رواية الجواز مش آخر الدنيا الفصل الثاني 2 بقلم ندى سعد

رواية الجواز مش آخر الدنيا الجزء الثاني

رواية الجواز مش آخر الدنيا البارت الثاني

رواية الجواز مش آخر الدنيا الحلقة الثانية

عدل قعدتهُ لما حس بيا ، مش عارفه خد باله وهو سرحان ازاى
اكتفيت بابتسامة واتكلمت
=مقصدش الازعاج انا ندي صاحبت اختك انت محمد صح بص ولا اكني اتكلمت عذراً ع الازعاج
دخلت مكاني تاني وقفلت الشيش ووقفت مكاني شويه حاسه بتوتر ولغبطه مش عارفه فيه ايه فصل الاغنيه وشكله دخل
•قفلت الشيش ليه
اتكلمت وهي بتفتح النور
=شكلي رخمت ع اخوكي
عملتي ايه
=ولا حاجه اتطفلت عليه شويه
ضحكت لما حكيت الموقف
•ولا اي حاجه ، لو حابة تقعدي مع ماما بره هتحبي الجو ولو محمد قعد هتلاقيه اتعامل عادي جدا
=مره تانيه مش عايزه اتاخر
•انتي لسه جايه ياندي ومش هسيبك تمشي بسهوله
طلعت قعد معاهم بره كانت اول مره لان مش متعوده اروح لـ نسمه خالص
مامت نسمه اتكلمت
عامله ايه مع خطيبگ
بصيتلها بصه طويله مش عارفه اقول تمام ولا اطلع اللي ف قلبي انا محتاجه اتكلم
ايه السكوت ده شكله مطلع عينك
•ياماما سيبيها
=الصراحه ياطنط حساني مش مرتاحه ، شوفتي شويه الضحك اللي ضحكتهم دول نسيتهم من ساعت ما لبست الدبله دي
شاورت ع ايدي
=مصطفي كويس بس قافل ع نفسه جامد شخصيته مش ماشيه معايه انا بحب الضحك واتكلم مع قريبي ولمت صحابي دي حياه بالنسبه ليا صله رحمه وموده
هو ده كله لا ماما بتقول بعد الجواز هيتغير بس ده شى مش مضمون
•طب ومستعجله ع الجواز ليه انتي لسه صغيره
=ياطنط دي سُنت الحياه كتير قدي واتجوزو
•مترميش نفسك عشان تسابقي اللي قدك الانسان بيتجوز عشان الاستقرار ويلاقي شريك حياه يعينهُ ع الحياه ، مش هو والحياه يبقوا تُقال ع قلبك.
اتكلم بصوته الرجولي لتاني مره وهو جاي من اخر الصاله
-مش عايز ادخل بس مش هعرف امنع نفسي مقولش رأي
•بالله بلاش يامحمد انت بتاع حقوق المرأة هتخليها تفشكل مش عايزين نبقي السبب
=سيبه يانسمه عايزه اسمعه القرار قراري ف الاخر
قعد قصادي وبدا يتكلم
-بالله سمعته دلوقتي مينفعش ينطبق عليكي
اللي هو مينفعش اجيب ورده واحطها فـ قلب الصحراء واستني ان كل يوم الجو يمطر هلاقي بعد كام يوم الورده دبلت
طب ليه من الاول ليه الورده من الاول متتحطش جانب باقي الورد وتسقي زيهم كل يوم
ابتسمت تلقائي فهـمت معني كلام نسمه عليه
-انتي زي نسمه وانصحك تمشي وراء احساسگ ومتمشيش ف طريق مش ضامنه ف اخره هيطلع ايه!
=شكرا لكلمكم بجد شجعتوني اعمل حاجه خايفه اعملها
خايفه اسيبه ميجيش غيرو ، وخايفه بعد الجواز يقفل عليه اكتر ومعرفش اطلق سهلتولي الطريق
•انتي لسه صغير وبتدرس عيشي حياتك يابنتي
قومت وقفت
=مضطره امشي متاخره وشكرا بجد
اتكلمت مامت نسمه
•هستناكي مره تاني
=بإذن الله
خلال اسبوع كنت فسخت الخطوبه
اقدر اقول قلبي ارتاح
محدش من اهلي قالي لا بل قالولي انتي لسه صغير وهيجيلك الاحسن قرارت اركز ف درستي ع الاقل اخلص ثانوي الممله دي
*******
بسرعه كده بقينا ف تالته وقرب الامتحانات
يارتني اتجوزت احسن ليا من الزهق ده
•ندي قومي روحي
قطعت كلامها
=هو محمد هنا
•ايوا اشمعنا
=ريحت القهوه طلعت عشان كده سالت ، اتعود ع ريحتها من كتر معظم الاوقات اللي باجي فيها ويصادف انه يعملها
•من ساعت مادخل الجامعه وهو بيحبها واتعود عليها
بصيتلها بعيون بريئه
=ممكن اطلب طلب
•ايه
=ممكن تقولي لـ محمد يعملنا قهوه نفسي اجربها اوي منهُ
رفعت حاجبها
•عمرك ماشربتيها
=نفسي اشربها دلوقتي
•بس مجربتش اقول اعملها معرفش ، بصي هاقول لـ ماما تعملنا
=بس شميت بتاعت مامتگ ريحتها غير بتاعت اخوكي
قلبت عيوني زي القطط
=كده شغل اغنيه كده قعد ف البلكونه ، ممكن افتح الشيش واطلب منهُ انا
اتنهدت وهي بتقول
• ما باليد حايله جربي
دخلت البلكونه لقيته واقف قدام الصاله بالظبط وظهره ناحيتي فجاه لقيتهُ بصيلي ، حسين بنفس اللغبطه بتاعت اول مره شوفته فيه
سكت متكلمتش ع طول
ابتسملي
-اتفضلي
بصيت ع الارض وانا بتكلم فصل الاغنيه ف شجعت اتكلمت
=هي مش وقاحه بس نفسي اشرب من القهوه اللي حضرتگ بتعملها ممكن يعني …يعني تخليني اجربها
استغربت بابتسامته اللي زادت
مد ايديه ع الصينيه فوق التربيزه وناولني فنجان صغير مليانه لون بني هي دي القهوه شميتها لسه سُخنه ريحتها ذكيه
=بس كنت عاملها لـ طنط ولا ايه لو كده مش لازم
-لا ياندي ، انا هعملها واحده غيرها
سيبته بعد ماشكرته وقعد قدام نسمه
وبفكر ف موقف محمد زانا بدوق اول بوق من فنجان القهوه
~ندي اسمي بقي لي طعم زي طعم القهوه بس ع وش الفنجان وضحكت
•انتي اتجننتي ولا ايه ياندي ، مش مرتاحه للبسمه دي
=طعم القهوه بس بيدي انتعاش
غمزتلي وهى بتكلم
-طب خلينا نكمل مذاكره ونسيبنا من المرقعه
=اخلص القهوه الاول طعمها مزاج بجد
سندت خدها بايدها
-وايه كمان يا سنيوريتا
=تحسي انها بتزغزغ قلبك كده يانسمه
-اها زغزغه ، طب ماتخليني ادوقها واشوف حوار ازغزغه دي
=بت خليكي ف كتابك
-بقيت كده
سيبت الفنجان ع جانب لما لقيتها هضربني بالمخده وبدانا نضرب بعض بالمخدات ونضحك وقلوبنا خاليه من اي هم
*******
=صحيتيني من احلها نومه
بتصحيني ليه واي كم المكالمات دي
-ندي فوقي معايا كده وشوفي اللي حصل