رواية الحربايه والثعبان الفصل الثاني والأربعون 42 بقلم منة محمد
رواية الحربايه والثعبان الجزء الثاني والأربعون
رواية الحربايه والثعبان البارت الثاني والأربعون
رواية الحربايه والثعبان الحلقة الثانية والأربعون
في منزل دعاء دخل مش طايق وأأعد وطلب من ميسر كوبايه ميه
دعاء: ايه الي حصل هناك يا ابيه؟؟!!
معمر بصلها ومره واحده زعق: بتسألي عن الي حصل, كل الي حصل غلطك, لما كل ده حصل كان لازم تقوليلي تفهميني يادعاء ,السكوت مش هيحل حاجه, عارفه حماتك المحترمه بنت الحسب والنسب ذلتني اد ايه, قالت لي اختك ع علاقه بجوز بنتي , من ايام الكليه ده غير علاقتها الكتير
ميسر: وانت ردت بأيه؟؟؟
معمر بقهره وعيونه نزلت دموع: انا معرفتش اتحمل كلامها ,عارف انها قالت كل ده عشان تنتقم مني ,وآمير مش عايز يطلق لكن اهله ضغطين عليه
ميسر: هيحصل ايه مفيش امل
معمر: هيحصل ايه مينفعش طلاق حاليا ,ودعاء مش هتخرج من هنا لحد ما يجي آمير واهله ياخدوها معززه مكرمه بكرامتها, وده قراري النهائي , اه خدي آميربعتلك الشيك ده معايا, انا لسه موجود ع وش الدنيا ومش هسمح لحد يذل كرامتك (دخل غرفته)
ميسر بصوت عالي : معني كدا هتخلل اختك وابنها في البيت طول حياتك, لان اهل جوزها عطوك اجابه واضحه, وهي مش منقوله لمكان
دعاء دخلت تبكي وبصت للشيك وحدفته في الدرج وميسر طلت بدماغها وقررت تسرقه منها
لكن متعرفش ان بعملتها زي دبور وزن ع خراب عشه!!!
…………..قصص منه محمد كاتب………….
في التراس
آمير: بابا ماما مراتي حامل
ناني بعدم تصديق: اكيد بتكدب ‘مبنش عليها وهي هنا ازاي حملت فجأه
آمير : مراتي مش بتكدب ‘اخدت معاد مع دكتوره النساء الاسبوع الي فات ‘ومتأكد انها حامل اعذروني
ناني: يعني مش هيتم الطلاق
رياض :يمكن ده حصل بمشيئه من الله
ناني: انت لسه متفائل
رياض: اسمعي لما يكون عندك امل في انقاذ علاقه جمال ورحاب, يبقي فيه امل ننقذ جواز آمير ودعاء فيه بينهم طفل
ناني: لايمكن تضغطوا عليا انت وابنك انها ترجع البيت , وانا متصلتش بسولا انقذ بين جمال ورحاب , اتصلت اشتكلها, وده بتم برغبه بنتك
رياض: وياتري كسبتي حاجه
ناني: لسه معرفش , بس سولا جايه بكره , ونشوف الي هيحصل
……………قصص منه محمد كاتب…………..
في منزل عائله جمال
سولا: ليه محكتليش كل الارف الي سمعته من ناني
جمال: وسمعتي ايه؟؟!!
سولا: انت هتلعب عليا مفكرني مش هعرف لو محكتليش
جمال: احكيلك اقولك ايه , وانتي مسافره امريكا, وكنت عارف انك هتعرفي , بس الطريقه الي عرفتي بيها كلها غلط, انا ودعاء مجرد زملاء كليه
سولا: جمال مكنش يصح تدي دعاء خاتم الماظ هديه , من غير ما تقول لمراتك
جمال: عاده رحاب بتكبر الامور بشكل غير طبيعي, كل الحكايه دعاء كانت زعلانه ضاع جواز سفرها وجوزها مأخدهاش معاه, ايه الغلط لو قررنا نحتفل سوي بعيد ميلادها
سولا: جمال مش دعاء دي نفس البنت الي ضربتك قدام الطلبه في الجامعه
جمال بضيق: مام انا نسيت كل ده من وقت طويل
سولا: مبقتش فاهمه حاجه , مش عارفه مين الصح ومين الغلط , ع اي حال هروحلهم بكره واتكلم معاهم
جمال: ليه تروحي لهم هيسيؤ ليكي من غير سبب, غير كدا الليدي رحاب مش هتبقي سعيده في العيشه معايا
سولا: هم مش ناس اغبياء ليه يسيؤا ليا من غير سبب , انا معلمتش حاجه انت ودعاء الغلطانين
جمال: مام بقولهالك للمره الاخيره وانتي عارفه انا مش بكدب انا مليش مشاعر ناحيه دعاء
سولا: معني كدا دعاء ندمت ع الي عملته لما اعتقدت انك بتحبها ‘بس عارف ياجيمي لوطلعت كداب وطلعت لسه بتحبها
جمال: انا مبحبهاش ابدا
سولا: يبقي تثبت ترجع مراتك اوكيه
جمال بينه وبين نفسه: هرجعها وهتحملها ’ بس مش هسكت غير لما دعاء تبقي ع ذمتي انا
…………..قصص منه محمد كاتب………
في بيت عائله آمير
سولا بأحراج: انا جايه ومكسوفه من الي حصل
رياض اتنهد بقهر: انا واثقت في جمال ‘واعتبرته بمثابه ابني
سولا: عارفه انه غلطان هو ابني لكن مستحيل اقف معاه في اخطائه ‘لكن هو قال ان دعاء صديقه حميمه وقريبه له من ايام الجامعه
رياض بضيق: فيه حد للصداقه احنا في مجتمع شرقي وليه يحتفل مع مراه ابني بعيد ميلادها ويقدملها هديه ويخبي الامر عن مراته
سولا: بعترف انه غلطان كان لازم يقدم الهديه لدعاء قدامكم كلكم ‘بس هو بيقول ان رحاب كانت هتضايق ‘وللسبب ده خاف
ناني: الموضوع مش مسأله هديه انا شوفتهم مع بعض في نص الليل بيطلب منها تعمله قهوة
سولا: انا آسفه ياناني بس دعاء كانت المفروض وقفته عند حده وكان ابنك يراقب مراته كان عارف ان جمال ودعاء قريبين وفيه بينهم مشاعر حب ايام الكليه
ناني: وده الي عرفته مأخرا مكناش نعرف ولا ابني يعرف
سولا: حكالي جمال انه كان في حياته بنت في الكليه وكان مزعوج لما رفضته مخباش عني اي حاجه لكن مقليش ان البنت دي هي دعاء وبعدين هو حب رحاب وجه طلب ايدها وقلت اكيد بيحبها وانا من كلامه عنها حسيت انه مايل لرحاب ونسي دعاء دي تماما ‘ليه بقي مش هيبقي مخلص لمراته الي اختارها بنفسه
ناني: اسمح لي بس الوضع كان مخالف جدا لكلامك كان اهتمامه موجهه ناحيه دعاء مش لرحاب
رحاب قربت: مفيش اشطر من دعاء في جذب ولفت انتباه الرجاله ‘وبصرف النظر عن جمال هي دخلت في علاقات كتير مع شباب في الكليه ’ ومش عارفه ليه آمير متجاهل كل الي بقوله عنها كل ده بسببها ‘لو اخد نهال
سولا: البنات الايام دول مش بيظهروا وشهم الحقيقي ‘جواهم بيبقي مختلف تماما عن الي بيظهروه لينا من بره, لكن يارحاب اوعدك ان جمال لو غلطان انا اول واحده هعاقبه
آمير كان واقف بره وسمع كل الحوار وقد ايه حس انه مغفل ودعاء ضحكت عليه
…………قصص منه محمد كاتب………….
قدام فيلا عائله جمال
جمال سحبه بعيد: انت بتعمل ايه هنا مش في الشركه ليه؟؟!
العامل: يابيه بنتي تعبت اوي ليله امبارح ولازم اخدها المستشفي وعايز فلوس للمساعده
جمال طلع من جيبه مبلغ: امسك
العامل باس الفلوس: الف شكر يابيه انت راجل طيب وكريم وبتخاف ربنا لما كنت بشتغل في المستشفي مكنتش باخد ربع الي باخده في شركتك ولا باخد اجازه لو بموت لو اخدت اجازه يخصموه من المرتب بس لما شوفتك كنت باب السعد عليا حياتي بقت معدن
جمال بضيق:متأخدش راحتك اوي, اخدت ثلاثه ايام اجازه في خلال اسبوع واحد , وطلبت فلوس مرتين, الشركه دي لمام مش ليا , وهي بتحب الانضباط
العامل : صدقني يابيه انا مش بهرب من الشغل, لو مش مضطر اخد اجازه , واظن قولت لي بنفسك لما اكون محتاج افتكر كلامك , اول مره اتقابلنا نخلص ع الست العيانه
جمال بغيظ : ايوه انا فاكر امشي يله , وانتظم من الساعه دي امشي
العامل ببتسامه سمجه: امرك يا بيه , هكون زي الالف من بكره
جمال: تمام امشي يله
في نفس اللحظه وقفت عربيه سولا ونزلت منها: مين ده؟؟!!
جمال: اه ده الحارس الي جبته للشركه
سولا: وكان هنا بيعمل ايه؟؟!!
جمال: كان بيتكلم معايا في امر مهم مروحتيش الشغل النهارده
سولا: الشغل محتاج ذهني صافي عشان اعرف اركز واشتغل انا حالتي متوتره مقدرتش اروح الشركه
جمال دخل وراها: مام ممكن حضرتك تقوليلي ايه الي متوتره بخصوصه؟!
سولا بنفعال: ازاي يعني متوترش انت مش ندمان ع غلطك لوشويه, ولاحاسس بالندم ع الي عملته
جمال ببرود مستفز :اندم ع ايه ’ ايه ذنبي في كل ده رحاب كانت عارفه ان انا ودعاء بيست فريند مقربين من زمان وانتي حكتلك ايوه عطيت الخاتم لدعاء وقولت لك عشان كانت زعلانه مش اكتر مش ذنبي لو خبت صداقتنا عن جوزها ده معناه ان هي عندها دافع خفي مش انا ولو عايز اعمل علاقه غراميه اسافر امريكا اعمل مساكنه هو مفيش الا دعاء الست الوحيده في العالم
سولا: لما دعاء اهانتك كنت لازم تحافظ ع المسافه بينها وبينك انت كان عندك زوجه وحياه مستقره بوظتها ‘حالا تروح معايا توضح كل حاجه وتعتذر لرحاب وتفرحها وترجعها للبيت هنا
جمال: لكن يامام
سولا قطعته: لو معملتش كدا , هنا هتأكد انك الجاني مش دعاء , وهواجهه العار قدام الكل بسببك ووقتها مش هسامحك ابدا
جمال: اسمعي مام
سولا وهي ماشيه: مش هسمع ولا كلمه
جمال ضرب الجدار بغيظ: اهي اتعصبت من غير سبب
………….قصص منه محمد كاتب…………….
قدام فيلا عائله جمال في العربيه
سامو بعد ما سمع: قررت تعمل ايه
جمال اخد نفس طويل من السيجاره وقاله: هو فيه فرصه عشان اقرر مقدميش اختيار تاني اوف انا مصدقت اتخلص منها ومن مللها لكن شوف رجعت لحياتي تاني عافيه
سامو: ماتسافر امريكا عند ابوك وبالطريقه دي تخلص من رحاب ومع الوقت امك هتنسي الموضوع كله
جمال: ده مش ممكن في الوقت الحالي كدا هبان الجاني الوحيد ودعاء هتقدر تقنعهم بالحقيقه لازم اكون جزء من اللعبه ع الاقل لحد ما آمير يطلق دعاء
سامو: وتدبس وترجع تعيش فتره تانيه مع رحاب
جمال: لازم وفي خلال الفتره دي هخليها تقول حقي برقبتي وهدمرها نهائي
سامو: حلو اوي وبالنسبه للراجل الي بيستغلك هتعمل معاه ايه
جمال: اه ده لازم اخلص منه بأي طريقه وخصا مش ماسك عليا غير انه فصل النور والكاميرات وبس اما القـ تل انا مموتهاش هي كانت ميته لما دخلت
سامو: ربنا معاك ياصاحبي ويطلعك من بلاويك ع خير
………..قصص منه محمد كاتب…………
في منزل عائله دعاء
معمر: دعاء هاتي الشيك
دعاء: الشيك معاك يا آبيه
معمر: معايا ازاي انا عطتهولك من يوميها انتي نسيتي
دعاء: اه صح افتكرت عطتهولي
ميسر بتوتر: وانت عايز تاخد منها الشيك ليه؟؟!!
معمر: عشان اسحب الفلوس احطهم في حسابها واجبلها مصروفها من فلوس جوزها
دعاء: ابيه
ميسر قطعتها بسرعه: يامعمر يمكن اختك مش عايزه تدهولك ولا متكونش عايزه فلوس من آمير
معمر: اولا دي فلوسها واتحطت مع مصروف آمير ليها ثانيه هي لحد اللحظه مراته يبقي حقها يصرف عليها
ميسر: ده بينها وبين جوزها لو حلو المشكله بينهم الفلوس هترجع في حسابه تاني مفيش داعي تصرف الشيك والي بتعوزه بتاخدوه مننا
معمر بص لدعاء : تمام سلام
دعاء: بقولك ايه ياميسر
ميسر: فيه ايه عايزه حاجه
دعاء: رايحه بكره للدكتوره استشاره وهعمل التحاليل الي طلبتها مني
ميسر: ماتروحي هو انا منعاكي ولا متقدريش تروحي لوحدك
دعاء: اقدر اروح لوحدي بس
ميسر: بس ايه عايزه فلوس
دعاء: ايوه اتحرجت اطلب من ابيه وهاتي من معاكي سلفه ع ما ادور ع الشيك واصرف الفلوس وارجعهملك
ميسر ارتبكت: وليه تقولي لمعمر انا موجوده هو معهوش وبيديني مرتبه وانا الي بحدد يتصرف فين لو عايزه تعيشي هنا اتحملي معانا هدخل اجبلك الفلوس
دعاء هنا اتأكدت انها هي الي سرقت الشيك بس هتسكت حاليا ولما يوصل داغر هو يفهم معمر كل حاجه مش وقته تفتح مشاكل لان عارفه هتفتح ابواب جهنم عليها حاليا
الروايا لمنه محمد كاتب
………………..قصص منه محمد كاتب…………….
في منزل عائله ميسر
امها دخلت بصوت عالي : يا الفت بت يا الفت , لحد امتي هتفضلي قافله ع نفسك, اوضتك
الفت خرجت: نعم يا ماما روحتي فين؟؟!!
امها: روحت مشوار بعيد سبيني اقعد اخد نفسي واقولك
الفت قعدت: ها روحتي فين؟؟!!
امها: روحت بيت خالتك
الفت ضمت حواجبها: خالتي ليه
امها: كنت بتكلم معاها في امر كدا, بس ايه حكايتك قفلتي ع نفسك من امبارح, لااكلتي ولا شربتي ,ولا سمعتيني, بتعاقبي نفسك , ولا بتعاقبيني
الفت بحزن: اتعودي ع كده, بعد كده حياتي هتعدي بالشكل ده
امها: بعيد الشر تقضي حياتك كدا ,يابنتي لازم تتحلي بالصبر مقدمناش غيره ,الناس بتتعاطف من الست الارمله لكن المطلقه بيخلوا حياتها جحيم , بيخلوها تتمني الموت, لازم ترضي بنصيبك , وانسي
الفت: ازاي يعني داغر هو حبي الوحيد ازاي انساه
امها: كان حبك بس مبقاش وطلقك ,ومفكرش لو دقيقه واحده فيكي وسابك, ليه تقهري روحك عليه انسيه
الفت بقهر: لو كان النسيان بالسهوله دي كنت نسيته قبل جوازي لما حب واحده تانيه
امها: اعملي الي معملتهوش زمان, لازم تنسيه وانسي امره , ها ناويه تعملي ايه بعد فتره عدتك
الفت: مش عارفه, بس عارفه لما تنتهي العده , هطلب منك انتي وميسر تتحملوا همي
امها: يابنتي انا لسه بقولك ايه ,وانتي بتقولي ايه ؟لسه برضو تفكيرك زي ماهو
الفت بعصبيه: انتي مش حاسه بالي بمر بيه
امها شخطت فيها: خليكي عاقله وفكري في مستقبلك, قدامك حياه كامله , وانتي لسه صغيره لو مش عايزه تفكري خليكي بس انا خلاص قررت الي هعمله عشان مستقبلك
الفت : مش فاهمه فكرتي في ايه
امها بمكر: هقولك لما يجي وقته المناسب
ولما يجي الوقت المناسب ده وقت هلاك الفت بطريقه بشعه..!!!!
…………..قصص منه محمد كاتب……………
في الجنينه
رحاب: انا اخدت قراري هرجع لجمال
آمير بنفعال: مستحيل , دعاء وجمال غلطوا سوي, لو دعاء مستحيل ترجع وتبقي جزء من العايله, يبقي يستحيل جمال يبقي جزء منها
رحاب بندفاع: جمال جريمته مش نفس ليفل دعاء
آمير: رحاب انتي في وعيك , حاسه بالكلام الي بتقوليه, ليه جمال كان مع دعاء
رحاب شوحت بعصبيه: انسوا جمال, واتكلموا بس عن دعاء , لانها هي سبب اتهام جمال
آمير: امال ليه عملتي ثوره, وضجه وانتي بنفسك اتهمتي جمال, انه حب مراتي ايام الكليه وامور تانيه
رحاب: وانتهي وخلص الحب هناك , بعد كده اتجوزني انا , ودعاء هي الي كانت بتشد جمال ناحيتها
آمير: رحاب بالنسبه لي جمال مذنب زيه زي دعاء بالظبط
ناني: وكانت دعاء بتغوي جمال ناحيتها , هي عايزه تخرب بيت بنتي, ومثلت علينا الادب والاحترام لهدف تاني
آمير: وده ذنب الست لوحدها , هي بس الي ليها شرف والراجل لاء
ناني: فيه فرق بين شرف الست وشرف الراجل
آمير بسخريه: ياسلام في شرع مين ده ها في شرع مين؟؟!!
رحاب: مامي بتتكلمي مع مين _شوحتله_ روح ارجع لمراتك ,الي جايه من بيئه متدنيه معدومه روحلها عديمه الشخصيه عديمه الشرف ,لانك بقيت مجنون في الحب معاها , العالم كله ممكن يغلط الا مراتك ملاك , عارف حتي لو خانتك قدام عنيك ولا هيحصل فرق بالنسبه لك
آمير طحن على أسنانه ورفع ايده يضربها : رحاااااب
ناني وقفت قدامه: آمير آمشي دلوقت
رحاب: نزل ايدك دي
آمير بصلها شويه وسابها ومشي مقهور
ناني: ازاي تكلمي اخوكي بالطريقه دي
رحاب بصوت شبهه باكي : ايه الغلط الي قولته , كل ده عشان غمض عيونه عنها , وانا بعاني بسببها كل ده عشان هيمـ وت ويتجوزها وبسببها بعد عني
ناني: كلامح مظبوط, بس اخوكي كل همه مصلحتك
رحاب بتحكم : بليز دي حياتي انا, وانا اخدت قراري بنفسي, عشان كدا لا انتي ولابابي ولا حتي آمير حقكم تملوني كلامكم, الي اعرفه لما آمير معرفش ياخد قرار بشكل سليم ,انا ميتحطش عليا قيود
…………..قصص منه محمد كاتب…………..
رياض بصلها وسأل: هو فيه ايه بين أمير ورحاب؟؟!!
ناني حكتله الي حصل من رحاب والرد عليه من آمير
رياض: آمير عنده حق في كل كلامه , مش شايف امل في العلاقه
ناني: ع الرغم من اخطاء دعاء الكتير انت وابنك بتطلبوا مننا دايما نتجاهلها
رياض بنفعال: فيه فرق شاسع بين الخطاء والخطيئه, ازاي ترضي ان بنتنا تعيش مع راجل مش صادق معاها
ناني: هو لو مكنش صادق كانت امه جات لحد هنا ,وكشفتلنا اكاذيب الكونتيسه دعاء, لكن جمال اعترف بكل حاجه بنفسه لـ امه ,والراجل معرض يغلط ويرجع للطريق السليم
رياض: انا مش متفق مع كل كلامك ده نهائي, انا بأي حال من الاحوال
ناني قطعته :رياض فكر ,قبل ما تاخد اي قرار ,دي حياه بنتنا والامر يهمها ازاي ندمر بيتها, لو هي نفسها عايزه تكمل معاه
رياض: وايه عن حياة آمير
ناني: هو هيتفهم هو عايز اخته سعيده
امال: ناني هانم جمال بيه قاعد بره
ناني: اوكيه جاين يا امال
رياض طلع هو وناني استقبلوهم بكل هدوء وترحاب عادي
سولا بهدوء: قلت اجي واجيب جمال معايا, رياض بيه اسمع منه وعقايه زي ما انت عايز
جمال: صدقني يا اونكل كل الي كان في قلبي ناحيه دعاء زمان نسيته, وجبت رحاب في حياتي
رياض بصله بضيق: لو كنت نسيت, ليه عطيت دعاء خاتم في السر , وليه كل تركيزك ع دعاء مش رحاب
جمال: الكلام ده مش صحيح اطلاقا, ليه اتجاهل رحاب بسبب دعاء, انا جيت عشت هنا عشان خاطر رحاب, وانا كنت قلقان من انفعال رحاب فاعطيت الخاتم لدعاء في السر , عشان متشكش فيا
ناني: كان لازم تعمل حدود مع علاقتك بدعاء, كل علاقه ليها حدودها الخاصه
جمال: انا دايما بهتم بحدودي ,عمري ما اتجاوزتها ابدا ياطنط, لكن ربما دعاء اتجاوزت الحد الخاص بيها ,والليله اياها كنت واقف بفهمها تحل مشاكلها بنفسها, لاني مش هقدر اساعدها كصديق لكن
رياض: لكن ايه
جمال بخبث: اعذرني مش هقدر اقول يا اونك, الله اعلم دعاء حصلها ايه , عمرها ما كانت كدا او ربما انا مقدرتش افهمها
رحاب دخلت وتدخلت في مجري الحوار: هي دايما كانت كده, خدعتك مش مره مرتين حاصرتك قبل سابق ودلوقت جذبتك ليها
جمال قام وقف قدامها ومسك ايدها ومثل الرجاء: رحاب من فضلك سامحيني , عارف ارتكبت غلطه كبيره فظيعه, بأني اتعاطفت مع دعاء بس كزميل, وللاسف خلتني في وضع المشكوك فيه قدامكم , بس توبه مش هعمل كده تاني ابدا, وعمري ما هيبقي فيه اتصال بينا هغير طريقي لو شوفتها قدامي في اي مكان , انا محروج قدامكم بسببها خلينا نرجع بيتنا انا ومام هنا عشان ناخدك, يله حبيبتي من فضلك
رحاب هزت له دماغها بأكبر ابتسامه دليل انها موافقه وسولا ارتاحت ورياض هز رأسه بضيق مش عجبه الوضع اطلاقا …… اما ناني فرحانه لكن متعرفش انها رجعت بنتها للجحيم الي هيدمر حياتها كليا
…………..قصص منه محمد كاتب………………..
دعاء بعد ما خلصت كشف والدكتوره كتبت لها ادويه فيتامين وقالت لها ارشادات انها محتاجه غذاء كامل وان صحتها ضعيفه وده بيشكل خطر ع صحه الجنين وانها لازم تهتم بنفسها وووالخ شكرتها ونزلت تتمشي لـ اقرب صيدليه في نفس اللحظه آمير راح عشان يلحقها هجمه صداع ركن ع جنب ونزل ودخل اقرب صيدليه يشتري مسكن دعاء دخلت وشافته وهو بصلها اوي وبسرعه كسر عيونه وهي راحت عليه تكلمه سابها ومشي ولا كأنه يعرفها ودعاء وقفت مكانها تاخد العلاج لكن آمير حس انه ازاي يسيبها كدا لوحدها في الشارع وهي شكلها تعبان وحامل كانت دعاء مشت ووقفت قدام محل تشتري ميه
الصوت من وراها: عايز علبه سجاير
دعاء سمعت الصوت لفت بسرعه ووسعت عيونها بفزع!!!!!
جمال ابتسم: دعاء بجد مفاجأه حلوه , انتي بتشتري ميه, تحبي اجبلك عصير
دعاء بغضب: غور من هنا
جمال: مقدرش اروح اي مكان, انا جاي عشانك ,وعارف انك كنتي عند دكتوره النساء وفاء كامل مش كدا
دعاء: يعني ماشي ورايا ع الخطوه
جمال: شكلك هفتان ايه الي حصلك انا بجد قلقان عليكي
آمير كان قرب: انت صح مين يقلق عليها اكتر منك
جمال بذهول: آمير
آمير: عارف كويس انك بتخون رحاب
دعاء:آمير
آمير وشه احمر وبعصبيه وعيونه سهام من نار: اسكتي (لفله ) خدعت رحاب , ولومت دعاء ع كل حاجه, بس شوفتكم انتم الاتنين مذنبين
دعاء صرخت فيه: لاء انا مش كدا سامع , مش كدا
آمير: اي مذنب بيعترف بذنبه قوليلي يادعاء , مبقاش عندي ذره ثقه فيكي( زقها بصوباعه بقسوه) انتي حطمتي ثقتي فيكي
دعاء بصوت موجوع اوي : شايفني مذنبه , شايفني خاينه , مفكر اني ع علاقه معاه في السر
آمير: ده الواضح من وجودكم سوي
دعاء: انا مليش اي علاقه معاه, ولا عمري كان ليا علاقه معاه, لازمان , ولا حتي دلوقت كام مره هقولهالك
جمال: انا آسف كنا ع علاقه سوي ايام الكليه
دعاء صرخت فيه: انت تخرس ياحيوان
جمال بضيق: جرالك ايه يا دعاء؟؟
دعاء: انت ايه رآيك مفكر دمرت استقراري في بيتي , بالكدب لايمكن تقدر تعمل كدا عارف ليه عشان انا عمري ما حسيت انه بيتي ,البيت مبني ع الثقه عايز كام دليل اقدمهولك يا آمير قولي عدد المبررات الي محتاجها اختك المغروره الي فضلت تعاملني بحتقار وتسلط وقله ادب وعمري ما اشتكتلك منها ومن اسلوبها الوضيع كنت باخدوه بكل هدوء, ولا استهزاء امك طول الوقت وتسلطها وتحكمها اتعاملت زي الخدامه وعمري ما اشتكتلك ابدا كنت بتدخل تلاقي دموعي سيول ع خدي وتسألني كنت بكدب واقولك مفيش حاجه مصدعه امي وحشاني وهكذا لكن عشان متعرفش كام مره اتهانت واتبهدلت واتحملت كل ده بس عشانك انت, ايه المطلوب مني عارف اتحملت كل الذل ده عشان بحبك
آمير: وانا حبيتك
دعاء: كله كدب قولت لك متهدنيش وقت ضعفي وهددتني ’ بدل ما تقف جنبي تدافع عني ’ وانا مفكره انك بتحبني , بس طلع كله كلام , مجرد كلام
آمير: لا مكتش كلام وانتي عارفه كويس
دعاء بستهزاء: يا آمير بيه الحب مبني ع ثقه وانت موثقتش فيا ذره
آمير بنبره مخنوقه: انتي غلطانه
دعاء بصوت مخنوق من كتر الالم : عادي منا ع طول في نظركم غلطانه, ايه الجديد, بس عارف ايه هو الجديد, ان دعاء البنت الطيبه الغلبانه المتحامله انتهت ومهما شوفتني في اي وضع مش هدي لحد اي مبرر لموقفي اعتبرتني ست مش محترمه بسبب الكائن ده رغم غرفتني من سنين طويله ايام مادخلت بيتنا وشوفت تربيتي , وعرفتني اكتر لما عشنا مع بعض فتره طويله’ لكن بتلومني وبتتهمني بسبب واحد غريب
آمير كشر وبان عليه التأثر ومسك دراعها : دعاء
دعاء شدت دراعها منه ودفعته بقسوة ع وري : مش محتاجه مسندتك انا مش ضعيفه , مش محتاجة دعمك, اقدر اهتم بنفسي كويس جدا, والايام الجايه هتثبتلك حتي ابني ههتم بيه وهطلعه احسن حد في الدنيا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
