رواية الحب الابدي الفصل السابع 7 بقلم إيمان محمد

رواية الحب الابدي الجزء السابع

رواية الحب الابدي البارت السابع

رواية الحب الابدي الحلقة السابعة

يبكون تميم وعمر خايفين وبيطلعوا يجروا على الاوضه وفجأة نجاة بتطلع قدامهم فى الضلمه وبتكون لبسه الجلابيه البيضه اللى دايما لبساها وشعرها بيكون منكوش وبتكون طالعه فى الضلمه والخيال بتاعها مخيف بسبب انى شعرها منكوش وبتكون طالعه عشان تشرب واول ما تميم وعمر بيشوفوها كدا بيترعبوا وبيكونا مايتين من الخوف لدرجه انى بيرموا نفسهم من الشباك بس الحمد لله بيكون تحتهم الجنينه وفيها حمام السباحة فبيقعوا فيه ومبيحصلهمش حاجة وبيكون تميم وعمر مايتين من الخوف وبيكلموا بعض وعمر بيقولوا فى شبح فى البيت
تميم . الله يرحمنا انهاردة شكلنا هنموت ده انا مشفتش الخوف ده فى المهمه
عمر. ماهو الإنسان مش بيخاف غير من الاشباح
تميم. يعنى احنا طلعلنا شبح دلوقتى
عمر . شكله شبح
بعدين بيكسر كلامهم صوت حد
وبتكون نجاة بتصوت لما شافتهم وقعوا من الشباك وبتصحى كل اللى فى الفيلا
سميه بتصحى وسيلين ومراد بيكون نام على كتف اسيل بيصحى وكل اللى فى البيت بيصحوا واسيل بتكون صاحيه ولما بتسمع الصوت بتطلع تشوف فى ايه
سميه. فى ايه يا نجاة
نجاة . تميم بيه وعمر بيه رموا نفسهم من الشباك دلوقتى
سميه. يالهووووووى
انتى بتقولى عملوا ايه
نجاة . رموا نفسهم من الشباك وبتكون بتقول الجمله دى وهى خايفه
سميه بتجرى على الشباك تشوف عيالها وبتلاقيهم فى حمام السباحة فبترتاح انى هما بخير
سيلين بتكون بتعيط اول ما سمعت الكلام اللى قالته نجاة بس اسيل بتقعد تهدى فيها وبتكون اسيل من جواها زعلانه عليهم وبتكون خايفه على عمر بس بتكون مش عارفه هى خايفه ليه بس بتقول يمكن عشان كان كويس معايا ولا بسبب انى فى عندى شويه اعجاب
اسيل . لا هما شويه اعجاب وراحوا ل حالهم خلاص يا اسيل
بعدين تميم وعمر بيطلعوا من الحمام السباحه وبيطلعوا عشان يغيروا هدومهم بيلاقوا كل البيت صاحى
سميه . بتجرى عليهم تحضنهم وبتقولهم انتوا بخير
تميم . بخير هو فى ايه اتجمعتوا كلكوا
سميه . سمعنا نجاة وهى بتصوت وقالت إنى انتوا رمتوا نفسكوا من الشباك
عمر. ده احنا كنا بنتدرب على حاجة
تميم . بيدخل فى الكدبه اه كنا بنتدرب على حاجة انتو صحيتوا ليه
سميه . بتدربوا على حاجة ترموا نفسكم من الشباك
تميم . متخافيش يا ست الكل واطلعى نامى دلوقتى
سميه. متعملوش كدا تانى
تميم . ماشي يلا بقى
احنا اسفين انى قلقاناكوا
سميه بتبوسهم وبتطلع وتقولهم ربنا يحميكوا ليا
وسيلين تميم وعمر بيحضنوها لانى بتكون بتعيط جدا وخايفه عليهم وبتقعد تزعقلهم انى هما عملوا كدا
عمر. خلاص متزعليش يا سيلوا هصلحك بكرة وايه ده
ده كله عياط اول مرة اعرف انك هتعيطى عليا وبيكون بيهزر
سيلين بتروح حاضنه خواتها وتقولهم انتوا لو عملتوا كدا تانى وحصلكم حاجه مش هسامحكوا
عمر بضحك هو وتميم خلاص يا سيلين متزعليش روحى نامى دلوقتى وبكرة نبقى نتكلم الوقت أتأخر وانتى وراكى دروس بدرى
سيلين تمام وبتسيبهم وبتمشي
اسيل . انتوا بخير
عمر . اه بخير
اسيل . طب انا طالعه دلوقتى هدخل مراد ينام وبعدين هروح انا انام
عمر . تمام
عمر وتميم بيطلعوا الاوضه بتاعتهم
تميم . تصدق انك لو مكدبتش كانوا هيعرفوا
عمر . هيعرفوا ايه
هو احنا كدبنا احنا كنا بنتدرب
معملناش حاجة واللى حفزنا نعمل كدا الشبح اللى طلعلنا
تميم . هو انت بتكدب الكدبه وتصدقها
عمر. لازم عشان محدش يعرف أننا كنا خايفين البرستيج يا ابنى ده انا كل الشركه بتخاف منى اجى اخاف انا من شبح👻
بس انت دخلت فى المووود على طول اخويا يا تيمو بمعنى الكلمه
تميم ماشي يا ميرو هنام دلوقتى ازاى
عمر . يلا ننام ونمسك ايد بعض والشبح لو طلع لحد فينا نبقى نعمل اللى عملناه تانى
تميم. على فكرة ده مكنش شبح
عمر . اومال
تميم. كانت نجاة
عمر . بتهزر هو ده منظر ده انا فكرتها شبح من النوع اللى مش بيطلع من الجسم ابدا ده انا كنت هموت بسببها
الحمدلله كان فى حمام سباحه
وده كله واسيل سامعاهم وميته على نفسها من الضحك
وبتروح تنام عشان هتصحى بدرى تدى الدواء لاخوها
#الكاتبه_ايمان_محمد ( ايمو ) Eman Mohamed
عايزة تفاعل😊
عمر بيكون نايم هو وتميم وبعدين بيصحوا عشان الشغل
عمر . صباح الخير
تميم . صباح النور
عامل ايه النهاردة
عمر . مش عايز اشوف نجاة خالص انهاردة لحد ما انسي منظرها
تميم . والله وانا
خلاص ايه رايك نطلع نفطر بره النهاردة
عمر . فكرة كويسه يلا
بيلبسوا وبينزلوا
سميه . يلا ياعشان تفطروا ي ولاد
تميم . هنفطر برة النهاردة يا ست الكل
عمر بيكون نازل ولابس جاكيت اسود
وتشيرت ابيض وبيكون فى قمه الاناقه
اسيل بتكون بتلبس عشان هتروح الكليه
فبتنزل اسيل وبتكون لابسه خمار وبتكون لفاه بطريقه جديدة ومن غير ميكب وبيكون الخمار اسود مع بشرتها البيضه بتكون فى قمه الخيال
وبتنزل وبتكون مستعجله عشان متتاخرش على الكليه
بتروح تدى الدواء لاخوها
زين . انتى بتتعبى يا اسيل شغاله والكليه وانتى لسا مبداتيش شغل بمعنى الكلمه هتنظمى وقتك ازاى
اسيل . سيبك انت عامل ايه انهاردة يا عسل يا قمورى
زين . الحمد لله حاسس بتحسن
اسيل . طب الحمد لله
انا دلوقتى رايحه لمراد وبعدين هروح الكليه ماشي
وبتروح عشان تضحك مراد شويه وتقوله لما ارجع من الكليه هبقي اجى اقعد معاك يا عسل
مراد . بيكون حابب اسيل جدا والكل مستغرب هو ليه حبيبها كدا
هنعرف ليه مع الاحداث
اسيل بتيجى نازله بتخبط فى عمر وبتكون هتقع بس بيمسكها
وبتيجى عيونهم فى عيون بعض وبيفضلوا سرحانين شويه
تميم . ايه يا عمر ده كله وبتقول انا نازل
عمر . نا نازل اهو ثانيه واحده
عمر . انتى رايحه فين
اسيل . رايحه الكليه
عمر . هتروحى ازاى هتركبى تاكسي
اسيل . ايوة
عمر . لا تعالى هنوصلك
اسيل . لاشكرا هروح لوحدى
اسيل . بتكون عايزة تروح لانى هى متأخرة بس عزة نفسها
عمر. لا تعالى هنوصلك فى طريقنا
اسيل . خلاص ماشي
بتروح اسيل عشان تركب معاهم
وبعدين وهما فى الطريق تميم بيسال اسيل انتى فى سنه كام
اسيل. انا دى اخر سنه إن شاء الله
تميم . ربنا معاكى
بيكون . تميم مركز على اسيل طول الطريق وبيكون مركز فى عيونها جدا وبيكون عمر زهقان انى اخوه بيكلمها وبيتقرب ويحاول يفتح مواضيع
عمر . خلاص يا تميم اسئله عشان انا متشتش فى السواقه
تميم. ماشي ركز فى السواقه
عمر وقف العربيه واسيل نزلت وقبل ما تنزل تميم سألها هى بنات بس
اسيل . لا بنات على صبيان
تميم. طب اجى اشوفلى بنت يمكن تعجبنى
اسيل . لا
ولازم بطاقه لدخول الكليه يكون مكتوب عليها اسمك
تميم . يا خسارة
طيب سلام دلوقتى
اسيل . سلام
عمر . استنى يا اسيل انتى هتطلعى الساعه كام
اسيل . ليه
عمر . عشان هاجى اخدك
اسيل . لا متشغلش نفسك ……حضرتك كفايه انك وصلتنى
عمر . ممكن بلاش حضرتك دى انا حاسس انى عجوز هو انا اكبر منك ب٧٠ سنه
اسيل . هقولك ايه
عمر. قولى عمر عادى
اسيل . ماشي يا عمر بتسيبه وبتمشي
عمر اول ما بيسمع اسمعه من اسيل بيكون فرحان بس مش عارف هو فرحان ليه
تميم . شكلك هتحب تانى ياخويا إن شاء الله يكون تفكيرى صح
اسيل بنت باين عليها انى هى طيبه إن شاء الله ده لو حصل هتسعدك مش هتخدعك زى التانيه
بيكون تميم فرحان من انى اخوه هيبدأ يرجع زى زمان
لانى بيكون اول مرة من بعد زمن يشوفه كدا زى امبارح دايما كان مكتئب بسبب الخداع بتاع حبه الاول
وبيحس انى اسيل هى اللى طلعته من المووود ده ومعدش بيتعصب كتير
عمر .ايه مش هنفطر ولا ايه
تميم . يلا سوق خلينا نروح مطعم
عمر . تعالى انت سوق انا ايدى وجعتنى
تميم. ادلع بس يلا مش مهم هاجى اسوق
عمر . بيروح على كرسي تانى وتميم بيسوق وبيروحوا المطعم