رواية الخادمة وفرعون الصعيد الفصل الرابع والعشرون 24 بقلم نوران أحمد
رواية الخادمة وفرعون الصعيد البارت الرابع والعشرون
رواية الخادمة وفرعون الصعيد الجزء الرابع والعشرون
رواية الخادمة وفرعون الصعيد الحلقة الرابعة والعشرون
استاذن نادر ومشي وكان شاكك في امين المخازن وسأله
نادر : بقولك اي مفيش حاجه اتغيرت خالص من عندك في المخزن ملاحظتش اي حاجه غريبه
امين المخازن : لالا يا ابني كل حاجه تمام انا مركز جدا الحاجه اللي بسيبها زي ما هي
جاسر : هو في تحقيق سري ولا اي انت مش عايز تعرفني انا غبت بس كام يوم عشان ابويا تعبان اجي الاقي الدنيا ملغبطه خالص كلها كدا في اي يا نادر ما تعرفني
نادر : لالا عيب عليك انا لو عرفت حاجه انت اول واحد هتعرف اكيد الف سلامه علي والدك لسه عارف المعلومه دي منك دلوقتي في شويه شكوك في قضيه حمدان بدور وراها واي طالعه هبلغك تيجي معايا اكيد انت اغلي اخ عندي يلا
جاسر : حبيب اخوك طب مش هنروح بقا ولا اي اما نشوف حسام بوظ اي في الشقه النهار ده
نادر بابتسامه : لا عايز اروح اشوف اختي وانام مع ولادها مش عارف ليه بس وحشوني اوي لسه جاي من فسحه مع سلمي خلي بالك منها في غيابي يا جاسر هي طيبه وبنت حلال الا صحيح الواد حسين فين وحشني
جاسر : ليه حاسس انك بتتكلم بطريقه غريبه يا عم دي مرات اخويا اكيد هخلي بالي منها وبعدين اي مكان انت رايحه انا معاك وش الزفت حسين اتعصب وضرب ولد أبوه واصل ف نقلوه السلوم وعمال يندب حظه ويصوت وكل يوم يكلمني يفضل ينوح علي اللي بيحصل فيه عيل مهزق
نادر وهو بيضحك : ده جدع جدا يا جاسر انا بحب الواد ده اوي ودمه خفيف أتعلم منه شويه متبقاش دايما بارد كدا وبعدين حسين عندي احسن ميه مره من حسام بحسه استغلالي ومبيحبش حد كدا وغريب يلا مش مهم دع الخلق للخالق بلاش نجيب في سيره حد
جاسر : ايوه بعد ما جبت سيره أمه لا اله الا الله بتقول كدا هصدقك انا عامل زي الستات الي في البلد عندنا
نادر : ولد عيب لا ده انا راجل اوي واعجبك انت اخرتني سلام يا عم مش فاضي للهبل ده
روح نادر يبات عند ولاد اخته في اليوم ده
الطفل ادم : هو ليه احنا مش عندنا اب فين ابونا كل العيال في المدرسه عندهم بابا
اتصدم نادر ومبقاش عارف يقول للطفل ازاي ان أبوه راح عند اللي خلقه وخصوصا أنه لسه صغير ف طلعو في البلكونه وقال للاطفال
نادر : شايفين النجمه البعيده اللي هناك دي هي دي ابوكم ابوكم هناك وشايفكم وحاسس بيكم
وفجاه رن عليه جاسر
جاسر : بقولك اي يا نادر اطلعلي حالا انا واقف تحت في طالعه عايزين نخلصها
نادر : طالعه اي يا جاسر مش المفروض اكون عارف الحوار قبلها عشان نرتب هندخل ازاي
جاسر : يا عم اللواء توفي هو اللي قالي اطلع علي مكان حمدان في ادله ممكن نوصل ليها ونقبض عليه بالمره وان الطلعه دي هي اللي هتحدد الخائن
نادي : اه لو اللواء توفيق يعرف باسم توفي اللي بتقوله ده هيولع فيك ده عصبي جدا علي العموم هلبس بسرعه ونازل ليك
نزل نادر بسرعه وركبوا العربيه وانطلقوا
نادر : مش عارف ليه مش مرتاح للمهمه دي حاسس ان في حاجه غلط
جاسر : اول مره تقول كدا ولا انت خايف اكسبك المره دي في عدد اللي هقبض عليهم قول بقا انك خايف وهتخسر المره دي ابو الصحاب
ضحك نادر بشده : لا المره دي هتكون مختلفه ومميزه هتشوف يا صاحبي انا هعمل اي بقولك اي انت متصل بالقوات عشان لو في اي عوق
جاسر : عيب عليك تسال السؤال ده طبعا اكيد متواصل معاهم لسه مش ظامن الجو جوه عامل ازاي
نادر : تمام كويس اوي بقولك عايز اقولك علي خبر حلو اوي انت اول واحد هقوله ليك بعد اختي وعيالها وسلمي وأبوها
جاسر : اول واحد اه ده بعد العيله كلها والشارع كله صح فعلا اول واحد انا خدت الصدمه بجد
ضحك نادر : بص يا سيدي حاول تجهز البدله بتاعتك قريب بس عشان مفيش وقت عندنا
جاسر : يا نعم تقصد اي لا متقولش أمتي وازاي يا جدع ده انت قولت هناجل شويه حصل اي
نادر : فرحي اخر الاسبوع انا وسلمي متفقين وكويسين وبعدين معايا في القسم ف الموضوع قريب اوي بينا بعد ما خرجنا روحت لابوها واتفقت معاه وعرفت هدير وكلهم مبسوطين ومتحمسين جدا لليوم ده جهزت كروت الدعوه كمان
جاسر : كل ده وانا. اول واحد يعرف مش كدا يا شيخ حرام عليك بجد بس مش هتكلم معاك لسبب واحد بس وهو انك عريس ياض يا عريس هنشيلك وهنروقك
نادر : لا الله يخليك مش ناقص عايز استمتع بيومي حلو مش ناقص فضائح ف شرفوني وحياه ابوكم
جاسر : يا سلام ده من عونيا الاتنين يا صاحبي عندي اغلي منك انا يلا ننزل وصلنا
هز نادر رأسه ونزل
وصلو لمكان مهجور ومفيش فيه غير مخزن دخلو لمخزن تاجر المخدرات واول ما دخلو كأنهم كانو مستنيينهم بدأ كل واحد يحمي ظهر التاني ويضربو في الرجاله وكل ما بيخلصو عليهم بيكبرو عدد العصابه اكتر
نادر بابتسامه غريبه : بقولك يا جاسر كدا مش هنخلص انا هطلع علي فوق واكيد جزء هييجي ورايا وانت خليك تحت والجزء اللي ييجي وراك خلص عليه وانا هعمل كدا يلا سلام يا صاحبي
هز جاسر رأسه وبدأ يسمع تعليمات نادر بعد ما اتفرقو عن بعض عشان ينجزو المهمه طول ما نادر ماشي كأن بيخلص علي واحد واحد في العصابه
أما جاسر اول ما نزل تحت لقي عدد كبير مستنيه وفي ناس كتير جايه وراه من فوق حس أنه محاصر بس في لحظه اتغيرت نظرته للأمور وبدأ يخلص عليهم بذكاء
أما عند نادر كان بيوجه السلاح علي كل اللي حواليه وفي ثواني كان مخلص عليهم لحد ما اتصدم أن الاسلاح مش شغال وفي واحد من العصابه بيثبته وبييجي ظابط زميل نادر وبيخلص علي راجل العصابه بسرعه
نادر : تسلم يا ابو الصحاب متوقعتهاش منك ابدا بس جاي في وقتك تعبت يا جدع اااه عايز ارتاح شويه وراح قعد وطلع سجاره
كان جاسر سامعه بيتكلم مع حد حد من اللاسلكي وفجاه فضل ينادي عليه بعد ما سمع صوت عالي بس مكنش نادر بيرد عليه ابدا طلع يشوفه لقاه قاعد مبتسم وباصص لقدام
راح جاسر قعد جنبه
جاسر : اي يا عم مبتردش ليه انت خلصت علي اتنين بس ولا اي خايف تواجهني بالعدد العار ده اي يا عم ما ترد
فجاه طلعت قوات الشرطه بسرعه وحاصرت المكان
جاسر : شوفت بقا يا عم عيال اختك عندهم حق ازاي دايما الشرطه بتيجي متأخر في اي يا نادر فجاه وقع نادر والصدمه ان
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الخادمة وفرعون الصعيد)
