رواية ذات الوجهين الفصل الثالث والأربعون 43 بقلم منة محمد

رواية ذات الوجهين البارت الثالث والأربعون

رواية ذات الوجهين الجزء الثالث والأربعون

رواية ذات الوجهين الحلقة الثالثة والأربعون

نور اقف بيفكر في خطته الجديده سمع صوت نورهان وعزه بيجهزوا السفره راح عليها ينفذ الخطه
نورشد الكرسي وأأعد: ماما كنت عايزك في موضوع
نورهان ااعدت قصاده بهتمام: خير يا ضنايا
نور بملامح حزينه: انا قررت ابيع بيتي واهاجر
نورهان برقت بعيوها بصدمه : ايه تبيع بيتك انت وياسمين وكمان تهاجر
عزه بحزن: انت بتتكلم جد يابشمهندس
نور اتنهد ولف وشه لانه حس انه مخنوق: ايوه لاني صممت وبنيت البيت ده عشان ياسمين وهي سابته ومشت ومش هترجع فاليه هحتفظ بيه وكمان وانا مهاجر
نورهان بأمل ورجاء: نور ابني اهدي الله يخليك وفكر واصبر هي مسيرها ترجع بس مع الوقت وشويه صبر!
نور ملامحه اتحولت لحزن وهم كبير: اظن ده صعب مع شخصيه زي ياسمين اكيد مش هتغير رايها وبخصوص البيت انا عاوزك تساعديني
نورهان بستغراب: اساعدك في ايه
نور قالها وفهمها تقوم حالا تعمل ايه
نورهان مسكت الموبيل وكلمتها تحت مسمع نور: اهلا يا بنتي سمسه نور طلب مني اكلمك وابلغك لو عندك وقت فاضي تعدي ع بيتكم انتي وهو سوي
ياسمين: ليه فيه ايه يا ماما؟!
نورهان: عشان لو فيه اي حاجه محتجالها منه تاخديها قبل ما نور يبيع البيت
ياسمين شهقت بصدمه وجسمها رجف: ايه نور هيبيع البيت
نورهان: زي ما قولت لك وبفلوسه هيهاجر لان نور اسس البيت ده عشان يبني عايله معاكي بس من غيرك هو مش عايزه وبلغني وهو حزين ومتأثر ع العموم روحي شوفي يلزمك ايه من البيت قبل ما يتباع
ياسمين نفسها اتخنق : حاضر
نورهان اغلقت وبصتلوا: نفذت زي ما طلبت ويارب يابني تكون محاوله ناجحه
نور بدعاء من القلب: ان شاء الله انا متفائل خير يا امي متفائل
…………قصص منه محمد كاتب…………
في الاذاعه والتلفزيون
المساعد: ده صيده ذات الجديده
ياسمين كبرت الصوره ع الجهاز: مين الراجل ده؟!
حنان: معرفش معلومات كتير عنه انا اعرف اسمه باسم وتاجر سلاح
المساعد: وانا معلوماتي بأنه من رجاله المافيا كبير وبينافس في الاسلحه مع ناس تقيله في البلد لدرجه بيتنافسوا ع الموت والحياه
حنان: انا بقالي كتير مش بتابع الاخبار لكن سمعت ناس كتير من المافيا ماتوا ع ايد الراجل ده ويما شرد عائلات ويتم اطفال وناس كتير نفسها تنتقم منه ده بجد كل معلوماتي عنه ياسمين!
ياسمين سألتهم سؤال كله حيره: وليه ذات بتتعامل مع راجل خطير زي ده
هبه: لو عايزين نعرف اكتر نتصل بفريد مباشر
هبه ضربت الرقم ومدتلها الموبيل تكلمه هي
ياسمين اخدت منها الموبيل وردت: الو فريد انا ياسمين ممكن اسألك عن ذات
فريد: ذات لو عايزه تعرفي روحي قابليها بنفسك هي في مول****
هبه: ها قالك ايه
ياسمين قامت: هروحلها واسألها بنفسي
المساعد: تحبي اجي معاكي
ياسمين: مفيش داعي يا صلاح انا هقابلها في مكان عام مفيش حاجه تقلق
ياسمين اخدت شنطتها وراحت تقابلها وهبه قالت لها احنا معاكي ع الموبيل
…………قصص منه محمد كاتب……..
ياسمين قاعده في كافيه المول ومنتظرها تخرج من محل اللبس لحد ما شافتها خارجه ندهت عليها
ياسمين: ذات
ذات وقفت بضهرها شويه وبعدين لفتلها: ياسمين جايه ليه
ياسمين: جايه عشانك _ بصتلها من فوق لتحت بحزن_ عشان اطمن عليكي
ذات بنفعال: انتي مجنونه لسه جايه تطمني انتي مش فاكره عملت فيكي ايه انا سرقت منك نور وجرحت مشاعرك بكل الطرق ليه لسه كويسه معايا ولا جايه تعملي الخير وتبقي معايا رحيمه عشان احس بالذنب
ياسمين حاولت تمسك اعصابها وتتكلم معاها براحه : انا مش ناويه اعمل الخير بس جيت اقوم بواجبي للعيش والملح الي اكلته مع امك وابوكي لكن لو هنتكلم ع الي حصل بينا احنا الثلاثه فأحنا الثلاثه اخطائنا ومش هرمي اللوم كله عليكي لوحدك
ذات عيونها لمعت بالدموع وياسمين شدت من عليها النضاره وبصت للكدمه الي ع صدرها وجنب عيونها وشكلها العدم
ياسمين مسكتها من دراعها : وعشان كدا جيت وبسألك محتاجه للمساعده ياذات
ذات بصتلها كتير وبعدت دراعها عنها وعيونها اتملت بالدموع: انتي طاهره صافيه اوي لدرجه الجنون شوفيني انا كدا محتاجه مساعده حياتي كويسه جدا انا بلبس اغلي حاجه وعندي مجوهرات مش عارفه اوديها فين
ياسمين بحده وهجوم: ايوه عندك كل الغالي بس عايشه مشوهه ايه المقابل الي بتدفعيه مستاهل يا ذات مستاهل البهدله دي
ذات بقهر: مش بسأل نفسي عشان مفكرش فالسؤال ده ومن فضلك يا ياسمين بلاش تزعجيني بعد اليوم( شدت منها النضاره وكتمت عياطها) متزعجنيش
ذات لفت بضهرها وبكت بحرقه لدرجه جسمها اهتز والقوه خارت وسندت ع الشباك وياسمين فضلت واقفه مكانها متابعاها وهي مش قادره تمشي في نفس اللحظه باسم طلع من الاسانسير وبصلها بنظرات غاضبه :غطي صدرك بلاش تبقي مكشوفه اوي كدا
وسابها ومشي مع رجالته وذات لفت وبصتلها بتأثر
البودي جارد: يله يا مدام ذات
ذات مشت خطوه قدامه ووقفت ولفت تاني بصتلها وياسمين اشفقت عليها من الهلاك الي رمته نفسها فيه
…………قصص منه محمد كاتب…………..
ياسمين رجعت تاني لهبه في بيتها: هو انا مجنونه زي ما قالت لي ذات
هبه: انتي بس اتصرفتي بطبيعتك وانا مش متفاجئه انتي عملتي اكتر من كدا
ياسمين بصتلها ورجعت بجسمها لوري وسكتت خالص
هبه: بس ذات واضحه وتقدر تهتم بنفسها سيبك بقي منها فكري في حياتك والي جرالك منها
ياسمين: عندك حق انا بفكر في كدا صدقيني وخصوصا لما فريد قالي بشكل مختصر بأن الراجل الي مرفقاه ذات من المافيا وبيدفع كتير
هبه: فيه ناس مستعده تدفع عشان تنجاه المهم بخصوصك انت ومحمد وصلتوا لفين
ياسمين: نسيت اقولك لاء خلاص فركش احنا اصدقاء وبس ومش هتوصل للجواز
هبه: كدا الشخص التاني وضحلوا الامر
ياسمين بصتلها بمعني تقصد مين
هبه بخبث: قصدي ابو الباشمهندس الصغير
ياسمين هزت راسها بنفي : مفيش حاجه بينا نوضحها انا وهو الي بينا انتهي من زمان
هبه: ياتري واثقه انه انتهي
ياسمين بنفاذ صبر: عايزه ايه يا هبه
هب: عايزاكي تسامحي نور زي ما سامحتي ذات اظن نور يستحق اكتر المسامحه
ياسمين: ومين قالك اني سامحتها انا لو روحت عشان اللعيش والملح لـ اهلها
هبه: ماشي موافقه بس بالنسبه لنور بلاش تقفلي ع قلبك بسبب غضبك منه حاولي تفتحي قلبك واديلو فرصه يبدء ويحب من جديد قبل ما يفوت الاوان ويبعد خالص
ياسمين عيونها علقت في الفراغ لان فكره انه يبعد موتتها وحاسه بألم انخلع منه قلبها وبكل الحزن اترسم ع وشها
……….قصص منه محمد كاتب………….
ياسمين راحت البيت ودخلت لقت البيت مترتب ومحطوط حاجه كبيره متغطيه بملايا بيضه عالارض شالتها لقت برواز كبير ليها هي ونور وبرواز صغير ليها هي لوحدها ودي كانت اول رسمه رسمهلها بتبص وراها لقت ملايا تانيه مفروشه عالسفره راحت وشالتها لقت مجموعه صور ليها ولنور مع بعض ايام شهر عسلهم سوي بتلف لقت عجلتها القديمه وهي بنت متغطيه شالت من عليها الملايه لقتها متزينه بالورد ومحطوط في السله عروسه لعبه كان هو جيبهالها في عيد ميلادها وقفت تجمع بس ذكريات ما بينهم جميله ,, اللوحه+ الخوذه الي ادهالها وقالها خليها معاكي+ الورد الي منقوش عليه اسمها رسمت ابتسامه جميله لذكرياتهم الجميله والمحفوره جوه قلبها
نور جه من وراها وفي ايده بوكيه ورد بعدد حروف اسمها وبصوت هادي: كدا فكرتي ايه الحاجه الي هتاخديها وايه الي هترميها
ياسمين لفت وبصتلوا وظهرت عليها شبح ابتسامة: ايه هي لعبتك مش مضحكه لانك كدبت انك هتبيع البيت
نور جري وقف قدامها: سمسه استني متزعليش وتغضبي ( حط البوكيه ع حرف الكنبه وكلبش في دراعتها بأيده الاتنين) اظن لما كدبتي عليا بخصوص جوازك من محمد والي هو لعبه انا ولا زعلت ولا ثورت وكنت سعيد عشانك
ياسمين شبكت ايدها في بعض ورجعتهم وري ضهرها وابتسمت بحرج: وده يخلينا متعادلين انا كدبت عليك وانت كدبت عليا خلصين وانا ماشيه
نور شدها من دراعتها بسرعه وحط ايده على كتفها وقال بنبرة هادية: انا مش هسيبك تمشي لحد ما تجاوبيني فعلا تقدري تنسي كل ذكرياتنا عارف ممكن تنسيها لكن فكري تقدري
ياسمين بصتله وغرقت عيونها بالدموع: بس ذكريتنا مش كلها جميله
نور كشر وقال بضيق: عارف بس انا مستحيل انسي وانا هفتكرهم كدروس عشان حتي مكررهمش تاني واعرف اد ايه أذيه الست الي بحبها وبتحبني شئ مؤلم وعشان خاطري ارجعي للبيت ونرجع سوي
ياسمين واقفه مشوشه بصتله وهربت نظرتها عنه بسرعه ولئلئت الدموع في عدسه عيونها
نورضمها بأمل ورجاء وتوسل : ارجعيلي ياسمين ارجوكي
ياسمين مستسلمه بدون ما تضمه نزلت دموعها ونور خرجها من ضمته ومسك ايدها بنظره كلها توسل ورجاء
ياسمين خرجت من حضنه و بصوت مخنوق : لو رجعت ممكن اطلب منك طلب
نور بهدوء: طلب واحد بس اطلبي اكتر وانا هنفذهم كلهم قوليلي بس!
ياسمين نزلت دموعها بغزارة: انا بطلب منك احترم نفسك ادي لنفسك كرامه بلاش تكدب كذبه تدني نفسك بيها زي الي فاتت الي عملته خيانتك وكدبك عليا بجد اذتني بس الي اسوء من ده خلتك تخسر كرامتك وتخسر قيمتك كأنسان
نور غمض عيونه لانه فهم واخد نفس وهزلها دماغه كذا مره ونزلت دموعه
ياسمين: اليوم انت بتقول اتعلمت الدرس وانا بحترمك وهرجع اثق في كلامك
نور حس ان روحه اخيرا رجعتله ونبره كلها ندم: اسف بجد اسف_ واحتواها بين دراعته بشوق كبير ومسح ع شعرها_ اسف
ياسمين خرجت من حضنه وهو بصلها: لحظه _شد بوكيه الورد _ ده ليكي
ياسمين اخدته منه وابتسمتله من بين دموعها: زي زمان
نور طلع خاتم الزواج من جيبه : وده احتفظت بيه عشان ارجعه لصحبته
ياسمين مدتلوا ايدها وهو لبسهولها وهي قلبها دق بعنف وفرحه وابتسمتلوا نور سحبها من وسطها وبشوقه ليها ميل وخطف شفايفها في بوسه يبث فيها حبه وحرمانه منها وهي جسمها قشعر ومستسلمه لقبلاته المجنونه وضمته من وسطه واتمسكت فيه وحضنته بكل قوتها
……..قصص منه محمد كاتب…………..
في الاذاعه
معتز مسك كانز ورافعها: في صحه عرضنا الجديد لاننا وقعنا عقد مع قناه الحياه عشان كدا بنحتفل بالبيبسي نور هيقدم البرنامج مع مذيع تاني
الكل بفرحه بركوله وصقفوا بحماس نور ابتسملهم ابتسامة واسعه
نور طبطب ع صدره وانحني بحترام: متشكر ليكم كلكم
حنان : واحنا فرحانين عشانك يانور (ضحكت بنشكاح اوي)
المساعد نكزها في كتفها بستفزاز ليها: اتمالكي نفسك شويه بلاش ده هنا
حنان ضربته في دراعه : ده انت سئيل
هبه بصتلها: نور هيرجع للشغل وانتي يا سمسمه مش هترجعي بقي تشتغلي معايا
ياسمين :لسه شويه انا مش جاهزه وبصراحه غرفه التحرير بتخالي قلبي يتهز استني لما احس اني اقوي من كدا
هبه :وانا هفضل مستنيه دايما
ياسمين ببتسامه: عارفه يا هبه
حنان غلست ع المساعد وحطت شوكتها تاكل من طبقه
المساعد قلب وشه بقرفه وشخط فيها: ماتكلي من طبقك
حنان بغلاسه: ده طعمه احلي بالجبنه
هبه نطت قصادهم: ممكن ادوق معاكم
حنان اخدت حته بالشوكه وقربتها من بؤها وهبه نفسها موعت ومعدتها قلبت
هبه غمضت عيونها ونفسها موعت وحست انها محتاجه تتقئ: ابعديه ريحته وحشه هستفرغ
المساعد بلع الكيكه ثم قال : ده زي المسلسلات لماتكون ريحه الاكل وحشه
حنان: بالظبط البطله بتبقي عايزه تستفرغ ولا انتي حامل
هبه احمرت خدودها واستخبت في حضن معتز الي بالتالي ضمها وشاورلهم انهم بقوا ثلاثه
ياسمين صرخت بفرحه: هبه حامل
هبه: ايوه وعرفت امبارح
معتز: كنت هقولكم بعد ما نفرح بنور الاول بس خلاص الخبر انتشر لوحده وانتم عرفتوا
الكل صقف وباركولهم ونور اتحرك من مكانه وقرب من ياسمنته واخدها في حضنه
معتز رفع ايده: اسف يانور انا هبقي الزعيم عليك
نور حط ايده ع كتف ياسمين وببتسامه صادقه: ولا يهمك وبجد الف مبروك
ياسمين زعلت ونور اخد باله حاوطها من كتافها وضمها عليه واخدها لمكان بعيد عنهم شويه يخفف عنها وقعد قدامها ع حرف الكرسي ومسك ايدها وقربها له وهي واقفه قدامه: عارفه لما كنا بعيد عن بعض كنت بس ماسك الموبيل وبشوف صورتك وافتح ع اخر مكالمه كانت بينا كنت بتوجع اوي وكأننا بقلنا سنه متكلمناش وكنت بتألم اوي وكنت برجع اخد المنوم وانام عشان ببقي عايز اقنع نفسي ان فراقنا ده كان حلم وحش او كابوس مخيف ولما كنت بصحا واعرف انه حقيقه كنت بمسك صورتك واقول لاء وببقي نفسي اصلح الي اتكسر بينا كله لكن كنت بجيب رقمك وابص عليه بوجع
ياسمين بصتله وسؤال كله حيره وتعجب: ليه بتقولي الكلام ده دلوقت تاني يانور
نور رجع خصلات شعرها وري ودنها وملس ع خدها بحنان : عشان عايزك تفهمي سواء خلفنا تاني او لاء مفيش مشكله هنعيش مع بعض لحد ما نعجز ونشيخ ولما تتجوز ضحي هنربي ابنها مش الخاله والده
ياسمين دارت وشها تمنع دموعها عليه: نور انت بتتكلم بجد وفاهم المعني لو معرفتش اخلفلك طفل
نور عدل نفسه وقام وقف ولف وشها ناحيته ومسح دموعها وكمل بجديه: ايوه انا بتكلم جد الاول كان نفسي اخلف منك اطفال عشان أأسس عايله لكن دلوقت قراري مستقر ومحتاجلك انتي اكتر من الاطفال لان انتي عندي اهم صدقيني ومحتاجلك تكوني جنبي سواء معاكي اطفال او لاء انا هفضل اعشقك وعمري ما هتغير _ طبطب علي ايديها_ توكلي ع ربنا بكل قلبك وبكل قوتك ومتزعليش نفسك ع حاجه محدش عارف بكره جيبلنا ايه فريحي بالك فمتفكريش كتير وسلميها لله
ياسمين ابتسمتلوا برقة وهو احتواها جوه حضنه
نور همس في ودنها بهزار: وانتي ايه مفيش اي حاجه عدوا عليكي من الي انا قولتهم
ياسمين اتنهدت بصوت عالي : اقولك ايه ان اليوم مكنش بيعدي عليه مجرد 24 ساعه ده 45 سنه كنت بموت الف مره لما القي رقمك معايا ومش عارفه ادوس عليه عشان اكلمك واقولك انت وحشتيني وفي وقت النوم مبقاش قادره انام ووقت الصحيان برضو مش ببقي قادره اقوم من عالسرير
نور مسكها من وسطها بين ايديه: عارفه وانا وسط اهلي بلاقي نفسي مش مستحمل وتعبان ومش قادر مش سامعهم ومش شايفهم كل الي سامعه بس صوتك وكل الي شايفه صورتك قدام عيني واخر اليوم كنت برجع احدف نفسي عالسرير وافتح موبيلي ع صورتك وبتعب اوي
ياسمين: ع فكره بحبك اوي
نور مسك وشها بكفه وقربها منه وقرب شفايفه من شفايفها وباسها بعنف وياسمين لفت ايديها وري رقبته واتعمقت في البوسه لحد ما نفسهم اتقطع وبعدو عشان ياخدو هواء ويستردوا نفسهم قبل ما حد يدخل ويقفشهم سوي وياسمين جايه تخرج قبل منه
نور مسكها ووسعت ابتسامته وبغمزه: نروح بيتنا واخلص بطاري منك
ياسمين فهمت نيته ووشها ولع نار ودفنت وشها بصدره !!!!!!