رفيف كانت لسة واقفة مكانها ..مسحت دموعها وابتسمت بحب : مشكلتى انى لسة بحبك يا هارون بس مش عارفه اخرتها ايه
____________________&
“دخل هارون بيته وهو بيصفر ، اتجه ناحية الصالون وقال بسخرية لازعة : يا اللهى ، مراتى وصاحب عمرى قاعدين لحالهم مع بعض “وفرد أيديه الاتنين على هيئة حضن وقال : حبايب هارون عتمان هاتو حضن لبابا يلا
_________&
“وفى نص الليل دخل البيت براحة وبيمشى بهمس ..دخل الاوضة وقلع جزمته والجاكت ونام جنبها على السرير وخدها فى حضنه وباسها من راسها وقال بحب : حبيبة هارون وحشنى حضنك يا غالية..
______________________&
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العاشق يفعل المستحيل)
