رواية الزوجه الثانيه الفصل السابع 7 بقلم مجهول
رواية الزوجه الثانيه الجزء السابع
رواية الزوجه الثانيه البارت السابع
رواية الزوجه الثانيه الحلقة السابعة
مشاعري كانت متلخبطه جداً، مبقيتش عارفه أنا عايزه أيه وبعمل أيه، بس كُل اللي كُنت شايفاه، أنهُ صح، قدر يجبر بخاطر واحده، حتي لو علي حساب نفسه، قدر يحسسها أن ليها حياه زيها زي أي حد
بصيت علي العُماره من تحت وأنا واقفه مستنيه تاكس وقولت:
– هتفضل تبهرني بأفعالك، لحد مقع في حُبك من تاني
قلبي وجعني فحطيت أيدي عليه وقولت:
– عندك حق أنا أصلاً لسه واقعه في حُبه، بس مش هقدر أواجهه
شاورت لتاكس ظهر قُدامي وركبت، فتحت أزاز الشباك عشان أقدر أتنفس، منكرش أني بفكر في كلامه من أول ما الست ظهرت لحد ما مشيت من عنده، فجأه السواق شغل الكاست
” الومك ليه، حبيبي أنا أولي الوم روحي ولا اعذُرها، وعارف ليه عشان قدام عينيا حقيقه بنكرها ”
كُنت بسمع الأُغنيه وأنا جوايا تعب، تعب تفكير، تعب نفسي، مبقيتش عارفه أنا أيه اللي بعمله في نفسي ده، كُل اللي كان نفسي أعمله أني أعيط، أعيط علي حالتي وبس، التاكس وقف قُدام العُماره، نزلت وطلعت البيت، وغيرت، دخلت المطبخ عملت قهوه باللبن، مكُنتش عايزه أنام، كُنت حابه أسهر حتي لو هطبق لتاني يوم، دخلت البلكونه، خدت بُق من الفنجان، القمر كان شكله حلو أوي النهارده، هو حلو كل يوم وفي كُل حالاته، بس النهارده كان مُختلف، قررت أرفع الفنجان ناحية القمر وصورتهُم سوا، نزلت الصوره علي الواتس، وكتبت ” امتي هيجي اللي يشاركني فنجان القهوه والقمر ساعتها يبقا تالتنا ”
نزلتها وكان هو أول واحد يشوف الأستيت، جالي مسدچ بأسمه
– مُمكن أشاركك فنجان بُكره حتي لو أنا الشخص اللي مش مطلوب
مكُنتش عارفه أرُد عليه بأيه، كُنت حاسه أن قلبي لو بيتكلم كان زمانه صرخ في وشه عشان يحس باللي جوايا
اتنهدت وكتبت:
– ومين قالك أنك مش مطلوب، ده أنتَ عزيز عليّ يا تميم، عزيز أوي
– يعني معندكيش مانع
– لاء طبعاً، أنتَ عارف أن كُنت بحب قعدتنا سوا، ولا نسيت
– لاء يا هند منسيتش، بس خوفت لتكوني أتغيرتي، دي سنه كامله
– أنا مبتغيرش يا تميم، أنا زي ما أنا، هند مبتتغيرش
– أنا أسف، مقصُدش أضايقك
سكت ولقيتهُ بعت مسدچ تاني
– ها بقا تحبي نروح فين
ابتسمت وكتبت:
– أقولك علي حاجه بصراحه
– أكيد
– أنا وحشتني القهوه من أيديك، أيه رأيك تعملهالنا في الكافيه
– وماله يا ستي أعملها، هو أنا ليّ مين غيرك عشان أعملهاله
للحظه أتخضيت، من جُملته حاولت أهرب منه وأقفل كتبت:
– أشوفك بُكره في أخر اليوم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الزوجه الثانية)
