رواية الجريمة الغامضة الفصل الرابع 4 بقلم عادل عبدالله
رواية الجريمة الغامضة البارت الرابع
رواية الجريمة الغامضة الجزء الرابع
رواية الجريمة الغامضة الحلقة الرابعة
بقلمي/ عادل عبد الله
فتحي : مش فاهم يا بيه ؟
الضابط سليمان : مش انت كنت ماشي معاها ولا فاكرنا منعرفش ؟
فتحي : انا مش بتاع الحاجات دي يا بيه .
وفجأة دخل احد الضباط المعاونين مقاطعا سليمان بيه قائلا : سليمان بيه في مفاجأة هتقلب القضية رأسا علي عقب .
: خير فيه ايه ؟
: تقرير الطبيب الشرعي اثبت ان كل المجني عليهم اتقتلوا بنفس السلاح وبيرجح ان الجاني شخص واحد !!!
: معقول شخص واحد يقدر يقتل ٨ اشخاص وفي بيتهم وهما صاحيين مش نايمين !!! ده اكيد انسان مش طبيعي !!!
: والاغرب كمان يا فندم ان السكين المستخدمة في ارتكاب الجريمة سكين جزارة ومفيش علبها الا بصمات المعلم عطية بس !!
هنا قاطعهم فتحي قائلا : يبقي هو اللي قتلهم وانتحر .
رد سليمان بيه : متتكلمش الا لما أذنلك . ثم قال للضابط المعاون : لأ دي مش غريبة ولا حاجة ، سكين الجزارة ممكن تكون مع اي حد مش شرط يكون جزار وممكن لما ينتهي من جريمته يمسح كل البصمات من عليها ويحط بصمات جثة اي قتيل منهم عليها .
ثم وجه سليمان بيه حديثه لفتحي : عملت كل ده لوحدك يا فتحي ؟؟
: عملت ايه يا بيه ؟
: قتلت العيلة كلها لوحدك !!! ده انت جبروت !!!
: يا بيه انا مقتلتش حد .
: اومال مين يا فتحي يقدر يقتل العيلة دي كلها لوحده غيرك .
: يا بيه انا هقتلهم ليه ولزاي ؟ مفيش مشكلة بينا علشان اعمل كده .
: مش يمكن المعلم عرف علاقتك بمراته ؟
: علاقة ايه يا بيه ؟
: انت هتستعبط يا فتحي !! كل الناس عارفين علاقتك بمديحة .
: يا بيه الكلام ده كدب .
: كل الناس هتكدب يا فتحي ؟؟!! و لو هفترض اني صدقتك اشمعني انت اللي طلعوا عليك الكدبة دي ؟
: يا بيه الست دي شمال و الناس كلها عارفة وبيطلعوا عليها كلام مع كل رجالة الحتة مش انا بس .
: لكن انت بالذات يا فتحي الناس كلهم اجمعوا علي انك كنت علي علاقة بالست دي ، ده غير اننا عرفنا ان لك علاقات بستات كتير .
: يا بيه انا مش هنكر اني اعرف ستات كتير انما مديحة لأ ، وحتي يا بيه لو انا علي علاقة بيها هقتل العيلة كلها ليه ؟ ولو جوزها عرف بغلاقتنا مين اللي هيبقي عاوز يقتل التاني انا ولا هو ؟؟ اكيد هو اللي هيبقي عاوز يقتلني .
: علشان تتغدي بيه قبل ما يتعشي بيك .
: حتي لو كلامك سليم هقتل العيلة كلها ليه ؟ الحادثة دي بره عني .
: تعرف عوكل ابن المعلم عطية ؟
: ايوه طبعا اعرفه .
: وعارف طبعا انه بيتاجر في المخدرات ؟
: ايوه يا بيه ما كل الناس عارفين .
: اكيد بقي حصلت مشكلة بينك وبينه علي صفقة او علي زباين .
: يا بيه انا واخواتي بعيد عن المخدرات خالص .
: ازاي يا فتحي !! ده اخوك اتعمله قضية قبل كده واتحبس ؟
: دي كانت غلطة وزة شيطان زي ما بيقولوا ومش اتكررت تاني .
: انا عارف يا فتحي انك بتكدب وبتاجر في المخدرات واوعدك انك لو خرجت من القضية دي هثبت عليك تجارة المخدرات وهسجنك .
: يا سعادة البيه زي ما قولت لحضرتك احنا بعيد عن المخدرات خالص .
: طيب يا فتحي كفاية عليك كده النهاردة تقدر تروح لكن هحتاجلك في التحقيق تاني وهبعتلك .
: تحت امرك يا فندم .
وبعد انصراف فتحي وجه الضابط سليمان كلامه للضابط هشام …
: ايه رأيك يا هشام ؟ تفتكر مين اللي عمل الجريمة دي ؟
: لسه يا سليمان بيه مش قادر احدد لكن انا شكي الاكتر في هيما صبي المعلم وفي فتحي اللي لسه ماشي دلوقتي، وسعادتك قدرت توصل للقاتل ؟
: بالنسبة لفتحي ده انا استبعدته خلاص .
: ليه يا فندم ؟ بقلمي/ عادل عبد الله
: اللي زي فتحي ده معلم و متصيت ولو حصلت مشكلة بينه وبين حد ممكن يعلم عليه او يقتله في الشارع علشان يتصيت زيادة ، انما مش هيفكر يقتل العيلة كلها ويخطط ويدبر لجريمة بالشكل ده .
: كلامك منطقي فعلا يا فندم ، طيب بالنسبة لهيما ؟
: هيما ده اعتقد صعب يقوم بجريمة زي كده لوحده وبعدين مفيش عنده الدافع لارتكابها ، هو بيشغل عند المعلم من زمان وكلامه بيقول انه مخلص له .
: حضرتك نسيت ان في كلام ان هيما علي علاقة بمرات المعلم ؟
: لأ مش نسيت ، لكن حتي لو هو علي علاقة بمديحة وعاوز يتخلص من المعلم كان ممكن يتخلص منه بمساعدتها مش يقتل العيلة كلها .
: يعني معني كده انك استبعدت هيما كمان من الشك ؟
: لسه شوية لكن هو في اخر قايمة الشك .
: اومال مين يا فندم اللي في مقدمة قايمة الشك ؟
: بص يا هشام لو لاحظت ان المجني عليهم كلهم وقت الجريمة كانوا بملابس البيت ما عدا عطية وابنه بسام كانوا بهدوم الشارع .
: ايوه يا فندم وده معناه ايه ؟
: ده نعناه ان عطية وابنه بسام كانوا لسه داخلين البيت وقت الجريمة او انهم كانوا هيخرجوا من البيت مع بعض .
: تمام وبعدين ؟
: ومش عاوزين ننسي ان البصمات الوحيدة اللي موجودة علي اداة الجريمة هي بصمات المعلم عطية نفسه .
: تمام .
: يبقي في ٣ احتمالات الاول ان يكون اللي قام بالجريمة المعلم عطية نفسه او ابنه بسام وبعدها انتحر والاحتمال التاني ان يكون اللي قام بالجريمة حد من طرف بسام كان عاوز يقتله و دخل قتل العيلة كلها والاحتمال الثالت ان ارتكاب الجريمة كان بدافع الانتقام من العيلة بالكامل .
: تعرف يا فندم اكتر حاجة منكن تساعدنا في حل اللغز ده ايه ؟
: قول يا هشام . بقلمي/ عادل عبد الله
: لو عرفنا مين اللي قفل باب البيت بالسلسلة الحديد .
: صح يا هشام ، احنا لازم نوصل للي قفل باب البيت لأنه هيوضح لنا الصورة بشكل اكبر ، وكمان عاوزين نعرف كل واحد من الضحايا دخل الليت امتي بالظبط يوم الحادث .
: طيب يا فندم سيبلي الموضوع ده بكره الصبح بالكتير هيكون كل ده قدام سيادتك ، حضرتك دلوقتي محتاج تروح تنام شوية علشان تعب طول اليوم ده غير ان بكره عندنا شغل كتير في القضية دي .
في اليوم التالي صباحا دخل الضابط هشام علي الضابط سليمان قائلا : صباح الجير يا فندم ،جبت لسيادتك كل المعلومات اللي حضرتك طلبتها .
: صباح النور يا هشام ، قول انا في انتظارك .
: اولا سعدية مرات المعلم مش خرجت من البيت يوم الحادث ومديحة مراته التانية نزلت الصبح للسوق ورجعت بعد ساعة ومش خرجت تاني اما زينة بنته رجعت حوالي الساعة ٥ بعد العصر من الجامعة ومش خرجت بعدها ، سيد ابن المعلم ترك المحل الساعة ٤ العصر وراح مشوار ورجع علي البيت الساعة حوالي ٦ بعد المغرب ، اما المعلم عطية وخميس خلصوا شغلهم في المحل وقفلوا وبعتوا هيما صبيهم باللحمة بتاعت البيت وراحوا قعدوا علي القهوة حوالي الساعة ٨ مساء ، الساعة حوالي ٩ خميس ترك ابوه علي القهوة وروح البيت ، اما عوكل طول اليوم كان بيخرج ويرجع البيت واخر مرة دخل البيت كانت حوالي الساعة ٩ ونص وكان واضح عليه انه شارب مخدرات بكمية كبيرة ، المعلم عطية مشي من القهوة و رجع البيت حوالي الساعة ١٠ ونص ، اما بسام كان اخر واحد دخل البيت كانت حوالي الساعة ١١ وبعد ما دخل قفل الباب بالسلسلة الحديد وبعدها مفيش حد ظهر منهم . ولما سألنا الجيران قالوا ان مابين الساعة ١٠ ونص و١١ سمعوا صوت زعيق وصراخ من بيت المعلم لكنهم مش اهتموا لأن كان معروف عن عيلتهم انهم دايما صوتهم عالي وبيتخانقوا مع بعض كتير .
: معلومات مهمة جدا يا هشام اكيد هتفيدنا في القضية .
: كله بتوجيهات سيادتك .
: طيب بعد المعلومات دي عاوز اعرف فكرتك عن الجريمة يا هشام .
: اولا المعلم عطية دخل البيت الساعة ١٠ ونص وفضل بهدوم الشارع يبقي اكيد الجريمة تمت بعدها بدقايق معدودة ومعني كده ان فكرة ان بسام ارتكب الجريمة وانتحر او ان اللي قام بالجريمة ارتكبها بسبب بسام فكرة مرفوضة .
: تمام صح انت كده .
: لكن فرضية ان المعلم عطية هو اللي قتل عيلته وانتحر لسه موجودة . لكن بردو فرضية ان هيما له علاقة بالجريمة لسه موجودة .
: تمام يا هشام ، بس تفتكر ازاي الجريمة قام بيها شخص واحد ويقتل العدد الكبير ده وخصوصا ان
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الجريمة الغامضة)
