رواية الزهرة المفترسة الفصل التاسع والثلاثون 39 بقلم ديدي
رواية الزهرة المفترسة الجزء التاسع والثلاثون
رواية الزهرة المفترسة البارت التاسع والثلاثون
رواية الزهرة المفترسة الحلقة التاسعة والثلاثون
لين وقد بدا عليها الغضب وبدأ وجهها في
الاحتقان مكمله: اللي علي رقبتك ديه ايه..
هشام بتوتر: هه.. ديه.. ديه من ماتش امبارح..
لين بعصبية وصوت عالي: انت هتستهبل.. ليه ياخويا
الراجل هيعملك العلامة ديه .. وبعيون مشتعله.. انطق ايه ديه..
هشام وهو يحاول التهرب وبصوت عالي:
ماقولنا من الماتش.. انتي هتتلككي..
لين بغضب: وحياه امك.. هتستغباني.. وبقرف.. كنت مع واحدة
من اياهم مش كدة.. تصدق انك واطي.. فعلا ديلك عمره ماهيتعدل..
هشام بغضب: لمي لسان اهلك يالين.. قولتلك من الماتش…
لين بغضب شديد وعصبية وصوت عالي: اصلي داقه عصافير مش كده ..
اعملك ايه تاني.. قصرت معاك في ايه.. قولي.. وبصراخ انطق..
بعد ما ارجعلك وارضي بقرفك تعمل كدة تاني.. ليه.. بتعمل فيا كدة ليه..
هشام وهو يطأطأ رأسه: يالين انا كنت..
لين بعصبية: كنت ايه..هااا.. مش قادر تبقي نضيف..
تموت في الزباله والرمرمة.. بس الحق مش عليك الحق
عليا اني رجعت وقلت هتتعدل.. بس علي رأي المثل..
برا وجوا فرشتلك وانت مايل ايه يعدلك..
وتدفعه وبصراخ.. غور من وشي.. وبغضب..بس ورحمة امك وابوك
ياهشام اللي ميتين وهما علي وش الدنيا.. لهوريك
هعمل فيك ايه.. وتسرع في ارتداء ملابسها وتغادر..
هشام بحدة وهو يمسك بذراعها: رايحة فين.. تعالي هنا..
لين بعيون جمراء كالجمر من الغضب: قسما برب العزة
ان مابعدت عن سكتي لأقتلك الوقتي..
ابعد عن طريقي مش قاعدة معاك ثانيه واحدة..
هشام بغضب: ليه شايفاني ايه.. هسيبك
تنزلي الوقتي.. مش نازله الا علي جثتي..
لين بغضب جارف: يبقي انت اللي جنيت علي نفسك..
لتركله بشدة اسفل الحزام.. وتضربه علي رأسه
بالفازة الكريستال التي بجانبها ليسقط متألما
مخضبا بالدماء ويدخل الزجاج في يديه من اثر السقوط.. وتكمل
لين بتوعد غاضب: انا هوريك النجوم في عز الضهر..
وتتركه وترحل في غضب وسط سبابها وتوعدها..
انا بغضب:اه ياواطي يازباله..
هشام بتألم:الحقيني..
انا بغيظ:عارف لو قلت الغوث ياقوم..مش
هلحقك..وخد بقي..طاااااخ..بوووووم..
هشام:ااااااي..يابنت المفتريه.. مش
كفايه لين.. بتكملي انتي عليا..
انا بغل:احسن..خد..بقي بعد ماارجعلك البت تعمل كده..
اعمل فيك ايه..خد .. بووووم..طاااااخ….شوف انا مفقوعه منك
من بدايه القصة وساكته علي كل بلاويك وانت برضو اللي
فيه داء عمره مابيبطله..شوف مين هيلحقك..ياواطي..
حذاري من زير النساء؛ فهو ليس إلا طفل
يعاني من نقص الذكورة و لا يجلب إلا المشاكل..
>>>>>>>>>>>>>>>>>>>>>>>>>>>>
لتعود الي فيلا كاظم..
كاظم بخضة: مالك يالين..ايه اللي حصل..جاية ليه الوقتي…
كوثر بتعوج: تلاقيها عامله مصبية..
لين بغضب: بقولك ايه ابعد عن خلقتي السعادي.. انا العفاريت
بتتنطط في وشي .. قسما برب العزة اروح فيكي في داهية..
كاظم بحدة: اسكتي ياكوثر.. مالك يالين.. وفين هشام..
لتشتعل عيني لين غضبا لدرجه تراجع كوثر للخلف خوفا.. وتكمل..
لين بغضب: عايز تعرف فين..متلقح
في الشقة سايح في دمه..
كاظم بعيون جاحظة: ايه..
كوثر بشهقة وهي تضرب علي صدرها:
يا مصيبتي السودا قتلتيه..
لين وهي تنزع حذائها وتلقيه علي كوثر وبغضب: وهخليكي
تحصليه الوقتي.. يابنت ال…. انا قولتلك مش عايزة اسمع حسك..
كاظم بحدة: غوري ياكوثر..وللين.. انطقي عملتي ايه..
لين بغضب وصوت عالي: معملتش.. قلت ارضي بنصيبي
يمكن يتعدل لكن طول عمره زبالة.. بس مش انا اللي
ارضي بيه وبقرفه..وفي الاخر يروح لغيري تاني..
كاظم بتوجس: اوعي تكوني قتلتيه يالين..
لين بعصبية وهي تغادر الي غرفتها: ان شالله يكون مات..
اهو عندك متلقح في الشقة.. وبتوعد.. بس وحياة امي لأوريه..
ادعي ربنا انه يكون مات علشان انا مش هرحمه..
وتدلف وتصفع باب غرفتها خلفها بغضب..
يسرع كاظم بسرعة ويبدل ملابسه ولكوثر بتحذير:
اوعي تطلعي من الاوضة لين ممكن تقتلك الوقتي..
وانا مش مسئول… ويذهب الي هشام..
كوثر بتعوج: طيب..ولنفسها.. بس وربنا
خوفتني شكلها فعلا ضاربه زي مابيقولوا..
يسرع كاظم الي هشام ويدلف المنزل
ليجده ملقي علي الارض غارقا في دمائه..
كاظم بخوف: هشام..هشام رد عليا.. انت كويس..
هشام وهو يأن بألم ويتكلم بصعوبه: ااااه..
جد..جدي هموت.. ان..انا تعبان..
كاظم بقلق: عملتلك ايه..
هشام بتأوه وتحسر: قول عملوا..واحدة ضيعتني ياجدي..
خلاص مبقتش نافع.. والتانيه كملت عليا ضرب..
ليضحك كاظم وبشماته: احسن تستاهل..طول عمرك واطي..
وبتعوج.. قوم ياحيلتها.. جسم ع الفاضي امال مصارع ازاي..
هشام بتألم شديد وهو يستند علي كاظم:
خدوني علي خوانه.. بس انا هوريهم..
كاظم بضيق: طيب تعالي الاول
ع المستشفي..ده انت مشلفط ع الاخر..
هشام بتحسر: بسرعة خليهم يلحقوني..
وبتوعد.. ماشي يالين انتي وديدي انا هربيكم..
كاظم بسخريه: اصلب طولك الاول.. وغير خلينا نمشي..
هشام بحنق: ياريت انا حاسس ان الشقة ديه
نحس عليا..انا مش هخطيها تاني..
كاظم بتعوج ساخر: هي اللي نحس..ولا انت اللي رمرام..
بقي تبقي معاك لين..وتروح للزبالة ليها حق في
اللي عملته فيك.. واصبر ديه مستحلفالك..
هشام بتحسر: هتعمل فيا ايه اكتر من اللي عملته..
كاظم بغيظ وشماته: احسن..واكتم بقي
بدل ماكمل انا عليك.. ويضربه علي رأسه..
هشام بألم وضيق: ايه ياجدي حاسب..
ليذهبوا الي المشفي ويقطبوا رأس هشام ويعود الي الفيلا..
>>>>>>>>>>>>>>>>>>>>>>>>>>>
لين بغضب:انا هوريه..بقي يعمل فيا كدة..انا هقتله..
انا:استني ياهبله..واصبري..قتل ايه بس..
لين بعصبية:وانتي مال اهلك..اش حشرك..
ابعدي عن خلقتي بدل ما ارتكب فيكي جنايه..
انا بغيظ:شوفي البت اللي مش بيطمر فيها..وبحدة..
لين اتعدلي معايا انا مش اي حد..وربنا اطلعهم علي
دماغك..اتهدي بقي..وخلينا نفكر هنعمل في الزفت ده ايه..
لين بغل:اتنيلي قولي هنعمل ايه..
انا بدهاء: اتنيل..جاتك الهم..شوفي بقي..احنا اول حاجة..
وبضحكة ماكرة..ولا اقولك احنا لسه هنرغي..
احنا نبدأ علي طول..يلا..استعنا ع الشقا بالله..
لين بإبتسامه ماكرة وعيون متوعدة:يلا بينا ياديدي..
وربنا انتي اللي كنتي تنفعي اختي مش الهبله نور..
انا بإبتسامة متوعدة:وانا في الخدمة يالينو..
>>>>>>>>>>>>>>>>>>>>>>>>>>>>>
كوثر بفرحة: لين رجعت وسابت هشام..
سعد بتهكم: ومالك مبسوطة اوي كدة ليه..عايزاه..
كوثر بتغنج: لأ انت مش فاهم انا كنت قلقانه ليفضلوا
مع بعض ويخلفوا عيل واطلع من المولد بلا حمص..
سعد برفعة حاجب: بس كدة.. طيب بقولك
ايه..انني مش ناويه تخلصي من كاظم..
كوثر بتعوج: مش هينفع لومات مش هطول حاجة..
سعد بتأفف: امال هتعملي ايه..اقتليه ولبسيها في لين وهشام..
كوثر: مش هينفع الوقتي..اصبر لما تهدي الامور..
سعد: طيب بس انا عايز فلوس..
كوثر بتذمر: انت كل شويه فلوس فلوس..
سعد: الله مانتي علي قلبك قد كدة.. وبعدين
متنسيش ان انا اللي حطيتك في سكة كاظم ولا ايه..
كوثر بتعوج: طيب..
>>>>>>>>>>>>>>>>>>>>>>>>>>>>
بدأت لين بالانتقام من هشام حيث اسرعت الي البنك
وقامت بسحب كل الاموال التي في حسابهم المشترك
ووضعهم في حسابها ولم تترك له جنيها..
هشام بغضب:ليييييييين..بقي كدة..بتاخدي الفلوس كلها..
لين ببرود:مش حساب مشترك ياهشام..من حقي..
هشام بعصبية:وحياه امك..ده انا اروح
فيكي في داهية..شقي عمري..
لين:قصدك بتاعي انا وانت..وبقرف..بس انت
متستاهلش مليم..اصبر عليا ده انا هوريك..
هشام بغضب وهو يجذ علي اسنانه وهو يقترب منها:
فكرك هسيبك..ده انا وراكي..وبجديه..وبما انك عملتي
كدة..انا هعمل اللي انا عايزة يامراتي الحلوة..
لين بغضب:انسي ياهشام..مش
هسمحلك..خلصنا..انت طول عمرك زباله..
هشام بإبتسامه متهكمة:هتشوفي ياقلبي..ويقبلها رغما عنها..
لتصرخ لين في غضب:انسي..مش
هسيبك..انا هوريك..وترحل من الفيلا..
لا تمس كرامتها..ولاتتعدي علي حقها..
وتلهو بأنوثتها.. ثم تقول كيدهن عظيم..
>>>>>>>>>>>>>>>>>>>>>>>>>>>>>>
صفاء بفرحة:بجد ياكوثر..يعني رجعوا الفيلا وهتسيبه..
كوثر:ايوة يام هشام..وكمان الحاله مشعشعة معاها اوي..
صفاء:ايوة كده..تسلم مجايبك ياكوثر..انا هوريها بقي..
كوثر بإبتسامه شامته:لا بقي..انتي تخليكي ورا هشام..لحد مايطلقها..
صفاء بتوعد:متقلقيش..انا وراه لحد مايسيبها..سلام ياحبيبتي..
>>>>>>>>>>>>>>>>>>>>>>>>>>>>>
عند نور..
نور:اهدي يالين طيب..
لين بغضب:انا هوريه..وانتي تقوليلي
اني اصبر عليه يانور..الواطي واطي..
نور بضيق:مش عارفة اقولك ايه..بس بجد هشام زودها..
لين بتوعد:وحياة امي لهوريه وهربيه..بس يستني عليا..
نور:طب انتي رايحة فين الوقتي..
لين بعصبية:في مصيبة..وبرجاء..نور
اوعي تعملي زيهم..انا مليش غيرك..
نور بحزن:عمري ماهسيبك يالين..وتحتضنها..
لين:همشي الوقتي..خلي بالك من نفسك..
نور بأسي:حاضر..ولنفسها..ليه كده ياهشام..
>>>>>>>>>>>>>>>>>>>>>>>>>>>>>>
بعد فترة في الفيلا كانت لين مضطربه
وكانت تشعر بتغير..وغضب اكثر من العادة..
في الصباح علي الافطار كانت تاكل بصمت..
كاظم:مالك يالين..
لين بضيق:مفيش..بس الخلق اللي
بيشوفها الواحد ع الصبح تقرف..
كوثر بتعوج:معلش ياختي..هو ده الموجود..
لين بغضب:وانا وجهت لاهلك كلام ياتربيه الموالد..
كوثر بغل:امال قصدك علي مين يعني..
كاظم بحزم:بس انتي وهيا..وللين.. امال هشام فين..
لين بغضب:مخمود فوق..الهي ينام مايقوم..
هشام بضحكه:لا ياحبيبتي قمت خلاص..
وهو يقبلها باستفزاز..صباح اللسان الزفر..
لين بغل وهي تمسح شفتيها:صباحك زي وشك..
ولتنده علي الخادمه..انتي يا زفته فين مربي الفراوله…
كاظم:وانتي من امته بتحبيها يا لين..
لين بحنق:كيفي كده..صحيت الصبح نفسي فيها..
كاظم بقلق:انتي كويسه يالين..وهو
يتحسس جبهتها..انتي دافيه كده ليه..
لين: مفيش..الدنيا حر..
هشام وهو يتحسس جبهتها وبسخريه:
معلش النار اللي جواها طفحت لبرا..
لين وهي تنهض بغضب:انا ماشيه
علشان مش طايقة نفسي..
كاظم بضيق:خف ياهشام..كفايه بقي..
هشام بضيق:خلصنا انا ماشي انا التاني.
>>>>>>>>>>>>>>>>>>>>>>>>>>>>
في سيارة لين شعرت بالدوار والغثيان وطلبت
من السائق ايقاف السيارة..وترجلت منها..
لين بلهجة آمرة:وقف العربية..
السائق بتعجب:ليه ياست هانم..احنا..
لين بعصبية:قولتلك وقف..
لتهبط منها وتتنفس بثقل وتقف قليلا..
واثناء ذلك يلمحها هشام بسيارته فيتوقف ويترجل منها ويتجه اليها..
هشام بقلق:مالك..واقفه هنا ليه..
لين وهي تتنفس بسرعة وبعصبية:ملكش دعوة..غور من هنا..
هشام بحدة:اتلمي شويه..وبعدين وشك اصفر كدة ليه..انتي عيانه..
لين بضيق وحدة:ان شالله اكون بموت..انت مالك..ابعد عن سكتي..
هشام وهو يجذ علي اسنانه:تعالي معايا..
لين:مش رايحة معاك حته..حل عني..
وتتجه الي سيارتها..ليجذبها من ذراعها..
هشام بحزم:قولت هتيجي معايا..وللسائق.
حط حاجتها في عربيتي وروح انت..
السائق:امرك ياباشا..
لين بغضب:ابعد عني..مش هروح معاك..وفجأه
تشعر بإن الارض تميل بها لتستند علي هشام..
هشام بقلق:مالك..تعالي..
لين بعدم وعي:هي الدنيا بتلف ليه..
ليدخلها هشام الي السيارة وينطلق
بها الي المشفي ويفحصها الطبيب..
هشام بتوجس وترقب:مالها يادكتور..عيانه..
الطبيب بإبتسامه:لأ يا فندم..مبروك..المدام حامل..
هشام بفرحة: بجد..الله يبارك فيك..
لين التي تسمرت من هول المفاجأة:مش ممكن..
>>>>>>>>>>>>>>>>>>>>>>>>>>>>>>>>
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الزهرة المفترسة)
